這間餐廳係我番工前吃早餐必到嘅其中一個地點,貪佢飲品係自家沖即磨咖啡,不過有時都偶有失手,因沖飲品那個哥哥仔會放假或轉咗更,今晚加班8點放工,本想到吉野家一試牛肉火鍋,因自己一個人買得餐來又霸唔到位,所以走咗去迪卡倫試吓佢嘅晚餐,睇完餐牌點咗個自家咖哩汁雞飯,等咗一陣,終於有得食:張d汁撈落d飯食,嘩! 點解d汁苦中帶甜,好難食,雞肉又細舊,無雞味

平日晚上8點度黎食晚餐,,唔多人,,有得坐卡位;D
叫左黑椒牛肉飯(套餐$37), 白汁焗芝士西蘭花帶子意粉(套餐$38)

黑椒牛肉飯 - 上枱時好香呀;D
牛肉係薄薄既,,似係煙燻咁,仲係紅紅地色,,但就無咩牛味
而唔係就咁黑椒汁淋上面,,係有粒粒黑椒係牛肉上面,,有誠意!

白汁焗芝士西蘭花帶子意粉 - 即刻焗所以等耐啲,,
西蘭花烚到好淋,,我鍾意=P
帶子較細粒,,都有四粒,,但其中有兩粒食到沙沙聲,,
唔知係咪未乾淨晒,,,白汁都夠味,,意粉唔會淋晒,,
呢個價錢都滿意喇=D

套餐包冷/熱飲品,,叫左兩杯凍奶茶,,有茶味,,
但唔係茶餐廳果種好濃郁,,似係英式清淡啲既

但係餐廳得一個樓面,,又要落單又要賣野又未執枱,,
做到踢晒腳,,不過佢既態度仍然好好,好有禮貌=))
食到一半先見有第二個侍應番

整體來講都係物有所值;DD

今餐懶下廚,駕車到路德圍停車場,下車後面前就很多食肆,看到這間毫不起眼的咖啡店有焗意粉吃便選擇了。甫坐下看見餐牌介紹的飲料+爆爆蛋又叫來試試。
現時見下面的食評朋友說每食一個$33元的套餐,便送一個印花,可是我們叫了三個套餐,什麼印花也收不到!可能是〝側側膊,唔多覺〞吧~ ha!ha!

和味煙鴨胸螺絲粉~~不覺肥膩的煙鴨胸,肉嫩汁濃,螺絲粉焗得剛好有嚼勁。
白汁焗芝士西蘭花帶子意粉~~雖然帶子細細粒沒鮮味,但個白汁既rich又惹味。
芝士焗肉醬意粉~~芝士焗至半溶,燶燶地很香,肉醬和芝士兩者的味道溶化在一起,creamy得醒胃。
tiramisu 冰沙+爆爆蛋~~面頭是一團細緻冰沙,咖啡醇厚味濃,插入長條餅。飲品內另加入的爆爆蛋,是糖衣皮包著乳酸糖漿,一咬即爆出來;哈!有點像燙傷後的水泡。

前幾排，又再黎呢間食飯。呢一日係星期六，所以人就多左小小。我都係叫番
個餐，加兩塊魚柳啦。

焗芝士鴨胸意粉芝士味好濃，個汁係白汁。都唔錯既，好濃同好香。而意
粉就整得算幾彈牙，唔錯唔錯。而鴨胸都可以既，幾好食。
魚柳其實就無乜特別，但都幾新鮮。雖然舊魚就左小小，但都無
影響到個味道。
tiramisu冰沙呢幾排都飲既飲品，因為真係好正。好重咖啡味，但有小小朱古
力味。最好睇既都係果枝手指餅，如果齋食就唔好食。但加埋冰沙黎食就幾
好食架。

都唔算太貴，而家為左留住客。每食一個$33蚊既套餐，送一個印花俾你。
滿十個就送一個餐俾你。

三個禮拜之後，又再黎呢間食野啦。呢間俾我既印象都幾好，算幾平同
好好食。而環境都唔錯同坐得幾舒服，難怪我一黎再黎。

焗芝士汁煙肉意粉個芝士汁幾濃，我覺得幾好食。意粉整得幾爽
口，配料又算幾多。個意粉都整得幾靚同幾好睇。
tiramisu冰沙一杯我好鍾意既飲品，個咖啡味好重。我覺得
好正同好夠凍。最特別既係，有條手指餅杯野飲到，呢個真係幾特
別既，真係好得意同整得好認真。

一定有下次既，因為價錢唔貴。而且食物同飲品都細緻認真，真係好
正。

呢一日好想用埋D印花卡，就同個fd過黎呢度食。呢間野都去過幾次，
雖然係坐得無咁舒服，但勝在野食都唔錯既。

焗肉醬意粉雖然好普通，但肉醬味好濃。而芝士既份量又多，真
係好好食呀。而意粉又整得好爽口，好好味。
tiramisu冰沙杯野真係好重咖啡味，整得好認真。而且真係有
支手指餅杯野到。我鍾意將支餅插入杯冰沙到，索哂咖啡味，真係
好正架。

實有下次既，因為我有七個印花，所以呢餐平左三十三蚊。

日期：2009-07-19

在"迪卡倫咖啡及凍飲專門店"(荃灣分店)買了"藍莓芝士凍餅(Blueberry Cheesecake)"($20)。

藍莓芝士凍餅---這是焗製的藍啤梨芝士凍餅，主要由牛油、麥餅、忌廉芝士、淡忌廉、糖、雞蛋和藍莓果醬等材料製成。餅底軟腍，不夠鬆化。芝士層結實中帶點彈性，乾濕度適中。芝味不算濃，藍莓味足夠，牛油味香，甜味適中。

等一次泥荃灣,前一晚就睇下openrice有咩好食
之後就搵左呢間,因為見佢唔係好貴咁所以想試下!
都幾易搵呀呢間,仲有come buy係附近不過冇試~

佢d set lunch都幾平嫁 $30咁抵食^^
叫左漢堡扒同燒汁雞
雞果個好好味呀, d味好特別
漢堡扒我覺得好咸...不過男朋友又話漢堡扒係呢個味!

anyway, d店員好有禮貌=]
其實我：覺得個cooker係幾有heart的
你可以見到佢係將d野食放到好靚
個汁你都見到係好靚

上次和同事逛街已來過一次，覺得人流不多，侍應態度良好，環境不錯，食物味道也算可以，價錢廉宜…

和上次吃的一樣，焗白汁蘑菇螺絲粉-->我很喜歡焗的食物，熱騰騰的，最近因爲減肥的緣故，所以很喜歡這個素食食物，又不是以芝士來焗，確是吃很安心快樂！雖然味道就不算很好吃，但是也算便宜，算是不錯了。

問及bb吃的沙嗲牛肉拉面好吃與否，她說牛肉好吃，整體分數給七十五分，如果由她口中可以得到這個分數，我相信也不差已。

然而媽咪卻覺得馬馬，她叫的是香草雞翼拉面，說很普通的一餐，不值這個價錢，果真是見仁見智了。

呢度有間平平地而質素又唔錯既餐廳，今日鬥終於有機會試下啦。我去到果陣一個人都無，以為未開舖，點知只係食緊飯....好彩。

芝士白汁炸魚飯呢個等左好耐，炸魚炸粉唔多。都算幾好食既，新鮮可口。而飯配上芝士汁，更惹味可口。飯就可以既，不過近碟邊既都有係焗過龍，有乾，而白汁就幾濃。芝士味又夠，整體上都唔錯既。
凍焦糖咖啡呢個係特飲，本來飲落去唔覺甜。但飲幾啖之後，就有呢種咖啡有既甜，就算加錢都抵飲。而且，有cream始終係好，賣相好睇又滑。

雖然呢間野坐得無咁舒服，但食物同服務質素都超越荃灣區既水平，實有下次既。

難得去荃灣, 沒有idea就去了路德圍搵食, 見有間cafe整潔企理, 就入出試下啦.

下午茶時間, 但menu內的價錢實屬偏貴(比較附近的下午茶餐), 老公叫了個豬排湯意粉, 轉了蕃茄湯底(加$3)+凍檸茶, 共$29. 上枱時真是好失望, 份量好少, 得2舊仔豬掛, 好細舊, 換了湯底的意炒份量亦很少, 唯一是味道都算好味, 但凍檸茶又是無味的, 不好飲.

我叫了份芝士餅set, 是New York芝士餅+熱檸茶, 共$28. 芝士餅明顯不是即日做, 外邊已變硬了些, 食落不夠香濃, 不好食.

因兩份set份量太少了, 再另叫了件芝麻厚多士($13), 多士夠厚但不脆, 反而芝麻醬幾好味.

總之, 今次食得不太滿足, $70不太值呢.

看到這是荃灣區十位以內的餐店
故下午有時間來吃個午飯
下午2點多,餐廳已沒有人了
不知道是否因為職員做完午肆,有點累
一個人進去,職員連反應也沒有,更不用說說句話了
我進去還以為要關門,還問店員是否可以叫餐的

看到下午茶餐牌,
真的看幾遍也不知道叫甚麼
因看到大家說招牌菜是意粉螺絲粉那些
所以點個下午茶套餐唯一的螺絲粉,也要$27,再加$6點一個士多啤梨朱古力
原本還想點個芝麻雞翼,但想看看螺絲粉份量再決定

來的時候,已覺得好唔抵,差不多$30價錢,份量不多(可能我大食吧)
吃後覺得味道普通,材料也是一般,總括來說覺得自己煮會心甘情願點.
所以連再點雞翼的念頭都打消了

而士多啤梨朱古力,喝起來蠻特別的,酸酸的又很重朱古力的味道

不知道是否時間來的不對
有機會,會再試一次.

尋晚(9-2-2009Mon)元宵節,同男友行完綵燈會,就搵o野食.行o黎路德圍,行到o黎呢間,睇吓set dinner好似好吸引咁,見唔多人.座位好似好舒適咁,於是入去.

我o地叫o左$65.00o既紅酒牛脷石頭飯套餐,加$8.00要士多啤梨益力多,而我就要$45.00o既至尊自家什扒王套餐,加$8.00要奇妙曲奇冰沙.

樓面話石頭窩要預熱,須要等候,我同男友都冇問題.

不一會,士多啤梨益力多先到,同男友先試吓,士多啤梨味淡淡地,到我o地食完o野再飲時,就飲到益力多味.

然後我o既奇妙曲奇冰沙到o黎,好多忌廉o係面,呢個味道濃好多,有朱古力味同Oreo碎,飲到最後都仍有味,好!

之後蟹子沙律同三文魚湯一齊到o黎,沙律醬冇撈勻,覺得有少少酸,蟹子同蟹柳都唔多,成碟都係生菜絲.

而三文魚湯,男友一飲落去,話凍o既.我又飲,真係全凍喎,係咪唔記得翻熱啊?至於三魚……冇o既?算啦,飲晒就算啦.

然後,我o既至尊自家什扒王意粉到o黎,有雞扒,豬扒,黑椒牛肉,芝麻雞翼同芝士腸,.男友先試意粉,我嗅到有咖哩味,問問男友,佢話係有咖哩味,不過唔辣.我又試,係喎,香香地,唔辣.好,到餸`喇,黑椒牛肉,都幾薄,男友以為係煙肉,我食落又幾似喎,冇黑椒o既?雞扒同豬扒甜甜地o既,應該用o左蜜糖o黎醃,而芝麻雞翼煎得好香脆,都唔錯.

中途,樓面走o黎同我o地講,頭先師傅唔記得加三文魚落個湯o度,就咁畀o左碗忌廉湯,問我o地要唔要返一碗?我o地答,啊,好啦.

咁另一碗三文魚湯又o黎到,呢碗係熱湯,好熱,三文魚鹹鹹的.

最後,紅酒牛脷石頭飯o黎到,好熱好大窩,牛脷舖滿o係面,男友一試又大讚好味,我又試,真係好味,牛脷夠腍,飯又好熱,撈汁又好好食.我同男友都食到好飽,但我又多手用叉叉埋底o個啲飯,竟然可以成塊起出,又食吓先,脆o架.係脆脆米,男友勁鍾意,飽都要食埋佢.

服務:
唔差呀,好有禮貌,走o既時候,廚房都會講聲多謝.

荃灣比較接近我和男友家，所以經常在此區找吃，吃完方便我倆各自歸家。雖然經常出沒此區，但是總覺得沒有好食店，最穩陣的只有吉野家(最好吃的吉野家在荃灣區啊)，因此每次在這裡找吃就很傷腦筋。

昨晚放學後，男友陪我吃了晚餐才回家，所以又是選了這區。早兩天吃了不及格的肉醬意粉，今天意猶未盡，選了迪卡倫，原因只是它有焗肉醬意粉及我最愛的爆爆蛋。

第一次嚐爆爆蛋亦是在此店，當時它只是一間外賣飲品店，已經好幾年前了。爆爆蛋是乳酸味，輕咬下去便爆開，比珍珠有趣。

今次我倆點了芝士焗肉醬螺絲粉($33)、西柚綠茶爆爆蛋(+$2)、芝麻厚吐司($22)及凍咖啡。

芝士焗肉醬螺絲粉﹕熱辣辣兼有香濃蕃茄味，螺絲粉亦煮得軟硬適中，只是略嫌肉醬不夠。

芝麻厚吐司﹕芝麻粉略為少了點，但帶有少許椰子及花生味，吐司亦夠厚，不俗。

西柚綠茶爆爆蛋﹕要了少甜，飲下去真的少甜，亦有少許西柚的苦澀，驚喜的是杯底還沉著西柚肉，真的加了西柚汁﹖爆爆蛋還是一樣好味有趣。下次要這個就不用少甜了，反而需要少冰，因為冰太碎，滿口都是冰粒。

凍咖啡﹕同樣是少甜，但真的太少了。咖啡味很香，這個價錢算是優質啦。

整體來說，它的食物飲品於荃灣區真的比較好，價錢也合理，但食物的醬汁絕對有必要加多一點吧(看見鄰座的雞翼飯吃到尾全是白飯)。還有，食物的款式較少呢。

下次再來試一下其他吧。

來了這店很多次,,但之前一直都是來飲東西,,

那時沒拍照又沒上來看OPENROCE,,,最近又去吃了,,

晚飯時段仍有下午茶的款式,,,十分適合我去吃,,

因為本人最近吃太多胃脹脹的,,吃小一點比較好,,

跟友人點了一人一個迷你芝麻雞翼肉燥飯,,本來一直都是吃自家豬扒王意粉,,

這次被隔離抬的芝麻雞翼肉燥飯吸引,,就叫了,,,迷你飯的份量還不少,,

芝麻雞翼很香口,,飯上有2隻,,要不是太熱氣我會再ENCORE,,

肉燥上有點梅菜的味道,,真的很好吃,,不太乾又不太濕,,好味况,,

友人吃完不禁大叫不夠,,所以大吃的人可能要後加東西,,

飲品叫了荔枝紅茶小冰,,不知是否小冰原故,,甜味調不準,,不夠甜,,

然後叫待應幫忙加回,,味道很怪,,= =

其實很久以為試過士多啤梨朱古力加彩珠,,跟士多啤梨紅茶,,真的不錯喝,,

下次去喝一下曲奇沙冰先,,^^