在上環返工都有兩個月，同事介紹這間餐廳，環境是簡約幾舒服，試過十分滿意。兩女一男，點左3個晚餐share食，餐單評語如下:

頭盤

煎鵝肝配肉桂青蘋果 - 好特別，煎鵝肝就食得多，但係夾青蘋果都係第一次，鵝肝煎得外脆內軟入口即溶，而青蘋果的甜同肉桂汁的香配埋，反而令鵝肝無咁油膩好正。

法式白酒煮藍貝- 藍貝的鮮甜加上超濃的海水味，我們還以為加入了大量的海鹽，一問之下才知道是完全沒有加鹽，藍貝非常新鮮肉質一點也不硬.

帶子新薯伴荷蘭汁 - 帶子十分大隻，份量啱啱好一人一隻，荷蘭汁原來是egg benedit的汁，酸酸地十分醒胃。


主菜

炭燒和牛拼虎蝦 - 雖然是澳洲的，但同日本的分別不大，終於感受到雜誌報紙所講的油花，肉質很嫩，而且要求要5成熟就真係5成，旁邊的薰衣草汁入口很香，估唔到同牛咁夾。

意大利火腿卷安康魚扒 - 一個大碟內蔬菜最上面是魚。魚用意大利火腿製法焗過，外面脆而又能夠保持入面嫩，沒有過熟鞋口的程況出現。其實我覺得個汁至係靈魂所在，唔太酸很濃，同個魚很夾，很fresh，食得出廚師有用心機去諗同煮，唔同有ｄ蘇豪餐廳求其煎下舊魚加ｄ瓜菜就算。


侍應當晚還推介"法國睡蟹" - 隻蟹有1.5kg,,,好大隻，因為係活生生的($528-)，但肉質真係好好，超級鮮甜，我以前都食過呢d蟹，但呢一隻真係當你一放入口就知道係新鮮到你估唔到咁好味，很fresh!


呢間餐廳伴碟都用ｄ貴價的沙律菜，都相當有誠意。用料必定是一級的貨源

食完３個頭盤同主菜都已經覺得好飽，但係無論點飽都食得落甜品！


甜品

TIRAMISU - 好正宗富酒香，最鍾意佢用的黑朱古力，甜甜地無咁苦。

Panna Cotta意大利奶凍 - 雖然細細杯，但上面舖滿blue berry 同士多啤梨，好香的椰子味，好味。

焗朱古力軟心蛋糕 - 我的至愛，濃濃的朱古力味又夠熱，夾埋冰凍的雪糕就最正。


我對呢間餐廳的服務水平很滿意員工有禮 食物上枱的時間及擺放用具的位置十分專業 這亦是可推介給朋友的理由~

今個月生日, 老公原本打算上星期日帶我去慶祝, 點知無book枱, 明明寫星期日都開, 但點知唔開門, 令到我哋好失望。
於是星期三又再去。因要留肚食甜品, 所以只點了一款前菜: 白汁清酒煮青口, 青口殼大但肉較細, 不過好滑亦鮮味, 配上麵包及焗原個蒜頭, 個焗蒜好特別, 第一次試, 麵包都好味。
餐湯選了龍蝦湯及一個好似豆味的黑松露湯, 龍蝦湯做得很好, 味很濃, 但豆味黑松露湯味道很普通, 相對就不太好味!
主菜選了侍應極力推介的頂級肉眼扒及黑豚肉, 2個主菜都很好味, 有肉味又很滑及多汁, 令人回味!
甜品點了心太軟及梳乎里, 個梳乎里很好味, 但心太軟就心不軟, 內裡還有一粒凍的朱古力心, 通知侍應, 才發現個爐剛剛壞咗, 因為我哋都識自己做心太軟, 食得出用料不錯, 所以都無計較。
最後埋單時才知道openrice有優惠可以7折, 個侍應又唔早啲講, 最後用信用咭都有8折!
主菜~$180 - $400 ; 加 前菜、湯 及甜品 + $160, ( 3選2加$120)

上星期與朋友慶祝生日，在Openrice看見很多不錯的評價又有優惠，便選了這裡。

我們4人選了前菜，餐湯和主菜的配搭。法國麵包很熱很新鮮，第一次吃麵包塗原顆的焗蒜頭蓉，十分滋味，我們要求再添。前菜選了我最愛的香煎鵝肝，皮脆內軟，回味無窮。餐湯選了龍蝦湯，一樣鮮甜香濃。主菜的炭烤黑豚肉， 第一次吃，肉身爽嫩，烤得恰到好處，不俗不俗。

環境清靜，店員親切有禮。下次會再來。

用這個標題都幾奇怪，但感覺就是這樣
初次踏足柏廷坊

午餐menu 選擇不多，其實都唔緊要o既
要了那個fish steak 甚麼的

standard 先來的麵包，的確不錯的了
魚來喇~ 就是中式吃法始終唔會有呢種咁清爽甜美o既味覺享受。分量雖少(咁呢類菜係人都知係咁)，但味道應該才是重點
薯塊少少濕，很好吃

daily dessert 是不記得甚麼的cheese cake，好像是tofu
甜味絕對不重，但又係有種refresh o既味道，少少酸

整體上我都幾滿意喔，服務環境都符合呢個價錢水平

哩排因為生日關係
都多左幾個飯局
今日就同朋友去左食法國菜
係佢係OPENRICE 見Ｄ人評價唔錯就話去試
我當時見幾貴都話唔去架
但佢話一年一次
都去左
係上環
去到個陣都係７點鐘得一圍檯人
安排左我地坐窗邊（但實際係睇唔到景既，間餐廳係私房菜感覺）
佈置是幾優雅舒服
燈光較暗，每個檯面有個紅色少少燭光
坐低，有個女侍應拉凳及幚你鋪餐巾
然後遞ＭＥＮＵ俾你
之後就行開左
因為我同朋友都唔知食咩好
所以就叫左佢介紹
個女侍應好細心同我地講解個餐牌
同埋有咩推薦
原來係要揀左個ＭＡＩＮＣＯＵＳＥ先
之後加錢就可以轉ＳＥＴ
我地就揀左：

前菜：

鵝肝： 煎得岩岩好，明日到咩叫做入口即溶，口中”ｌａｕ”油既滋味，佢份量不多，約３隻手指拼埋左右，以前菜來講都幾足夠，鵝肝下面墊住一片肉桂青蘋果，入口感覺清新香甜，配搭十分適宜。

帶子黑松露芹菜： 帶子大粒且頗鮮甜，伴以薯蓉作底，ｐｒｅｆｅｃｔ，但味道較淡，所以偏好重口味的我就覺鵝肝較美味。

餐湯：

龍蝦湯：夠香及夠濃，但食多左就感覺味道有點咸，之前睇ｏｐｅｎｒｉｃｅ　都有人咁講，但就說是因全龍蝦煮，所以味道較濃郁，但總體滿意。

白汁磨菇湯：細滑香濃，比市面其他餐廳的感覺較滑，但因本人只試左２小口，不能給更多評語。

反而最想提是麵包，單是醮點醬料已有４款，且賣相十分漂亮，每種試試已覺十分開心．．．

到main course
叫左日本黑豚豬扒及燒BB羊扒

日本黑豚豬扒： 擺上檯的時候已聞到好香好香，哈哈．．．望住佢聞左幾下都未捨得食，一刀切下去，聽到”啦啦”聲，好似筋逐條逐條斷開既聲音，因為ｗａｉｔｒｅｓｓ 介紹要ｍｅｄｉｕｍ，所以都抱住幾大既勇氣切下去，怎知．．．入口感覺一點兒也不覺生，猪扒外微脆內諗，伴以少少煎香肥油，再一次感受到剛才鵝肝口腔”ｌａｕ”油既感覺，十個正～～

BB羊扒：平時不吃羊的我又是懷著試既心情下刀，嘩，哩個仲有驚喜，羊扒有輕微既羶味，但味道不會令人抗拒，（我是那種對羶味很敏感既人），食落只覺肉質十分鮮甜，感覺勁正正．．．（不吃羊的我還考慮若下次去就叫它。）

之後到甜品啦，叫左

焗蘋果Crumble 配雪糕：最下層是一粒粒的焗過的蘋果，中間是一堆類似簿脆的物體，伴以玉桂粉，而最上面則是一個Vanilla Ice-cream，賣相一流，食落口感亦各有不同，正。

Molten Chocolate Cake with Vanilla Ice-cream：
賣相已不用多提，看到已令人感覺到興奮，一件心太軟，一球Vanilla Ice-cream，一粒切開的士多啤利，入口．．已是人生最高享受～也為今日既晚膳晝上完美句號～～

總結：今天的晚餐真的很滿意，也很高興，餐廳水準不俗～～

這麼近辦公室﹐當然立即就找個機會來試試。
這店在7 樓﹐但與樓下兩間餐廳走的路線不同﹐是傳統fine dining感覺very good﹐是完全完整的高級西餐feel。可能是午餐關係﹐大部份客人都點套餐﹐抵食嘛。百多元有沙律吧+湯+主菜+甜品+咖啡/茶。
說回食物吧﹗沙律吧離不開是湯和沙律的選擇﹐不過也算是有用過心思的。湯是南瓜忌廉湯﹐夠熱﹐最特別是夠熔﹐令整個原來普通的湯變得不平反。沙律是極新鮮的菜﹐另有義大利火腿。那些火腿的鹹香立即令平平無奇的一個沙律吧生色不少﹐而且是有很多片火腿及大約十多款不同的沙律選擇﹐一點都不吝惜。
我要了炭燒法國鴨胸﹐三大件鴨胸﹐份量非常充足﹐肉質嫩滑﹐賣相特別。另外那個美國豬扒﹐只有一塊﹐像8 oz 左右吧﹐用料也不錯﹐肉很淋﹐肉味豐厚。午市套餐來說﹐收貨了。
甜品﹐還以為是小小的心意﹐怎知來的卻是每人一件full size 的檸檬芝士蛋糕﹗味道是不錯的﹐很濃的檸檬香味﹐也不會太甜。
咖啡最強﹐沒有苦澀﹐只有咖啡應有的香味。

首先覺得好奇怪,其實呢篇食評我之前已經post 過三次但都出唔到,係咪有咩問題呢?

得知 La Brezza食品有水準, 服務更有一流享受, 第一次吃, 結果真係冇令我們失望.. 如果再有特別慶祝或者間中想食番餐好, 我一定會再黎食! 因為佢地服務好好及所有菜式真係好味道.

7點到, 哇...包場!!! 我們沒有訂位, 經理給我們VIP房, 還跟我們說大廳已經沒位了, 所以才給VIP房我們, 是次沒額外收費的! 真係好啦~ 環境不會太迫也算清靜, 之後陸陸續續都有人來, 最後full左

好唔講咁多，打開menu, 中英文也有，自問唔係唔識英文，但係平日都只係用D返工terms,食物同配料既英文當然係搞佢唔掂. 即刻請waitress講解,個waitress好有禮貌,逐一講解都用左幾分鐘. 我們9人一心來試食, 所以order了每款不同的食品, 一於大試一番, 不過我們女士比較多, 所以9個人, 只order左7個餐, 哈哈!

水, 是要order的, $28一支, 是Italy的Acqua Panna, 仲係一公升裝, 平時我去蘭貴坊order一支細水, 都要$40至$50啦. 我本人就覺得ok, 而且飲得健康...抵飲

再order左兩支超靚紅酒"Chateau Tour de Pressar - Saint Emilion Grand Cru 2004" 及
"Amarone - della Valpolicella - Classico 2004", 為呢餐飯更添色彩

鵝肝, 煎得剛剛好, 非常鮮美, 而他們是跟肉桂青蘋果, 感覺新鮮.

帶子黑松露芹菜, 好正, 帶子真的很甜美.

香芒牛油果蝦沙律, 沙律菜非常新鮮, 蝦很爽口, 加上香芒很開胃.

白酒煮蜆, 超鮮甜超新鮮, 配料味道豐富大蜆亦夠厚身.

焗露筍, 重點卻落在蟹肉芝士汁,軟滑帶微微蜜甜.

焗蘑菇田螺, 田螺頗鮮味,蘑菇新鮮,薯蓉幼滑,盛器很精美.

蕃茄配芝士, 伴上意大利陳年黑醋, 帶出水牛芝士一種很特別的香味.

再來一盤麵包, 麵包夠香又夠熱..跟湯唔錯...

白露筍湯, 清甜新鮮,忌廉味不重, 味道不錯.

龍蝦湯, 我喝時龍蝦味果然比坊間的異常濃郁, 真材實料.

蘑菇湯, 味道濃郁得黎又唔咸.

和牛, 肉質好軟, 味道超正, 唔知係咪碳燒的原因???

美國一級肉眼扒, 用BBQ燒出來, 外脆內勁多肉汁.

日本黑豚豬扒, 侍應拿來的時候已經好香好香...外香口入面軟, 軟硬兼施有D 意外的好味!!

魚, “唔記得左係咩魚添!!!” 用Prama Ham包住件魚來煎, 口感好滑很香.

炭燒南中國海深海虎蝦, 非常大隻 (有8吋, 共兩隻), 口感非常豐滿.

西班牙海先鑊仔飯, 新鮮海鮮多都你估唔到.

龍蝦麵, D龍蝦好彈牙, 也是新鮮之用料.

跟住甜品係朱古力心太軟, 木糠布丁, 焗蘋果Crumble, 橙酒梳乎里, Tiramisu, New York Cheese Cake, 唔洗講朱古力甜度恰適,其他甜品也是誠意之作, 正. 經理還請我們喝"豆磨咖啡"添.

今日師傅(老師)系呢間餐廳攪講座FUNCTION, 全部同學都有黎(連同其他老師,一共68人),老師選呢間餐廳, 可能是```因為這裡服務真的一流, 侍應好細心, 而所有食物都好好味呢, 最記得就系佢地D羊扒,肉質真系我咁大個女第1次食到咁正...................... 但可能我地人數太多, 有D逼逼地, 我估如果55人會無咁逼!

最衰OPENRICE無得放"短片"上去啦, 我又唔識點放上YouTobe...............

8月19日（星期三）晚，終於到了考試的日期了！今次我和女友也豁出了，所以就算很失敗也沒有特別的感覺！捱了個半鐘，狠心地離場，因為考試場地在上環，考完試就立刻打俾女友，女友就即刻收工來找我。女友很細心，一早想好來這裡吃，幸好我亦也有OR優惠卷。約八點左右來到，祇得兩、三檯客。這裡除了散叫外，如果點套餐的話，是決定3 course or 4 course，其實是包頭盤、湯和主菜，3 course or 4 course的分別是決定要不要甜品而已。因為怕吃不完，我和女友都要了 3 course，而且這裡飲水每枝要收$25，女友就點了杯 Shirley Temple，而我就要杯紅酒。

Escargot（焗蘑菇田螺）：田螺頗鮮味，蘑菇亦新鮮，薯蓉香綿幼滑，整體味道不錯，盛器也很精美；
Asparagus（蟹肉露筍）：三條露筍很新鮮，翠綠爽甜，蟹肉也頗鮮味，芡汁也很清淡；
White Asparagus Soup（白露筍忌廉湯）：湯底清淡，忌廉味不重，味道不錯；
Lobster Soup（龍蝦湯）：落單時男經理曾叮囑我此湯味道很濃甚至很咸，我喝時龍蝦味果然比坊間的異常濃郁，是用真材實料，但沒有想像中那麼咸；
Seafood Risotto（海鮮意大利飯）：海鮮很豐富，有魚柳、黑魚仔、青口、蜆、帶子和虎蝦等，魚柳肯定不是雪藏貨，魚肉幼滑鮮味且連魚骨；青口、蜆和帶子都很鮮味，不過蜆肉很腥和懷疑未熟透，虎蝦肉質爽口鮮甜；海鮮多得很，反而意大利飯就顯得份量較少，口感軟硬適中，尚算不錯；
Triangoloni with Cream Sauce（意大利雲吞配忌廉汁）：意大利雲吞有十多隻，皮較厚和硬，餡料軟綿幼滑，不像魚或任何肉類，問過男經理才得知是雜菌加黑菘露。因為很飽，我倆很勉強才把這個吃完！

雖然食物是美味豐富，但價錢也太貴了，就算用了OR優惠卷也要七百元。是晚女友堅持付錢，連累女友破費，心裡很內疚！

朋友有心而設的晚飯，不好推卻，最後三人來了這裡。

柏廷坊七樓，環境不錯，以黃及白作主調，是自己最喜歡的顏色組合，主要由女侍應負責招呼，醒目有禮，耳朵尤為靈敏。

頭盤、湯、主菜連甜品一氣呵成。走的是專業西餐扒房模式，不花巧，主要是考對原材料掌握，心機見於醬料配搭，當然精緻賣相亦看多得出廚師心機。

分別要了煎帶子伴芹菜頭沙律配黑松露菌．白酒煮蜆．焗露筍配蜜糖蛋黃沙律醬，侍應奉來一套碟方便細分，稱心。

烤煎帶子，鮮嫩，味道簡單直接，墊底芹菜頭沙律，賣相美觀而有著濃郁黑松露菌香，滋味。

白酒煮蜆，選菜方面大家意向蠻一致的，配料味道豐富大蜆亦夠厚身，口感一流，獨特的白酒也不錯，若下多點香草味道可能會更好，做得不錯。

至於焗露筍，用料認真，重點卻落在蜜糖蛋黃沙律醬，軟滑帶微微蜜甜，微微蛋香做得精緻，用來配菜類食物真的美味得緊要。

餐湯分別是龍蝦湯及磨菇忌廉湯，前者夠香夠濃稠，是帶微粒的版本，brandy出貨前已調好，論味道，合格了。後者磨菇下得很重手，香濃得緊，下了小小忌廉卻夠細滑，論用料，已吃得出誠意了。

之後三道主菜分別是西班牙鹽焗魚．烤1st grade美國頂級安格斯肉眼．pommery 芥末肉汁及手造意大利雲吞番茄忌廉汁。

提醒新朋友鹽焗魚是高風險作，試了半口肉身真的很滑，再試試食友的牛扒，她的肉眼，要了medium切開細嚐，滲著微微血水，火候很好，肉嫩帶著油香，不錯。

每見有自家製意粉、gnocchi，也會叫來吃，當然是好的、差的口感是一天一地，嚐過一口，汁濃郁美味，此品還比起Bel Il pease做的更好吃，是足本作，小店用料可不馬虎的。

甜品草草吃過，印象不深。是日靚女食友作東，在此謝過，是吃得稱心滿意的一餐。

6/8(四) 1pm
次回合的牛一局,由老表K請客.走到其公司樓下的La Brezza Bistro.正值黃金時段,入座率僅四至五成,這顯然跟其價格有繫上關連.店內裝修不算雅致,總屬窗明几淨.

我倆來了午餐兩客:Homemade Gnnochi $108及Grilled sirloin steak $128.

加$30的自助Appertizer;前菜五至六款:蕃茄芝士,凱撒沙律,紅椰菜沙律,蛋沙律,薯仔沙律;沙律新鮮度高,凱撒沙律尤佳!

再舀一碗洋蔥湯回座,以暖而脆口的法包蘸食之;有所不足是洋蔥湯色澤偏淡,洋蔥香淡薄得似有若無!

Homemade Gnnochi--大無畏驅使下,點了其自家Gnnochi;外貌圓渾趣緻,吃上去煙韌有勁,麵粉之香表露無遺;配以巴馬火腿粒,mozzaerella芝士及蕃茄忌廉汁,簡單配搭,味道明快傳神!

Grilled sirloin steak--6成熟西冷肉質柔軟多汁,牛味不弱,還依附著一股焦香!

Peach cheesecake--芝味濃度恰當,質地輕盈,以清甜的檸茶化解一切肥膩,再好不過的句點...

服務生熟悉菜單上的食物製法及材料,值得褒揚.比起晚市,價錢更為大眾化.不需破囊的高檔午膳!

今月老友結婚兼生日,諗住食豪d選左我最想試既法國大餐......人地話食法國餐剩係食個樣係吾會飽肚,我諗最岩我地慢慢食慢慢飲同慢慢歎啦..... 係openrice選左幾間都好評而價錢又吾算太平既等個fd諗下食邊間囉...但係原來好多都fully booking, 尤其是TST, 終於都BOOK到呢間...我見評語都吾錯,可能因為吾就腳所以BOOK到位,我又PRINT左張COUPON...所以我充滿期待咁等呢一晚既來臨....
我地點左磨菇湯,頭盤(熱)係鵝肝同帶子,主菜係M6牛扒同羊扒,甜品係心太軟,仲飲左一支22蚊既水同一支第二平既紅酒.
1.佢推介話係吾用CREAM做既磨菇湯,但係我地覺得有CREAM好似好飲D, 反而D面飽有原隻蒜頭俾你搽都幾得意.
2.帶子色香味俱全,鵝肝OK啦,我地就覺得煎得過左少少火啦....我就覺得下面既既青蘋果幾清新!
3.M6係我最期待既主菜...因為我第一次食咁貴既牛....點知係無牛味,個質地都OK既....但係CITYSUPER既二百幾蚊牛扒仲好味過佢...本來佢係拼龍蝦仔,但係哥哥仔話今晚無貨要用虎蝦替代,但係價錢不變,究竟佢地邊隻蝦貴D呢..哥哥仔就話佢就覺得虎蝦好味過龍蝦仔勒....所以我地就點左啦....我地剩係覺得食緊塊肉個樣係牛扒既野啦...可能我見識少食左好野都吾知啦....仲有個羊,都係佢推介...我真係好想知咁特別既羊扒係米有咩吾同....點知吾同既係屋企煎既分分好味過佢...蝕左....早D試下隻黑豬啦....
4.心太軟....好味但吾係太流心都OK既.......但係法國餐竟然無我個FD最想食既焦糖燉蛋...令到佢有D失望真係吾好意思....
5.最讚既佢地既服務態度同氣氛,但係佢好似得一個哥哥仔識D野介紹下.....所以有時想問野都要等佢招呼完一抬客才能夠問到他....我地坐到十一點已經要打烊了...真的掃興啊!
如果你用開呢個價錢食普通一餐飯既...呢間絕對食得過,但係如果你同我一樣諗法豪一豪,想食D好野.....我就吾ADVISE你選呢一間啦...

南瓜湯很有水準呀,係用新鮮南瓜打成蓉再煮湯,好sweet, 正!龍蝦湯我好中意, 因為好濃.頭盤有帶子及鵝肝,我非常喜歡這裡的帶子,很新鮮,外脆內軟,仲有個celery mash係底,好似食緊potato mash咁, 但係又有celery的香味,同粒粒celery在中間,一問waiter之下才知道係celery來的,好有心思的創作!鵝肝都好正,我試左一啖,真係入口即溶.主菜我要左魚, 死喇唔記得左係咩魚添~ 但係個口感好滑~ 炭燒和牛配龍蝦都唔錯wor,好正!再要左個我的最愛心太軟,呵呵!要支持支持依間restaurant,佢地d招呼好好,waiter對d食物好有認識,講到俾我知d食物點整!

這裡裝修一般, 但很整潔! 加上食物一流及服務質素一流, 價錢雖然算貴, 但也算超值

見這間餐廳的食評咁好, 星期五一於約同事去試食, 個然係好正

中午12:40到已經全場坐有八成客, 餘下的位都給人訂了, 侍應話只有吧台位, 剛好有四個位, 我們當然不放過啦

當日午餐有四款主菜選擇: 肉眼扒, 比目魚扒, 西班牙式燒春雞, 還有帶子意粉 "我們一心來試食, 所以每款也order了" 用料果然新鮮, 肉眼扒更是我吃過的最好質量(好過我去過的好多酒店), 我估計這餐廳用的材料都是很高級水平的貨, 雞肉亦都很嫰滑, 魚很鮮甜, 個帶子意粉配X.O.醬炒總之每道菜都好比很多的高級酒店食府更有水準

但最令我記得這餐廳的就是每人加多$30就可以任食佢地嘅Salad Bar Buffer 同樣用料新鮮, 仲有煙鴨胸添 而佢地嘅Mushroom Soup亦是齒夾留香, 服務也有酒店的水準, 棹與棹之間也很闊落不算吵, 裝修雖然不算很好, 但亦很整潔!

呵呵, 我下次同客食Lunch一定要再去~

經朋友介紹及看過openrice的食評, 見這間餐廳都好似唔錯, 所以我們一行10人就在這裡晚餐~ 這裡的服務真的很好, 很細心! d員工好好笑容, d食物很好味, 整餐晚飯都食得好開心. 帶子黑松露芹菜好正, 芒果牛油果蝦沙律--------正, 西班牙海先鑊仔飯--------海鮮多都你估唔到, 龍蝦麵d龍蝦好彈牙, 南瓜帶子湯夠香夠滑, 炭燒的和牛--------外香內軟