4
0
1
港鐵石硤尾站 A 出口, 步行約6分鐘
繼續閱讀
付款方式
其他資料
電話訂座
詳細介紹
以上資料只供參考, 請與餐廳確認詳情
今日係父親節晚飯, 係未食之前, 見到有報紙評論話好少,仲要有個江南百花雞要件$600, 訂之前都有D心諗 $600咁貴,睇下食咩雞先, 話事話未食過咁貴嘅雞….7:30PM 開始用餐, 食完第三道菜8:00PM 等咗20-25分鐘先(8:25)上第四道菜, 全場3圍枱, 大家都係等20-25分鐘無上過菜, 原來係整緊我哋圍枱隻雞.菜單 - 粟米魚肚拆魚羹 – 好足料, 好夠味- 爺爺生炒骨 – 佢個樣就俾係出面食個D細粒D, 咁好啱小朋友一口一粒, 但個味就唔夠平時食開個D酸酸甜甜家鄉四小福- 呢個送有4款煎餅, 蝦膠煎餅, 肉餅煎餅, 咸魚前肉餅, 仲有一樣唔記得…基本上咸魚前肉餅同煎肉餅個味係一樣..唔太大分別, 另外,個蝦膠煎餅D蝦膠太通透,好似食緊水晶餃, 完全無蝦味江南百花雞 – 等咗20-25分鐘, 戲肉嚟啦, 佢個賣相可以, 一件件雞件,每件雞件下面都有蝦膠(砌番隻雞形出嚟)..之但係, 隻雞痴住蝦膠個位唔熟,有紅色..再睇清楚同食一口… 嘩…件雞生同d 粉,蝦膠都唔熟, D蝦膠一D都唔係蝦膠…唔止一,兩件, 有80%雞件都係咁. 同樓面講..點知轉頭廚師出嚟..”唔會唔熟..雞都熟, d蝦點會唔熟” 咁真係唔熟wor, D 雞肉透明……當然,最後佢攞返入去再番熱(應該係再炸)..10分鐘後再上..好難食..杞子蒸桂片 – 賣相可以, 但同我平時蒸嘅一樣..無咩特別魚湯浸時蔬 – 呢個好食..D 絲瓜浸咗湯好味魚片荷葉飯 – 同我平時係外邊食嘅荷菜飯, 唔同, 無荷菜香味, D飯太濕大肚婆炒飯 – 即係炒薑飯, 味道可以, 但薑唔夠辣薑汁燉鮮奶 – 薑汁燉鮮奶..但係個薑汁係要自己加上去,個奶係無薑味, 佢應該叫佢做燉鮮奶,可另上薑汁…呢個甜品,係佢上炒飯開始上時,已經同佢講,可以上埋. 阿姐話整緊,但要等20分鐘, 當然啦, 20分鐘後未有見鮮奶綜影….最後等30分鐘先上…講真, 我未食過要3個鐘嘅中餐(埋單10:45), 仲要唔好食..唔抵食..雞唔熟，個廚師仲要出嚟撐, 你自己CHECK下先啦…埋單$2400, 8大2小..我唔介意要等要俾貴D..但唔該俾心機整得好食D..
繼續閱讀
因為有個朋友生日，訂左隻台係爺爺到食飯，平時都係叫開小菜，但今次9個人，老闆介紹我地食套餐因為入面有d野吾岩心水，本身都係諗住叫d預訂野再加餸，但原來吾洗跟足甘死板，可以改動。我地揀1888餐，之後加加減減，足足12樣野!!九星伴花鯪本身吾知咩黎，叫一叫師傅，原來係蒸鯪魚，將一條鯪魚起肉剁好做魚球，伴係起好既魚腩邊，食起冇骨，魚球爽口，而且魚新鮮，食起有鮮甜!!
爺爺生炒骨呢個生炒骨一向食飯都有叫開，夠酸夠甜，排骨炸得出面脆，入面肉仲有汁，粒粒排骨都有汁，而且老闆話即叫即炸，保持排骨新鮮!!
順德彭公鴨之前食飯睇到餐牌已經想試，聽都未聽過，一問之下先知，原來用八珍甜醋去炆，鴨身吾肥，而且好入味，上面d薑都吸曬d汁，有d似薑醋，一問師傅，原來整都好花時間，食得出心機。(放幾塊蕃茄係邊好怪)
爺爺蒸茄子本身吾鐘意食梅菜，轉左呢隻蒸茄子，原來係用咸魚加其他野去蒸，一出就閒到好香，好好送飯，咸魚同茄子原來真係好夾最後甜品，鳳凰燉鮮奶，呢個我吾記得影，一出就食，燉奶本身吾係難做，但做得好係要師傅功夫，我吾鐘意出面d奶入口酸既，但爺爺既奶冇事，因為用冰糖開奶，而且奶身好滑，而係奶味之中食得出蛋味，吾會燉訂係到，要食先燉，係我食過最熱既一碗燉奶
繼續閱讀
今次訂咗這間食順德私房菜，講咗人數，廚師建議菜單後，再問我們一些口味，原來同一道菜，廚師跟據客人口味有少許微調！ 今晚我們有一道「順德彭公鴨」，必食！感覺有點似薑醋，d汁好好味，飯都可以食多幾碗，鴨肉嫩，不會老，但又夠入味喎﹗不過人數要夠多才叫這個餸，因為隻鴨都大隻。跟住我至愛「爺爺焗魚腸」，已經好耐好耐.....無食過焗魚腸了。這道絕對多功夫的菜，剩係洗魚腸都已經麻煩了。這裏的焗魚腸真係整得好香，一拿出來，那種香味真係撲鼻而來，正！今次就我朋友要求整得乾身，絕不油膩，非常健康，但我本人其實喜歡油淋淋的炬魚腸，這是小時候的味道情誼結。順德菜點會唔食釀鯪魚，真係真材實料，叫一條釀鯪魚，其實已經食咗三條，內用兩條魚打至起膠，混上配料，好充實和豐富，食了一件都已經感到飽飽的。但見到那碟「糯米綠豆面釀大腸 」，又是考功夫的餸菜，又繼續，唔好以為大腸好肥膩，一d都唔係，師傅已經去晒d肥膏，加上內裏釀了糯米和綠豆，完全平衡了，絕不會肥，另外如果只釀糯米，又會太滯，現在混了綠豆就不會有這感覺了。「大良野雞卷」就香口嘢來﹗「梅菜扣肉」本人食慣甜d口味，這個味偏向喊的口味，送飯就啱！
繼續閱讀
順德菜，又稱鳳城菜，是粵菜四大菜系之一！大部分廣東菜都源自順德，順德廚師相傳喺廣東菜嘅祖師，所以亦有「食在廣州，廚出鳳城」的諺語。而已，喺香港想食到正宗順德菜已經好難！點解？因為好多已經失傳，二來商業化社會，每件事都要快同金錢掛帥。冇商人願意用幾日時間去準備一道餸，但賺幾百蚊！今日有幸團長邀請，嚟到深水埗區品嚐正宗順德菜！其實我真喺未聽過《順德彭公鴨》，但一上枱，我就聞到好勁酷味，而且一定會好油，好難食！試咗一舊又唔喺咁難入口，而且仲幾有驚喜！因為隻鴨鴨真喺超入，味道有種非常天然的甜酸味，亦非常乾身，甚至冇乜油！問返負責人先知依隻鴨鴨喺需要要預先訂定先有，因為要用到師傅好幾日嘅心機同功夫先食到！而且用上傳統上等八珍甜酷醃製，成本真係唔平！對焗魚腸真喺怕怕，因為之前食過非常腥味，超難入口！但依到嘅 《爺爺焗魚腸》做法非常正常，可有正常同乾身選擇！今次團長選擇咗乾身，咁我負責食，緊喺冇所謂啦！其實焗魚已經難食到，但依到嘅焗魚腸完全冇腥味，而且非想廷身有口感！同普通蒸水蛋唔同，真喺冇乜水份，有團友仲話食唔慣！不過原來乾身先喺正宗！釀鯪魚喺傳統順德菜最出名嘅菜式之一，做法喺一條鯪魚嘅肉，混入豬肉，釀入第二條鯪魚中，再香煎！不過依到嘅《家鄉煎釀鯪魚》就完全冇混入豬肉，反而混入其配菜，令到口感更爽口彈牙！而且每舊都一吋厚切，超有口感！當中仲有咁配菜就真喺估唔到！味道方便真喺好濃郁嘅鯪魚味！真喺超正！一提到大腸，仲喺有種好肥膩嘅印象，而且總喺臭臭哋咁！依到嘅《糯米綠豆面釀大腸》 完全唔到！保留咗香脆嘅香皮外，腸內嘅肥皂由糯米綠豆代替哂，完全喺第二種層次同口感！咬落非常煙靭 ，而且好有糯米同綠豆味！野雞卷真喺未食過，依個《大良野雞卷》由豬肉包住雞肉同雞肝做成！口感非常脆口，味道少少鹹，送啤酒真喺一流！其實順德菜又名，每道餸都用上師傅好多心機同時間！今次跟團長有幸品嚐到正宗順菜，真喺多謝師傅！總括嚟講非常好食，我自己鍾意 《家鄉煎釀鯪魚》，每人平均 200蚊，都幾抵食！
繼續閱讀
26.9.14 (五)早前見到蘋X日報的報導, 介紹順德爺爺私房菜, 由於openrice也沒此餐廳的食評, 唯有親身一試了。 我們是從太子聯合廣場那邊行過去的, 大概行10-15分鐘到因為順德爺爺的位置在深水埗和太子站之間, 所以兩個站行過去都要花點時間啊我們沒訂位, 但去到剛好有兩個位, 店舖座位不多, 大概二十個, 有些是訂座的大夥兒, 星期五晚生意算幾旺 拆魚羹$108鯇魚煎香用人手拆肉，將骨滾成魚湯，加入勝瓜、生菜等，喝湯時食到鮮甜的魚肉。魚羹的質感有點像魚粥, 有滿滿微細的魚肉塊, 完全沒有骨, 拆肉的人很有心機, 材料主要為勝瓜及豆腐, 略嫌勝瓜份量偏小, 如果多一點就好了, 勝瓜加魚這個組合, 一定鮮甜, 沒得輸, 唯一問題, 也是個人口味問題, 就是有些細小薑絲在魚羹內, 挑又沒法挑走, 不喜薑的人會有困擾最後, 兩個人吃一窩魚羹吃不完, 帶了一點走而兩個人只吃一個魚羹, 店家也沒黑面, 服務態度蠻好的 留意菜單上是沒拆魚羹啊, 看報章的介紹才懂得叫的
繼續閱讀