Pokka cafe黎左好多次 , 次次都等位等勁耐囉 . 今次6:30攞位 , 等到7:30先入坐....

等位期間已經諗定食果日dinner set B , 全名唔係好記得 , 係羊排併炸魚柳 , 餐湯係白湯 . 今次呢個SET幾好食 , 餐湯夠晒料有好多配菜係入面 , 主菜羊排唔SO , 幾香 , 炸魚柳夠香口好好食係意料中意 . 甜品仲有我最中意的紅豆玉子花 . 甜味岩岩好 , 玉子花夠晒滑....

昨天去Pokka食dinner，等了15分鐘才入座,order一個dinner set A鐵板燒紐西蘭牛肉加雞扒配豬肉腸（連飯、湯、飲品和甜品）$118,味道幾好,特別是豬肉腸,以為好咸,其實唔是！另外，牛肉和雞扒亦幾好,但環境略嫌太開揚,就不太好,價錢方面可以接受，會再度光顧的

已經係上年既事.......
我朋友今年既生日都就快到,我先post番上年既上去..因為當時我仲未申請openrice acc.
而加希望同大家分享一下!有好野怕咩等喎~~~

話說大家都好like起新城市流連,有一日我提議起新城市最底層是旦搵一間來幫朋友慶祝生日.我提議一向食開的pokka.

新城市呢間是第一次.最後當然大家都深深愛上了啦!

是日晚餐:-
牛尾湯>> 三個人叫了一碗,濃湯,好喝!如果叫多幾碗會食唔落野.
一口牛>> 好一口...每人兩口就食完~係唔抵,但可一試!
日式煎餃子>> juicy的,牛汁漏晒出來!好好吃.....真係感恩!
凱撒沙律>> 這是非一般的salad,加上大蝦,牛油果等等起出面好難吃到的凱撒材料,值回票價!蔬果都好新鮮,必選!
稻庭烏冬>> 勁好食,個醬酒夠晒冰,烏冬係彈牙的!
忌廉焗薯>> 諗住好芝士or cream味,不過唔夠.好普通既一個焗薯,唔夠香.

三個人食個份量已經好夠,今年生日等我再同朋友食pokka先★

係沙田開左咁耐先第一次試下 因為今餐係友人請 XD

一直都以為會好好食 .. 因為個樣又唔錯咁 ..

咁友人話唔好叫SET DINNER 散叫 .. @@

就叩左幾樣野啦 芝士焗豬扒飯 & SALAD

佢就叫左個唔記得左咩名 .. 炒飯 ..
仲有個芝士焗著 ..

EM .. 個豬扒飯我覺得同大家樂個一哥焗豬扒飯差唔多 .. 但價錢爭好遠 -0- 食食下入面好乾 好難食 唔夠JUICY .. D豬扒又係 .. 我食左一半都已經唔想再食 -0-

埋單三百幾蚊 .. 我覺得一般啦 唔會再特登去食囉 .. 可能我叫果個飯咁岩唔好食啦 ...

這個月是我女皇的生日月份, 來這兒有免費餐食

(1) 凱撒沙律 $78 有雞肉, 三文魚粒, 蝦肉等, 再加上沙律汁, 正

(2) 宇冶綠茶奶 $39 茶味夠香, 奶又滑, 仲有粒芝麻湯丸, 配埋一起, 無得頂

(3) 生日密嘜 Free 送嘅, 不過唔多似張相, 生果少咗D, 包皮夠脆, 但無咩味道

(4) Tiramisu ice coffee $55 有可可粉鋪面, 加入咖啡啫哩, 好特別, 唔錯

Summary: 環境舒服, 服務細心, 食物水準中上, 值得再試

每次食基本上都係食麵
第一次食意大利粉 =]
煮得好好.好岩味.
第二次試左個九洲拉麵.
又係正啦~個湯唔錯
P.S.豬骨拉麵同九洲拉麵都係差唔多味.不錯喔~!
另外個鐵板燒都唔錯~
個鼓油汁鹹鹹甜甜咁,好正~!!

同朋友學完日文~便去沙田食lunch~
呢間cafe一直都想去~因為好多人食完都話幾好=)而且佢d食物好似好靚咁..哈哈
我同朋友都係叫左個咖哩牛肉蛋包飯($78~係張menu算最便宜個樣,其他d意粉都要$80以上)大家都一致認為幾好食~~佢個蛋包飯都好大個o下~~一定唔止用一隻蛋~但佢唔會整到d蛋好熟~所以都滑滑地!加埋裡面d咖哩牛肉飯熱騰騰~仲好多牛肉timoishi ne!!不過佢d飯係濕濕地~唔係乾身ge~but i think仲好食!
另外朋友仲叫左杯朱古力雪糕飲品~有少少咖啡~so個侍應都有問需唔需要走咖啡~因為我朋友唔飲coffee的~不過杯野就好耐先黎!我同我朋友都話:走coffee洗唔洗走成個鐘啊???(p.s~我地叫左佢上呢杯野好多次!)呢一點係最令人唔滿意ge~我試過杯野~覺得好好味~(雖然你耐d先黎!呵呵)~
另外我仲叫左個綠茶雪糕(裡面有d丸子,紅豆)~冇記錯係$32~但就好細杯~雖然味道ok~不過下次一定唔會叫~反宜覺得朋友叫的朱古力雪糕飲品好味&抵得多($39~但大杯好多)~
下次會黎試埋其他野!!=)

由於在星期五的晚上到到食飯都多人到爆
呢度督一入有位坐
所以就同d同學黎呢度試下睇下好唔好食~

一坐底~
可能因為係open的場既關係~有d嘈~不過就啱傾計law~

佢地dinner有好多chice,而佢賣既係orgainc food
我就order左佢個燒豬扒,配薯菜

同學就order左咩魚石頭飯,牛扒同埋salad & 燒豬肋

佢地個包好好食~暖暖地又軟身好食~
個菜湯都好好飲~係一個唔杰的羅宋湯


都等左over20mins先上到菜~
不過除左個飯就個個都幾ok~

個燒豬扒,配薯菜,豬扒好好食~9會太鞋口~而個D伴菜好好好好食~食曬
個薯就OK啦~

而個燒豬肋都好食又好大份
牛扒我無食~不過同學ORDER左6成熟~但一切出黎睇個時好明顯已接近WELL DONE

飲品都係一般啦~
佢有加10蚊送dessert,不過就無講係咩~所以我地無叫到~

整體個餐好好~我地都又食又傾呁過左愉快的2個半小時~

自留學後已很久沒到Pokka了，今晚在沙田做完工作就在新城市吃完晚飯才回家，快快趣趣就選了久未重逢的Pokka。本Menu的相很靚，樣樣都好靚呀！

坐下就叫了很久未嘗的月見茄子飯，上次吃過已是一個decade的時候了！上桌的時候依然是大大碗，presentation有些亂…可能是學 廚做，味道沒有回憶中好，有些過油，不過不失啦！

同事叫了沙薑豬柳飯，presentation都覺得有些亂，試了一口，都好野味！豬柳都可以有汁不算太乾乾，加些洋蔥配合碗飯和沙薑汁很得，可以食得乾乾淨淨。

甜品我們選了Creme Brulee和雪糕新地，終於個creme brulee似翻張相，presentation是好的，味道可以有優，可能用的盛器較窄，不能大啖吃較難享受個中大大啖啖的滑滑口感！杯雪糕新新地呢…又係有些貨不對板，其實夾生果夾忌廉夾雪糕的甜品，味道不會怎差一定穩陣…我想說的是色、香、味中的色是排先的；而最不爽的是有些貨不對板的感覺。

味道沒記憶中好，但總體味道不賴，只是個presentation 不對板。可以是快趣開飯之選。

今日又係去pokka開飯~~
1去到見到唔少人係出面等緊,,拎飛睇下大約20張
好在中間唔少人走左,,等左唔係好耐就有得入~

今日set lunch,, A同B都幾吸引,,
A：鐵板 羊扒+牛扒+豬肉腸 配 珍珠飯($108)
B：芝士焗鴨胸+雞扒+天婦羅蝦($102)
我家姐要左A,,我要左B

mami就要左個 大新credit card ge優惠set,,($128)

今日個湯唔錯~幾足料~
裡面有d龍蝦仔,,唔錯唔錯

個setB最快到,,賣相幾靚-mm-
天婦蝦好脆口,,雞扒好有肉汁,,唔會好乾
不過d鴨胸就1般,,好似超級市場貨色咁.....
同埋略嫌d芝士焗得唔夠香=[

mami同家姐個2個賣相都唔錯"
不過味道就唔知了,,hehe

埋單$3XX

今日同mami食lunch,,
因為mami有membership card,,有85折,,加上最近要儲印仔續會,,
所以依排成日去pokka開飯~~今日都係。

我1去到就覺得有d熱,,好在過左1陣涼番d
mami叫左個set lunch B,,係咖喱牛內omlete拼豬肋骨
因為mami到左先,,我去到佢已經食緊,,
我試左幾舊豬肋骨,, d sauce唔錯
而且d肉都幾juicy~份量仲唔少~
加埋個omlete真係幾抵食=]

我睇個meun都覺得除左個set B之外,,冇乜其他吸引....
反而佢有個scheme就係叫左 set的話,,有1張list的甜品可以用優惠價去叫,,
張list ge選擇都唔少架,, 大部份都好吸引添~~
好似蜜嘜厚多士都平左成10蚊8蚊,,,
唯1奇怪係佢張list ge甜品有好多都係meun冇ge...所以冇相睇
搞到剩係睇個名唔係好知佢到底係乜野黎。。

最後我揀左[焦糖蕃薯伴雪糕]$28,,
wa~個dessert 1拎到黎真係勁開心!!
首先係個碟,,唔係平時1般白or透明器皿,,睇得有心思揀過,,令人覺得有誠意~~
仲有薄荷葉伴碟,,同埋有紅豆~~
然後個蕃薯ge表面真係有焦糖,,仲脆脆地添~
做得好有水準!!
然後食ge時候,,個蕃薯暖暖地,,d雪糕冰冰凍,,
撈埋1齊食真係好正~~2個味仲好夾添~~
蕃薯唔會好細舊,,我當係lunch咁食都ok,,
不過個雪糕球就真係細左小小...
平時叫其他dessert個雪糕都係比較小,, 如果佢畢大球d會更好!!
睇下原來tea set叫依個再加杯野飲要$42,,大家可以自己選擇下。

埋單2個人$104.6,,依個價錢有咁ge水準,,非常ok!!
以後都會繼續去~~

和朋友搵地方食午飯兼傾計，對呢度既 lunch set有興趣和又坐得幾舒服，所以就黎試下：
日式吉列魽魚柳伴什菌芝士意粉 ($78)：吉列魽魚柳炸粉超厚身又 “硬挖挖”，魚肉份量少，好難食；相反，意粉煮得剛好有咬口，什菌芝士sauce好creamy又好香菌味，用既都係味濃既芝士碎，好好味。我食晒成碟意粉，剩番好多吉列魚柳。
鐵板上級牛肉伴雞扒配珍珠飯 ($88)：牛肉juicy，雞扒肉嫩；伴碟既菜味淡，幸好有四種 sauce跟碟一齊上，可以用來撈菜食。
跟餐有面包和火腿忌廉湯，個湯難飲到爆，淡而無味！
今餐有些食物就好好食，但有些就超難食，真係美中不足。
食飯時發生有趣既事情，就係當朋友講緊佢成日見到明星時，我就見到林保怡係旁邊經過，真係巧合。哈哈！

尋日同屋企去呢度食飯，本來想食set dinner。其中一個係鐵板燒，但我媽覺得份量可能會無咁多，所以就散叫兩個鐵板牛扒、一個特級豬扒餐。仲叫左個牛舌同芝士忌廉焗薯仔。

牛舌好有牛味，而且那種醬汁好配合，好想食多碟。
忌廉焗薯仔呢個差點啦，我覺得個汁似白汁，因為忌廉唔夠濃。唔算太好食。
特級豬扒餐D肉質好唔得，唔夠juicy同埋好乾。我媽更形容為食緊瘦燒肉咁呀，如果係咁，下次都係食牛好點啦。
鐵板牛扒好耐之前都食過，今次都可以保持水準。份量都幾大，牛扒都唔係太多梳打粉味，牛味都keep到，唔錯既。而且個餐又有伴菜同一碗飯，食完都幾飽架。

呢餐都唔錯，但小食就牛舌會好食點。實有下次既，不過唔會特登去呢度。

繼尋晚食完中環La Piazzetta。今日工作地點轉到沙田，所以食呢間pokka食tea。
3個女仔，兩個食叉燒烏冬，一個食雪糕厚多連蜜糖。另外一個chocolate mousse cake + 木糠布甸 一齊share。埋單$224。

由於無食lunch，叉燒烏冬就算d叉燒好肥，每片都係白色的肥肉，都照食。老實個烏冬都幾普通而已。下午茶貨色係咁掛。
差唔多食完，朋友個厚多才到。
最好味都係個甜品！個木糠布甸唔係澳門個隻味，無咁甜。但佢質感好鬆軟，充滿空氣咁。 食完好開心！

服務態度okay，反應算快，朋友第二日生日，係咁易作狀問佢地拎蠟燭點，d侍應都肯。so good!

掃過減價貨後，又是晚飯的時間，媽媽說想食Pokka，於是派小妹先去拎飛排隊。七時半到達，果然好多人啊，一等就等了足足四十五分鐘。我們的座位是餐廳的最外邊，邊吃邊看人來人往的情景，毫不舒適。桌與桌之間的空間也太小，好迫。

Dinner set 鐵板燒黑椒牛柳伴雞扒(配珍珠米)($118)：Server 奉上熱辣辣的鐵板，然後會問要幾成熟，我們要六七成，於是她便用竹筷把牛排煎了一會，再倒上燒汁。然後介紹側旁的牆汁，幾細心。可惜牛扒Over done又燶了點，咬口是韌的，不好吃，只有三小件而已，份量很少；雞扒卻大塊點，面頭有黑椒，雖是雪藏雞但肉質都頗嫩，可以接受。配上椰菜芽菜蘿蔔蓮藕，可中和肉類的油膩感，不過那些配菜都燒乾了，水份全失，蘿蔔吃到是酸的，壞了嗎? 反而醬汁做得幾好，最喜歡加了蔥茸的那個汁料，送飯不錯。至於珍珠米，飯粒不軟熟，呈一舊舊的，扣分。價錢亦好貴，唔抵。
反而餐湯(西班牙雜菜湯)酸酸地幾開胃，雜菜份量亦多，起碼比鐵板的蔬菜味道要好。

牛肉稻庭烏冬：湯烏冬來的。湯底不會太咸芝麻味十足，牛肉切得薄薄的肥瘦均稱，肉質不韌唔錯。烏冬QQ彈牙，如果凍食口感更佳。

朱古力慕絲蛋糕：Dinner set 附送的甜品。超迷你的一件。無論moouse或海綿蛋糕部份，都沒半點朱古力味，不好吃。早知加錢轉其他dessert。

宇治抹茶紅豆雪糕：很小的一杯。抹茶雪糕配上紅豆是一絕的配搭。綠茶味突出，可惜雪糕內吃到有一大冰塊，即時大打折扣，忌廉可再挺身一點。幸好香口的脆脆焦糖和甜度剛好的紅豆拉番分，還有芝麻餡的丸子亦得我歡心，煙煙韌韌很不錯。

服務方面很好，笑容可躹，滿意。可惜食物質素有待改善，包括主菜和甜品。