行到有點累，快D揾間餐廳hea一hea先，見到呢度有tea set for 2，環境又OK，，就試一試啦。

我哋一坐低就ordertea set for 2 ($85)，有雞翼、春卷、蝦多士、炸餃子、tuna 牛角包、蘋果沙律、蛋沙律包、粟米、Tiramisu 和 cream tart。

雞翼 - 十分香脆，味道又好。
春卷 - 淋淋哋，味道一般。
蝦多士 - 都幾脆，但冇乜蝦又油膩。
炸餃子 - 脆脆哋、OK啦。
tuna 牛角包 -tuna就少咗D，味道都OK。
蘋果沙律
蛋沙律包 - 蛋沙律OK，但塊包十分韌，差D咬唔開。
粟米- 牛油味重，甜甜哋，不錯喎。
Tiramisu - 冇乜酒味，但幾creamy，OK喎。
Cream tart - 仔仔話好味。

最後嘅Coffee 也不錯

過幾天便是朋友生日,為了方便他,便選擇到沙田新城市. 到了新城市後,我們便考慮選擇到那一間食店,但新城市一期1樓,所有都要輪候,我們便揀選了幾間,最後就是這一間"Parkview"最快有枱,所以今晚我們三人一起到這間"Parkview"開餐和朋友預祝生日.

當我們還未落order時,職員便送上三個包給我們,這一刻我便說,我們還未落order喎,職員很有禮貌回答說,客人坐落就會先送上包,你地可以一路食,一路慢慢諗食咩, 咦,服務態度不錯喎,值得加分!

今晚,我們三人,每人也order了三個set dinner,set dinner裏,除了主菜外,還有是日餐湯及頭盆.

餐湯不太刻意講,因今晚有不少食物及事情值得和大家share.

首先,先講講頭盆,頭盆有三個,我們三人,三個也選擇了. 今晚的頭盆有

1) 芝士焗生蠔釀美式薯皮
本人很喜歡食芝士,所以一看到有芝士,也很期待是重芝士的,結果真的,濃厚芝士裏被厚厚的薯皮包起裏加上已熟的甜美生蠔,超正,真的想再order一客,但打後還有很多美味的美食,所以只唯有忍口,不給自己再落order.

2) 紫蘇炸雞配泰國青檸檬汁
幸好雞不是炸得很熱氣,所以可以馬上食. 小炸雞加上青檸汁,感覺很清新,不錯.

3)日式芝麻汁涼伴海蜇粉條
海蜇,粉條及中華沙律也很爽口,放在頭盆也是最好不過. 不錯.

講了三個頭盆後,都要講講主菜了.

今晚我們三人,便order了三個主菜,兩個是"龍蝦汁海鮮天使麵配燒帶子"及一個"蜜糖鴨胸扒蔬菜配南瓜釀甜椒". 由於我沒有試過"蜜糖鴨胸扒蔬菜配南瓜釀甜椒"所以沒有什麼評論,但我問了吃這一碟的朋友,他說不錯及看見他把這整吃光,也應該是不錯的.

今晚我揀選的主菜便是龍蝦汁海鮮天使麵配燒帶子.
真的充滿了海鮮,每一款海鮮也不是一小塊的.但可惜這一碟天使麵很多油,所以把所有海鮮吃下,剩餘的天使麵底部我也沒有吃清了,因底層的油把天使麵索下,所以我便停手唔食了. 還有,這隻青口我也只吃了一半,因青口也充滿了油,所以我只是吃了一半.

完成了湯,頭盆及主菜後,係時候吃甜品了. 由於過兩天便是朋友生日,而且又見門口又寫上生日會送上蛋糕(不過要前一兩天訂位時告知),而我們今天也沒有訂位只是walkin來,本來還以為沒有的,但我們也試試問問職員,本來職員也說沒有的,後來supervisor來和我們傾計後,便告知生日蛋糕是要前一兩天告知,如你們沒有,今天便送上甜品啦,有雪糕及士多啤梨cheese cake,本來還以為只是生日的朋友才有,詁不到我們也有,而我們一致選擇士多啤梨cheese cake,所以我們三個同樣也可以享受這免費生日小甜品蛋糕.

今天整體來說也很滿意,只是這天使麵油份比較多,但其他的也好好(包括服務態度).

多謝"Parkview"的supervisor送上生日小甜品蛋糕+蠟燭給我們拍照作紀念,把整個生日飯局更加有意思.

今晚本來去BBQ既我地...
因為唔想去咁遠...
就黎左沙田新城市打算食据扖...
睇左好耐...老公同我最後決定黎呢間PARKVIEW度食...
入黎之前我地2個係門口睇左2次餐牌...
門口果個侍應D SEVICE都唔錯...
好好禮貌咁介紹我地食咩"
入到去...見到個MEAN都唔算好多野食...
想食意粉,但成個MEAN裡面得幾個...
最後都係叫左2個牛扖SET DINNER.
初初黎果2塊就真係差左D
之後我地一人一個湯.(洋蔥湯同周打魚湯`)
個洋蔥湯就真係好好好香
不過周打魚湯就麻麻...淡左D啦.

<蒜蓉汁>美國牛眼扖 + 頭盤既生蠔焗薯($128+$18) <<--我老公叫
<黑椒汁>美國安格斯西冷牛扖($128) <<---我叫左
整體黎講都OK...
不過D汁咸左少少...蓋過左肉汁味. <<--黑椒汁
但美國牛眼扖OK

有機會都會再黎試...

好趕的要食個午餐, 和大豬女友來了一期;
見不用等, 正呀, 衝入去, 食左先講!

都係食set lunch 快, 一個豬肉磨菇意粉, 另一個燒牛肉沙律+紙米卷.

跟餐仲有個湯, 沙律仔, 包;
叫了什菜湯, 幾水; 點包尚算ok.
湯中有幾片切到好薄的雞肉腸, 幾騎呢...

沙律正常, 幾爽.

燒牛肉沙律先上, 咦, 係凍既?
係噃, 係個沙律o黎.... 一時忘了....

燒牛肉都有幾塊, 雖不太多, 但都夠食.
連個蕃茄食, 又幾得意~
牛肉d肉質不錯.

紙米卷點d 醋, 幾酸, 又幾好食.

豬肉磨菇意粉, d豬肉係切到好薄,
肉少許肥; 似薄薄的豬頸肉;

但跟d磨菇汁撈意粉又很配合, 好快食晒了.

好快的飲埋個飲品, 閃~

服務正常.

回家看到喊多過笑, 嘩... 但其實服務, 價格, 食物質素都唔係咁差啫....
起碼午餐set lunch 都ok!

d 野真係唔掂
我地當晚4個人
叫左4個set
西冷排, 同龍蝦天使面 各兩個
3個set 都再加左18蚊 ..要左3個頭盤

一個柞雞..好喊...
一個係海(節)...都ok
仲有一個生蠔法包..算係最好

來左4個餐包..d 包好硬又唔熱..有
餐湯只有玉米湯同唔知咩菇清湯
唯有要個玉米湯..好難飲..
仲衰過罐頭湯

到主菜,,我個西冷排好細,,,我朋友果個就大d 但佢要5成熟..比左個8 成佢
個天使面..d fan 話唔好味

到飲品..叫左十年都唔來
埋單又係咁..
比錢都要等十年
如果好多人都話ar.
根本仲有好多枱冇人...
都唔知攪咩正咁耐

(補寫)
係二月果陣同EX BF黎左依間PARKVIEW食飯 ..
兩個人叫左兩個SET DINNER .. 望落都好似唔錯咁 .. D SERVICE都算OK ..
前菜有個煙肉SALAD .. 一個係吞拿魚既通粉 .. MAIN就係串燒&日式蛋包飯 一個係西冷牛扒意粉 ..
整體黎講都算OK的 .. 不過個蛋包飯真係太大喇我食唔晒 .. 同埋個人黎講覺得蛋包飯好難整得好食 .. 因為淨係得個蛋面有汁 .. 有味 .. 入面炒飯就會好乾 .. 所以食食下已經唔多想食 好濟 .. 要加D茄汁先食到 ..
其他都OK .. 埋單二百幾蚊我覺得OK丫又食得飽 .. 食物都算唔錯 .. SERVICE都OK .. 有機會會再黎食 ..

上次幫襯已經是半年前的事, 見水準不錯, 於是最近入開沙田, 又去幫襯一下.

星期日的中午, 這間仍然是最多人在店外排隊的店. 照樣地拿了票子等位, 照樣地等了一會便有位子, 環境也是一樣地有點嘈吵. 今次點了四款午餐: 越南扎肉檬粉配炸軟殼蟹, 芝士焗南瓜野菌雞扒配飯, 馬來西亞娘惹牛尾咖喱伴腰果芋頭香飯, 香辣檳城鮮蝦和墨魚仔炒貴刁配素菜春卷.

先送來的一籃麵包雖然仍是軟綿綿的, 不過已經不再是暖暖的且淡而無味. 餐湯方面, 羅宋湯的材料今次較多, 但湯仍然頗稀, 也是水準以下! 餐前小食的沙律, 蔬菜的分量寥寥無幾, 加上配上了千島醬, 味道絕對令人失望!!

越南扎肉檬粉配炸軟殼蟹 - 檬粉是凍檬, 份量不多, 可惜附帶用來撈的酸甜汁只有一小杯, 根本不夠撈! 而且酸甜汁一點也不酸, 卻有大量辣椒, 所以頗辣, 不是人人受得來. 扎肉吃起來好像有種說不出的怪味, 但又不是變壞的那種; 軟殼蟹也是一般水準.

芝士焗南瓜野菌雞扒配飯 - 雞扒有兩塊! 可惜調味不足, 所以淡而無味, 大量的芝士, 吃久了給人很"漏"的感覺; 而且居然一塊南瓜也沒有, 實在有點被騙的感覺!!!

馬來西亞娘惹牛尾咖喱伴腰果芋頭香飯 - 像吃普通的咖喱, 有丁點辣味, 卻吃不到甚麼娘惹風味, 牛尾算炆得不錯, 又淋又有點牛味; 腰果芋頭香飯只有小小的一份, 飯內有粒粒的腰果碎和芋頭, 味道雖然不錯, 可惜份量太少, 飯吃完後還有大碗咖喱剩下, 有點浪費.

香辣檳城鮮蝦和墨魚仔炒貴刁配素菜春卷 - 賣相一般, 因為炒貴刁可能用了老抽的關係, 黑黑的一碟, 賣相上扣了分, 而且十分油膩! 味道也頗辣, 不嘗辣的人肯定受不了! 最令人氣結的就是全碟居然只有一隻蝦(約中蝦大小), 實在少得可憐!!!! 反而墨魚有兩隻, 而且頗大隻, 不韌但沒有調味. 素菜春卷有點淋, 味道ok的.

甜品方面, 今次吃到的是三色蛋糕, 味道ok, 總比隔鄰枱吃的啫哩好一點, 但仍然不是我的那杯茶.

個人認為今次的食物質素明顯比上一次光顧時下降, 侍應的服務大有問題. 我們的餐前小食和甜品都是在向侍應多次投訴下才有得吃, 眼見隔離的枱子比我們遲來很多, 卻比我們早送上食物兼吃完埋單, 我們的卻要等了又等, 十分過分!!!! 食物和服務水準都比上次差, 如果不改善一下的話, 真的很難會再幫襯.

身為九龍人的我，甚少會黎沙田。
有事要來沙田一趟，於是就在新城市食晏。

Parkview 有多款set lunch、所以就揀咗呢間試。
set lunch 有沙律、湯、主菜、飲品同甜品。
沙律只有生菜同幾粒車厘茄，味道麻麻。

湯有雜菜湯 or 蘭花忌廉湯。
要了蘭花忌廉湯。
蘭花打得很爛，不會飲到一粒粒。
可惜，蘭花味欠奉。
忌廉味不會太濃，因此亦不會太漏。

主菜選了雜菜牛柳粒闊條麵。
份量較少；雜菜有carrot, broccoli等，新鮮脆口。
闊條麵煮得過火，太淋了！完全唔彈牙。
牛柳粒有驚喜。本以為係cheap cheap 普通貨色。
但唔係喎！牛柳粒好淋滑，唔會實得得，完全唔鞋唔韌。
有幾舊仲要有肥膏相伴，很香。

甜品為類似芒果布丁的丁方小甜品。
味道不過不失。

環境較為擠迫，枱與枱之間的空間實在少得很。
侍應們做野都算勤快，落order、埋單都唔需要等太耐。

悶悶地，想出去食個甜甜地既tea，去到沙田，好多人，咦，見到Parkview好似” 吉” D喎，又想試下佢地個叫做” 石板街芭菲” 甜品，即刻入去坐低，首先，地下好污糟，枱都不見得乾淨好多，anyway，忙嘛，算啦….. 好啦叫左諗定果2個甜品 (跟友人) ，等…. 等…等….. 等左起碼30分鐘，影都無，係咁見D waiter/waitress行黎行去，得一個經理，又係咁，正想問佢地究竟得未之際，見到出餐位有個盛雪糕既杯，心諗，: 「點解無野係個杯到既？？」跟住見到個waiter拎住個杯，去我個位後面個櫃度” 不” 雪糕，佢無帶手套or任何野架喎，跟住再就咁拎住杯雪糕返去出餐位，比佢地去再搞D野上去，再等多一陣，果杯疑似我杯雪糕終於黎，雪糕溶左1/4，原來石板街就係朱古力雪糕加兩三粒棉花糖係面，仲有一大”pat” cream，咁就$40啦！火都黎埋….. 我個frd個香蕉船就不過不失，但係得兩個雪糕球揀，收成$40，又唔係HD既出品，都幾唔抵囉, 仲有呀，佢地成日都係好窄既枱同枱中街行，撞歪哂d枱，我有一刻同佢frd一齊望左去隔離果BB度，個經理聲都唔聲插左個香蕉船去我個frd個邊，件衫”high” 到少少，搞錯呀，啞架咩？！事先聲明，我講既係某dessert，唔代表成間餐廳既食物…….( 不過我覺得唔會好得去邊囉…..)好啦，走啦，嘩埋單又要等……. 唉……. 唔夠人就請多幾個啦，除左我，隔離枱又係咁等左勁耐，差D要報警問下張credit card去左邊！！

今日食晏, 呢間餐廳生意好好, 食物及服務都唔差, 但點解咁多個喊臉ge?

兩個人點了:

軟殼蟹漢堡&腸仔餐 $55
雞扒 & 金菇牛肉卷 跟意粉 $65
紅酒一杯 $33

套餐有
1.湯 (豆腐粟米湯),
2.麵包(有大小共四個, 聽見隔離枱個女仔指定要某種包, 個待應又快手換俾佢)
3.沙律 (細細碟, 用千島汁醬, 個人意見覺得夏天用油醋汁會醒胃啲)
4. 主菜 : 見下面
5. 甜品, 細細碟jello, 幾好味, 賣相又靚
6. 餐飲.

咁多嘢, 洗碟都洗窮.

A. 我點了軟殼蟹漢堡 & 腸仔 (因為餐牌內其他冇様鍾意), 個軟殼蟹郤出奇地好味, 口感外脆內軟, 有種多汁的感覺, 冇話軟爭爭, 但側邊兩條腸仔就好平凡, 好似令咗個長方形擺滿嘢而夾硬放落下咁, 冇乜特別.

B. 老公點了雞扒 & 金菇牛肉卷 跟意粉, 上枱時, 個碟只有三分一滿, 其實三分一係空的, 賣相都幾奇怪, 但雞扒幾腍下, 兩件金菇牛肉卷個樣黑忟忟, 以為牛肉會硬, 但食落又OKAY, 金菇中亦夾有紅蘿蔔, 所以冇平時食金菇咁UN

整體服務友善而快手

星期六沙田人來人往.想搵間餐廳食飯都起碼要等至少 3 0 mins ~

見到 parkview 有位.就拿拿臨就入坐....因為太肚餓

叫左個 set dinner + $ 1 8 要埋個頭盤....

點知惡夢就開始來啦 ~

頭盤:泰式紫蘇雞....wa ....得個兩件仔....仲要係兩件炸雞粒加青檸汁 j a

餐湯:意大利菜湯 : 下....同大快活個 $ 1 0 雜菜湯有咩分別....一樣

主菜 : 美國牛柳 : 牛柳好少少.都做到 8成熟.唔會太淋.但伴碟的都係 d 罐頭雜菜.而且份量小

甜品 : 都唔敢再叫啦 ~太失望

如果呢餐平均用 $1 3 0 去食....真係好唔抵.......食完仲肚空空...唯一新奇的就係個餐飽係用豬仔飽

未夠鐘食晚飯,有點肚餓, 所以去食個下午茶餐.

我哋叫咗一個藍莓芝士旦糕套餐和 蕃茄薄燒豬柳生菜軟包配有機沙律套餐 , 兩個人share.
藍莓芝士旦糕: 芝士味唔係好濃, 唔會好膩.
蕃茄薄燒豬柳生菜軟包配有機沙律: 平時食果D有機食物, 食材本身的味道較濃,我覺得呢度個所謂的有機沙律唔似有機喎, 冇乜菜味. 蕃茄薄燒豬柳生菜軟包就似樣D,豬柳幾有肉汁.

侍應們對落單和埋單反應敏捷, 加水呢D額外服務請耐心等候.

正當我哋等緊加水的時候, 望到隔離枱的黑背心男用餐刀刮指甲, 佢刮得好入神, 遞高雙手,係枱上刮刮刮, 佢好 enjoy, 我哋就覺得好恐佈 . 正想影佢的時候, 被他的同伴發現了…
那黑背心男用餐刀刮咗最少一分鐘, 侍應們在旁行來行去, 都視若無睹 友人話佢哋咁忙, 可能真係睇唔倒…

食物普通, 無乜service, 加上我怕我再嚟呢度食嘢, 只會燃點起嘔心的回憶, 只好給你一個苦臉.

係沙田食晚飯, 有時都幾頭痛的, 周圍都人山人海, 等位既時間仲耐過用餐時間

好在, 老婆同舅仔一早拎定位,

一共叫左三個set dinner, 另加錢要了頭盤
沙律, ok
焗蠔, 唔錯, 醬汁好香, 蠔肉少少但混合左其他配料一齊, 又ok喎

主菜
燒排骨, 好大份
菠羅海鮮焗飯, 好多料
什扒, 呢個就比較一般

招呼 : ok啦, 起碼上菜加水都好快手

環境 : 唔錯的, 台與台之間唔太逼, 地方亦夠開揚

價格 : 埋單 $370, 可以接受

見呢間未食過就去試下.
不過價錢偏貴,服務9流,食物普通到垃圾,環境不過不失,唔通沙田真係無乜好野食?
Total埋單86蚊

沙拉,嘩,削到你呀,食落得d菜頭菜尾,沙拉醬又少.
餐包,好睇唔好食,一d味都無,仲難食過生命麵包.
餐湯要了紅湯,不過乜味道.
我飲完個湯後,個小二居然問我要唔要先上甜品...我個主菜都未到呀...orz
主菜,唔知乜野乜野西冷牛排,要了8成熟.有相你看,表面好柴,好在內裡都仲係生既.
塊牛排不過不失,同我呀嗎係街市買到的貨色差唔多.
薯條一d都唔脆,仲淋淋地.
係個甜品叫做好食d

我地6個人叫左6個餐+1個沙律. 個餐當然同出面個D一樣, 有湯有麵包.

不過好戲而家開始.

我地叫左6個餐, 佢先黎左3份, 不過有一份數量唔岩, 叫佢再CHECK過, 覆我地既時候話冇呢個喎. CHECK完唔夠1分鐘, 我同我老婆既安格C肉眼扒就黎左. 咁又話冇叫到 = ="

食落去, 唔掂囉, D肉好"硬", 去太子食第尾牛扒仲正咁佢. 而且薯菜有甜蓮藕, 怪怪的.

跟著只欠我另一位朋友個餐了. 我地5條友差唔多食完都未黎到. 我地不停咁吹...

終於等到了.

當大家差唔多食完, 咦, 沙律都未黎既? 跟住又問WAITER..

等左10分鐘終於到啦...不過大家對個沙律. . . 有點怪怪, 好似D食剩既野搞埋一碟.

大家正研究緊個沙律時, 有個WAITER走埋黎, 話我幫你執執佢. 開頭以為終於有人黎執下野啦, 奇怪就係, 佢幫我執走碟沙律, 我地諗緊搞乜, 唔通幫我地分?

正當諗緊, 我同AMY望住佢時, 我同AMY即刻好大聲叫住佢, 喂喂喂, 做咩呀!!!!

佢竟然想我地未食既沙律想倒落個放污染盤到.

嘩, 搞乜野呀~.~

佢即時拎番過黎, 話唔好意思.

真係想講唔要! 不過冇乜事~~

跟住我地一邊食, 完全冇WAITER敢走埋黎...


真係想講唔要! 不過冇乜事~~