天氣真的焗得太誇張了, 真的要杯解渴奇兵打救呢

愛試新野的我, 到了happy lemon 買左杯檸檬水晶薄荷蜜飲, 味道不錯, 檸檬味道唔重, 反而薄荷味勁得多, 飲到喉嚨已經有透心涼的感覺, 或者是薄荷做的效果啦, 一杯十一蚊, 雖然個杯唔大, 但其實唔係一定要好大杯先值得飲的, 夠就得啦

行過旺角食完面線隔離有間HAPPY LEMON
趕時間快手買杯烤珍珠奶茶
一飲落去...有陣鐵味
飲真D都仲係有
真係無言..
之前都飲過幾次其實都好一般
但係經過今次以後唔會再去

我好中2佢個個蛋糕珍珠奶茶
但我覺得佢出黎出去都係得呢d款
無咩特別

睇個名咁得意,,要了一杯細size泥試下~
飲落好清甜,
估唔到檸檬同菠蘿混合一齊飲係唔錯!
但如果檸檬味再多d會更好!
有好多水晶(椰果),,增添了不少口感!
是解渴的首選呢!

呵呵, 今次第一次做作家, 寫得唔好多多包涵啊>.<
之前看過人在這兒寫食評, 覺得幾得意, 可以將自己吃過的東西跟人分享感受^.^, 都係一件不錯的事, 今次想同大家分享我幾喜歡的happy lemon 個雪糕珍珠奶茶
味道幾香架, 把云呢拿雪糕同珍珠奶茶混合而成的飲品, 效果唔錯, 如果只係奶茶會比較苦澀, 但係加埋雪糕的香滑同甜味, 感覺好唔同, 一句講哂, 總之好飲啦
喜歡happy lemon 的茶類商品因為佢茶味濃一些, 有些地方好似水咁稀, 點飲呀~

最愛係蛋糕珍珠，亦只飲過蛋糕珍珠…
夏天飲凍既，冬天飲熱既…仲有D CREAM又香又滑，
價錢又唔係貴，所以都成日幫襯。
難得熱飲佢既溫度次次都係剛剛好放得入口，又唔會熱到辣口，都幾細心呀

其實我好少飲呢類街頭凍飲, 因為寒底, 飲得太多驚咳, 不過最近好似都好流行呢類特飲店, 特別係旺角, 都開左好多間, 攬到我都心郁郁試一試

行到happy lemon, 俾個得意杯吸引了, 買左一杯炭燒珍珠奶茶飲, 個杯都幾大杯, 炭燒珍珠幾煙靭, 好好趙, 味道幾特別, 而且有好多粒, 打開個杯蓋逐粒食都幾襟食 奶茶幾香滑, 第一次飲既經驗都算唔錯, 我諗我都會再幫襯佢

十一蚊一杯, 都唔係好貴啦, 唔怪得咁多人鍾意飲!

天氣熱熱地,又猛太陽,想飲杯清新酸甜既飲品,企係門口諗左一陣,
唔想飲珍珠奶茶,我就揀左*翡翠檸檬菠蘿凍*,貪佢個名改得好

第一淡就已經愛上了,唔會好甜,帶少酸,杯底有好多類似椰果既粒粒,
好好咬口,酸酸'尾尾",好醒胃.............正,好想一飲再飲!!價錢公道.

前幾晚放工行去搭小巴返屋企,見到呢間鋪頭隔離好多人,隔離係食嘢,由於我要返屋企食飯,所以視線放咗落呢間飲品的鋪頭.

見到大大隻廣告賣呢個芒果鮮橙優多沙冰,只係$13,所以就諗住叫杯飲吓,拎咗$13出嚟,買的時候有個收銀亞姐問我加唔加多兩蚊,會大杯啲,見佢咁誠懇無所謂啦,就係個袋度攞多$2,即係$15就買咗杯大杯裝的沙冰,點知係等的時候發現原來大杯裝唔係多好多,有點兒覺得自己傻仔.

杯沙冰其實無乜特別,芒果味不是太重,尚算飲到益力多味,不過當飲到一半時,發覺啲沙冰好似思樂冰咁一舊舊,好難啜,都無飲晒就掉咗.

在旺角行得辛苦，天氣炎熱～覺得飲野比較好～
行行下看見這間Happy Lemon ，剛開店。看看有什麼飲品，看到有幾多特式飲品～
發現這個蛋糕珍珠奶茶，試飲一下～要撈一撈杯飲品
珍珠非常多～奶茶也調教不錯，蛋糕在哪裏？
但飲飲下覺得有少許蛋糕味道～但不是太突出～
１４元大杯～也不錯～炎熱的天氣飲一杯也透心涼

尋日晏晝天時暑熱, 加上行到身水身汗, 好似點樣都冇辦法降溫解熱咁; 忽然間師傅見到呢間食店, 一時興起決定去買杯凍飲, 消下暑先!

行到埋去睇左一陣, 見到呢杯飲品個名咁鬼馬, 就要左呢杯細嘅檸檬彈珠, 睇下點樣彈法都好!

等左一陣杯檸檬彈珠終於彈到師傅手中, 熱死辣辣當然第一時間飲一啖啦, 入口味道酸酸甜甜, 夠凍夠清涼解渴, 加上有d細細粒嘅果肉, 師傅就食唔出係咩, 但就啖啖都有, 而且入口軟綿綿, 酸酸地都幾醒胃, 大熱天時飲杯確實令大快人心!

總括黎講檸檬彈珠嘅質素都幾好, 酸酸甜甜, 清清涼涼, 解暑解渴! 十二蚊一杯加上能令師傅有舒服嘅一刻, 都算值; 飲完之後又再望下個人氣公仔, 心情都忽然間靚晒, 直頭係彈下彈下咁走; 下次都會再試其他飲品, 笑臉值得一比!

五月一日(四)
食完紅豆餅有D口渴，因為身處太子，想再試輕鬆飲其他飲品，但實在太遠，
於是沿洗衣街行去皆旺地下Happy Lemon度買野飲~
因為老婆想飲檸檬味解渴d，所以揀左桔晶檸檬，兩人飲要左大杯~

桔晶檸檬(大,$14)
入口感覺幾清新，但仲有小小調味劑味覺，
桔味令飲品添香味，配合招牌檸檬算不錯~
杯底有透明啫哩令飲品添加口感，但飲到底仲未飲晒佢
可能開頭無啜到佢關係
另老婆係尼杯度飲到兩粒檸檬核，但我一粒都飲唔到，睇杯飲品亦好清 ~ ~"