7月31日, 晏晝去旺角行完街~ 呀比帶咗我黎呢間boardgame café玩! 星期六晚真係好多人! 我地無book位, 所以有得坐真係撞彩~ 佢地都特登開多張台比我地兩個玩~如果係第一次黎其中一個人就要申請做會員, 免費的! 然後頭兩個鐘$50一位包一杯飲品. 叫埋野飲就去揀棋玩喇!

::: 草莓雪泡 :::
個杯肥肥圓圓好得意~ 呢個係屆乎草莓奶昔同沙冰之間! 好cream但係又好凍~ 有淡淡嘅草莓味, 不過其實整體味道係頗清淡. 其實我麻麻地士多啤梨~ 所以呢杯野個味一般啦!

::: 朱古力奶 :::
其實係好普通嘅朱古力奶, 不過都幾大杯, 慢慢飲都可以消磨很長時間~

呢度地點比較闢, 飲品又唔可以話好飲, 但係仍然十分爆場! 最大吸引力一定係佢地超多種類嘅Boardgame ~ 唔理你2個人好一大班人都好, 你都可以搵到啱玩嘅Boardgame! 而且仲有專人坐埋你張枱度教你點玩~ 真係一流服務! 不過因為太多人, 所以會嘈d… 之但係嫌普通café傾偈太悶, 呢度絕對係一個好玩好推介!

詳情請看: http://www.fotop.net/tonykafai/cateringartwork/090214jollythinkers

空中棋園
情人節當天，剛巧為朋友慶祝生日，於是到了太子這所咖啡店遊玩。想不到這個「空中棋園」的棋類遊，真的多得很。

我們玩了幾個遊戲，包括「垃圾回收遊戲」，是利用收集回來的垃圾和累積的一「獎幣」致勝的，是個熱身遊戲。然後我們又玩了「give and take」遊戲，透過各種組別的卡，以接和收禮物的鍾愛程度，來顯示你和朋友之間有多互相了解。

另一個買賣物品的遊戲，則需考驗自己的眼光、議價能力和組合管理，是個十分好玩的遊戲。由於時間關係，我們玩了最後一個遊戲：「偵探遊戲」。透過犯人和偵探的角逐，獲得最高的分數。

為何這次沒有飲食推介？哈，因為吃過飯，亦沒有記下喝過甚麼吧。想知道更有趣的遊戲，到這裏玩玩吧。

今天又是生日飯的日子
一大班舊同學到太子這間cafe 相聚
女孩子當然愛玩愛傾計愛大聲笑
Jolly Thinkers 正正合我們心水

環境尚算okay, 光線足夠, 不會灰灰暗暗咁
應該大概可容納50人
有三台客人可以坐safe, 另外坐普通木台
好在我們早早就到達, 否則坐普通木椅的話, 就不似去cafe了

這裡最出名的是玩棋, 有多至300款喎
不過其實我地已經由6點玩到11點, 都只不過係玩過3款
因為佢的棋既外國棋, 都幾複雜, 所以一定要佢教你先識
話就話300款, 但事實上佢都只係會推介至多人玩的俾你玩

至於棋類有趣度方面, 我地覺得一般都唔錯的啦, 但唔係好值這個價錢
佢每個人$50 2個鐘, 平均也要1個多小時才玩完一款, 所以即約$30 一款棋
如果以我們為例, 有5個人...其實買一幅返屋企慢慢玩都仲得........

至於食物方面沒有特別可取之處, $45一個餐, 普普通通, 不過不失
每人會有一大杯飲品
我們有叫 : 曲奇朱古力, 曲奇咖啡, 草莓朱古力.等
但全部都好淡, 未至於難飲, 但唔會有興趣叫多杯, 亦唔值$30 有點失望
d 曲奇得d 曲奇餅乾碎, 都無曲奇味, 朱古力底稀得不得了, 完全唔講唔知係朱古力
咖啡好少少的....至少聞到同飲到, 知道係咖啡....唉

現在1月至3月有優惠, $50兩小時後 加$5 可以玩全晚

總以言以, 如用$50 玩棋實在貴得可憐.......飲品又唔好味
但如果 求貪方便和買個地方相聚的話, 就適隨尊便了

週六相約了好久不見的朋友聚會；六個女孩子，選了在「空中棋園」

由於其中一人是 VIP，每人只需$45玩兩小時(如非VIP則$50)，包一杯$30或以下的飲品；不過，玩字行頭。

由於身為VIP的那位遲到，餘下的5位，充其量也只有太公對大路的Board/family games 稍有認知；但這裏實在有太多千奇白怪的遊戲了，看得人眼花潦亂，唯有開出條件 (容易掌握，不用太花時間)，由導師哥哥教我們玩。

不過，我們是群麻煩的女人；一個遊戲玩了兩三個round，又要轉game，要勞煩導師們不斷教我們新遊戲；他們的耐性倒好，還是笑盈盈地耐心教導，很讚。

然後，來喝的了；太公點了凍薄荷咖啡；咖啡是太淡了，加上冰則更淡，只有薄荷味支撐大局 - 當它是一杯薄荷飲料，這也是相當清新的，不俗。(既然這不是以咖啡為主打的cafe, 也要求自然要降低一下)。

太公最欣賞的是店家的老實；看友人一杯杯的飲品上桌，份量頗大，絕對能支撐兩、三小時有餘 - 要是店家狡滑一點，可以送上小一點的，就可多做幾杯生意了；但他們反而是大大杯的送上，很老實。

玩意種類多，飲料不缺，味道也夠清新，店員也和善，我們就這樣嘻鬧笑玩的，過了一個快樂的下午....

一間吸引的上樓cafe, 總要花點心思去搞一個特別concept, 寵物, 藝術, 家庭悠閒feel, 已經多的是. 今次因為有個friend, 說過也會在新年期間, 到英國一遊, 大家密會相討, 夾時間於倫敦見面, 我在search餐廳期間, 發覺這裡別有心思. 便試試邊下棋, 邊用餐.

7點到埗, 是大廈的頂樓, 打開門, 預留給我們的棋檯, 已準備好, counter滿是各式各樣的Board Game, 一時有愛好者圍著買game, 廚房就在後面. 二人本來是想傾計的, 頓時變一變, 開心地玩左先.

那些特別Board game, 果然未見過, 玩之餘, 亦要食的, 因為$50一人兩小時的入場費, 包一個飲品, 首先我們叫下飲品. 一杯朱古力咖啡, 一杯空中棋園的特飲. 開始了這個邊吃邊喝邊玩的晚餐. 既然飲品行頭, 當然先評一評. 我的特飲猶如藍色的一杯水, 底有少許像果粒的東東. 起初飲落去仍可, 但後來, 可能冰溶了, 頓時變得淡而無味. 朱古力咖啡, 朋友說, 唔夠杰.

食物, Dinner菜牌差不多8點才寫好, 點了個炒喬麥麵, 同 咖喱煎豬排飯. 要等, 因為是即叫, 即做, 同場full house多名棋客, 三樣Dinner餐, 分別上, 可能煎豬扒同炸蟹鉗比較容易同快, 所有飯類先出. 我邊食邊玩完一round後, 朋友的炒喬麥麵才到.

咖喱煎豬排飯, 日式咖喱做得不錯, 小塊豬扒兩件, 輕盈的, 但正好足夠, 不多不少. 剛剛做好的食物永遠是最好食的. 甜的日本咖喱, 熱的飯熱的豬扒. 後面廚房的出品, 家庭式, 不錯.

喬麥麵, 鴨胸炒, 未食已感覺好特別, 雖然我冇食, 看不見煌, 是冷炒麼, 熱炒麼, 朋友本想offer我一口, 但因沒有餐具而沒有要. 其後她說只是普普通.

食畢, 未到九點, 繼續邊玩邊討論英國meeting事宜. 夠鐘, 原來老闆都幾有心機, 打咭鐘般記下時間. 過了少少時, 已收了每人$5的附加費. 不過, 這裡的確提供了一個好獨特既地方, 在市區商廈頂層下棋, 而且樣樣新奇未見過, 老闆同老闆娘亦好用心地教我們怎樣去玩這個game.

上到黎, 食物是其次, 約多幾個朋友, 半聊天半玩, 開心的過兩小時. 這是不錯的地方.

睇完下面個complain report, 我同朋友都有d卻步。 但還好上到去玩&食都感覺良好！

食方面﹕我同朋友都覺得唔錯，冇味精，而且份量足夠。

玩方面﹕ 不用多說，玩 boardgame 為主題，在香港十分少見。 D GAME 都唔錯，有2 個朋友重即場買左幾個GAME 返屋企。

至於方便的地方 (TOILET)，衛生尚可(冇小動物)，但可以更好。 (個人意見及經驗﹕有D CAFE TOILET 連小動物都有，點用呀！)

收費﹕我地有朋友走先，職員都樂於替我們先行計算(但不會先收錢)，到埋單時，我地都用計數機計下，都冇出錯呀！GOOD

員工們教棋及SERVICE 態度友善及投入，值得一讚！

下次都會再同朋友去玩。

本人甚少寫食評，一般而言只是看看其人的評價參考意見。
昨天和大學同學聚舊，有人建議來這裡便不妨一試，我不敢說換來一肚子氣，但可以說是將之列入黑名單！

第一，收費複雜欠彈性。甚麼首兩小時$50(包一杯$30或以下的飲品)，其後每半小時$5，食物另計。看似清晰，實則複雜，首先，原來該店非常均真，我們一行七人前後腳到達，店方記低各人的入座時間，按實際時間算賬。問題是我們結賬時竟發現計算混亂，我們只是多玩了一小時，他們竟收接近二百元的加鐘費！當我們查單，職員便承認計算錯誤，正確金額只是$50元左右(差額是足足三倍！)其實如果他們檢討一下收費方法，便不會產生這些誤會，其實，多收或少收客人錢也非好事。至於有欠彈性，則是按人頭收費一項，友人帶來五歲小兒，也是劃一收$50元，這點似乎有點……那個。(各大機構也設小童優惠……)

第二，該店未能營造輕鬆的氣氛，各職員臉容繃緊，cool了點，與客人欠交流，雖然他們好像很熟悉各款棋的玩法，但那種拒人千里的印象令人揮之不去。

第三，又是職員的溝通技巧問題，昨夜席間有友人生日，故勿論那切餅費了(每間食店也或多或少有的)，但職員走來說為我們拍照，好放在他們食肆的網頁上！唉……看官也知道互聯網是何等自由流通的地方，把玉照放上網這一招，不是人人受落的，故此友人一口拒絕。後來，是很久以後，店員才解釋拍照的原因，原來甚麼放上網只是幌子，實情是……(店方心思之作，我尊重他們，保持賣關子)。其實，若職員當時用另外的藉口，例如：「為你們拍照，稍後列印給你留念」，相信抗拒的人不多。

最後，不知道昨天是否客人多，加上是男女共用的類型(馬桶+尿兜)……洗手間的衞生、氣味……不敢恭維，暫時是本人曾光顧的樓上茶室中最差的。

平心而論，這間店的食品及飲品水平，在樓上茶室中，算是不過不失，可以入口。棋類眾多又新穎，雖然上述看似小小瑕疵，但已足以令人不再回頭。

油麻地的 What is 同太子的 Jollythinkers, 是兩種感覺。

大家都係做 Board Game 為主的生意﹐大家都是 cafe 型式運作﹐但所做出的感覺﹐就是有那一種分別。

我都唔識講。我兩個都去過唔少次﹐但就係唔識講個分別。

比較「膚淺」的分別﹐應該就係價錢。Jolly 最低消費 $50 包一杯飲品同埋 hea 兩個鐘﹐之後斷鐘計﹐相比起 What is, 的確係貴少少。

但 in return, 佢地的野飲係好飲好多﹐而且唔計飲野﹐地方都光猛好多﹐雖然無落地大玻璃﹐但十幾樓望出去﹐都算係「一望無際」的旺角「樓景」﹐都算唔錯。

唔識玩的﹐可以來 Jolly, 佢地可以實行一個 tutor 對一張檯的教授法﹐guide 住你玩。但如果唔係想學新 game 的話﹐或者係老手聚會的話﹐或者唔想一路有個人係你檯邊的話﹐就唔多適合。

鹹魚青菜﹐各有所愛。

1)前幾日去了Jolly Thinkers同雯女祝生日,
雖然要收切餅費,但係有野送返比壽星女架,
好驚喜!想知係乜,自己去未知囉!! 哈哈,我幫佢地賣關子.

2)佢地既棋好多都好新,未在其他CAFE見過,值得再去.
今次玩左幾款棋,其中一款叫掘金,有好人壞人之分,
我做左兩次壞人,好好笑. 玩完後, 大家一致贊成買一盒小組時玩. 一盒棋唔算貴,
在那裡玩完重可以買,好方便,一間好特別既CAFE!!!

3)我在那裡飲的是巨蜂提子乳酸,個杯好有趣,亞ANN飲既賓治更有趣,好似飲紅酒的巨型杯,好好笑!!!

4)佢地有自己既公仔,同產品,我地買左幾張佢地既心意咭,
好好笑,好有意思.

總結來說,我地都好鍾意這間CAFE,下次都會再去.

一定要BOOK位,因為上次去到好爆,好多人.
如果唔好咁嘈就比較好D,上次去到隔離桌玩到好大聲.

雖然野食的選擇唔多
可能係晚餐時間,得3個SET 配意粉OR 飯
但係味道都唔錯

間野唔會好迫坐得幾舒服
又多野玩而且玩具都KEEP得好好
唔似有D CAFE 唔齊配件
重點係有人會教你點玩
服務態度又好員工很NICE
唔使自己睇到一額汗完全無頭緒

值得推介,不過記得book左位先,
唔係會無位架~

推界原因：

1.好多你重未唔過既棋，重好考頭腦好好玩！

2.有個老外教你玩棋，有教得好、有搞笑、最重要系0岩嘴型、識講廣東話，教得又有心機
(佢唔系日日

3.裝修全部都好有心思，連D 0古筍同埋果D晴天公仔都系自己整，重有埋自己既logo；另外，menu design成張英文報紙頭版feel，好有心思！

4.食物選擇真系唔多，但樣樣都好精景！e.g : 曲奇奶色，有佢地logo既potato波

have to recommend the place mainly for its staff, games n environment. not much food variety but at least the food doesnt suck! I've had the fried platter a couple of times n the fried smilies r recommendable.

the drinks also look pretty n there's a wide range offered.

a grp of 5-7 would be perfect.

尋晚同10 friends 第一次上去玩, 覺得D games 好好玩,由外國返既, 做會員就有9 折~~~
店員話其他地方應該冇得買!

食物方面,小食當中, "雞同骨腸"好好味~~ 可以試下!不過...D Set Dinners 就麻麻, 下次我地上去會食左晚飯先上去~

而飲品方面, 曲奇奶昔幾好架~又大杯!!! ^^ 而草莓乳酸既味有D似冰條既味, 只係一般, 不過好大杯! 而薄荷雜果濱治就淡左D! 熱焦糖朱古力一般...

我地一行11 人, 叫左一共11 個Set Dinners, 6 個小食, 玩了4.5 小時! 每人平均消費: HKD126-

如果當係學D Games 點玩, 食小食, 飲杯野都ok! D Games 覺得好玩, 買返去玩, 遲D 同D friends gathering 玩都好好丫! Dinner 就唔太好喇!

之前聽個fd講話有間cafe既棋好得意
於是今次約埋班fd黎玩下
一坐低服務員就走黎介紹我地收費、野食、飲品
等我地睇左一陣之後
服務員又拎左一副棋黎..話介紹新客玩
佢好好人, 好有耐性地教我地玩
之後到野食黎既時候, 因為有一個fd既野唔啱佢食
服務員又好好咁拎一碗飯黎..仲要問我個fd要唔要汁..
d野食都ok, 一般cafe既野食lor..
不過覺得佢d野都係新鮮整, 因為係熱辣辣的!!

等到我地食完, 佢又教我地玩另一個game
總之d服務態度好good...好warm咁樣~
而且坐得好舒服, 如果要傾計或者同朋友玩番餐
我覺得真係不錯既選擇

順帶一提, 間野好細...得5-6張檯到
夜晚一定要book

之前和朋友上去玩棋，覺得都幾得意，在香港好少可以玩到呢類棋。
今次同埋爸爸和媽媽上去，玩Ｄ用腦Ｄ既棋，佢地都好鍾意，
佢地兩個玩左一個叫Lost City既遊戲，佢地好鍾意。
重話下次要教返我咁話。
那兒的食物都幾ＯＫ。
好有ＨＯＭＥＦＥＥＬ。
飲品好大杯，個杯好得意。
特別要提的，是他們的餐牌好得意，去到一定要留意！

佢地有個網，個晴天公仔好得意，（不過聽講原來係一隻棋）
www.jollythinkers.com