其實淨係講一般食物,以錢VS質素的話,貴得可接受,不過真係要睇下你叫咩食.....因為海鮮真係好海鮮價.....


肥牛是高質素,貴得合理的.牛味十足之餘,雪花平均,肥瘦度又適中,只是切得略嫌厚了一點.
在這裡,最普通的食物,反而是相對最抵.......如雞子,菜,柏葉,雲吞,雞肉.因為質素比出面的高~


淨係食一般食物,其實都唔洗話洗太多錢(當然相對地多)
但如果食海鮮,真係........要留意價錢了.......
由於店員們循例都SELL下你D海鮮,特別係象拔蚌同鮑魚仔,叫親呢D大家都心照$$$.前者動千就4位數.
所以最後冇叫到海鮮......不過以其他食物GE質素黎講,有能力者,應值得去試.

紅酒$2XX,藍妹一枝細就$20.
好易貴在D酒水.


總結食物,非海鮮貴得有道理,海鮮,真係太貴,未能測試係咪抵.如果唔係叫D咩特別酒,其實每位都係唔洗二百蚊埋到單.樓下有酒吧,留番D錢去下場都仲得.
另外,價錢相信都貴在個環境,由於真係幾少枱,所以傾計都幾方便,坐得舒適,有tv,另外設有房.

能力負擔到,都會係一個重質不重量的好選擇.

好耐都無見過友人難得約到出來更係搵好野試下...友人提議來此店打邊爐...一早book定4位6時半..點知當晚又話要8時半交枱.咁都無計啦...4個人叫左白鱔片, 脆鯇片, 牛柳粒, 魚腐, 腐竹, 牛舌, 水餃, 油麥菜, 四寶丸同埋墨魚麵...等.
湯底我地叫左個冬陰公同清湯..不過冬陰公一d都唔辣..
當中我最喜歡係個牛舌同牛柳粒..一般牛柳粒應該愈灼愈un, 但此店d牛柳粒愈煮愈淋好好味, 牛舌打邊爐都好正, 2款魚片都好脆好好味, 其他食物都好有水準, 食店環境都好好唔會太嘈幾岩我地一路食一路傾..最後佢地無吹我地走.

昨晚突然轉凍，最好的莫過於與一班知己良朋到火鍋店大吃一頓，聞說尖沙咀有一間樓上火鍋店的食品及環境不俗，於是便決定到這一間輝叔牛肉料理試一試。

星期五分了兩個時段，分別是6:30及8:30入座時間。我們當然選擇了8:30才開始我們的晚餐。甫進入火鍋店便覺環境雅緻，大廳只有四張枱，有一點意料之外的少呢！原來店內還有數間私人房間，體貼一些想擁有私穩的食客。

我們一行四人，點了很多食物，當中比較高水準的有美國肥牛 (很腍、很滑，而且牛肉味濃郁，果然是牛肉料理)，響縲片 (非常鮮甜)，桂花蚌 (很爽脆)，海中蝦 (很新鮮，肉質彈牙)，墨魚丸及蝦丸(非常彈牙，並沒有一口麵粉的感覺)。其他的食材其實也很有水準，很新鮮。

因為實在太美味了，不自覺的點了太多食物，最後飽呼呼的離開，很滿足的一餐呢！

心裡已盤算著下一次再相約一大班朋友到來，那便可以試更多不同種類的食物了。

- 美國肥牛好好味
- 澳洲肥牛冇美國肥牛咁好味但係都唔錯
- 黑柏葉好好味
- 牛輾好好味


湯底: 唔好叫有金華火腿既湯底，唔靚又唔好味之餘仲搶晒牛肉原有既ｄ鮮味


- 服務非常差
- 服務態度非常差
- 侍應好似未訓醒咁, 要重複幾次先聽得明我哋想要ｄ咩野
- 冇俾茶水我哋飲, 我地飲完啤酒/汽水之後叫侍應攞滾水俾我哋, 佢竟然攞Bonaqua水俾我哋然後收我哋二十蚊！

[... 真可惜... 如果佢哋嘅禮貌好啲同埋服務態度好啲就好lu...]

********************************************


- The U.S. beef was excellent
- The Australia beef was not as good as the U.S. beef but still tastes very good
- The black 柏葉 was excellent
- The 牛輾 was excellent


Soup Base: do not get the one with ham (金華火腿) in it , it tastes bad and also overpowers & ruins the original flavour of the beef


- The service was horrible
- Their service attitude was horrible
- The waiters/waitresses seemed half-asleep, we had to repeat ourselves several times for them to understand what we actually wanted
- They did not serve us any tea or anything and charged us $20 for Bonaqua water when we simply asked for boiled water (after we had finished our beer/soft drinks)

[... what a pity... if only they had better manners and better service attitudes...]

comfortable seating, good service (but not too attentive, guess due to limited no. of staff, but service attitude is good).

good is of good quality with reasonable pricing.

beef and lamb are good.

haven't yet tried too much seafoof tonite, would plan for it for next go.

是次朋友生日來此處慶祝。

因為人多可以食到好多菜和肉。

牛輾好有口感﹐好咬口﹐唔韌。

蝦好新鮮﹐夠大只﹐蝦肉好彈﹐好鮮味。

蜆好大只﹐綽完都依然好大只﹐夠新鮮之余也肥美。

皇帝菜好新鮮﹐鮮嫩﹐不需要任何調味都好夠。

湯底好濃﹐老闆好好招待﹐成餐飯吃得好開心。

環境方面﹐完全唔像平時的火鍋鋪﹐好乾淨﹐好舒服﹐完全無煙味。

愛牛肉膻, 有次經過見這兒專做牛肉料理, 巳躍躍欲試, 只是見其位在商厦, 門面隱蔽, 不知如何而入.

是晚朋友邀約吃飯, 本提議到最近人氣旺盛的鼎泰豐, 但此店據聞經常排長龍, 而且做的菜也不算太特色, 於我而言吸引力不大.

後來朋友提議到這裡來, 就多麼的令人喜出望外!

按過大厦門閘的鈴, 看更伯伯便指引我們登上一樓. 推門而進, 店內空無一人. 笑容可躬的女主理人前來迎接, 稱他們只招待會員, 但可即時入會. 一場到來, 當然即入即吃.

這裡環境不錯, 分大廳及獨立房間, 食物水準不俗, 當中的本地手切牛, 是我吃過最好的! 食物簡介如下:

椒鹽鴨舌 - 很惹味, 也好肉, 下酒良品

湯底 - 忘了學名, 只記得湯底很淡, 有牛柳粒在內, 滚了若干時間後, 取些牛柳粒來吃, 十分濃的牛肉味, 也嫩滑, 絕不欺場.

本地手切牛 - 充滿油脂, 甘香嫩滑, 牛味極濃, 是吃過最好的. 中的只售$148, 實在物超所值!


游水花竹蝦 - 極為彈牙爽甜, 必食

鮮鮑魚 - 切了薄片, 很鮮味.

帶子拼蚌花蚌 - 帶子極為爽嫩鮮甜, 蚌花蚌口感爽脆, 亦帶鮮味.

白鱔片 - 沒有泥味, 彈牙, 但較多骨.

墨魚滑 - 賣相一流, 但質感有點實, 墨魚含量不高.

羊肉片 - 帶點羶, 但較肉質鞋靭, 可以不點.

服務親切又貼心, 很好.

小插曲:
甫坐下, 女主理人便笑咪咪的跟我們說是夜有貴賓到訪, 正坐於廂房中, 原來此人就是劉德華.

席間有位男仕從房裡走出來跟女主理人傾談, 我剛從洗手間出來, 大家打招呼, 我還傻兮兮的問他是誰, 此刻女主理人跟朋友才告訴我他是D.J范振鋒呢! 當時場面好像是有些尷尬...但老實說, 我真的不知道誰是范振鋒.

喝飽吃醉, 結賬之際, 女主理人告訴我們劉德華也快要吃完, 問我們等不等他出來, 本也想見見華仔真人, 但我實在太飽太累, 所以沒等, 跟他是緣慳一面了.

輝叔, 會再回去的.