四川料理擅於運用香料與醬汁。主要用茴香、辣椒、豆瓣醬、蒜頭和胡椒等的香料和醬料調製而成，風味獨持。

住係聯記川王附近, 好方便, 不時都會黎這小店到食辣野, 所以第一篇就選擇了它!!

四川料理雖然以麻辣馳名，但口味變化極多, 而這家小店既四川小吃都有好多口味

雖然喜歡這兒既
酸辣粉 - 冬天食這個不錯, 酸酸辣辣, 好暖胃
川椒皮蛋 - 簡單既一道川菜小吃, 個汁做得幾好
夫妻肺片 - 麻油味好香, 麻辣得黎幾有口感

但今次我就轉一轉食川北涼粉, 蒜泥白肉 (兩款都點了中辣)
川北涼粉 - 個口感幾得意, 涼涼地又滑, 超麻好過癮, 不過油有點兒多
蒜泥白肉 - 蒜味都幾香, 麻中有肉味, 如果白肉可以薄一點, 味道一定更加好

第一次去紅磡，就是為了這間openrice上佳評如潮的食店。

因為想同時去隔離更加出名的時新快餐店，今次只點了一道「雞絲川北涼粉」。雖是嗜辣者，但第一次去先只敢點小辣。結果對我來講是很溫和的辣，可以很順的一直吃下去。

涼粉很特別，似果凍咁，一碰即斷。整體味道都幾好。

去的時候是星期一的傍晚，很多人輪候外帶，但等佐不到十分鐘就有得食，速度ok。下次還會想去試其他菜色。

麻辣牛肉酸辣粉 - 個粉口感幾好, 幾彈力, 幾好趙。 個湯底就油左D, 但係酸同辣都同平均, 牛肉無嘜牛味。

蒜泥白肉 - 頭果幾啖幾好味既, 食食下就覺得好普通, d豬肉幾好味, 肥瘦適中。

川北涼粉 - 完全無辣味, 一味得個油字, 好似飲緊油咁。

夏天既時候真係唔好黎食, 坐係街邊真係好熱
總括黎講, 全部野都好油同埋唔係太辣, 食一次就夠架啦。

這是9月17日的外賣, 這篇食評我以為已提交, 原來尚未.....

在openrice看到聯記的食評, 垂涎三尺已久, 但食友大都說聯記不宜堂食之餘更不易找到……對於路痴的我, 聯記是遙不可及吧? 怎料有一天, 如常乘小巴到黃埔吉豬島買餸時看到聯記川王涼粉……真的嗎? 回家上網看看, 真是大家所說的聯記啊, 怎會每星期經過一次都不知道? 第二天和幾個同屋苑的好辣日藉師奶商議後, 決定由我去試吃, ok的話外賣回來.

食友說川椒涼粉超讚, 所以點了一客堂食試味 -- 不得了, 麻辣得超過癮, 不過因為麻辣加上天氣炎熱, 我面上的化妝幾乎溶掉. 為保妝顏, 決定回家, 開點冷氣繼續吃. 同時外買幾個小菜和愛辣師奶一同分享.

川椒涼粉 – 辣味沒有麻味來得強烈, 舌頭被花椒麻得發痺!! 涼粉雖不是凍的, 但在麻辣的襯托下, 室溫的它, 顯得涼涼滑滑, 鷄胸絲不 “鞋” 口也有鷄的鮮味. 如果沒有味精, 這味川椒涼粉值100分了.

口水鷄 – 辣味比麻味強, 配合花生的酥香, 非常精彩. 鷄肉很滑, 可惜骨多, 吃得麻煩. 較有肉的都分給朋友, 我的一份只有骨! (她們不懂吃有骨的食物!)

蒜泥白肉 – 滿分之作! 蒜香濃而不烈, 白肉完全不韌, 爽口味鮮而且每片肉都是厚薄一致, 工工整整, 分量很多. 青瓜新鮮爽脆, 如果沒用味精, 色, 香, 味, 量俱是滿分了!

川椒(?)皮蛋 -- 這個川辣味和川椒涼粉的麻辣有點相同, 味道很好, 可惜皮蛋沒有溏心. 2 隻皮蛋的份量覺得很少, 賣$18/$20? 如不是皮蛋fans 還是省這道菜, 點其他好了.

因趕在接仔放學時交給各位, 所以包裝前的相也沒時間影了. 除川椒涼粉外, 大家看到的是我自行包裝後的相片.

下一天, 大家七嘴八舌的討論到四川人是不是每款餸都是又麻又辣 ? 我們偶爾一次吃得非常過癮, 但每天都吃味蕾不會失靈嗎? 不過大家一致認為香港潮濕的天氣, 很合適吃麻辣的食物.


**在聯記當天的小插曲, 等外賣時, 來了兩位客人, 其中一位是去年女兒同班同學的媽媽 (日本人), 普通話比我還要流利的她, 帶了另一位日本朋友來川王堂食, 在川王碰面不禁嚇了一跳. 原來住對面的她們間中會來. 友善的老闆看到我們用日語交談才知那兩位客人是日本人. 對於有外國人欣賞他們堅持的 “正宗四川風味” 表現得很高興呢!

大力女王與我都是嗜辣之人，但不是吃很辣很辣，是喜歡吃有濃濃辣"香"味的。

而喜歡吃辣的人，身體每一陣子就會提醒你該再去接受從嘴唇一直到胃的灼熱考驗。自從循著蔡瀾先生的腳步來到，每當出現這種反應，大力女王的首選必定是聯記。

做外賣的聯記沒有幾個位置，用又小又窄形容是十分貼切，用餐的桌上也不算乾淨，店子就在路邊沒有空調，僅倚賴一台老舊沾滿灰塵的電風扇左旋右轉，但吃路邊攤長大的我，對於這樣的環境卻是十分受用。

應該是貪圖這樣的熟悉感，才會每次想要吃辣就會來到聯記。

已經記不住來了第幾次，幾乎快將店裡每一樣食物都試過，但每次必點的還是那幾樣。而曾經有一次嘗試中辣，覺得沒有辦法享受美味只感到很辣，因此也不再做小辣之外的選擇。

想著想著，在動筆的同時口腔的唾液也開始分泌。這就是辣的魔力吧！

先從我覺得最特別的蒜泥白肉開始流口水！大且薄的肉質軟嫩、香味十足，伴著由蒜泥與各式辣椒香料混成的濃醬一口滑入肚，是我的標準吃法。

是我見少識薄吧，記得我第一次看到時是相當訝異。不像台式的蒜泥白肉是切成小小一片，且多以鹹味的醬汁入味，聯記的蒜泥白肉真是讓我大開眼界而且大飽口服。

當天還叫了水煮肉片酸辣粉，花椒的香味一直從鼻子直衝腦門令人食指大動，肉質也相當軟嫩，但我總覺得酸辣粉好像還是缺了點什麼，不知道是口感還是不夠入味，記億中的印象比不上在珠海的路邊隨性坐下來吃到的酸辣粉。

大力女王則是點了水煮牛肉酸辣粉。肉片厚、有口感、不會太老，「總之就是很好吃啦！」大力女王說。

酸辣血旺一樣是標準的聯記香味，但硬要挑缺點的話是酸味可以再強一點。

吃太多次了，已經可以冷靜的邊吃邊想缺點。

由於當晚有朋友要到家裡聚餐想用大閘蟹，因此中午忍痛沒有吃我另一樣最愛－毛血旺，而是打包帶回家要等著晚上與朋友一起享用。

到了晚上也都沒有吃到毛血旺，因為他們七個人手起筷落沒有停止對毛血旺的攻擊，只好忍痛割愛給他們大快朵頤了。

住在附近的朋友來家中吃飯前也買了麻辣青瓜、紅油肚絲與夫妻肺片。

若喜歡會嗆鼻的香味，千萬要試試麻辣青瓜。

紅油肚絲則比較普普通通，因為我覺得肚絲有點老與韌，不過仍算美味，只是相較其他菜色是較為遜色。

不吃牛的我則是無法在介紹夫妻肺片了。

最後寫寫幾道我絕對不會再點的菜吧！只是這僅是個人看法，食物還是要自己吃了才算。
1. 口水雞：雞肉處理的不好，口感不佳。
2. 老乾媽炒肥腸：炒的火候有問題吧！肥腸也很少。
3. 酸豆角：完全吃不習慣呀！

後記：
好像每次去的侍應都不同吧！不知道是工作太辛苦還是老闆講話太大聲嚇跑人家的！

之前去開時新食漢堡包,見到依間街邊四川菜,好似都幾好食, 但係大熱天時又要坐街邊... 真係"的"唔起心去試...

上星期六晚, 去買左個蒜泥白肉同水煮魚上個friend屋企食(因為佢住附近), 只不過叫少辣, 但係我已經食唔到.....

個蒜泥白肉($40)其實好ok, 個sauce好好味, 不過實在太辣喇!!!

個水煮魚($88)都係超辣!!! 同埋佢係用鰂魚, 好多骨 , not good...

相片是於六月尾拍攝的,上周六突然麻辣癮起,便前往聯記川王走一轉,沒有帶備相機的情況下唯有用回那兩張過氣相片。
在一個休閒的周六下午,當到達聯記,見摺檯及鋼檯已被食客佔據的情況下, 便只好外賣了以下兩味最喜愛的川菜回家當下午茶的小點。
蒜泥白肉--數大片薄薄的白肉片被那股撲鼻的麻、香、辣蒜泥汁淹沒下,令其相當入味。每片白肉都沾上了蒜蓉、紅椒及蔥碎的濃烈蒜泥汁液,不單口腔的蒜泥味久久不散,連帶整股蒜泥味也充散著整間房子。
川椒皮蛋--那是用上四川皮蛋,因此沒有廣東出產的皮蛋般含鉛量高。皮蛋晶瑩剔透,稀軟金黃,而麻辣汁與帶甜的溏心產生一種甜味的麻辣感,令汁液有兩種交叉的味道。 溏心融化在舌頭內極其細膩幼滑,可惜分量少。
吃至最後.乾脆地把剩如的蒜泥汁及川椒皮蛋的麻辣汁於雪櫃內,留待下回用來當餃子的醬汁或是撈即食麵來吃。

是晚, 見抽到身, 就趕去紅磡, 去食馳名的川王. 從未黎過的我, 當然要黎朝一朝拜. 太耐沒有感受過大辣的滋味啦!

7:45分趕到來, 除了水煮魚, 同那個什麼辣豬紅外. 我基本上都係要等待加食時段. 先說水煮魚, 這裡水煮的水, 比以前係深圳 (不是正宗川館), 或其他外國館子濃郁. 味道夠麻, 夠辣, 只是魚骨太多, 搞到我冇乜心機去食而已. 那倨什麼豬紅....(是否就是毛血旺呢?), 愛辣的人一定喜歡.

口水雞, 這裡的口水雞是超辣的一種. 不過, 我來到時, 已經被清晒咁滯. 只有一些小雞塊, 同雞頸. 味道比起以上以下的其他, 當然冇咁辣, 但也是極爽的Spice. 等加餸之際, 買罐啤酒, 啤一啤先.

之後是麻辣牛展, 黃金皮蛋, 蒜泥白肉. 蒜泥白肉其實要了兩盒, 一大辣, 一中辣. 不過, 中辣應該滿足不到我這個偶然辣哥.

蒜泥白肉, 之前食的中辣, 同小嚐那大辣感覺不夠候. 眾人決定多叫兩客, 依賴一大辣一中辣. 白肉是豬肉, 舌頭尚且仲分別到味道. 肉是凍食, 鮮甜的. 大辣仍可頂得順. 不知為何, 總有一些菜色, 要辣才好食. 有如下一個介紹的 黃金皮蛋. 上次在傷心食過, 佢地同普通皮蛋同黃金皮蛋mix & match. 這次就能夠食到真正的黃金皮蛋. 皮非常的晶瑩剔透, 黃心是流質的, 帶著麻辣味道去食皮蛋, 吞嚥時, 皮蛋黃汁夾雜著唾液, 口腔又麻麻地. 好特別的感覺.

反而最後的辣牛展感覺麻麻, 還是吃多幾塊白肉好了. 期間, 我亦因為咬到花椒而停頓了一會. 之後, 再吔. 直至各人開始半飽, 或頂唔住....再向不辣的再下一城.

當晚去到..好多人牙..
已經同FRD去了時新食左個burger hea 下D 時間..
食完都仲係咁多人..
冇辨法..唯有企係到等..(又唔想阻住人食野嘛..企係到望住人食野..好似唔係咁好)
順便再諗下食D咩啦

等了一陣..叫左:
(中辣) 口水雞 & 回鍋肉酸辣湯面
SUPER SUPER 好味!!!
口水雞..涷的..係夏天食..正牙!!!
hum..雖然唔可以話有好多肉..但又唔係話啖啖肉咁啦..
辣又有小小痳..hehe 正!
又有雞味,又唔鞋口.係非常滑TIM!!!!!

原本想叫涼粉..但售罄了...
最後叫了回鍋肉酸辣湯面..
E 個真係OK OK 辣..
可能因為係熱食...好辣牙..
飲哂成支蘋果蘆薈先OK..
回鍋肉唔鞋口.OK
面唔過淋.有彈性! GOOD!
有花生, 芽菜伴面, 令成個口感提高了.
雖然話OK OK辣.但又唔會辣到冇哂feeling 個隻.
咁先正!!!!!!!!!!!!!!!!!!!


RECOMMEND牙!!!!!!!!!!!!
唯一一個唔好處就係所有野都係用發泡膠盛住...好唔environmental
other than that, its fabulous!!!!!
hehe
坐係路邊食幾有FEEL XD

今晚食大餐，所以本身冇諗住食午餐，但上網偶然睇到聯記openrice介紹，"滴"起心乾去買個外賣先，見佢量少少，同埋夏天的個涼粉啱晒啦

$18的雞絲川北涼粉(也有涼皮跟涼麵可選)配小辣，未打開盒蓋已經覺到辣油香味。吃第一口已經俾麻辣味嗆到了，一邊流汗一邊喝水，但係越辣越過癮！食完整盒涼粉以後一陣麻辣感，超爽！

涼粉本身都幾好食，不過下次想試下涼麵，我諗麵可以吸到d辣油，會仲好食。

應女友要求, 今天搭火車到川王叫外賣

前幾次都是吃酸辣粉, 因為之前店裡沒涼粉賣, 想試試也沒機會

這次一到埗, 第一句先問老闆有沒有涼粉, 真好運, 這次有了

叫了一客牛脷涼粉, 蒜泥白肉, 以及我最愛的水煮牛肉酸辣粉, 全部小辣(本來想叫中辣的, 小辣的辣度我已經適應, 可惜叫錯了.....)

大約等5-10分鐘, 便捧著一袋的食物搭火車到女友的家裡開餐, 香味從袋裡在車箱不停散發出來, 有少少不好意思的感覺, 弄得整個車箱都一陣香香的辣味

在女友家中將一個個發泡膠盒打開, 濃烈的香味即時滿佈每個角落(不是誇張, 是事實喔)

蒜泥白肉有點像酒樓的燻蹄, 有5片薄薄的豬肉, 但都很大塊, 每塊長度有發泡膠盒那麼長, 還有一大堆蒜泥蓋著, 盒的底部有青瓜塾著, 這味餸相比起酸辣粉, 本來就不算太辣, 加上小弟叫了小辣的緣故, 所以沒有甚麼辣的感覺, 但混合著蒜泥來吃真的不錯, 很好味

至於涼粉, 我和女友都是第一次吃, 把辣油和鋪在上面的粉(不曉得是花椒粉還是甚麼)撈在一起吃, 味道當然和我們廣東人吃的涼粉不同, 有點像吃米粉, 也不算太辣, 由於涼涼的容易入口, 夏天吃應該不錯, 但要當飯來吃就不太可能了

重頭戲是小弟最愛的酸辣粉, 湯是橙紅色的, 可以看見很多辣椒碎, 牛肉又厚又大件, 由於薯粉浸了一段時間, 比起堂食真的辣了不少

吃完, 整個咀都有辣味和麻痺的感覺, 很滿足

嫌酸辣粉太少的朋友, 加$5可以要一碗大大的, 一定吃得飽

叫左羊肉串麻辣涼粉,加一份涼麵

原本想叫雜醬麵,但佢話無...第一次去,措手不及,就叫左一份"涼麵"


涼麵ok 啦,但食唔出汁醬係乜...只食得出麻油,花生醬味...普通好食咋喎

羊肉串麻辣涼粉...有無攪錯呀?熱既...當時有成十幾廿人排緊隊...唔通涼既賣哂?8.00左右咋喎!!
早知就叫麻辣涼粉啦....羊咩鬼肉串丫...d 所謂羊肉串,根本就係响大陸任何超級市場,買倒既平價抽真空包裝即食羊肉串,最重要係,超級難食架...!....一入口似一粒暖烘烘既泥膠....名店居然賣 d 咁既野..真係 o 哂嘴...麻辣味道係足...好麻好辣..但盒底真係多油到得人驚...

總括黎講...大陸周街買倒既都好過佢...果串羊肉串...真係睇番張相都火滾

這間店的老細成日放假, 閒閒地放兩三個星期, 真係唔使做呀… 今天落橋見到開門, 即刻食番餐, 唔好等

時間尚早, 不是太多人, 要碟蒜泥白肉, 中辣, 睇到個樣, 都已經好辣, 白肉薄簿, 比紙厚一些, 蒜泥不覺太濃和倉喉, 也不覺太辣, 但朋友還是受不了, 把蒜蓉夾進白肉食, 最是一流, 再加一碗牛肉麻辣粉. 地獄一般顏色, 陣陣麻辣香味, 一口又唔算太辣, 可能是小辣! 但隔了陣, 麻辣才從喉湧上嚟, 才開始有麻的感覺, 圓形一條條的粉, 好似肥了瀨粉, 這就是川粉, 煙勒有彈性. 十分滑溜, 湯面加了芫茜果碎, 口感十足, 我和朋友兩人一路不斷飲水, 一路叫”好辣”, 又一路把麻辣粉灌進口, 最後成身汗而回office

星期五，一號熱帶氣旋警報生效，天色一片灰蒙蒙，空氣甘極差。在這濕熱天氣，一頓麻辣宴可是一場及時雨，皆因適量嘅麻辣食品可以促進血液循環，並可以驅除困在身體裡嘅濕毒。

舅仔介紹嘅呢間舖頭位於紅磡區，老闆娘係四川人，每逢月底都會關舖，親自到四川辦貨。究其原因，係因為香港天氣比較潮濕，乾貨香料容易變壞，唔適宜儲存太多。

要預備六人份量嘅食物，點了八款唔同程度嘅辣物打包回康山外家食用。其實所謂八款，當中嘅豬、牛、魚、雞都係以同樣嘅香料泡製，只是辣嘅程度不同。由於各人嘅嗜辣程度不同，八樣餸由小辣至大辣。食濃味嘅食物，當然要由淡入濃嘅次序進食啦！

小辣類：
涼伴木耳 - 係咁多餸之中最唔辣嘅一味，亦係太座能承受嘅最大辣度。木耳爽脆帶點冰涼。辣度係極之輕微，但足以令沈睡了嘅味蕾稍為睜開惺忪嘅眼睛，消化系統亦因為木耳輕微嘅酸甜味而進入作戰狀態；川椒皮蛋 – 辣度與木耳差不多，辣得嚟有一種清新嘅感覺，不過太座是無福消受了。皮蛋絕對係靚貨色，皆因隻隻都係溏心蛋，外邊剔透，蛋黃軟綿綿，筆者一連吃了幾口；蒜泥白肉 – 此餸之辣非來自辣椒，而係新鮮蒜頭嘅辣味。此菜嘅製作十分出色，比起大部分一流食府所造的還好。白肉切成薄片，肥瘦比例適中，吸受了蒜泥嘅香辣及其他香料嘅麻辣，肉質可口鬆化，是一定要食嘅菜色。

中辣類：
經過小辣類嘅熱身之後，進入中辣食物。太座最早棄權，外父食中辣食品亦顯得有點吃力。舅仔及姨仔還可以跟得上步伐，筆者與外母仍面不改容。

夫妻肺片 – 以牛心、牛肺、等內臟薄切而成，再以紅油、辣椒、花椒、麻仁、胡椒粉、芹菜、芫荽等伴食。切成薄塊，方便易食，肉質也爽脆；麻辣口水雞 – 同樣地以前文所講嘅配料泡製。用了新鮮雞肉，無論係雞腿抑或係雞胸，入口都十分嫩滑。至於有否鮮雞味，老實說，在中辣嘅環境下要食得出一點也不易；毛血旺 – 據網上說法，正宗嘅毛血旺係以鴨血紅為主菜，豬紅也是十分普遍嘅做法。此店用了豬紅，除此之外，還有牛扒葉、大腸、豬皮等，辣油底還有芽菜、粉絲等索味食物。由於香料十足，頗有麻辣勁，再吃底下嘅粉絲，盡得精華，不過味道偏鹹。至於點解咁鹹，容後再談。

大辣類：
戰至此，味蕾全開，要挑戰大辣食物了。筆者開始感到吃力，毛孔、汗腺亦全開，食得痛快淋漓。外母則依然自得其樂，揮灑自如。

泡椒鳳爪 – 外表白雪雪，一如普通鹽水雞腳，令人毫無防範。殊不知被外表欺騙了。一入口，一股帶清新嘅辣味湧至，大出意料之外，少一點定力都會被此突如其來嘅辣味擊倒。筆者稍嫌雞腳可食用部份太少，唔夠過癮；水煮魚 – 全晚嘅高潮在此。單以顏色論，此菜係眾多餸之中顏色最鮮紅。辣度非同小可，其刺激感係硬生生的、直接的加諸味覺感官上。用了什麼魚，以筆者耐辣嘅功力，恕難分辨。不過，從魚骨嘅數目，相信係淡水魚了。魚肉十分嫩滑，肉質層次分明。嗜辣的，此菜不可錯過。

正當筆者食得面紅耳熱、開始抵受不了嘅時候，瞥見蒜泥白肉下有數條青瓜。即時便吃了兩條。青瓜盡吸蒜泥香味，入口即有一股冰涼感覺，驅走之前殘留在舌尖上嘅辛辣感覺。所以話，青瓜幾時都係唔食得辣嘅人士嘅朋友。

六個人之中，以筆者及外母最耐辣。大家都發現每逢食川菜，都會覺得辣後嘅味道偏鹹，大感不解。大家討論一番，得出兩個結論，其一係味覺經麻辣洗禮之後，對食物嘅鹹度特別敏感；其二係川菜味濃，本偏鹹，以平衡辣味。至於孰是孰非，不得而知了。

老闆係性格巨星，在炎熱天氣，火氣可能會比較猛。輪候時間有時都幾耐，不過是值得等的。筆者建議外賣打包，因現場只有幾張枱，半露天，冇空調，大熱天時都幾辛苦。

價錢十分超值，八款餸菜都係三百幾蚊，平均每道菜四十幾。

在 黃 埔 往 紅 磡 站 走 著 時 經 過 此 店
就 立 即 想 起 這 間 的 刺 激, 就 買 了 個 蒜 泥 白 肉 回 家 加 餸
一 打 開 個 盒, 已 經 非 常 香, 充 滿 蒜 頭 味
發 覺 面 層 與 中 層 都 佈 滿 蒜 泥 (說 真 的, 這 才 能 叫 蒜 泥 白 肉, 其 他 的 四 川 菜 館 都 不 應 用 此 名, 有 的 已 經 改 名 為 白 肉 粉 皮 了)
但 全 盒 都 是 紅 油, 還 未 吃 下 已 經 感 覺 到 它 的 辣
叫 的 已 經 是 小 辣, 但 事 實 上, 對 平 常 的 廣 東 人 來 說, 仍 然 算 是 特 級 辣
這 裡 做 的 是 真 的 麻 辣, 先 是 嗆 喉 的 辣, 後 是 一 陣 麻 香 + 蒜 香
是 會 令 人 有 食 完 再 食 的 衝 動

相 信 會 試 多 些 此 店 不 同 的 餸