Food republic originates from Singapore, so I thought it would be fun to get some singapore food from Sargeants, the Laksa was ok, a good variety of seafood in it, and the soup was strong, however they leaves sprinkled on top were not Laksa leaves, but lemon grass.

看了一些關於這家店的滿意食評, 所以就去試試, 點了一客海南雞米線. 單看菜式的賣相還是不錯的, 但先說那米線的湯. 上菜的時候雖是熱騰騰, 但喝了一口發現淡如開水, 加上有點"肉骨茶"的味道, 不是太接受. 至於那些雞件, 給我的印象就是一些超市美食廣場所賣的"切雞"味道一樣. 只有一陣冷凍味, 口感上如同嚼蠟, 毫無鮮味可言. 至於那些醬料, 也很粗製濫造. 總結一句 ---- 非常失望!

今日中間有個短短既lunch time，由於太趕時間，都唔諗咁多，係food court食就算，由於個人都未訓醒，胃口都未開，所以唔想食飯，steak，肉個類物體，又唔想食日本野太寡，所以經過「三巡」見到佢有個新推介，寫住海南雞河粉，咁就叫左個黎食啦。

時間實在非常迅速，眨下眼就有得食，佢個外表就幾好，食落去就普通啦。隻雞好滑，而且一D都唔肥，但就覺得佢味道偏淡，無咩味，所以一定要掂醬汁食先得。因為唔食得辣，所以只係拎左黑醬油同薑茸，個人就覺得黑醬油好D，同個雞既味道比較夾，有少少甜甜地，薑茸就唔好食，又係無味既，掂完都好似無掂咁。
河粉好滑，但湯底味道都係淡左D，成碗野變左都幾清淡......

我諗我下次食都係乖乖地食返海南雞飯至啱，忽然好懷念兩星期前係BANGKOK食只係價值$10既超美味海南雞飯.......

七月七日

忙近十點先有時間攝半句鐘吃「早餐」，同老友到Food Court叫些快餐，充填好後繼續作戰。

已近打烊，學記、味佳居趕著收檔，最穩陣的似乎是三巡，朋友要了海南雞套餐，原打算吃新出咖喱系列，但腸胃炎未清比老友禁止，只好乖乖咁叫坡式「黑雞」套餐。

朋友的海南雞飯有水準，雞肉嫩滑帶薄薄雞水浸過的味道，雞汁味最明顯是Jelly部分，雞是瘦的，皮薄而爽嫩，好吃，而雞油飯不夠油，但乾爽有豐富雞汁味道，比起尖沙咀分店好好多。自己的「黑雞」，是腿骨的炸雞，用的是冰鮮雞，雞胸肉質鬆腍易入口，雞本身味道比浸雞厚一點，但都要蘸汁吃才夠味，餐湯是味道很濃的當歸湯，收檔時出品，材料已沉澱，鹹得不得了。

老友覺得海南雞比炸雞好，同意，吃完繼續下場，老友作東在此謝過！

自從年初去了星加坡旅行之後, 就愛上了當地的美食, 久不久也想去吃一吃。今次來了有星洲血統的大食代, 自然要吃些星洲食品了, 最具代表性的首數海南雞飯。這裡的雞有黑白二色, 黑雞是燒 (炸) 雞, 白雞就是普通正常的品種。先來個白雞啦, 不跟餐 $40。自行在櫃檯取了三色醬汁- 即黑醬油、薑茸和辣椒醬之後, 樣子是幾對辦的, 雞、飯和雞湯齊全。雞和在新加坡時吃的那樣, 都是無咩肉地, 皮就比當地的多一點 (不知何解有的地方會為雞去皮的), 油飯夠哂油潤, 很香, 冬瓜雞湯則略淡。其實吃海南雞飯, 我覺得是吃飯和醬多過吃雞的(由是雞身都是冇咩味), 三款醬料中, 最喜歡辣椒醬, 果然夠嗆; 黑醬油次之, 濃味一點更好,薑茸卻是很一般而已。

也是物離鄉貴, 這樣的海南雞飯在當地只是賣 4、5 坡幣 (廿多三十元港幣), 這裡最便宜的都要賣 40 塊, 不算很貴但始終欠了一份風味。

這裡如星洲的海南雞店般有黑、白雞叫，二人來自然兩味都試勻。黑雞其實是炸子雞，醃好後炸，醃得好的話，如琵琶鴨般連骨都要一併吃才夠風味，可惜這裡如白雞般，連骨去掉，風味頓減，幸好雞醃得夠味，不會要求皮脆，已收貨。

而海南雞髀飯，很地道的三色醬、雞汁飯連當歸雞湯，一貫坡式規程，是日時運高，吃到皮薄少油的雞髀，連皮吃也不覺膩，雞髀肉亦算嫩口，以坡式技術計已收貨有餘了，驚喜地雞汁飯泛著油光，亦吃得出是足料雞湯煲出的雞汁飯，以當歸雞湯作結，純味的湯水，滿意：

小道消息說這裡以植物油代替雞油，地道的做法來到香港，也要轉個方式作包裝，理解的；再吃好一點又平一點雞油飯，尖東的好時是個不錯選擇。

P.S 太古的Food Republic位置都幾闊落好坐，替三巡添上附加值。

是日往CX辦些私事，要自己吃飯，終於有機會一試。

要了海南雞飯套餐，拿著托盤就快快要找位子坐下。先吃油飯，偏乾身，但飯粒鬆軟。油份不多，但已較坊間的許多雞飯店好，而味道方面，十分不錯。於我而言，吃海南雞飯是吃飯多過吃雞，這裡的油飯有水準，很滿意；雞是脾肉，褪了骨的。吃起來肉質嫩滑，點起黑醬油，也很美味。不過雞皮是厚又滿藏油脂，吃了一點，毫不爽口，只一口油，比起大少爺的雞，差幾皮，也沒有什麼興趣了。湯有點藥材的味道，意想不到的認真。

除了黑醬油，還有辣醬汁及薑蓉，雖然後二者味道一般，但至少有齊三色醬，感覺上是正宗一點。

套餐還有油菜，埋單60蚊。以在自助的food court吃東西計，絕不便宜。但以食物水準計，卻是物有所值。

一連三場電影節在太古,中午場完,與下午場相隔只有半小時,如果要吃些東西,非Food court不可.

場內的大食代,是唯一之選,要快,就去一些無須再煮的檔位.又再想起"三巡",之前吃過真係麻麻.不過今次時間緊逼,沒有法子,不吃一點下肚,有排你受.

今次不要海南雞,要個燒雞,比個海南雞更加反高潮.燒雞不熱,皮很淋,當然不脆.肉質很鞋口,好自然地沒有肉味.

雞飯也是一貫老樣子,不過不失.撈下醬油,薑茸,也可下嚥.

另一友人第二場輪空,第三場開場前再次會合,她說我頭先去左皇后食午飯,幾好.)

我無言....

睇戲之前只有一個鐘食晏, 於是就又去Food Republic. 以往一向食越南粉或者Munch, 不過Munch當日裝修（希望唔係close...)，所以就試海南雞飯．

每個海南雞飯set賣40幾蚊，如果唔要菜就38蚊（唔知包唔包湯）．另有二人set賣80蚊，話其實即係兩個一人set，計落平十幾蚊，於是同男友要二人set:

雞－唔算有雞味，不過都幾滑，而且唔肥，去骨去得好（有去完骨都仲有碎骨又有血又有肥）．

飯－好正，好時太油又比較蒜味重，呢度唔重薑味又唔重蒜味，味道較得好好，而且完全唔覺肥又唔覺硬．

湯－呢個失敗少少，好淡好淡，又冇料（有時其他餐廳會有菜絲咁），當清清地飲ok啦．

菜－好綠，唔老菜心，而且會幫你剪開兩段（易食），加上應該係用豉油蒜蓉之類整汁，好唔錯．