2
0
0
以上資料只供參考, 請與餐廳確認詳情
好耐都冇入過來長洲，趁今日好天又得閒就入來行番轉，估吾到11月的平日都咁多人。經過平時冇行過的路，見到一間幾有希臘特色的小店，一行過門口就聞到好香的茶葉蛋味。老闆就話佢地的茶葉蛋係用特選普洱加吾同香料整的。$5咪即管試下啦，估吾到又真係好香好入味，而家係香港搵到古法茶葉蛋又真係買少見少喇。之後老闆又推介無糖杞子菊花茶，真材實料，$10支，好過係出面買野飲，錦又買左支試下啦。吾甜但係有好香的菊花味，吾錯。下次入長洲都會來買多幾隻茶葉蛋。
繼續閱讀
今日見天氣好, 入左長洲休閒一日。 行行下想買嘢飲就見到呢間舖, 見價錢平平地就睇多2 眼。 老細好快就走左出黎介紹我試佢地的榴槤咖啡 (唔記得影相..... 冏rz)。 我好鍾意食榴槤，但以前試過啲好難飲的榴槤咖啡, 本來都唔打算買, 但老細極力推介話榴槤愛好者都會鍾意 (而佢個表情唔係sales 要做生意而爭眼講大話嗰種, 而係美食愛好者真心覺得啲嘢好食而推介你試嗰種), $10 蚊一枝就試下啦，反正唔好飲都唔會有大損失。 杯咖啡的確唔錯, 有淡淡的榴槤味, 但又無乜榴槤副制品特有的化學味, 奶味又足(我係飲咖啡一定要多奶嗰種人), 且咖啡唔算太甜, 起碼飲完後唔會覺得個口好酸, 要飲水洗口, 真係覺得唔錯。老細見我鍾意食榴槤又俾我試佢地的榴槤蛋卷 (好似係馬拉入口的)。 好好食, 買左一罐走。 返到屋企開左黎食之後食唔停口, 有啲後悔無買多罐... 下次黎長洲會記得帶多幾罐榴槤蛋卷走的。
繼續閱讀