對於一間食肆的要求，我想最基本的三個願望大概就是食物好吃，環境舒適和價錢便宜吧。能一次過滿足這三個要求的並不多，可是今天來到彩晶軒，覺得它真的做到呢!

今天媽媽在尖東工作，而我剛好又在佐敦工作，所以工作完畢後便過去找她了。我們兩個都未吃午餐，當然要去找個地方好好的吃一頓啦! 想起彩晶軒在我們附近，便立即整裝出發! 我們大概一時四十五分去到，姐姐說二點下午茶，叫我們可以坐低稍等一會。

準時兩點便立即安排我們入座了! 內裏的環境真的非常好，首先不用和別人爭位排隊是一定的，一定有位置給你坐。另外就是環境寬敞得不得了，而且裝修很漂亮，一閃一閃的，大概是因為它們主做婚宴吧。它的大廳真的很大，我看整個下午茶大概也只坐了 1/4 的位置，可能由於今天是平日吧，又是下午茶時間，所以客人真的不多。

坐下後當然立即看看有什麼好吃啦，因為我們真的挺肚餓呢! 發現它的下午茶真的挺便宜的。它有頗多款點心也只是 $ 6，例如馬拉糕，燒賣，蛋白燉鮮奶等等，其他的我都不大記得了。反正就是它有頗多食物都挺平的。我們叫了一碗叉燒湯檬也只是 $10，不要以為$10一定好吃極有限，它是很不錯的。檬粉軟硬適中，而且湯底很入味，就這樣吃都已經很好吃。那些檬粉很易夾，平日那些很散很難夾的。叉燒是半肥瘦叉燒呢，有少少肥膏又燒得香，$10 不吃也對不起自己吧。

另外我們還叫了一碗台南紅燒牛展麵，這個也只是$12，也是很不錯的。那些是台灣麵很幼滑，而且吸收了湯的味道，加上牛展頗淋，它是帶有少少牛筋的，吃下去頗香牛肉味，所以也是值得一吃的! 之後我們還叫了一隻BB鴿，媽媽吃畢後不停大讚不錯呢，因為它的皮很薄卻又燒得很脆，最重要的還是充滿肉汁，肉質嫩滑，連我這個病人也忍不住吃了一半呢!

最後我們叫了兩個點心，分別是流沙包和千層糕，它點心紙上的名字改得很長很好笑的，流沙包前面還有5-6個字，我心想簡單一點不是更好嗎? 怎樣也好，反正它的點心依然是好吃的。美中不足的大概是流沙包，雖然包皮夠薄亦夠軟熟，而且餡亦夠流沙，但我覺得略為甜了一點，而且不知為何真的很重奶味，這個就不是太合我口味了。千層糕來到的時候我們嚇了一跳! 因為它的外形很漂亮呢! 做得很細緻，吃下去層次分明，真的吃得出它用的應該是鴨蛋黃呢! 而且還吃到一絲絲的糖冬瓜，那種口感是很不錯的! 哈哈，我還吃到肥豬肉呢! 證明它的做法正宗，可是我吃畢之後就為我所吸收的膽固醇感到害怕了! XD

吃畢之後已經飽到不能動啦，這裡的服務也不錯呀，又是有求必應，有些姐姐還挺好笑容的! 它的價錢真的很便宜啦，我們結帳也只是 $93，媽媽大讚抵吃呢，下次要再來呀! =)

早兩天參加了朋友在彩晶軒設下的48圍大型婚宴，覺得非常好，必須上黎讚一下。從來去飲都係20-30圍, 咁大個場成個場包晒真係第一次見。 雖說個場沒有柱位，山頂的朋友要見到台都係一件困難事，因為實在距離太遠。好彩，我唔駛坐山頂，兼且對正部電視 ^^。

平時都有去彩晶軒飲吓茶，本身覺得佢個場除左樓底唔夠高之外，裝潢已經好閃好有結婚FEEL，原來搞婚宴時的佈置更華美，大門口有個帳做裝飾，RECEPT位的佈置亦配合埋場地，浪漫童話FEEL。

一坐低待應就好醒目隨即拎左幾杯fruit punch比我地。搞完一輪影相同開場白就開始食。酒樓方面的時間配合非常好，一開始48個待應一人捧一隻乳豬進場，豬眼有閃閃燈，加上全場DISCO燈效果，好有氣勢 ~~ 乳豬拎到出黎仲係熱辣辣，而且個皮好脆。其後的幾味係 '帶子貴花蚌' 、'瑤柱甫' 同 '炸蟹箝'。雖然啲名好普通，但食落一啲都唔普通。
首先，碟碟出到黎都係熱到出煙既 (小妹就試過去飲啲野食唔夠熱，都唔知擺左幾耐)，四十幾圍，要做到碟碟熱其實都幾難；
第二，碟碟都好大碟，絕無偷工減料，我地半圍係男仔都食唔晒；
第三，真材實料! 我最愛既花菇，隻隻都有一塊消化餅咁大，帶子同蚌食落係爽口有鮮味的，炸蟹箝大大隻，金黃色完全無炸過龍，條魚蒸得岩岩好，仲有個燒雞，皮脆肉嫩，味道咸甜適中。
另外我覺得個 '美點雙輝' 都好值得推介，係豌豆黃同蓮蓉牙擦酥，比笑口棗特別得多~~~

總括而言，食物的質素係同檯所有朋友都讚不絕口的，可見選酒樓擺酒，不一定只因為平，酒樓的高品質中菜係酒店點都追唔到的，更何況係跟 '好彩集團' 呢個老字號比?
整晚見到酒樓經理睇到實一實 (因為佢咁岩企係我張檯旁邊的出菜位)，除左後尾上菜或許係因為人手唔夠而有啲亂同趕之外，成個程序都好smooth。這次的體驗係，揀酒樓擺酒，除左睇場境，揀有口碑的大集團都非常重要!

不可思議的事情發生了。

某年某月某個下午，上上份工作的老友同事ABC君說要替我搞個中秋前午飯「做節」，為失業的我打打氣。「你去彩晶軒搵定位先！我地放lunch再過黎搵你...」心裡想著怎樣彩晶和彩雲軒那麼相似，原來是同一個集團，不過個人基本上不大關心此事...只是覺得很有趣而已。

胡鬧三人組出現時，我已經按自己喜好點了點心：牛肉腸是滑嘟嘟的，裡面足料很討我歡心；魚翅灌湯餃可以，個人口味喜歡比較淡一點的湯水；南瓜粥很好吃很綿；台式鹵豆腐是可以再鹵一點啦(笑)；馬拉糕是鬆鬆軟軟很香很有溫暖的感覺，記得一定要趁熱食；豬仔骨很香口，可以用來配白飯的。以上的都是我個人較推介的點心，其他點心也是ok/可以/有水準啦...

這次也吃了BB乳鴿，看著三人組把乳鴿吃得煎皮拆骨的樣子相信也不用我多說。的確，皮是脆身的，難得的是汁還是鎖了在乳鴿肉內，吃起來肉嫩不會嫌老。

坐了一會，聊了一會，三人如風似的要回到工作崗位，走之前也不忘幫我埋了這張單。謝謝你們！

P.S. 彩雲和彩晶這兩家相隔千里的酒樓似乎也各有特多嘛~

接完女朋友放工，近近地去佢做野間學校隔離間彩晶軒飲茶。

女朋友叫佢做御用飯堂，因為佢班同事差唔多個個星期都去一次飲茶。

女朋友推介奶皇飽，果然與眾不同，不似一般茶樓的奶皇飽，個皮有點似西式面飽。

我鐘意食蝦，叫左蝦腸同蝦餃，兩樣都大大件，蝦肉好爽脆，只係略嫌皮不夠軟滑，可能係擺左一陣先食先咁。

台式鹵豆腐就香鹵水味，好哂味，而且好滑。

美中不足係想食的魷魚鬚賣哂。

總體來說味道中上，價錢都不算貴，難怪女朋友班同事成日去飲茶。

好友生日, 想飲茶, 就特登出去佢公司附近的彩晶軒搵埋位等佢放工.

自從愛上左v cuisine之後, 對"好彩"集團的酒樓都有了好感.
以前總覺得老字號的酒樓一定係烏煙瘴氣, 又殘又舊,
去過v cuisine之後, 先發現老字號搞革新, 其實比其他新字號更有保證.
早排去過的彩雲軒無令小妹失望, 今次呢間彩晶軒亦一樣.
華麗的裝修外, 食品賣相極有心思, 味道亦十分好, 就是傳說中的"色香味俱全"~

今日只一行四人, 全部女生, 所以叫的食物唔多, 亦唔係heavy類.
點了前幾篇食評有食家介紹過的冬瓜盅. 每人1碗, 份量剛好.
點了到彩晶軒不得不吃的懷舊馬拉糕, 同芝麻卷(甜點).
呢d懷舊食品, 好多新開的酒樓食肆已經搵唔到, 仲要好食就更難.
雖然街邊/ 街市有時都會搵到呢種黑色的芝麻卷, 但總覺得已經塵封萬年, 唔敢買.

另外值得一讚的是鹵水豬仔腳同鹵水豆腐,
入味得黎唔會喊, 而且嫩滑, 兩者都係小妹的推介.
p.s. 有2小時免費泊車, very good~

最後一提係佢的裝修的確好靚, 服務亦好.
大堂的紅花牆紙拚英式梳化, 好特別.
如果有fd結婚, 我一定會介紹彩晶軒比佢~~~

今日我地全家總動員右去彩晶軒飲茶,飲茶係我地家庭樂其中一個環節,每次都會去尖東,因為果區真係吾駛等位,彩晶軒係首選,因為有兩小時free parking,食物質素高,今次有個新點心"脆皮蘿蔔糕",真係要試下,好似春卷但內裡係蘿蔔糕.....其次一般個叫"南瓜什豆粥",第一次食就愛上了,上次再叫既然加左"皮旦",我個仔不知幾like,差不多成碗食晒,蝦腸好食,D粉吾厚,一條腸粉有四隻蝦呀!仲有Ｄ馬拉糕,熱騰騰右鬆軟,我地每次都要叫兩籠,但我同我老公無份,係比我兩個仔一人一籠分晒!! 講到服務,話說我地叫左個"家鄉煎薄餅 ",過左十幾分鐘都未到,咪是但捉個人幫我地追,佢不單只好有禮咁話幫我地追,(其實我仲跟蹤佢,因為有Ｄ人只係個口答左會幫你追,但好快就無左件事),佢真係走左入廚房幫我地追,不久....我地當然可以食到熱騰騰既薄餅啦!!!! 

之前去過尖東彩晶軒飲茶, 覺得D食物都幾好, 例如菠蘿叉燒餐包, 面頭幾脆, 裡面既叉燒餡料味道又調得唔錯, 最驚喜的是馬蹄糕, 夾住唔會散, 咬了咬仲有淡淡既蔗糖味, 比一般既馬蹄糕多了一份香味, 甜甜的有咬口, 非常特別, 我仲同朋友係咁爭食。

昨晚又去左食晚飯, 今次試左個大蝦沙律, D蝦爽爽地, 同一般沙律差唔多。 另外比較出色既係欖角排骨, 一上菜大家已經覺得伴碟既蕃茄兔仔好得意, 一入口就食到D排骨有濃濃既欖角味, 而且好脆身, 加上有蜜糖吊下味, 都幾野味。

唔夠飽又點個斑球煎米, 為方便大家夾起, 酒樓已先將成碟煎米切成一塊塊, 每塊好似Pizza咁, 餅底就係煎米, 上面鋪滿斑球, D米粉煎到外乾內軟, 外面加D豉椒汁, 脆脆地幾好味。 總的來說, 上菜算快, 食物有一定水準, 可以一試!

姑媽book左位叫我地去飲茶, 本來想唔去但又冇得推, 阿妹又冇義氣臨時縮沙, 好彩d野都好食

雪山奶皇包值得試, 奶皇包食得多, 但未試過西式奶皇包, 並唔係傳統白色皮而係西式焗皮, 個皮又夠軟熟

欖角排骨好特別, 食落冇油膩既感覺, 我食左幾舊都係全肉, 正！排骨上面有d欖角碎, 有少少咸咸地, 又有蜜糖味甜甜地, 所以好特別, 欖角同蜜糖好match

蒜香鮮蝦長春卷 – 賣相好吸引, 連相都唔記得影就搶住食
佢係用隻杯上, 每條春卷都成隻碟咁長, 一杯有4條, 仲有好似蝦片咁脆既長形配料
比起傳統春卷幼d, 仲冇咁油tim

台式鹵豆腐係比較平凡既菜式, 但一d都唔普通, 因為個豆腐係超滑, 必食

咸水角唔會皮厚涵少, 佢用個小竹籃上更添食慾

不見天韮黃蝦腸 – 有菜伴碟都好少見, 腸粉皮好軟滑又夠薄, d蝦又大隻
平時食開都係品字形三條, d豉油永遠都係滲晒最底, 一條過就冇lee個問題, haha~

食得叉燒包多就試下菠蘿叉燒餐包, 味道一般la

姑媽同表姐都鍾意食魚, 叫左個煎黃花魚, 我就麻麻地因為望落去好似有d乾但食落去原來d魚肉都滑, 外脆內軟, 香香脆脆

一直, 都覺得搵唔到一間值得一讚的食肆.
前幾日終於都搵到喇, 就係呢間彩晶軒.
那天晚上放左學到彩晶軒開"姊妹大會", 哈, 因為表姊下個月會係到擺酒呢~~
睇黎呢間食肆係婚宴為主, 一睇D裝潢閃令令就知佢SELL童話FEEL.
我仲未嫁得出, 不過第日有機會, 都會搵呢D靚靚的酒樓場地.
碰巧樓下兩位食家都提到在彩晶軒擺酒, 真巧~

擺酒樓除了貪平, 重的是食物質素.
表姐的確好有眼光. 今晚我地唔係大魚大肉, 不過D小菜都好精緻, 又好味.
我地一行5人食左4個小菜, 包括有欖角骨, 黃金脆豆腐, 燒雞, 度小月蜜糖豆, 同埋表姐特別為我而設既迷你冬瓜盅!!!

真係好SUPRISE呢~~ 表姐好細心.
佢話佢自己上次飲茶都叫過. 幾十蚊好足料, 所以一定要叫俾我食喎.
果然, 個冬瓜盅大大隻蝦, 仲有魚有肉, 瓜肉仲好綿好鮮呢~

脆豆腐都係我既推介, 細細粒, 外面脆脆地, 裡面超滑.
係我暫時食過最好味, 口感最好的脆皮豆腐~~~

同場我地仲睇左另一對新人擺酒的情況,
唔覺有下面食家所講超迫的情況.
可以係999呢個咁特別的日子共諧連理, 真係好浪漫呢~~
而且侍應生的服務都很有禮貌,
或許係知道我表姐下個月會係到擺酒吧!?

ANYWAY, 真係好期待下個月呢~~~

星期六5/9跟家人到了尖東的彩晶軒飲茶，最近經常都光顧，因為我會在這裡擺酒。

首先品嚐了「脆皮BB鴿」，哈哈，因為我住果頭得某集團的酒樓，只有燒鵝，沒有乳鴿，所以一見到即點，而且只是$20一隻，超值價啦，我們點了兩隻。不過一定要"襯熱"食，否則便感受不到皮脆肉嫩的口感。

至於「海味粗條煎蘿蔔糕」，普普通通，不過不失，沒有甚麼大驚喜。反而豆腐，「台式卥豆腐」令不太喜歡豆腐的我，都忍不住多吃一口。卥水汁夠味，豆腐皮弄得又薄又脆，不過一咬下去，滑溜溜，白雪雪。

蝦腸的蝦算是用足料，夠爽口夠大隻，不過本人怕皮膚敏感，淺嚐淺嚐。另外，豬仔腳都幾好，無骨，細細份，食多件都不覺得肥膩。最後食多個甜品「馬蹄糕」，甜度適中，大家也不妨一試。

勁唔掂>>>>

訂位嗰陣巴巴閉>0< 大口話無28圍都可能比唔晒個彩雲廳我
仲話個廳最多可以擺30圍 迫到爆囉''''''' 仲話想拆台 ??點律師証婚註冊呀!!!
簽紙嗰陣頭頂盞射燈夠晒照~勁曬~~ 連宣誓詞都睇唔到嚟讀呀~
時間安排又唔好; 翅未食完就吹你主人家敬酒 連MC都睇唔過眼叫佢拖慢啲....
經理/部長唔掂 連班''狗屎''伙記仲賤 企喺尾嗰幾圍位爆粗 超趕收工 未到11點甜品都上埋 又吹你去送客 呢世人呢次真係輸經驗 過來人嗰啲都話唔掂 化妝師都比佢哋攪到趕晒
食物除咗夠熱(快上快食)絕無出色 錢就收到過晒火 一般幾位加位有走散
但加咗4圍13個人收足你$330/位 但我加咗4個素食$220/位 又唔見佢拉上補下減番嗰圍11位
總之結婚嘅朋友 香港地大把酒樓 千奇千奇唔好揀呢間囉 ==__=='''

彩晶軒係我公司的飯堂，如果有任何比較重要日子，如同事離職，生日，入職，或者老細請食飯，都會去彩晶軒食lunch
昨日因為同事last day，所以中午去咗呢度食
最好味的是皮薄而白雪雪的叉燒腸，叉燒半肥瘦，好易咬開
仲有蝦蛟，大大隻蝦，又爽又新鮮，啲皮又唔易破～
而雞扎就係用雞，以瓜同筍取代火腿、芋頭，雖然可以照顧老人家飯食清淡的健康目的，但倒希望能提供懷舊原裝的雞扎......
同事叫了兩大碗南瓜粥，最初還害怕會吃不完，誰知成了搶手貨，到最後更加「照鏡」！原因只得一個，就是南瓜的香甜融入白粥中，淡淡的清甜在夏日不會太膩，感覺剛剛好

已約定下回同事生日，一定要再去彩晶軒！

婆婆生日黎左呢到食飯 十分滿意
先講下個菜膽雞湯翅* 用料十足 食得到咬得到架D翅!
燒乳豬拼盤:: 乳豬好香脆 唔太肥 幾好食 個薰腣都好好食 下次淨叫薰腣先 哈
錫紙砵酒焗蠔:: D蠔好香 亦大大隻 夠肥美 冇薑蔥焗咁濃 反而食到蠔本身D鮮味
芝士龍蝦:: 好多芝士汁! 撈飯一流! 龍蝦大大舊好爽甜! !!正!!
海鮮豆腐煲:: 唔似出面用大量菜墊底 同用蟹柳當海鮮!! 除鮮魷外 仲有帶子 =D 一樣好食 甜的!

另外仲叫左魚 同炒菜 都OK
祝婆婆年年有今日啦~

同屋企人響加連威老道行街，之後想搵地方食野，於是黎左呢度。

片皮鴨：食片皮鴨最怕包鴨肉塊皮乾爭爭，但呢度就剛好，佢地仲好細心咁每一塊都用紙隔開，夾起果陣唔會一夾夾起幾塊。原先要控制自己只食兩件，但食下一件又一件，最後食左四件！

菜膽雞湯翅：不過不失，我對食肆的餐湯都係一般，飲落有湯味不太鹹已經算合格了。

上湯龍蝦伊麵：好大碟，食得出龍蝦味道，最重要的係唔太鹹。

生炸蠔：炸得剛剛好，蠔本身好滑。最衰我地咁o岩六個人，一人一件無得encore！

菜絲（西芹、洋蔥、鹹酸菜）炒鴨絲：鴨殼起肉切絲，再加芹菜，食落很惹味。其實我地個個都食到飽，都要打包拎返屋企，用黎第二日炒米粉。

甜品：非常有驚喜！ 一set有四杯迷你甜品，有芒果布甸、香芋布甸（2杯），仲有龜苓膏。香芋布甸好香好好味，但龜苓膏略嫌苦左些少。

搵日中午再過黎呢度的話，試下飲茶先得。

同老同學聚舊, 要搵中間位置, 非尖沙咀莫蜀, 見食評 ok, 一試.

又唔係我心目中既質素, 我諗我食野真好奄尖, 點解次次見食評唔錯, 到我食都麻麻嫁…..

講番呢間, 服務唔錯既, 諗住初五,預早 book 枱, 去到點知都好多位, 成晚都唔滿.

叫左個4人套餐, $828, 連呢樣果樣, 白飯, 汽水等, 埋單 $1060

翅: 唔….. 個色橙左 d, 味道…. 麻麻地
魚: 都可以既… 但係細條左 d
西芹帶子: 呢碟太少得可憐, 好少家, 味道 ok 既
炸子雞: 非常既一般雪藏水準

最好食既係個糖水. 8寶糖水