188
28
11
港鐵西營盤站 B2 出口, 步行約2分鐘
繼續閱讀
電話號碼
2104 6788
開飯介紹
由韓國人經營的咖啡店，環境極具韓風，且設有後花園。店家提供柚子Koreano、紫薯拿鐵等各種創意咖啡，甜點則以剉冰最受歡迎。
繼續閱讀
獎項殊榮
最優秀開飯咖啡茶室 (2016)
營業時間
星期一
全日休息
星期二至日
12:00 - 22:00
以上資料只供參考, 請與餐廳確認詳情
食家推介
相關文章
<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>事先聲明，我幫襯既時候仲係舊鋪。見到openrice既相片同評價，加上過百食評就係我去幫襯既原因。價格絕對不是頹飯系列。入左cafe之後，無曬平時你所認識既步隊鍋，泡菜，人參雞湯或者伴飯，就是不是一般的韓式?!偏向清新，呃like既好去處吧。正~非常有趣好吃的岩漿蛋拌飯配黑松露煙三文魚樣子特別，味道也很好。若要說缺點，只是性價比不高吧。普通~有食過比佢好吃的年糕多士，雪糕普通，煙韌感覺不足。紫色的粉只帶來些許的紫薯味/蕃薯味。可能只是有期望，有小失望。仲有好多不同的食物同茶類飲品，不能盡錄了。總括而言，如果讀完港大之後就好日都唔會番中西區既同學不妨一試。
繼續閱讀
西環實在太多好野食啦，隨便一間都已經好正😍呢間seoulmate係韓國人開既～佢既甜品都幾唔錯架😃而且環境好令，有得坐室外同室內👌🏽影相一流！K爆米餅脆脆柚子芒果 hkd58 😊 佢個雪糕好好味👍🏿而且啲芒果好甜！加埋啲米餅食一流🤓而且賣相100分！另外亞豬媽年糕多士 紫薯味hkd63 😳佢個多士係熱辣辣，食落完全係爆紫薯😈啲年糕煙煙unun 冇得輸呀！加埋佢個雪糕一冷一熱咁食好正呀✋🏿推推推
繼續閱讀
最近，有朋友告訴我位於西環西營盤第三街的 Seoulmate Cafe 即將搬往銅鑼灣，趁週末順道到西環看看是否已結業？！ 西環店已結業！自從 2014 & 2015 年幫襯後，起了草稿一直都未出食評！還打算今年再幫襯才出食評，恐怕現在是時候出這篇倉底貨嘞！ 之前，媽咪叫我幫她走到西環買藥材，為免放工走過來藥材舖收舖，還是星期六來比較穩陣！ 既然一場來到西環，不妨在這裡食 lunch！ 韓式咖啡店 Seoulmate Cafe 由3 位港男及1位韓籍 Oppa 開設，店名亦取 Soul 同音靈魂的意思，店主希望食客可在這裡讓靈魂休息放鬆一下！由於，店內的負責人是一位年輕的韓國人 Oppa 就當他是老闆吧！只有他一位一腳踢弄食物! 另有一位女店員幫手送餐，每當有食客走入來，他都會告訴對方，食物要等上 20~30分鐘！食物即叫即製，要耐心等候！我專程走過來，就算要等上半小時，也在所不計！店子環境清幽舒適，猶如走進一間小韓舍！店子後半露天部份是一個神秘花園！ 還設有一座木製鞦韆！感覺優閒寫意！卻是夏天幫襯，這裡不但只熱還會餵蚊！雅興盡消！ 店內的小擺設，總透出店主的心思！牆上擺放著韓文書籍雜誌，讓食客增添趣味及品味！當然要看得明才是！既然是韓國人開設的咖啡店，播放的都是韓文歌！有趣的是，幫襯大多數是香港人！廚房雖小，卻五臟俱全！老闆馬不停蹄地忙著弄食物！見他用心認真！令人期待韓式美食的送來！供應: 韓式小食、韓式甜品、韓式飲品，如韓式咖啡…等！不設加一服務費！可是，部份我想食的韓式美食也沒有供應！而甜品更只有一款韓式野生酸莓朱古力心太軟，別無他選！五味子飲品 (凍) $28以為冷飲會好快！卻足足等上25分鐘！這是韓國傳統水果草本茶，有冷飲熱飲可供選擇！我問老闆哪款比較好飲？他建議冷飲！我記得睇韓劇而得知五味子是韓國盛產！所以，特意點來一試！ 入口酸甜冰涼！味道跟利賓納有幾分相似！相當解渴！韓式炒飯 $46等上 50 分鐘！比預期久等！當時，我真是好肚餓！卻不好意思催老闆啊！熱辣辣香噴噴的炒飯終於送上！ 份量剛好！混合腸仔及泡菜，充滿韓式風味，飯粒色澤均勻橙紅色！酸辣惹味！辣度令人容易接受！自家醃製的泡菜香辣爽口！教人回味！終於等西營盤地鐵站於2015年3月29日開幕，真是等到頸都長埋！就算大熱天時，當日最高氣溫 35度都無有怕嘞！事隔半年後再幫襯！當時，見到店子推出紫薯系列美食， 我當然不容錯過！終於的起心肝再幫襯！ 然而，負責廚房的已有四位店員，不只是一位韓籍老闆！店內依然坐得迫狹！ 天氣炎熱，我穿著露背裙，完全 feel 到後面桌的女食客把長頭髮！付款後，隨即店員會給予一個電子儀器，當電子儀器閃亮時，便可取食物！南瓜拿鐵 $47付款後，等上 20分鐘！比預期耐！ 混入冰粒攪拌，沙冰的質感！冰爽透心涼！清甜怡人！每一啖也嚐到南瓜蓉，真材實料！紫薯多士 $62等上半小時！讓人久得了！食也不用半小時啊！選用多種食材，焦糖雪糕灑上紫薯粉，令平凡的的雪糕球更美艷動人！表面加上果仁片、南瓜籽、葵花籽等多榖物，增添健康元素及口感！多士烘至金黃香脆，中間夾雜清甜軟滑的紫薯蓉及一塊薄而煙韌的韓國年糕，冷熱交融，口感兼備！ 不會喧賓奪主！西環店已結業！期待銅鑼灣新店！
繼續閱讀
tea time時間諗住坐低飲杯咖啡休息下~ 外面望入去以為餐廳好細, 點知原來入面仲有個好靚既小花園!熱紫薯Latte - 本身諗住會好甜, 但點知一飲落去, 好濃郁既紫薯味, 甜味適中!! 蒜香K爆米餅配柚子芒果煙三文魚 - 有兩大塊米餅, 然後自己再加柚子芒果三文魚, 賣相好標緻, 味道就一般...K爆米餅+脆脆柚子芒果 - 賣相真係一流, 好靚! 但d米餅本身整到好細塊, 當盛載水果時, 大力少少取出都會斷, 好難去進食... 而且d士多啤梨好酸...
繼續閱讀
呢期每個月首個禮拜六搭地鐵都有優惠，趁優惠期間，就同老公過海覓食。我哋嘅目標其實係一間近期爆紅嘅台灣餐廳🤗由於人頭湧湧有排等，所以一於試埋呢間响隔離嘅甜品Cafe。一邊食一邊等。呵呵！我哋叫咗好多人推介嘅甜品——亞豬媽紫薯年糕多士大戰雪糕！（叫餐嗰陣好似讀急口令，哈哈！ ）我係一個紫薯控，我老公就連甜品控都不是！賣相唔使多講，相機食先，大家有眼睇。😜我急不及待切開塊多士，嘩！外脆內軟，多士夠脆，年糕同紫薯嘅份量比例啱啱好，連老公都話好味！不過啲紫薯味再濃啲就更好。雪糕同多士真係有得fight! 清新的豆腐味，中和番紫薯年糕嘅膩感。雪糕細滑，唔太甜！一啖雪糕加一啖多士，難分高下！再加埋面頭啲果仁，成個甜品有層次感。如果你鍾意食重口味嘅甜品，呢一款就未必啱你。同埋呢款雪糕要用力切先至切得開，堅係大戰雪糕 😅慢慢嘆完個甜品，就準備食下一餐！
繼續閱讀