是日4個人去,我地全部都係嗌牛丸河
我另外加左個魚皮
冇幾耐其他3個朋友都黎晒野食,我黎得魚皮
勁耐都唔黎個河粉,明明我同d朋友嗌既野食係一樣!!
最後要追佢佢先即刻整返.
咁都算啦..個牛丸河勁難食,d湯只係有味過水少少.
d牛丸都ok,不過個湯同個河粉真係勁難食

今日午飯時間要到旺角中心，樂園就成為我呢餐既選擇﹗

我一直都唔係「牛丸人」（牛丸愛好者），但聽聞樂園的牛丸好出色，舊年同朋友一嚐之下覺得直係好好味，至始就愛上樂園既丸類製品，一有時間到旺角我就會黎試佢不同的出品。

今次見到呢個鮑魚豬肉丸，一於試下。

年輕的女侍應細心提醒需時比較耐，要有D耐性等下。

15分鐘之後，鮑魚豬肉丸黎喇﹗SIZE有成個乒乓球咁大，好犀利。清湯上伴有大量芽葉，不過我覺得個湯太清。

豬肉丸真係好大粒，要食多幾口先食到有鮑魚，肉丸有豬肉味卻無牛丸咁彈牙，仲有少少軟身的感覺。

不過咬落去肉汁好多，充滿鮑魚味，粒鮑魚有半個指頭咁大，唔假，應該係真既罐頭鮑。同我一樣喜歡嘗試新奇野的朋友可以一試。

雖然我覺得今次呢個鮑魚豬肉丸食味唔錯不過質感就差少少，但係好欣賞樂園不斷開招新產品的精神同勇氣，會繼續支持。

樂園係旺角太子都樹立好多年, 我估我近呢一兩年都無再食, 原因係上次係旺角店食麵, 我覺得....太咸, 魚蛋魚角亦不見得出色, 所以已經無去食好耐。今日中秋節為左出太子始創中心去拎雪糕月餅, 被迫係太子搵野食, 本來想食譚仔米線, 但.....人多到...唔想等, 展展轉轉行左去樂園, 雖然祁生已經提醒左我, 但我話可能佢地已經無煮得咁咸啦。點知.........唉!

炸魚皮 - 魚皮雖然係脆, 但咸, 初時以為係碗湯咸, 點知...係魚皮本身已經咸。
魚皮餃魚蛋麵 - 祁生既order, 魚蛋偏腍, 無魚味。
魚皮候魚餅河 - 魚餅咸, 食落唔似魚餅似墨魚餅, 魚皮餃竟然係......有鯹味, 我食左一舊已經唔想再食。

咁樣2碗麵加碟炸魚皮和一杯凍奶茶已經$70, 會唔會貴左D, 再者真係一D都唔好食, 味道偏咸, 魚蛋魚餅唔出色, 真係香港仔魚蛋仲好食過佢.....。以後都唔會再食~!!!!

樂園牛丸大王進行了改革之後, 幫襯的次數都多了很多, 因為地方乾淨了, 侍應後生左, 服務都比以往好了

最重要的, 係味道比之前舊店更好, 好似今次食的牛什米, 以前在金聲戲院斜對面的一間食, 成碗都係油嚟, 離哂普 所以即使佢地既牛丸有幾好食都好, 個湯已經出賣左佢地

而家就唔同了, 唔只係包裝執正左, 湯都清番好多, 唔會多油, 腩汁的味道都有進步, 係小數可以咸魚番生的店之一

水準好的話, 那有唔幫襯的理由? 所以而家一星期都會去食兩次的

都好一段時間無幫襯樂園了
上星期行過, 見到原來佢裝修來, 地方干淨左好多, 但價格亦相應地與時並進了

牛丸河
除了牛丸外, 其中一兩粒好似係牛筋丸來的,有牛味, 但跟元朗勝利的, 也差不多吧

魚皮餃河,
魚皮餃好食, 但可能浸得比較耐, 表層的魚皮已經無味的了

河粉唔夠滑
湯底係味精煮魚蛋牛丸水

油菜, 雖然唔貴,但得個幾條, 兩個人真係唔夠分的

食完, 都立即幫襯隔離的便利店買飲品,
可想而知佢既師傅係幾重手

我其實係幫襯西洋菜街新裝修的樂園, 即係貢茶隨兩三個舖位的一間, 但係找不到資料
餐牌註明有粉麵套餐, 有一碗粉加一杯飲品, 熱飲七蚊, 凍飲就九蚊, 其實都唔算抵, 不過呢個舖咁旺, 租一定好貴, 所以都無投訢
我的柯打係一碗魚蝦扎湯河, 飲品就要凍奶茶, 仲叫多碟蒜香炸雞翼, 姐夫就食牛丸米
魚蝦扎河的魚蝦扎總共有五件, 最奇異的係我完全食唔出任何的"蝦"味, 所以都唔知點解會叫魚蝦扎河.. 魚扎只係包住一條幼幼的西芹而已, 頂多叫魚扎就差唔多啦
河粉就幾薄, 湯偏清, 但係一更蒜蓉蔥加入去, 味道就生色不少了
蒜香炸雞翼就普通料, 好多油, 似乎唔記得吸油, 食到成口油, 味道都唔乙見得好
牛丸米姐夫覺得唔錯, 下次我都係食番招牌菜, 始終會有保證

$23。牛雜河：牛雜有齊腸、肺、膀、肚…份量充足，味道普通，不是牛雜專門店嘛…至少處理清潔，都ok喇！

$36。鮑魚豬肉丸河：共四大'球'，真猶如乒乓波般大，內裡有些湯汁和一小顆鮑魚，反而那少許內含的湯汁不錯。這裡的河粉是幼幼的，頗滑，份量也挺多的。

此店被評為什麼'中國風味餐廳獎'、'香港優質服務'、'蔡瀾點名店之一'

同屋企人行MK, 行過樂園 , 好啦 ,未試過 試下啦!

一入去...嘩座無虛席, 以為一定係好味先多人食.....個WAITER仲非常之咁有腦地叫我地3個人 搭檯係一張已經坐左兩個人既小圓檯到.....之後咪唔坐囉 咁迫...顧客都應該有權揀食定唔食呀...

之後個收銀亞姐黑口黑面話 而家食飯時間係咁多人架啦 個個都係咁迫架啦 嘩大佬而家我比錢食你間野 洗唔洗咁講野呀 一日未比錢 未坐低個客都可以揀啦下馬 我個人已經出左門口架喇 不過屋企叫我返轉頭 因為有4個人位坐喇 於是算啦 諗住屋企人想食咪陪佢地囉 得整我叫牛筋腩+招牌牛丸 佢黎左婉 得一粒牛丸 2粒豬肉丸 腩碎河比我 我想換 屋企人又話算啦 一陣佢地加料都似

然後屋企人叫左佢店推介既果汁 $8 / 200ML 紅色果罐難飲到嘔 好似飲咸果汁咁 都算數

最過份係.............都冇人坐埋黎我地張檯到, 個有"腦"WAITER叫我地吉返個位出黎唔好擺野係佢地D橩到喎!@.@ 3個人拎住4袋野 間鋪地下又DIRTY 又多人出入 行黎行去 唔擺橩 擺邊呀?又冇客要坐 做乜咁快趕其他客要立起D野姐 有客我都會體諒下 嘩...而家都冇

仲大大個牌話蔡瀾推介 咪整臭人地個名啦 服務咁差 上個麵都錯 質素又唔係十分好 服務又唔好 坐又坐得迫 咁都有人比好評 真係執到啦

以後都唔會食E間咁差勁既丸店呀!

3人收費共110元正 食完都唔飽 最後去左其他地方掃街

行街行到隻腳好痛,６時多又係時候食晚飯,咁岩見到呢間就食了
一向唔食粉麪,牛丸的，所以出名既牛丸亦都無揀
叫左個沙爹牛肉飯.真係sorry唔識欣賞
d肥牛同打還爐果d 1樣.仲要係(霋)左勁耐果d..超un...
d汁真係好難食..係有d 1粒粒不明東西..仲好甜

夜半三更喺尖沙咀留連，突然好想食牛丸，就當係同今日中午食的振興比較一下。本想去德發，但已經關左舖...橫掂都要去旺角度搭小巴，所以最後去左旺角花園街的樂園。

之前睇電視，蔡瀾曾經講過依間分店係太子爺主理的，有刻意的裝修而且所有野都電腦化。仲有，野飲跟粉麵的話係平啲的，配搭好多睇到好亂...。

叫了一碗牛筋丸河加一個豆漿。豆漿只係普通豆漿，但叫唻只係為左解渴，達到了作用就算了。牛筋丸河亦都好快送上，一共五粒牛筋丸。牛筋丸幾彈牙的，食到一粒粒的牛筋喺入面，口感方面對辦，但肉味不夠。比一般的肉丸質素高，但未至於叫做牛丸大王吧。但值得一讚的係有好多醬料供客人選擇。辣椒油超級麻辣，只係加左少少小弟就頂唔順，不停加醋去中和佢...。

比想像中差，但只係同通宵小巴站兩條街之差，不失為宵夜的好去處（總好過去香港仔魚蛋...），下次再唻試試其他出品。

無論看雜誌或是聽朋友說也極力推介樂園的牛丸是很好吃的.點知昨晚一試,倒是覺得有點名不乎實.

先說牛丸$23有7粒,牛丸形狀大小不一,唔似用機整的.牛丸雖然比起街市貨色好唔會太死實,只是也唔夠彈口,牛肉味連少許也感覺唔到,枉論說勁重牛肉味呢?3元多的牛丸是這個味道唔合格

墨魚丸29元有7粒.這個比牛丸好,墨魚丸味道存在的,還有少許墨魚丸粒,唔會食到粉味多,只是這個墨魚丸只是比街市出售的好,也唔算是十分之好味,要4元粒唔係咁值啦

至於湯底有大量蔥和芽菜(只是唔好好清潔尾部有點污糟),味道好濃,再加埋少許紅醋落去超好飲.值得一讚飲晒成碗湯,食晒碗丸都唔覺有味精.

外賣盒加1元

天氣好熱啊 唔想企係條街食野
所以是但搵間有冷氣的地方醫下肚
自從樂園裝左修,好似都係第一次入黎食

叫左個下午茶餐
手打魚旦米粉加汽水

碗野比起正價的確係細碗左-_-
果然只岩下午茶食呀下
湯底好淡,落左魚露先夠味

魚旦無乜口感,唔彈牙
魚片好考刀工,切到好簿

整體真係極之一般

放工後要到旺角交收走一轉

行過花園街見唔多餓就是但係樂園食碗野解決了一餐
要左個唔會失手既牛丸河 $23

先試湯底, 淡而無味
再黎牛丸更是驚人地彈牙; 爽口, 相信當彈波也有可為,
味道還好有牛肉味, 而河粉基本上四啖左右攪掂晒, 份量小得可憐, 一 個大男人起碼要食三碗至夠飽。

收 $23 碗唔抵食

2009-4-15


以前的(舊)樂園經常去，自從公司搬走後就沒有再去, 舊時地方亦實在太逼同污穢,．

最近夜放工經過太子，又想起呢間，好，入去試下先，
而家裝修後坐位闊落同地方整潔許多，所以每碗粉的價錢要提升？

今次我點了牛腩河粉和腐乳通菜,， 牛腩好"淋"水準不錯，
河粉很滑而且加上蔥花，整體較以前香口和濃味，正合我心意，
加上晚上十點得十個八個客 ，同"志愛"食完，
可以咬住飲管坐一個鐘吹水都無人趕，勁正，其他鋪，你想死．

不過通菜時老時嬾好食，不穩定．

1) 牛腩河粉
>正．

2) 腐乳通菜
>正， 跟菜的所有醬都係另上，幾好，濃淡隨意.

3) 凍奶茶

$26。四寶河：有7樣野，包括：招牌牛肉丸、豬肉丸、豬肉扎肉、魚角、崩沙魚片、墨魚丸、蝦卷
$30。自選四拼：可於餐牌的牛肉類、豬肉類、魚類、花膠類，每類各選一粒。(牛什除外)
$20。下午茶時段的某些種類

●招牌牛丸：夠彈牙，很香的牛肉味，很爽口，真的不錯
●招牌牛筋丸：好吃，滿了肉汁，肉丸內有些牛筋粒粒，加強了肉丸原本的彈口和嚼勁
●黑椒牛肉丸：非常一般，雖然都頗彈口，但係無咩黑椒味架炸，都唔辣既，是砂姐至愛，如果砂砂食，一定唔多鐘意
●花膠牛肉丸：嘩嘩嘩，呢個真係犀利啦，juicy非常，爆晒野…其實menu右下角都有標明提醒，吃這個是要小心，因d汁會彈到9丈咁遠，可是我吃時又沒醒起，終至成隻右手的下手臂全是汁汁，燙死了，crazy！內裡有汁之餘，還有一小顆白色的滑口的物體，應是花膠吧，但口感和味道怎也吃不出來哦…
●豬肉丸：豬肉味很濃
●豬肉扎肉：片狀的扎肉頗爽口
●魚角：彈…炸過的外皮，不過都幾咸
●崩沙魚片：彈牙爽身
●手造魚皮餃：失色，味道普通，味道不太突出，又是是莎姐至愛，如果s莎莎吃，一定唔多歡喜
●魚蛋：ok，都彈彈地啦，但當然還是牛丸最好啦
●墨魚丸：幾好，但魚味不太出，自覺'香港仔魚蛋粉'的出品較好，
●蝦卷：包著一條韭菜，幾特別
●雲吞：有3粒蝦，味道尚可，外皮嫩滑
●五香牛筋腩：不太夠淋且頗肥，無咩牛筋，而且不太入味。嗯…唔多岩我，好多肥野，肥膏吊住，自小害怕吃滑'晒晒'既野e.g:雞皮.etc~我明可能好多人話呢d至係好野，或許是我不懂欣賞吧，總是怕怕那種滑滑肥肥的口感。

其次，想讚下d河粉，幾滑，不會一夾即散，比起'香港仔魚蛋粉'的河粉滑很多..(P.S：呢種滑與上述提及的所謂'滑'不同的，哈，sasa~別偷笑！)

可是是否已經沒了貢丸嗎？！

食完後會勁口乾，相信原因好明確啦！總括還是牛肉類最能保持水準，不愧堪稱牛丸大王嘛！

店內有多款調味料提供，如：辣椒醬都有2款啊，岩晒我地呢d無辣不歡之人！

收銀員服務態度友善，解釋詳盡仔細！