在沒有主意的情況下,求其搵間入去食! 見呢間好似未食過就入去試下啦

叫左個餐,肥牛烏冬配炸蠔,烏冬,都是普普通通! 沒什麼特別...

炸蠔,食起來沒有什麼鮮味!!!

整體相對而言,價錢比較貴! 不值得.....

男友出沙田行街街, 突然想食咖哩吉列, 打電話比沙田既朋友介紹呢間, 就去食啦.

去到睇 menu 都好多嘢食, 實在有太多嘢想食, 結果都係食咖哩吉列豬排飯同埋烏冬, 我就一定食天婦羅, 但係…..

天婦羅唔新鮮, 無味!!!

烏冬…, 都熱既, 不過….無想像中咁好食, 如果要以咁既價錢食咁既嘢…..唔得囉…..!! 都要 $85 咖好似….佢好似自己煮但係比多左味精咁….好濃味….唔係難食, 但係唔好食囉.!!

咖哩吉列豬排飯係我最 buy 既一個, 係就係唔係太好食, 不過叫做d豬排同埋 d 咖哩都幾好味!!! Ok 啦.

總括….貴!!! 如果平d, 食咁既嘢都 ok, 但係….唔係太好食又咁貴, 真係……

值得一提既係 d waiter 好好, 笑容好, 服務又好....

真係.....十萬級後悔.....點解唔上o黎睇睇先？？？
小妹好日唔放假，湊男友B收工去新城市行街，行到八點幾、九點好肚餓搵吃，男友B係日本菜超級粉絲，本來想去山頭火，點知未開，落雨濕濕又唔想去禾輋，本來想上網睇睇，不過無wi-fi，唯有周圍睇下啦，呢間又唔好果間又多人，去到地下見到呢間博多拉麵，真係好肚餓，見到拉麵呢兩個字即入啦，男友B說：唔試過點知好唔好吃呢！！！！咁就出事啦.........
坐低，侍應小姐就比咗杯玄米茶，睇睇果餐牌，男友本來想叫個$258二人套餐，不過有D嘢佢又唔吃，我話不如散叫啦﹙好彩無叫，隔離枱吃剩好多﹚，叫咗個男友B喜歡的滑蛋豚肉定食同角豚帆立貝拉麵，侍應小姐仲推介加$10轉特飲：菠蘿蘆薈&蜜桃蘆薈！三分鍾就開始上菜，快到得人驚

角豚帆立貝拉麵定食---好似$7x
包括：餃子，又凍又油又淋又散皮又厚...從未吃過咁o既餃子，一定係一早整好拿出來啦，唔係點會3分鐘唔夠就到？？？
角豚帆立貝拉麵，呢個真係要講粗口，果舊角豚%$#^@#^#，跟本就係港式燒肉走皮，個味一樣，日式角豚點會咁o架？又肥又唔淋.....果兩粒帆立貝，個粉槳厚過豬皮，裡面少少"梅"，湯底係夠咸味囉，味精湯，之後口渴到......麵底好硬。
蜜桃蘆薈，呢個仲衰，講粗口都發洩唔到，冰係3分2杯，未溶都已經無咩味，唔係個麵咁咸唔會飲晒囉........蘆薈得3大粒

滑蛋豚肉定食---好似$8x
包括：刺身﹙兩件三文魚，兩件吞拿魚，一隻甜蝦﹚三文魚腥的，明顯唔新鮮；吞拿魚唔知，小妹無吃；甜蝦，無特別
麵豉湯，男友B說咸到苦
滑蛋豚肉，無咩特別，對我來說乾身
菠蘿蘆薈，比我果杯仲衰過佰倍，完全無味，色就好夠啦，男友B飲咗1啖就無飲......佢話情願比返$10佢比返杯可樂佢好過.......

除咗幫手落單果位侍應小姐，其他果D阿姐.......呢間點都唔係茶餐廳，大大聲講私人嘢傾計，客人吃緊嘢用漂白水拖地，我明白要都係工作，不過可唔可以拖D無人o既地方先呢？？？

埋單$200.2，真係.......唔係貴，咁o既價吃d咁o既嘢，味千都唔係好吃，不過都比佢好過仟倍........呢間嘢衰D講句：如果再唔改善應該遲早............

唉....相都費事影..........

上星期行完沙田後, 見到博多拉面, 以為跟日本的一樣好, 以為可以重拾一下在日本的美好回憶。餐牌上食物精美又大碗, 點了一個拉面及魚生飯, 好期待!!

但等到食物到來後發現, 拉面的碗跟餐牌圖不同不止, 分量跟圖中少一半!!!!!!!

之後來了魚生飯也一樣跟圖不一樣, 每款魚生都切得很細少, 飯又少!!

價錢又唔係平, 拉面70元, 魚生飯要110, 一點都不值得!!!

咁樣欺騙客人, 真係好驚喜!! 打死都唔再去 !!!

食物一般, 好普通,無特別.
服務超差. 勁谷氣!!!!
第一 : 5點幾, ,係門口睇緊有咩TEA SET MENU 個時,個WAITRESS 無啦啦收埋我地睇緊個個MENU, 我話:" 吓, 要收AR?" 佢勁無禮貌答我."唔食無嫁LA "

算,,,入左去叫左野食, 等左成半個鐘都未有, 吹吹佢, 佢地好明顯無落單, 反問返我地叫左咩SET 食, 算,,,, 3個字後都未黎吹多幾吹先到..

野食一般, 唔想多講..

叫埋單, 叫左3次先有人埋比我地, 好明顯之前2次都係咁2 應下我就算.
雖然最後同我地係咁say sorry, 但食tea 食都咁 都幾谷氣.

昨天同男友去沙田逛街，非常肚餓，就求其揾一間啦...

叫咗2個午餐:-

我的: 天婦羅牛肉烏冬 烏冬口感好Q..但有一點點濃味過頭
男友: 豬軟骨拉麵 都可以

但餐配的2件壽司就唔好食，加上午餐來說價錢有點貴，每人要$60

不過我覺得沙田這裡很難找好東西吃呢!!

之前食過一次，覺得普普通通，不過今次實在令我同老公太失望喇！

我地各點了一個ｓｅｔ　ｄｉｎｎｅｒ，分別係豬頸肉鮑魚拉麵+壽司+凍檸茶; 同埋另一個set(唔記得左叫咩名, 有豬軟骨,豬角肉,同叉燒拉麵)+壽司+凍檸茶

第一樣上係凍檸茶，飲左一啖之後，我以為叫錯左凍檸水！點解可以一ｄ茶味都冇？

之後就到壽司，三文魚同蝦勁唔新鮮，毫無水準可言！

豬頸肉鮑魚拉麵，侍應拎左碗麵黎，我地搵黎搵去，一塊鮑魚都冇！同侍應講啦，佢就完全冇’唔好意思’，究竟佢地係咪做生意架呢？

最重點既係，食左呢餐之後，同老公第二日都肚痾！再講多一次，以後唔會再幫襯!

　

因為星期日晚, 間間餐廳都要等好耐, 得呢間唔駛等, 就入去醫肚啦

餃子: 太油啦...... 唔算特別好味

咖哩pork chop飯: well... 以前味千既水準囉

冷麵: 我最鍾意~ 但可能係個人喜好問題? 本身就好鍾意食冷麵

但我覺得以咁既水準黎講, 太貴啦, 唔抵

今日友人提議到沙田逛街，於是我們便在逛街前把肚子先餵飽。原本打算在旁邊吃PIZZA的食店進食，但係由於人太多，想盡快用餐的我們便選擇了旁邊的博多。事先並沒有在OPENRICE做準備，所以今天的午餐才會有一個錯的選擇。
友人的牛肉鳥冬係落單之後不久已經上菜，飲品亦隨即送上。友人原本打算喝可樂，可是竟然要另外加$10，那不如食完出去買更好。飲品的質素沒有甚麼特別，因為大家叫的都是普通的檸水丶檸茶。在落單既時候其實侍應都有提及過我所點的餐要長一點時間去準備，但係我地見附近的顧客跟我叫同一個餐又遲過我落單既都已經上左，所以我地先決定去問下。認真查究之後，才發覺原來我的餐並沒有傳到廚房。在一輪混亂的情況之後，我的餐終於送上，但當時友人的烏冬已經食完。

什錦刺身拼天婦羅炸蝦壽司定食
MISO湯本來是一間日式餐廳最基本的湯，可是第一口喝下去已經覺得完全沒有最基本的質素，令人十分失望。整碗湯我喝了一口已經放棄，因為湯很鹹，而且一點兒MISO味也沒有。
刺身分別有三塊三文魚丶兩塊八爪魚和兩塊吞拿魚。吞拿魚的質素算是三種刺身中最好，色澤上最能令人討好。三文魚的脂肪分佈完全唔明顯，而且食落亦無鮮味。八爪魚最令人失望，不知道這八爪魚已經放置多久，一點味道也沒有，完全不像刺身。
天婦羅炸蝦壽司有六件，表面的魚子少得令人驚訝。每一件壽司裡面的炸蝦更是少得過份，將整件壽司放進口的時候只是覺得在吃飯和紫菜，而沒有任何炸蝦在裡面。至於那兩塊有蝦尾的壽司，就可以吃到蝦了。可是另外一個敗筆就是粉很厚，蝦肉只有一少塊。
最後的鳥冬應該是整餐最可以令人滿意的食物。烏冬的湯很濃，可是又不會太鹹。鳥冬有彈性，而且很爽，質感很好。

新正頭睇完72家租客，搵地方醫肚
誤打誤撞去左博多拉麵

４個人揀左３個ｓｅｔ

豬軟骨拉麵
麵比較稔，普通o野
唯一好係個湯底夠濃

壽司刺身
唔新鮮,
冇諗過咁差, 堅係失望

牛肉定食
最好食係呢個! 送飯一流!
麵豉湯ok la

抵食:其實佢d食材都係普通野,
所以唔係好抵食lor
試一次都好夠皮

環境:勝在光猛