同男友放工食下西餐，俾openrice ge 好評吸引去試呢間餐廳，雖然俾附近餐廳平少少，但俾咁ge價去食茶餐廳，我相信會更開心。首先，叫左個平時都必叫ge凱撒沙律。賣相一般，碟底同d菜上面都勁多水，浸淋晒d麵包，感覺嘔心，唔知係咩水，食之前要鄧走d水。跟住叫左個推介ge意大利煙花女麵，賣相一般，求其搵焗飯既碟擺炒既意大利粉，格格不入。味道同用料好普通，普通人可以係某大超市用現成既蕃茄醬炒到既味道。至於個焗薯，佢個dipping sauce 又有水係面。我肯定係水唔係油。至於味道，就係普通薯皮加芝士同beacon...超級普通無乜芝士味，煙肉都唔香口。 十分失望，普通，唔值。 這樣水準的西餐係屋企煮都得。

不過，間鋪環境係安靜，可以慢慢聊天，又唔會趕走你。

今次係我第一次寫食評, 本來都無諗住要寫, 但係真係幾好食所以就Open個account, 跟住學人寫食評

我同朋友叫左一個一份Wings同埋叫左一個pizza

雞翼有少少辣, 皮係好Crispy, 裏邊好Juicy, 肉汁沿住個叉流落嚟仲熱辣辣嘅添.Pizza係新口味 Parma Rocks Pizza, Rocket 菜小小苦味, 如果就咁食就真係唔係好啱我口味, 但係加埋Parma Ham 同埋蕃茄就完全唔同感覺, 一D都唔苦, 並且有一D特別既味, 之前從來未食過, 食完之後就想再食兩個人食左一份Wings同埋叫一個pizza之後已經好飽!!

這裏店子小小, 比較擠擁, 但是又有熱鬧的感覺, 係中環soho每人都係百零蚊嘅晚餐, 仲要幾飽又要好食, 確實難得!!

1. Use the tablemap service to do booking.
2. The restaurant is small and we are the only table.
3. We have ordered one 8" pizza (ground beef, tomato and salami), half portion of baby back ribs, wings and two soft drinks.
4. Need to wait for at least 15 minutes as the pizza is made from scratch.
5. Wings are too greasy. Baby back ribs are pretty okay.
6. The pizza is a bit small and the taste is just okay. Difficult to locate ground beef and I wonder if this is added.

從Openrice看到这间歺廰有几樣嘢好似儿好食，就约埋一家四口去試試，早一日打了电话去訂枱，接电话那位先生確實不夠親切！
我们准時到達，可能早的原因不用等，也沒有要我们儿時交枱！
叫了三樣食物Poutine，意大利煙花女丐配海鲜，大隻佬Pizza。
Poutine太多肉汁，太 濕，如果少D肉汁多D芝士就好，而且要儘快食！
意大利煙花女丐好好味，少少辣但冇乜海鲜见到！
大隻佬Pizza也不錯，好味！
三支啤酒一个周打海鲜湯埋单五百二十元也不算贵，有机会下次再試其他食物！

4人去食飯日,近近地係中環食,想搵一間可以坐得耐.平平地,又要d野幾好食既地方...有點難..即想起有fd介紹過喱間唔錯,於是就去試下了。去到7點幾到,好彩仲有位,細細的一間舖,不過d位都坐得幾舒服唔會好迫,氣氛感覺上唔錯,叫左幾個主打食物。煙肉芝士肉汁焗薯條,好濃郁既芝士味,加上有煙肉同肉汁之下食落更加滋味,粗薯條夠熱好味呀。經典希臘/夏威夷薄餅,要左兩個口1味,每樣一半。
經典希臘薄餅,賣相色彩繽紛,有免治牛肉、青椒、洋蔥、番茄、洋蔥、橄欖及希脂芝士,味道濃郁香口,有橄欖味道更清新芳香,唔會漏既感覺,唔錯,不過係個餅底有點硬似餅乾。
夏威夷薄餅,有火腿、菠蘿外、洋蔥、煙肉、青椒,食落味道清新又醒胃。燒烤嫩豬仔骨,肉份量都算幾多,肉質夠嫩,口感鬆化,好香口又惹味。義大利煙花女麵,辣味銀雪魚柳黑欖茄汁意粉,食落酸酸地,茄汁味濃郁,味道都幾辣架,好好味,意粉少少腍,不過唔多食到有銀雪魚柳,太少了。

以中環來講,算幾平呀,同食物唔錯,最好食係個意粉,環境都幾好,坐好耐吹水都得,生日飯之選,因為都係細既舖,full晒都真係嘈左少少既.....如果鍾意熱鬧就岩晒。

Lunch Set

8" Pizza with 3 toppings.
Pizza 即叫即焗
香脆多汁
自選三款配料
有Pepperoni, BBQ chicken and Pinapple凱撒沙律
份量偏小
但醬汁份量足夠..
配上麵包粒
夏天食很開胃配雞翼或薯條加飲品
($88-62)

中環Pizza 店之選
價位適中合理
下次要試它的Poutine.

已經第二次嚟, 餐廳好細, 最好訂定枱。

上次食過baby ribs, poutine, 小食拼盆, 大隻佬pizza (meat lover), 全部都好好回味, 所以今次要encore！今次多咗人, 叫多個意粉試下, 都唔錯。叫咗3個餐, 跟6隻原味雞亦, 好好味 唔知點解, 每次係度食完lunch, 成班同事都會壓力全消, 係因為個環境同service令人好relax, 定係d野太好食令人咩唔開心野都唔記得晒呢？

老公一早訂了位同我來試這間傳聞中 "好抵食" 的SOHO美式餐廳。

餐廳是開放式廚房設計，客人可一邊品嚐美食，一邊觀摩兩位印度藉師傅準備食物。
點完餐後，大約十分鐘，餸菜便落逐上枱。凱撒沙律：配料十足，面頭舖滿芝土粉，味道濃郁滋味。

茄汁海鮮意粉：意粉很彈牙，茄汁很濃，酸酸辣辣，非常惹味開胃！

秘製辣雞翼 (原味)：雞翼焗得很香，外層香脆，內裡還保留肉汁。我們沒有要求"加辣"，原味已有微辣，但很合我們口味。

Poutine煙肉芝士肉汁焗薯條：新鮮出爐，香脆熱辣，但略嫌咸了點！一定要趁熱吃，放涼了味道口感就差很遠...

款款都美味到停唔到口，我們兩公婆可以一口氣掃晒4大碟餸，真係飽到上心口！但非常滿意呢餐，期待好快再來幫襯！
聽聞這裡的pizza也做得不錯，下次再來一定會約多幾個朋友，可以點個pizza share食！

唯一不足之處是店子很小，枱櫈排得密密麻麻，很擠迫，坐得有點不舒服！張枱亦很細，根本放唔晒咁多碟餸，要借用隔離枱放。

喺SOHO區食飯閒閒地都$200-$300一位,，呢間算係好平，但地方好細，太迫。之前參考咗必食推介poutine，賣相唔錯，好香，薯條上面一層略溶嘅芝士，熱騰騰食嘅時候就幾好味，但擺凍咗一陣個底D油就'瓊'哂，所以呢碟嘢會食咗好多好多油落肚。由於我地兩個女仔唔太肚餓，所以叫多個意粉就剛剛好，不過叫錯意粉，因為D醬似蕃茄醬但頗辣，食到要係咁飲水，最重要係明明叫嘅海鮮意粉，但只有數小粒嘅魷魚同蝦，D黑橄欖就有好多。佢仲有pizza同好多炸嘅嘢食，不過我就無興趣，所以呢間可以試過就算。

係我阿哥介紹呢間餐廳嘅,佢話食過翻尋味,叫我响weekend同朋友去試吓. 不過阿哥叫我最好响星期日around 1200noon-1300pm去,因為呢段時間Daddyos開舖無耐,冇乜人,服務方面會周全啲.

於是,約咗兩個friends晏周12點幾一齊去食, 諗住我地呢啲walk-in既可能要等位, 好彩唔駛, 得一個中年漢在睇menu. 一個女侍應生一見到我地3個, 就好有禮貌咁問我地幾多位? 本來我地揀坐角落位, 但係一坐就覺得好凍, 可能冷氣機開得太低温或者啲風吹正個頭. 嗰位waitress姐姐即刻提議我地坐另一個位(吧台嗰邊), 跟住我個fd就問佢可唔可以調校吓個冷氣機既温度, waitress姐姐就話好, 佢校完之後仲叫我地如果又覺凍既話就再調位.

我地人少少, 只係叫咗poutine, 番茄蘑菇雞肉意粉同埋ham & cheese pizza(tomato sauce). Poutine就我而言做得極好, 薯條本身軟硬適中(滲咗肉汁會變軟), 大大條, 有較濃既鹽味, 同埋咬落去再咀嚼出唻既嗰種味道同質感好unique(唔好意思呢句寫得太abstract, 但真係形容唔到). 啲薯條撈落煙肉芝士肉汁, 叉起條薯條, 連埋一大堆幼滑,香酥酥呈絲狀既cheese(我本身係超級芝士迷)同埋d滲咗入去既煙肉肉汁, 一食落去, 軟薯條既帶鹽味質感係一個base, 啲cheese咬落去好煙un, 同薯條+肉汁既tone好一致. cheese响呢個base上係一個可以獨當一面(响香味,質感方面)但唔會overshadow既角色, 同煙肉肉汁又surprisingly match. 响味覺上有多重層次, 食得好滿足~!!!

番茄蘑菇雞肉意粉, 意粉texture超級彈牙(食開spaghetti house同埋spaghetti 360, 佢地完全無得揮), 茄醬撈得均勻, 夠酸又惹味, 雞肉唔夠啲sauce同意粉咁搶但ok. 我呢生人最憎蘑菇, 但係呢碟意粉好味到令我不知不覺食埋佢地落肚. Ham & cheese pizza, 只能說愈簡單既菜餚其實愈要/顯功夫. 薄底pizza, 餅內一片片既ham, 表層係濃濃既cheese, 再灑咗啲芝士粉, tomato sauce酸到耳間有電流(我嗜酸, 所以我接受到), 但係成個pizza係fantastic!!!!!!!!!!! 不過個pizza太大件(成將枱gum大), 我地差啲食唔哂.

值得一提既係, waitress姐姐見我地無點drinks(因為我地覺得啲drinks既price唔係好抵), 就好體貼咁幫我地湛咗杯凍水. 响擺低poutine同埋pizza既時侯, 不停叫我地睇住熱呀睇住熱呀. 食緊嗰時, 佢會留意我地杯水, 睇吓駛唔駛加水. 我地3個開懷食到晏周兩點到先至埋單. What a wonderful lunch!!!

一定會再唻!!!!!!!!!^^