上星期一班朋友仔為小妹慶祝生日, 小妹見佢主打健康路線, 同埋食物都好創新, 所以一行5人book咗呢度

叫咗:
沙爺串燒半打 (雞/豬) - 味道吾錯, d source汁好味...
軟殼蟹青木瓜沙律 --- 沙律夠酸, 帶點辣, 夠開胃, 都幾特別, 連我吾食得辣既人都覺得可接受
馬拉盞通菜 - 全晚唯一吾辣既菜, 好味...吾會太鹹...又吾太油
蟹肉紙米卷 - 好清...好多菜, 有兩個source汁, 其中一個汁係菠蘿味..幾開胃下
酸辣鳳爪 - 呢個前菜勁辣, 不過好多隻鳳爪, 食得辣既人應該覺得好好味
椰青海鮮焗飯 - 好香椰味, 仲有d椰肉係入面, 味道吾錯...
咖哩蟹 - 雖然只係得一隻, 但真係勁大隻, 同埋勁多汁...味道好食..一d吾辣, 好香
香蔥蒜茸包 + 油酥餅 - 呢個係特別叫黎食咖哩蟹既汁...好好味...

overall黎講, 都幾好味, 係某d菜特別辣...環境同服務都吾錯...最後真係要多謝一班朋友....

同朋友兩人,中秋

軟殼蟹青木瓜沙律: great! 酸酸甜甜的,做為開胃菜很適合. I like it~~
菠蘿雞絲炒飯: 肉松和nuts配合菠蘿飯很好吃. we both like it
明爐魷魚卷...?(sorry I cannot remember the exact name): I don't like it because the stuffing tastes a little bit weird. But my friend likes it. However, We waited this for about 40min. Too slow....

中秋假期好多地方都full-booking, 最後book左呢間, 同4個朋友一齊來食, 雖然門口都有一堆人, 但o係門口等左一陣就可以入去, 仲有舒服既car位坐~


香蔥蒜蓉包x2 --- 我地有點咖哩, 當然要點埋蒜蓉包! 佢本身味道很不錯, 又脆又夠熱! 最後我地仲多點一個!!

黃咖哩牛腩 --- 朋友笑說如果有白飯撈, 成為咖哩牛腩飯就超正, 因為佢d 牛腩真係夠林夠好食, 咖哩亦好香, 可惜份量不多

青咖哩海鮮 --- 好多地方既青咖哩都麻麻, 個人覺得呢間唔錯, 辣度亦剛剛好

菠蘿雞絲炒飯 --- 也是不錯, 夠香

海螺酥炸通菜 --- 全晚失敗之作, 海螺一般, 通菜唔炸好過炸

沙爺串燒半打(豬) --- 相對其他好食的沙爺串, 這裡較一般

越式牛油雞翼 --- 雖然用牛油整乜鬼都好食, 但事實佢真係好入味, 正~

軟殼蟹青木瓜沙律 --- 呢個我最喜歡, 沙律夠酸, 帶點辣, 夠開胃+特別,

香辣海鮮炒媽媽麵 --- 看似較普通的菜式, 但味道也不錯, 辣度剛好


全晚我地都食得好快, 因為大部份都好好食 !

如題...食左牛肉粉,,,牛肉一般,,粉無乜特別,,湯就一般到無得再一般..前菜沙律..ok好食..唔知乜黎..素來的..有洋蔥feel..酸.加小辣開胃的..另外紅咖哩香茅雞翼飯..汁ok..倒哂落飯食..正呀..雞翼就分開炸的..同汁無關係..有3隻..不過不失..唔突出..飯就口感未如理想..但平民以這價會難有滿足feel...每個餐大約50$..偏貴..無好多米難填滿頂帽...仲有杯檸檬梳打同中湯..麻麻地..差過大x樂..但經過晚市見好吸引d貴族食得..嗯,,引身香港貧富之分了...

拜中銀信用卡所賜，吃了一餐低食的晚餐。

點了燒豬頸肉青木瓜沙律($31)(半價)，欖角四季豆炒雞柳($27)(半價)及香辣海鮮炒媽媽麵($55)。

先上了香辣海鮮炒媽媽麵。此(食送)十足公仔麵炒海鮮，不論買相及質感也非常相似。海鮮的份量也不多。尤幸海鮮比較新鮮，也不是沒有可取之處。

欖角四季豆炒雞柳是這頓飯最好的一碟。四季豆新鮮而爽脆，雞肉嫩滑而有味。

燒豬頸肉青木瓜沙律珊珊的?來了。見到高高的沙?配上幾片豬頸肉，肉質爽口，並不肥膩。配以清新的沙律及辣味的汁，已是不錯的一味。加上少量的花生，多了一份口感。

景樂的食品大都有不錯的質素，加上不時的優惠，令食客更為開心呢^^

今日2位好朋友同我係沙田慶祝生日..
佢地係前1日巳經Book了I-THAI食飯..

準時6點半入去.. BOOK檯可以食到8點鐘..
點左... 以下既食物..
1. 雞肉脆麵沙律 $48 - 成個沙律既感覺幾得意, 第1次有脆麵放入沙律到..
2. 鮮菠蘿雞絲炒飯 $75 - 呢個同出面既味道一樣, 但都好香的菠蘿味 :]
3. 青咖喱鮮蝦海螺 $72 - 好辣.. 對於唔食得好辣既我.. 簡直想死.. 但個咖喱味好香!! 值得一試
4. 辣肉生菜包 $58 - 個肉唔錯, 包出黎都好好味..

叫左2杯Lime Soda, 因為用中銀信用卡.. 買一送一 $29
再叫多1杯泰國三色冰 $30

Overall, 環境好舒服.. 野食就一段.. 想舒服傾下偈既朋友可以黎試下
總數$343.2, 中銀信用卡有得扣積分.. 200 POINTS當$1回贈

給朋友仔放飛機,幸好有人不離不棄呀!感動!!T^T

有SET DIN ga…但係要信用卡簽…無?咪無得食囉

隨便點了幾道菜(但決定了25mins……………)
賣相都很不錯呀,但非常非常非常小巧!

香辣海鮮炒媽媽麵: 真有點辣,亦好吃,但廚師哥哥太孤寒了吧…無咩海鮮架…陰公
青咖哩鮮蝦海螺: 青咖哩好好吃,香而不辣,還有我最愛的南瓜在裡頭!海螺好多,亦好爽口!
泰式炭燒沙爹(豬&牛): 豬就不太特別,但牛牛真的好好食!牛牛好軟好入味,好juicy!停唔到口,總之要哂牛牛啦~~~~

食物ok…但服務生還不算太好呢…
幫鄰桌添了水,沒留意我們呀…明明我們已把杯子調近向他呢…
叫了添水,轉頭又無影了…

幾時可以有一間,價錢合理,服務&食物都有水準的店呢…?

都說我是貪小便宜的。最近BOC credit card在做 King Parrot Group餐廳的優惠，我又忍不住去吃了好幾次，分別都post上來分享一下。

是晚我們點了兩個半價的食品，分別是蕉葉燒烏頭(半價$55)和香葉肉碎炒飯(半價$24)，另點一個馬拉盞通菜(正價$40)。

先上的是香葉肉碎炒飯︰是溫的，不是熱的，不知是否特價關係一早炒定一大盤？男友點了小辣，可我是丁點辣味都吃不出來的。飯粒炒得乾身，要是熱一點會更好啊。

馬拉盞通菜︰這個就夠熱了，而且微辣，開胃好味。

蕉葉燒烏頭︰好大的一條魚，有燒過的香味，連不愛魚的我都被吸引了。魚燒了但仍保留著肉汁，也有陣陣青檸味。可是我們最後都清滅不了整條大魚。

人很多，侍應都很忙碌，但都有幫我們加水，而且很抵食，大家可以一試。

晚上同朋友吃飯, 點了一個二人套餐
1.泰式炸蝦餅拼香茅豬排　－　炸蝦餅不錯，香茅就一般．
2.餐湯
3.紅咖哩涼瓜排骨　－　喜歡這個紅咖喱汁，加上香草的香味，很特別，又不是太辣，對於不是太好辣的獄長來說，一流！多叫幾個烤餅或飯，點多吃，很不錯，也很經濟呢！
4.香茅炒海鮮
5.X.O.醬炒芥蘭
6.泰式糕點

叫了一個二人套餐，要有中銀咭才可以＄１８４的價錢吃(原價$300多)，一定要帶咭！
二人吃，實在太多了一點．若沒有這個優惠，一定不會考慮．
要看相片, 可到 http://hk.myblog.yahoo.com/irenelaioining/article?mid=1646&prev=1647&next=1638

因為同事有張會員card (有八折), 介紹我去食, 所以試下~

放工約了男友去沙田新城市廣場i-thai，以為會好多人同要等好耐，不過今次等左一陣就有位lu。

點左4樣食物, 喜歡其中兩樣:

軟殼蟹紙米卷
味道很清新很開胃，應該係因為配上的兩款醬汁 (泰式醬汁和菠蘿汁), 值得一試!


炸豆腐雞腳筋
我同男友都喜歡炸既食物。雞腳筋口感好得意, 個咬感似雞腎加雞軟骨的crossover
豆腐冇咩味道, 所以一定要點下佢既漿

侍應的招呼很好, 很有禮貌 , 食完也沒趕我地走, keep住為我地加水.

人人到香港島遊行，我和中學同學的聚會，通常都會選址於沙田，皆因朋友們大都住在附近，今天在選飯店也頗頭痛的，因為很多沙田的食肆都試過了，又沒有偏好，更害怕排山倒海的人潮，謝謝朋友在我們一群人到達前已經取得位置，在玻璃幕的一方。

環境不錯，假若可以將玻璃窗那兒放一點四人或兩人座位，應該氣氛會很好，但現在多放圓桌也不錯吧！因為大伙兒喜歡圓桌，寧可迫一點也不喜歡有點疏離的方形桌！
要和情人談心，可能這裏不太合適，因為頗吵耳的，相反算是適合大伙兒共享晚餐吧！

侍應的招呼很好，因為我們多多要求，他們都一一為我們達到了，誰要冷水、熱水和溫水都齌存了！謝謝....

皆因同學們的食量驚人，所以九人來，我們共點了五個前菜，六個主菜。
我對泰菜沒甚麼概念，只知道要太多炸物不是很好，因為同學之中有人不好此物，亦又人不好辣，故此考起負責點菜的我了啊！

我另外再點了蒜蓉麵包，皆因我不太喜歡吃飯，亦希望有麵包讓我可以「點」咖哩吃。
菜還沒有到，蒜蓉麵包的香氣便來了，朋友們都說很想吃吃看！我搶先便拿了一個到自己的碟裏去，「先搶為快！」

還沒有咬下去，可以感受到很脆的麵包，烤得很脆，上面應該塗了牛油和蒜蓉，之後再「點」青咖哩吃，便會有點失望，因為青咖哩完全搶了麵包的味道了，看來這個蒜蓉包只適宜光吃呢！

前菜篇：
越南蔗蝦跟檬粉
朋友說這個不錯，因為分不到，所以沒有吃，但下面的檬粉不錯，我倒了差青咖哩下去，咬著是爽口不糊嘴的！而且用檬粉汁拌著吃也很好！

泰式炸蝦餅
沒有很突出的蝦餅，應該是預先弄好，再翻熱的吧！因為面不脆，相比之前的蒜蓉包更不脆，既沒蝦味，又不脆，這個炸蝦餅真是....不要再點了！

香辣燒魷魚鬚
對這物沒有興趣，所以沒有吃，但看到朋友們對這碟東西的進食速度，可以猜到這碟前菜不太受歡迎呢！

牛油果蟹肉米紙卷
我放到口裏有一種清新的味道，但就是過份清新了，甚麼味道也沒有嚐到，這個前菜可是第一首進食的！我想....它是用來沖去濃味食物的吧！

沙爹蝦
沒有吃這個，但....這碟前菜可是直至我們把其他食物都吃光後，它還是滿滿的。
朋友說這個很香口，很好吃，但為何.....沒有人對它食指大動呢？

主菜篇：
清炒竹笙露筍什菌
來點菜讓自己的腸胃沒那麼大的負擔吧！露筍是幼苗，很爽脆；竹笙本來就是沒甚麼味道的，但衝向我味蕾的可是.....美極醬油味.......

菠蘿雞粒炒飯
來到桌面的時候很興奮，因為已經很久沒有看到這個大的原個菠蘿！可惜，要將裏面的飯「不」出來是有點困難，因為開口很小，朋友花了很多時間，甚至是將放在上面的腰果和肉鬆都散落在桌上才讓大家分到這個炒飯。
沒有很多菠蘿，但慶幸它的炒飯很乾身，不是糊在一起的飯團，吃上來的感覺很好，而且味道層次很多，不會只有雞味，或者菠蘿味，甚至是「美極味」。

泰式炒珍珠椰菜
光看賣相，我還以為是炒芥蘭呢！拌以雲耳炒的珍珠菜，看來它真的很「貴價」，因為細小的珍珠椰菜還要被分成很多份才炒出來的！但最令我驚喜的是雲耳，超爽、超脆！！！相反珍珠椰菜就顯得有點失色了！

青咖哩毛茄、雜菇
本來我是很喜歡青咖哩的，因為濃郁的椰香味，再加上不太辣的味道，會讓人有一吃再吃的衝動，可惜這個青咖哩和普通的黄咖哩、紅咖哩除了顏色有分別之外，它就沒甚麼特別了，吃不到椰吃，但滿嘴都是辣的刺激，完會蓋過它其餘拌菜的味道。
不得不提...其實毛茄和雜菇在裏除了讓食客咬和果腹之外，它們可算是一無事處，我想是過辣的青咖哩搶了它們的位置。

蟹肉炒粉絲
賣相不好，因為除了粉絲，我看到蟹肉的份量可以用茶匙來把所有盛起。吃起來有點油膩，既沒有蟹肉的味道，又沒有其他的，只是吃到油和粉絲的味道，相信這碟菜應該叫「炒粉絲」，因為沒有蟹肉，更別說是蟹肉味。

菠蘿排骨
侍應的好服務又值得一讚，因為落單後，他們便立刻跟我說這道菜要製作若15-20分鐘，很好，至少我讓我知這真是「即叫即造的」。不過上菜的速度也沒有預期的慢，因為大約10分鐘左右，他就來到了，看到份量雖少，但顏色漂亮的菠蘿排骨，我忍不住便立刻夾一件排骨來吃了。有肉味，有小許軟骨，很好！因為排骨就是要有小許軟骨和肥肉才好吃！菠蘿的味道之後便衝到嘴裏去，雖甜，但不酸，不過又好菠蘿的味道，不錯！可惜份量真的很少，我還沒有再吃到第二件，便發現碟裏只有腰果和菠蘿，而排骨都送到朋友口裏了。

這間店近來得到很多好評，在我來看，它不是差，卻又不是很好，會不會再來，我想應該會吧！始終沙田沒有甚麼地方有好東西吃，這間算是不錯，至少服務很好！面對我們這群劣「童」都招呼得頭頭是道，再加上食物質素不錯，只是心裏知道很多都是預備好再翻熱，這個感覺就不是很好了，不過這裏是和朋友相聚的不錯選擇吧！

以這個價錢，有這些食物質素，合理！

I was Dayoff on this Friday. I visit my granny in Shatin and I do shopping alone in New Town plaza 1 and a bit hungry that time. This is my first time to dine in this restaurants. As you know, there are so many choices here.

I-thai is one of the restaurant from King Parrot Group. Mostly the restautants from this group are cozy, comfortable and the food quality is fine but not the best.

I order one tea set: HK$40, including:

One drink: Ice tea

Thai style roll: 4 pcs: As usual : tasteless, nothing special

Desert: coconut milk cake: one small piece: It tastes good and smooth

Fied mama noddles with pork neck: Too much sauce for thr noddle, as I personlally prefer light food, it was a biot heavy for me. The pork neck with quite a lot of fat. But one good point is : there are a lot of vege in it. I think we should eat more vege as it is much healthier.

首先講下叫左d咩先
1. 軟殼蟹青木瓜沙律($68)
2. 海鮮青咖口厘炒幼麵($55)
3. 炸豆腐雞腳筋($48)
4. 藍鑽石:blueberry的飲品($30)

食後感:

我地係2個女仔

軟殼蟹青木瓜沙律，真係好大碗。我地2個都好喜歡吃軟殼蟹，軟殼蟹份量算多，夠2個人食，唔洗爭。沙律的味道只係酸酸地，冇咩特別。

海鮮青咖口厘炒幼麵，海鮮的定義真係好闊，因人而已。而呢度的定義就係 有3、4隻蝦，有3、4隻青口，有3、4個八爪魚圈圈。再加埋好多青椒，炒埋d幼麵。唔覺有青咖口厘既味道。

炸豆腐雞腳筋，呢個好d啦。冇咩人會唔喜歡炸既食物既。個豆腐一定要點下佢既漿，如果唔係 會冇味道。雞腳筋 個咬感 似 雞軟骨咁囉。

藍鑽石，佢既藍苺味好稀。

總捨來說，食過就算喇，份量係多，2個女仔都好飽，但係食左2百幾蚊，只係為左飽咁簡單？如果係咁，洗乜食2百幾蚊呢？ 當日我係搵沙田區>泰國菜>呢間野係第一囉。所以先黎呢間野食。唉... 失望。

　　母親節過後轉眼又到左父親節囉 , 由於有返收入所以可以食豪爽d , 但係媽媽唔食魚生個d , 咁唯有揀呢間餐廳黎食下東南亞菜色 , 大家都會合胃口啦 , 不過上次食過MK個間心．泰唔掂 , 都幾擔心會再次"領"野 , 好彩最後冇令到一家人失望 , $250左右就好滿足咁食飽飽。

炸蝦餅 ~ 唔會油膩 , 而且入面蝦肉好新鮮爽口。

青咖哩牛腩筋 ~ 要左小辣反而覺得唔夠刺激 , 不過炆得好腍入味 , d青咖哩汁用黎撈飯好好食。

香辣海鮮炒媽媽麵 ~ 夠辣食到冒汗 , 只係個麵應該係好普通既印尼撈麵再加埋d魷魚就叫做海鮮啦。

越式燴牛尾油飯午餐 配 青梳打 ~ 可能我本身對燴牛尾唔抗拒 , 所以覺得幾好食 , 好腍夠味唔會太肥。

沙田新城市廣場搵食一向都係多人同要等，不過呢間i-thai真係值得去試
我地２個人叫左一個冬蔭功湯，牛油雞翼，青咖哩海鮮同酥油餅
樣樣都係好味，又係熱辣辣上枱的
特別介青咖哩海鮮，真係每次諗起都想再食，佢以一個椰青盛住ｄ青咖哩，ｄ咖哩仲有椰青肉，唔辣甜甜的，很香！

環境緊係唔駛講啦，一個字好～　我地２個人坐一張４人枱，ｇｏｏｄ～