琴日因為補祝母親節
原先諗住預訂一隻禾米豬
後來,接線生話兩隻有得平 約九折
好啦,咁就訂兩隻啦 反正多人食 實食得晒
到左六點出爐揸車入去拎
番到目的地大約過了15分鐘
隻豬仲係非常熱,一班人忍唔住即刻影完相就食
點知 賣相就一流
食落就九流
我地幾家20人到
訂左2隻豬
20人總共只係食左半隻豬都唔想食

原因係皮唔脆,食落又un
d肉就滑 入面既飯都香

但係大佬, 買乳豬食就緊係想食[[脆皮]]乳豬啦
唔通飯香,肉香 我買乳豬番黎剩係食飯食肉咩.

後來,今日打去季季紅投訴隻豬憑咩賣咁貴
佢地道歉然後話下次去佢地食店賠番一碟燒肉,
而且希望唔好在網上或朋友當中給予負評
我地話緊係唔得,
後來佢地亦話會賠半隻乳豬
跟住,到左最後我地亦都拒絕左
因為我地住係港島區,所以我地最後決定連豬都唔要
但係評語就一定要照打 而且依次係太唔順氣所以打評語

以後再也不會光顧

今晚跟20入屯門搵食, 她說得不清不楚, 原來是來季季紅 -0- 那小妹應該1早留肚… 何況今天狀態不佳。

原本20訂檯了時間是730pm, 我們早到了而又有檯就提早開飯。 其實是20的朋友介紹她來, “打電話問朋友”後就點了幾個招牌菜式, 再加多個炒菜, 4個人已經很夠吃。

說來真的太誇張, 我們下單還不足5分鐘, 香煎蓮藕餅, 1/4份的燒乳豬和冰淋醬烤骨都已經上桌……再過不消3分鐘, 連雞油炒芥蘭和豬肺蝴蝶腩菜膽燉湯, 還真快得嚇人。 來得快實在令人極度懷疑是不是1早整定的, 但侍者們都信誓旦旦的說是即叫即做的。 先試出名的燒乳豬, 果真是皮脆而鮮味肉滑得來又不肥膩, 名不虛傳。香煎蓮藕餅已經是小妹繼吃完第1塊乳豬後馬上就夾, 但已感覺到是放涼了, 炸物變冷就更覺油膩, 不蘸醬汁試個原味, 吃了幾口都只是豬肉卻不覺蓮藕, 切碎的蓮藕放得太少了輪為配角都不如, 實在大失所望。

還是喝口燉湯吧, 味道鮮甜是足料的準沒錯, 但有點鹹。 湯渣也會舀到碟上吃的, 肉肉已經都出味了, 不過白菜反煲得很甜~簡簡單單的雞油炒菜倒出色, 長長的芥蘭雖不是切成短的但卻細心將梗較硬的外層削去, 令整條芥蘭爽口無渣! 由於所以菜式1次過上齊根本來不及吃, 到吃冰淋醬烤骨時, 都是放涼的了, 醬汁像是用來蘸燒鵝的酸汁, 酸酸的是開胃不過在1大塊泡油過的肉上還是覺得很膩, 問題是肉已被梳打粉醃到呈暗粉紅色兼肉質軟得接近霉的程度, 完全不欣賞。

2款招牌菜都令人大失所望, 可能是知道多人點就預先整好, 實在沒可能這麼快就真是比麥記還快丫!!!
其實店裡的宗旨, 以大眾化的價錢讓顧客享受美食他們是有在做的, 只是貪快就誤了事, 4餸1湯的晚餐每人才大概$100, 划算又滿足。 下次再吃的話, 藕餅和冰淋醬烤骨就不用再點了。

今年外父大人的生日宴竟破例不在自己的地頭"聯邦"舉行。陣地是出乎意料的轉移到近來他的新寵 ---- 米芝蓮推介店"季季紅"是也....

數數手指，這應已是他第四至五次來這裡吃飯吧 (還好像是在這兩三個月以內的事呢)，頻率可謂超高。自己相反就一直對這裡只聞其名聲但卻是一次也沒來過，實在有負饞吃人之名....

一係唔去，要去的話自然就要到藍地的總壇啦....途程實在是不短，從家處出發到酒家是花了差不多一個半小時，確有點攀山涉水的感覺....

來光顧的主要目標當然是那只蝦禾米釀乳豬。有了這一道，其他也就點甚麼都沒所謂....不過反正今晚點菜的責任是落在熟客仔外父身上，看見他如數家珍般的連餐牌也不需睇便下單，由此我亦不需要操心，唯有坐下來便張開口等食....

桌上擺了兩三碟辣豬耳。試了幾片，的確夠香辣刺激又爽脆，是很好的下酒菜....等不了很久，招牌釀乳豬便隆重登場。侍者先將之奉上桌給一眾人拍照，之後便把它分成件。好傢伙....份量果如其他食友所講的多，現在想起來也記不起食了多少件了 (反正就是多啦，吃到膽固醇爆晒標)。不過吃後感覺老實說是沒有想像中的太膩....缺點是可能由於是"大量生產"之關係所以咬入口時是不太覺夠熱。幸好在此情况下那光皮卻仍是脆卜卜的，最重要是豬本身是瘦得來肉又不會太嚡太韌且真的充滿肉香；墊底的飯粒失敗在於略為偏濕沒有咬勁，不過好處則是極入味且有極濃的蛋及蝦米鮮香....

老實說，未吃過的話，倒值得專道去嚐一嚐的....另有一功的是那個豬肺蝴蝶腩菜膽燉湯。湯頭是極甜夠"溶"很夠和味，燉出來甚夠火路，是鮮甜得令人欲罷不能。少不免食了少許湯渣，可能是味道全跑了進湯裡的關係吧，是變得無甚睇頭，特別是那蝴蝶腩更是韌得要命。豬肺雖夠淰但卻嚐得出有點點異味，是為美中不足....外父大力推介這裡的菜心及芥蘭，用上白灼方法去處理是最能吃出它們的原味了。的而且確嗒落是能食得出菜天然的甜來，樣子夠翠綠新鮮。兩者相比之下個人更愛芥蘭多一點，莖的部份是極爽又甜，乃揀手貨是也....弟婦及舅父仔愛食香口嘢，就來道椒鹽白飯魚吧。感覺上普普通通，椒鹽應有的香與辣皆淡如水；白飯魚相反卻夠大條身粗壯不欺場。有點覺得如此"清淡"的調味是白白浪費了這些好品質的白飯魚了....除了乳豬以外，外父大人的第二號推介便是這裡的雞鴨類菜式。燒鴨不是皮脆的風格小弟自然不太buy不過肉香卻真的夠濃，特別是腩位又多肉亦不會太韌至咬不動，最啱一眾食肉獸；走地大扇雞一向不是我的所愛所以沒有多食。試吃了一件，感覺不出它是有經常"走地"的，肉是不夠有咬頭之餘也屬偏淰。皮亦少了平常走地雞應有的爽勁，正式是"雞沒雞味"，很是令人失望....大家吃至興起彷彿到了失控境地，也管不了再吃不得下，再來安哥一條紅梅醬檸檬蒸烏頭。實際上醬汁本身是比烏頭更吸引，味調得甜甜酸酸的極討好，用來伴飯是一等一的；烏頭相反有些泥味之餘又不起黃油，肥美程度很是一般。有這樣水準的烏頭，反卻是浪費了那個本應是配角的梅檸醬....常說甜品是用另一個胃盛的，故此最後來一大籠馬拉糕，儘管不甚了了，糕身雖夠軟綿但少了甜香，但到底還是食至籠底朝天...整頓飯給人的印象最深刻就是 : "肉、肉、肉".....的確吃得人極膩....

不過在大節日高興時份，間唔中放縱一下又有何妨 ?

杯碟碗筷極不潔- 翻開第一隻杯，有三粒飯黏在杯內，找待應阿姐換，阿姐隨手從隔離空枱遞過一隻過來，翻過一看，今次少了一粒飯，得兩粒，阿姐即時再換一隻，不過今次檢查過先畀，所以未有任何東西附送了。
跟著當然再用開水洗一洗碗筷啦，點知果隻碗內又有一些開始乾了的殘餘的醬汁，今次不換也罷，用力加手指甲洗了兩次，肯定比換隻更乾淨！
著名乳香豬上枱了-
新鮮熱辣，也很香，不過，皮不脆，得過硬字，肉居然有咬口-咬不開啦。飯則香口夠味，有三高的人不宜，頗多油及重味。不過收HK$620，不值啦！
真唔知點擺米豬蓮？
其他小菜則價錢實惠，味道則不錯，生炒排骨最好味。
不過諗到碗筷的不衛生，廚房有幾乾淨則不必猜度啦。😱

細妹生日，說要走來再試很有名的湯，果然好清甜
絕不油膩，但好有肉香脆皮十足，脆卜卜的
而且唔會好多肥肉相反菜就好油膩了
食到成口油好香脆，啖啖蓮藕蓉仲有少少蓮藕粒，好夠趙口超多生炒骨，菠蘿蠻甜咧好多蔥，蠔就好細隻一定係半打/一打咁order... 想食唯有叫半打啦~
大大個，甜而不膩好清香，不甜

棒著大大肚子離開
味道比上次好好多! 進步喲~

是日家庭聚會，大家都選擇去呢間，因成日都有好多人，所以就突登山長水遠去試下(諗住去總店有風味d及好食d)。
去到緊係要叫隻招牌燒豬仔啦，上枱時會原隻放上枱比大家影相。睇隻豬仔好似好細，但切開一件件上枱時，份量都幾多。燒豬仔內有炒飯，炒飯料有蝦米，再吸收了豬仔的精華，但炒飯仍然乾身，味道不錯。豬仔皮真係幾鬆脆，肉質都幾嫩，而又不會有太油膩。
豬肺湯 -- 一般，沒有什麼特別。
而其他餸菜完全可以唔提，上枱時不夠熱，好似已經放左好耐咁，凍哂。
總括講 : 除左招牌燒豬仔之外，其他的可以不用叫。

除左乳豬同雞外．．．其他真係超級麻麻地

叫左好味既有乳豬，好脆，不過佢開頭原隻放上枱果下真係有ｄ嘔心，仲要聽到ｄ食客話：真係無陰公，隻豬仔都唔知得幾多日大。
反而切左上枱感覺好好多囉．．

之後既餸真係一件起兩件止
富貴黃金蝦+蓮藕餅: 無蝦味又無咸蛋味，重來都未試過蝦會食唔哂，今次淨左好多隻，我都係味左1/3無食；蓮藕餅 OVER COOKED 喇．睇落就知燶燶地，咬落，唉，食左一半咋
唔記得乜斑西蘭花：魚唔夠熱，西蘭花又硬，好失敗
仲失敗既有豆腐炆魚腩、魚頭：嘩Ｄ粉包到Ｄ魚又厚又實，都唔知食粉都食魚囉　
海蔘+豬軟骨+黃牙白：一般，我唔知果Ｄ係唔估豬軟骨，只係覺得好似撈埋Ｄ唔知乜黎炆
雞：有雞味又滑，真係難得一樣我可以食到四舊既餸

仲有餐送既紅豆沙，平時唔好甜既我，仲有位食得落一碗。

其他仲有Ｄ乜我真係唔記得喇，實在係我食過最差既一間"中式、風味餐"

另外太迫了，又有烏蠅飛黎飛去，雖然明白到佢分三個時段要交場比下一輪食客，但可能就係因為咁，Ｄ餸真係唔係幾掂，好求奇．．．

失敗。

是日星期六關係, 太多訂位要到9點先有枱. 早15分鐘到左, 真係幾人山人海.

晚飯當宵夜快點了幾個餸

例湯豬肺頂蝴蝶腩燉菜膽 好夠味

蝦禾米臘味芋粒乳香豬 以招牌菜黎講都算係差
豬乳皮下脂肪奇厚，吃多了就覺得很油膩,反而飯粒沒有想像中的油膩，相對乾身，粒粒分明，吃起來味道不錯。

梅菜蒸鯇魚 有泥味又蒸過濃仲梅梅地
椒鹽鮮魷 出面任何一間都比佢好
蓮藕餅 熟唔透 入口張住
蒜蓉炒菜芯

一個普通菜都做唔好的話, 真真要檢討檢討

跟朋友聚會，選了在屯門出名的季季紅，三人點了︰

乳豬例牌︰雖叫乳豬，但肉頗厚，跟隔離枱的全隻乳豬薄皮有明顯分別，味道似燒肉
金銀菜豬肺湯︰有好濃豬騷味，唔好飲
蓮藕餅︰蓮藕份量極少，大部份係豬肉，不如叫豬肉餅算
蒜蓉蒸勝瓜︰呢個幾好味，勝瓜夠滑，大量蒜蓉除去勝瓜的腥味
炸豆腐︰太乾身，不夠滑

門口超多人等位，但我覺得名大於實

老媽生日，叫左隻蝦禾米乳香豬~

成日都有人話好肥好肥，邊有乳豬唔肥呢？怕肥應該食白灼菜。我呢d中意食肥野的肥妹就岩食乳豬喇，哈哈哈！

我細佬外賣自取返黎，返到屋企都熱，幾好丫！佢有d位個皮好脆，有d位就唔太脆，外賣都算係咁！

脂肪分佈都平均，有d位會肥d。但我想講個飯好好味！個飯有好細粒的芋頭，食落唔覺，但係會好香口，個飯好香！成家人食哂個飯！生日叫隻都幾開心！