吃砵仔糕，你追求哪一種口感？

從小嗜砵仔糕，入廚以來製作不下二三十回了，算是略有心得 。不論味道，如你乃「爽」派，光顧那些把糕長期「保溫」著來賣的舖子，定失望；若為「腍」派，買熱熱暖暖的，準沒錯。道理太簡單了：熱糕水分含量較涼的高，質感自然相對黏糊──那是「鐵律」，好麼 ？每次聽到別人「投訴」所買的熱砵仔糕名不副實，口感太糯彈性不足云云，總覺得頭頂上一只烏鴉丫丫叫著飛掠過去……

誠然，比例才是最重要的。比例不佳的話，涼糕甚至冷糕也爽彈不了。抱歉我又嘮嘮叨叨一車子胡話 。當天與食友在大漠品羊後，徒步前往信興隆買砵仔糕去 (其實食友不喜粘米粉做成的糕點，謝謝她不嫌路遠陪我跑一趟 )。兩個女人甚少踏足此區，即使手捧地圖冊還是走了一小段冤枉路……

母妹均愛黃糖砵仔糕，買了三個 (單售 $4，三個則 $11)。早前送了食友一件小「禮物」，她大方提出請客，我便多要了兩隻鹹茶果 (售價同砵仔糕)。至於西米糕和紅豆糕等，賣相不大吸引，作罷。眼看著女店員從保溫箱取出砵仔糕，我心下一沉 ──身為「爽」派人士，一向「唾棄」熱甚至暖的；只好待涼一陣，返家才開動。取了最「完整」的一個拍照 (看到沒？左下方缺了一角。怪我大意壓在袋底，餘下兩個樣子更不堪 )。糕色自然，糕面遍佈紅豆，切開，只見中心深陷至四分之三糕身處，厲害 (「撞漿」得宜才有此效果)！個人以為砵仔糕有「凹肚臍」才夠得上水準──肚臍愈深，糕身愈挺，反之亦然。老店出品大多數有。啖之，黃糖味道不慍不火，淡甜樸實 (坦白說黃糖素質一般……幽香，還差了點兒 )；紅豆豆味濃，也夠粉腍。質感方面，糕暖時黏乎乎地，乏善可陳；涼了 (得手摸上去完全不透熱氣才行)，則異常清爽，韌度十分理想 。較預期出色多了，起碼勝過深水埗那家街知巷聞的店子。當然，室溫下品嘗才算。兩隻茶果兩款口味──眉豆花生及菜脯蝦米。涼掉的糯米皮兒乍看潤白光滑，沒有發硬弊病；入口剛柔並濟，又不黏牙。我向來不推崇皮薄餡多，欠嚼勁之餘，米香勢必被掩蓋；這兒皮餡比例參半，很好。

眉豆花生打成啞灰色泥狀，眉豆乃月亮，花生則為星星──純粹拱月而已。宜多撒點五香粉提味，眼下稍嫌單調 。菜脯蝦米，脆爽甘香，惟兩者切得細碎了些 (怕顆粒太大包餡不易？)。大人吃了半個，稱讚皮兒揉得不錯，餡裡如添上冬菇粒，更妙……

同場加映── 白糖砵仔糕、黑芝蔴甜茶果

是日補習後從紅磡那邊信步過來，打算買些糕點才回家去。
近五時抵店，門前玻璃櫃光景一派「零落」：紅豆糕沽清一空；西米糕所餘無幾；鹹甜茶果皆屈指可數。沉吟之際，竟被一男士捷足先登：「西米糕我全部要哂！」怎麼可能 ？一件也不留給我？無名氏，算‧你‧狠！
砵仔糕，上回嘗了黃糖，這次試白糖好吧？還是多買一個黃糖，給親愛的大人。
甜茶果僅剩紅豆和黑芝蔴兩款口味，我要了後者。黃糖砵仔糕水準如舊，不贅。白糖砵仔糕爽滑有致，口感與黃糖無異。糖漿摻了椰汁，椰香若隱若現與紅豆說不出的搭配，堪稱畫龍點睛 。 (若用評椰汁糕之標準是不公允的，畢竟是砵仔糕哪 )除上文提及的紅豆、黑芝蔴，甜茶果尚有三款餡料──花生、椰絲和綠豆，惜無緣一試 。黑芝蔴餡甜度適中，如平常塗抹麪包那種，不幼滑，細沙般質感應是原粒芝蔴打碎後混糖拌成。蔴味足但不夠香郁，對，我猜正是缺了豬油之故。

今天食完午飯，就急急腳走去買個缽仔糕食，$4/個，$11/3個，於是買了6個，帶回公司同同事分享，
紅豆十分之多，整個缽仔糕夠厚身，又唔會好膠，是軟軟但又夠挺身，甜度唔錯!!
最特別之處是他們會用個大大的發保膠盒存放整好的缽仔糕，所以當我買個刻是真的熱辣辣，而不是微暖/涼，
這一點是十分讚的!!

原本仲想試下茶果，但老闆話今日好忙唔得閒整WO......希望下次可以試到啦!!

只是老闆就COOL左少少，唔多笑囉!!

講真，SSP的坤記以前是十分好食的，
但多人買之後水準是下降了，佢地D缽仔糕唔夠厚身同埋已經預先包好膠袋放涼了。

今日膽粗粗一個人去了很遠的地方...村姑出城..
乘106 由屋企去花了45mins, 比乘118 再轉車只慢了10mins, 原以為會差很遠..

第一站是信興隆, 在石塘街巴士站下車, 行返轉頭, 幾個舖位就是..很方便
去到, 老闆應該忙緊出貨, 見到剛剛出了紅豆糕...
要了一個黃糖砵仔糕 $4, 原本想回家才吃, 但摸上手, 微熱..忍不住都係即刻吃..
希望ibs 唔好發作..
豆比想像中少, 大約10粒...很疏..
甜度ok..質感煙un...
絕對合格..
付$4 唔駛自己整..
正~

坊間實在太少好質素既砵仔糕...
可惜這間對我來說太遙遠..算啦..少食多滋味..

正是無咸面既信興隆

簡陋的一間小店, 只供外賣或批發
一心只吃砵仔糕.
買了三個黃糖(共$10)

第一個感覺係太軟身, 要用雙手托住, 可能係剛蒸起, 相信cool down 小小會好d,
糕身非常軟糯, 黃糖味十足, 每口也食到紅豆粒,可想而之紅豆十分豐富
紅豆烚到起沙同和香口, 感覺食緊固體紅豆沙, 仲要幾飽肚呢

dec 28, 09,5時1/2左右嚟到,可惜最想食嘅砵仔糕己沽清,所以買咗 :

1) 紅豆糕
-比較軟腍身,但並唔喺"削",因好有紅豆嘅清香味,所以應該好足料同用上靚豆
-甜度適中
-可惜我食佢之前飲咗1啖白茶(膠樽裝),令到我食佢時都帶有好輕微嘅苦味
-初時我仲以為微苦味出自紅豆糕,但友人話無"押"
-食完之後我再飲多啖白茶,就知道苦味嘅源頭喺佢,浪費晒紅豆糕嘅真味

2) 菜甫蝦米茶果
-未食個茶果面已裂開
-個皮望落都幾厚喎
-友人話好夠菜甫味

3) 眉豆蝦米茶果
-我慣性揀鹹味茶果
-不過個皮真喺厚咗d
-個餡亦無我喜歡嘅5香粉味
-普通
-同大澳財哥差好遠~~~

好耐無食過的砵仔糕又再出現了.今次除了平日食開的砵仔糕,仲有茶果.當然還有上次好好味的紅豆糕啦!

茶果皮煙煙韌韌,用上眉豆鹹鹹地幾好味道.

白色的砵仔糕仍然是少豆,我覺得多點豆味道更好,今次又整得唔算太甜,椰汁味也俾起上次吃的突出,只有一個真是太少了

紅豆糕的紅豆好少呀!最愛是不太甜,一個也也幹掉了二件半.吖,今次發現原來唔雪都幾好食,雪左會硬一點,唔雪的話超軟又夠滑.看來下次都不用放在雪櫃了

砵仔糕, 茶果, 西米糕全都是鎮店之寶, 所以, 我毫不手軟, 統統把它們買下來咯~

吃過以後, 我終於明白信興隆引人之處, 全因它的所有粉漿/皮做得相當不錯, 既幼滑又鬆軟, 用料十足, 餡料味道也不會太甜或太膩, 多吃兩個也無妨呢~ 下一次定要再試其他糕點, 如馬蹄糕, 紅豆糕, 桂花糕, 芝麻糕和白糖糕

順帶一提: 我於下午二時多到達信興隆, 最初老闆跟我說只有砵仔糕和西米糕售賣, 因為茶果平常要三時左右才預備好的, 正當失望之際, 老闆娘大喊一聲茶果剛剛蒸好, 於是我就有幸吃到剛新鮮出爐的熱騰騰茶果咯~ 至於一致好評的白糖糕, 老闆說近來很忙, 沒有時間做呢~ 那希望下一次有機會吃到吧~

媽媽今日路過紅磡又問我吃不吃砵仔糕.最後我要2個,1個啡1個白色.白色那個充滿椰汁香味,好軟滑,只是實在太甜了.至於紅豆烚得好淋,好香口豆味.黃色的味道也好好,夠滑,還有唔算好甜幾好味道呢

紅豆糕第一次吃,雪到冰冰凍凍.咬下去嘩不得了實在太好味了,既唔甜又有豆味,最最重要真是整得勁滑溜,只是略嫌紅豆粒唔太多,這個甜品是夏天的必吃佳品.

買左兩個砵仔糕,一件紅豆糕~$10三件
砵仔糕係暖既~唔算好多豆~但唔太甜,所以ok~
佢係淋身o個種砵仔糕,感覺唔似其他地方的用大菜絲整.
但如果用多d豆會更好~
紅豆糕的顏色好紅但好少紅豆,質感都係淋身..
但我覺得唔太似紅豆糕,除左佢係紅色之外~
唔知點解呢間野講到自己d糕點咁出名呢?個人認為都唔係好特別~
佐敦o個間紅豆糕比呢間名副其實好多..

媽媽星期三買了砵仔糕,黃色同白色都有.事先聲明一向我也有是愛白色多點.所以今次都係評白色先啦

白色的砵仔糕係有好多的椰汁味,最愛入面的紅豆,真係煲得好淋,好有豆味,好似有食緊紅豆沙的感覺.不過,稍稍甜了一點.如果可減甜更好

至於黃色的就稍為整得滑一點,同埋無咁甜,豆都係一樣啦!只是不覺得特別好味道

如果大家都係4元,我就會揀白色了