見到有「米珠蓮」推介，於是便入去試下。地方算闊落，一邊是卡位，另一邊是枱櫈。食物方面，有幾類：有魚蛋、墨丸和牛丸單併、雙拼甚至3併的粉麵，另外是蝦子或牛肉或牛柏葉等的單拼撈麵，第3類是蝦子的雙拼撈麵。我想吃的雲吞、水餃、牛腩等沒有，有點失望。至於食物水準，不錯，只是牛肉感覺都是用鬆肉粉調味。最好是撈麵的湯是用濃濃的大地魚煲。

有趣的支節是那裡的侍應不懂英文，有一次我要協助他同西人講。

踵然單從食物水準是不錯，但整體來衡量都不可能得「米珠蓮」讚賞。

蝦子撈麵在香港有好幾間給名人介紹完畢後總是有同一效應﹐ 那效應便是服務變差﹐質素下降﹐價錢上升﹐但這楊記的蝦子撈麵比起年多前來吃的質素有改善。

蝦子較之前炒得更香﹐麵質沒有鹼水味。 這裡的蝦子撈麵亦較其他麵店清﹐他們沒有下半點油及醬油﹐因而能吃到蝦子本身的鹹香鮮味﹐ 如嚐濃味的朋友能自行加點醬油來調味。

這裡給人的感覺就是尊註做蝦子撈麵﹐他們沒有什麼牛腩﹐牛筋﹐雲吞或豬手供應﹐只有全是較淡味的牛肉﹐土魷﹐帕葉或鵝腸來作配料﹐是一處吃純屬不加工的蝦子撈麵好去處。但員工懶散的服務態度可改善改善。

好日都唔過香港區,既然男朋友找到好吃的,我當然跟著去啦!
男朋友唔知乜事突然想吃蝦籽子面,我吃過的就只有壽桃牌,有蝦籽味的"蝦子面"~

10月3日中秋節,一直都擔心會唔會太多人呢???聽講好多笑哈哈喎...
可能大家都起屋企做節,結果餐廳裡就只有數個local,還有隱約聽到日文的幾對日本人.
原來日本guide book都有介紹呀!咁巴閉??

是日晚餐:-
宮廷蝦籽撈面>> 連menu上都有印住手指公,當然要試試啦!我發覺把湯倒到碟子上,蝦籽就吃不到了,所以吃了一半,我把其餘的一半們回飯碗裡連湯吃,又有另一番滋味!
蝦籽土魷撈面>> 男朋友很喜歡吃土魷於是添加了.魷魚都佔滿了蝦籽,弄得面不夠蝦籽了...
通菜>> 獨孤一味,只有通菜可選.不過我最愛吃通菜,冇乜所謂.
豆漿>> 中式面應該同豆漿是一set的.一枝枝的,而且只需要6蚊,很划算!

侍應會先把湯送到客前,聞到陣陣香味.但就咁喝湯是沒什麼味的,但加上面,or蝦籽,感覺就不一樣了!

餐廳內還有牛丸,魚蛋粉等等,眼見都好多人叫~

食物雖然抵食,但態度很一般.因為要放在openrice,我就跟男朋友不停映相.不過侍應就起我地面前咬耳仔,聽唔到都估到啦好冇??

早前試了一個土魷蝦子撈麵
土魷及蝦子舖滿麵上
心想應相當不錯
但咬下去...

土魷雖然爽, 卻無任何味道
蝦子很好, 但麵既鹼水太重
大地魚湯不錯

總括來說
很一般...

放Lunch時不用走太遠又可食到一碗靚麵
1. 蝦子鵝腸撈麵 ~ 爽脆的鵝腸配彈牙幼麵, 再飲湯而無口渴感覺, 應該只是用上很少味精.
2. 蝦子撈麵 ~ 蝦子多又香,還加上了蔥花作句號.
3. 大地魚碎撈麵 ~ 食落脆脆的很香口,沒有油膉味.

小妹特登由銅鑼灣行落灣仔....就係為左試下呢個出名既撈麵....不枉小妹咁辛苦咁用15分鐘既時間....終於到左....間鋪唔算大....但整齊乾淨....馬上坐低叫左個土魷蝦虸撈麵....魚蛋河....腐乳通菜....好快咁上齊了....撈麵最快上台....第個比我既感覺....好靚....因為有好多蝦虸鋪滿麵上面....好似識發光咁....好快咁撈撈撈....即時食落口先....感覺好得別....味道唔錯....同魷魚好夾....仲有一碗大地魚湯....一啖麵一啖湯....正....至於男友叫既魚蛋河就一般....唔算好食亦都唔算難食....通菜就唔錯....我地2個人清晒所有食物....哈哈!

放工唔係咁肚餓, 知道楊記的麵份量少, 味道不錯便來試試. 大約6時30分到逹, 當時店內人不多, 不過卡位已沒有. 兩個人叫了一碟蝦籽鵝腸撈麵, 一蝶蝦籽栢葉撈麵, 另加一碟油菜及兩罐汽水. 蝦籽有少量腥味, 送上的湯味道不錯.

份量實在不多, 約十分鐘便吃完. 準備上完洗手間便結賬離開, 但當我從洗手間回來, 看到坐位已柀其他人佔有, 我放在位子上的袋被放到桌上. 原來一切都是職員做的, 目的是趕我們走, 由於朋友在場, 我檢查一下袋中的重要物件, 發覺沒有不見, 便結賬離開. 我時常上街吃飯, 這乜是我頭一次, 見到有職員隨意佔有客人的位置, 亦是第一次, 見到有職員隨意移動客人的私人物品.

而家lunch響灣仔覓食，好多人呀 依間楊記都唔例外。我叫o左兩樣野:


蝦籽土魷撈麵 ---------- 跟湯ge~ 個湯原來好好飲，淨o係用來撈麵有點兒浪費! 麵底爽口彈牙，唔錯! 蝦子夠多亦令碟野生色不少~ 美中不足o既係d「土魷」原來只係「發水魷魚鬚」，下次會叫牛肉。

郊野油菜 ---------- 白灼通菜一碟，腐乳略咸，不過不失。

P.S. 以中式麵店來講，楊記ge裝修o係唔錯的! 不過坐得太迫了，扣左分

同男朋友行完美食博覽...12點幾到左~無咩人~
見之前食評人話呢度係米芝連餐廳~又係蔡生150個常去既食野地方....
未食過就黎試下~

叫左個蝦籽柏葉撈麵~$25...+細支豆漿$6

...麵同蝦籽都無咩味....好淡~
個湯就有味啦~味精個味~
但如果無左碗湯...碟麵就不能"啃"下去~
豆漿沒有豆味~

男朋友叫左魚香土魷撈麵~$25

....一樣的麵同湯....
魚鬆特別~但太多就叫苦...同埋勁乾~!

成個餐....只有一個想法....
"快點吃完買野飲~"


我不是食家~
食家才會有特別的味蕾~
我是平民~
還是在家煮即食撈麵比這裡更能滿足我

第一次寫食評...多多指教!!!
星期日下午喺銅鑼灣剪完頭髮行到過來買野, 剪到4點幾lunch都未食,
途經聞名已久嘅楊記, 決定來一碟人生第一次嘅蝦籽撈麵!!!
樓面都幾新淨, 一入去就睇睇個餐牌...
選擇都幾多, 都唔知點配搭好...
因為減緊肥, 仲諗住食米線,
阿姐就介紹我食撈麵啦,
諗諗吓...入得來唔試吓撈麵係唔會心息...
唉~都係忘記減肥...一餐咁多啦~
終於決定試個土魷蝦籽撈麵啦!! 阿姐唔該~

撈麵到!! 首先第一吓聞到嘅唔係刺鼻嘅鹼水味,
(因為公司附近間茶仔嘅雲吞撈有強烈鹼水味...所以有一段時間唔敢食撈麵....)
繼而就係帶有蝦籽香同蔥味嘅熱氣升上來到我鼻尖~
再欣賞一下撈麵旁邊熱騰騰嘅大地魚湯,
聞落有d似媽媽煲嘅老火湯, 好濃郁, 濃到碗底都睇唔到,
同平時食撈麵伴食嘅湯好唔同!
好啦...影夠相, 欣賞夠, 開始驗明正身先~

雖然只係得麵, 蝦籽, 魚湯, 蔥同土魷, 無任何醬汁,
不過可能我平時都食得清淡, 所以都覺得夠味,
反而咁樣可以試真d各種材料嘅味道~
麵 : 夠熱, 軟硬適中, 食唔到有鹼水味, 有蛋香, 好味!!
蝦籽 : 第一次食蝦籽, 撈埋d麵同蔥一齊食, 蝦籽嘅咸香為麵條調味, 唔會太咸, 好味!!
土魷 : 較軟身, 唔似出面食車仔麵個d土魷硬掘掘又無浸到晒味, 唔錯!!
魚湯 : 飲完唔會口乾, 仲有一陣回甘喺口腔內, 之後再食一口蝦籽撈麵, 湯同蝦籽嘅味好夾, 好出色嘅配搭, 好好味呀!!!

唯一一樣改善嘅就係最好俾多d蔥啦...因為食到後半段見d蔥已經有d後勁不繼唔夠食...

好滿意嘅一餐!!! 埋單都係廿幾蚊, 抵呀!!! 一定會有下次幫襯!!! 下次試吓其他野先~

叫咗碟蝦子百葉撈麵

唔好食，如果唔係靠個湯撈下啲麵，成碟麵好淡口！

最初經過呢間店
見到佢個門面裝修得咁靚
諗住會好貴
所以過門幾次都無入去
後來係open rice見到咁多好評
於是都係去左試

入到去見到餐牌原來一d都唔貴
仲可以用平黎形容!
撈麵最貴都係$25
於是試左鵝腸蝦籽撈麵
真係好多蝦籽
麵既份量都唔少架
個人覺得麵比深水埗劉森記好食好多 (個人覺得劉森記d麵好硬...)
無梘水味, 軟硬度適中, 好正
鵝腸則略為不夠爽口
伴湯一定要讚, 好甜, 撈麵食一流
+$4要了豆漿
值得一提佢既豆漿係支裝
味道都ok
飲完後飽到不得了
又坐得舒服
超滿足既一餐!

過左幾日又試埋大地魚鬆撈麵 $20
估唔到魚鬆係脆脆地既
好香口, 撈埋麵會比較乾身d
不過都唔錯
但我都係鍾意蝦籽多d~~

大地魚末: 唔香, 冇質感
麵: 彈牙靓麵, 出名都有道理
湯: 假鮮甜, 湯本身唔咸, 但飲咗兩啖之後極口渴, 幾肯定有加料 !
羅漢果的甜不可能令人感到極渴 !!

好耐冇呢種極渴的感覺, 仲勁過飲杯麵D味精湯 !!!
好失望

未食完, 忍唔住埋單走人, 去咗對面OK買咗支水飲

$20, 唔可以要求什麼
麵是做得不錯, 就算賣到$30-50也不成問題, 但其他配角都好緊要, 無謂做壞招牌.

不過 ...... 香港人飲慣呢D湯 ...... 飲唔出

其 實 無 有 甚 麼 款 式 可 以 選 擇
不 是 蝦 籽 就 是 魚 香 。
雖 然 有 魚 蛋 河 之 類 的，但 去 到 都 未 必 會 叫 這 些 吧 。

點 了 的 食 品 是 蝦 籽 牛 肉 撈 麵 。
食 物 來 時 其 實 心 中 有 驚 嘆 過 的，就 是 麵 上 面 的 咖 啡 色 蝦 籽 是 如 此 的 多，
完 全 看 不 見 牛 肉 的 存 在 。但 亦 可 以 說 成 — 原 來 麵 是 那 麼 的 少 。
撈 麵 要 自 己 動 手，要 確 保 每 一 條 麵 條 上 都 鋪 滿 無 數 蝦 籽 。
麵 是 有 問 題 的，問 題 是 完 全 沒 有 味 道，沒 有 蛋 香，亦 不 是 特 別 彈 牙，
但 慶 幸 沒 有 丁 點 兒 的 鹼 水 味。
可 能 他 想 食 客 們 要 食 到 蝦 籽 的 原 味 才 選 擇 這 種 沒 甚 麼味 的 麵 。
牛 肉 是 頗 軟 滑 的，就 像 吃 生 滑 粥 的 牛 肉 一 樣，但 就 少 了 點 。
其 實 是 真 的 很 不 錯 的 一 碟 蝦 籽 麵，下 次 要 多 蔥 就 更 惹 味 了 。
湯 我 覺 得 好 好 飲 的，很 甜，味 道 很 特 別，飲 完 不 覺 得 口 渴，應 不 是 味 精 湯 。

環 境 是 比 其 他 麵 店 舒 服 及 整 潔 的 。
可 能 已 經 是 晚 上 8 時 許，所 以 人 很 少 。

今日約左朋友食Lunch~
去左楊記麵家~
米芝蓮餐廳呢~
因為我地早食~所以冇乜人~

不過真係超抵食~
叫左個蝦子撈麵都係$20~
第一次食蝦子麵~
勁多蝦子~麵質彈牙~
上湯另上~湯底超甜~
很濃郁純厚~
靜計個湯都超抵~

不過因為唔係好飽~
後加多個上湯麵$9~
佢個湯底真係好正~
超抵食~