有朋友力薦呢間食府，睇Openrice 呢間分店又係最高分，係隔離唱完K就去試下。心諗又冇訂位實要等，點知唔使等，剛剛有四位，正！一睇四周個個都食相滿足，貴格feel咁。無錯喇呢次嚟呢間，好！叫D標準菜式試下，先叫老火例湯($108)，有花旗參嘅，唱完K最好係飲呢款，湯同湯料上枱，飲啦！望住湯料得豬肉、淮山、肇實、蓮子。我諗緊自己叫唔係呢款喎，應該有花旗參，聞又聞唔到，飲又飲唔出，叫位伙計來問花旗參去咗邊？係咪上錯？伙計話呢款係，花旗參用湯袋裝所以見唔到，OK同意，但真係完全無花旗參味。跟住D餸到，醬油脆皮雞半隻($130)皮係脆，肉鬆無彈力，同時都無雞味，冰鮮雞都唔係咁㗎。 燒味上雙拼($118)叉燒加燒肉，雙拼要燒肉要再加$10，我食過最矜貴的燒肉，20x20x10mm(W/D/H) 有10小件，皮都係脆。淋在叉燒上的汁好似係鰻魚汁，好奇怪配搭，搞到感覺上好似食燒鰻魚有D腥Feel。瑤柱海味什菜煲($78)無特別無乜瑤柱海味、糖心皮蛋一位半隻，二位起($20)食完同隻蛋色一樣、金蒜拍青瓜($22)OK夠凍、咸魚雞粒臘味煲仔飯二位($98)飯本身煮得係好足夠四位，配料就普通、疍白杏仁茶每位($28) 是好味的，杏仁好香，夠濃。係呢間店食飯，真是先苦後甜。$800埋單
順便補充，入到此店係完全聞到有食物香氣，我就話飲無花旗參味嘅$108例湯，隔離枱飲二百幾銀兩位用的唔知乜螺湯(見到湯料)，應該係香氣四溢，但係無！

與兩位朋友用晚膳，選了這米芝蓮一星飯店，叫了以下菜式﹕

杏汁白肺湯 (屬燉湯，要預訂)﹕ 火喉夠，湯和豬肺甚香甚滑，值得一試。但不知為何市面上總是找不到年少時媽媽煲的那股濃郁味道

堂煎和牛扒﹕我要五成熟的（牛扒我從不要比五成更熟的，在外地我多吃四成的），絕對不是A5級和牛，比五成熟了一點點，但牛扒很軟滑，補了這個不足，亦可以一試。但一塊要三百多四百元，我要了三塊，好重皮，其實可以只要一塊三個人分便好

燒腩仔(屬燒味，要預訂)﹕ 一小碟，皮脆肉嫰，好！不過感覺現在不少飯店也可做到類似水準

龍蝦球蒸蛋白﹕新鮮龍蝦做，能達到預期的效果，不錯

西施泡飯﹕後下的脆粒很香口，有驚喜

粉絲雜菜煲﹕菜新鮮，普普通通啦

擂沙湯丸﹕那層皮很薄很滑，中上之作

整體來說這裏服務不俗，餸茶的味道、口感以至賣相都控制得宜，收費不廉宜但還可算是物有所值了。

想去好耐, 今日終於得閒去啦! 好開心!


燒腩仔
果然係招牌菜, 好香脆好正, 仲係熱架.

帝苗餃
皮薄, 賣相真係好靚.

北菰燒賣
好香的北菰味, D蝦好彈牙架

龍蝦粥
第一次食, 原來係咁好食, 好鮮好鮮.

蘿蔔絲酥餅
真係好香脆, 蘿蔔一絲絲咁, 中間又軟滑

擂沙湯圓
D皮又薄又軟, 真係十分好食.

2008年6月7日，利苑

端午做節。上次在旺角試過叫乜無乜，今次預先訂定D餸，免重蹈覆轍。

燉白肺：不是杏汁嗰隻,要成128元位,喝是好喝, 貴D。
燒米鴨：皮脆,鴨肉味淡。
千葉豆腐：賣相幾吸引,不過都唔係超薄，又不能一片片夾起，所以幾“舊”咁食，唔係幾覺滑，但以我這個豆腐愛好者來說,是OK的。
生拆蟹肉西施泡飯：最好食的一個菜。泡飯香,脆卜蔔，蟹肉就碎咗D
北菇扣鵝掌：不過不失
咖喱牛腩煲：唔覺特別好食。
金銀蛋莧菜：OK。
金絲脆麻花：同旺角店一樣，脆但不夠鬆化。一個人只得一塊，好頂癮。始終懷念曾經又脆又鬆的版本。

另外, 這兒地方就細D, 我哋16人要分枱, 無セ意思。

昨天老婆生日去左尖東利苑食反慶祝。舊時多數都係食西餐今次轉下新意。
以前只是去過IFC 同灣仔利苑，係到睇左d食評都几好所以就book 位試試。

1.) 環境: 位於商場地庫B2。商場裝修比較差又黑又舊。3/10

2.) 店內環境: 裝修比較舊和桌子間比較窄。當晚全滿(好彩有booking)有business 和家庭聚會。比IFC 同灣仔嘈  5/10

3.) 食品:
白肺湯(有預定): 好好飲，基本上每次去利苑都有飲。火候足清清潤潤d渣都食晒。9/10
貢菜(小吃): 有dXO醬和帶子裙邊。貢菜爽趣裙邊有咬口喇喇地又治味。開胃又好味。7/10

趣皮牛柳: 皮趣肉淋有牛味但唔”鞋”同”蘇” 6/10

膠皇鴨掌: 蠔皇汁好味要個白反撈汁一流。鴨掌入味不太淋。但舊膠(好似唔係花膠)無咩味同未夠淋身。差左d整体值5/10.

炒通菜: 太咸,炒得翠綠 5/10.

4)服務: 人手都足夠反應快。唔似ifc一味推介貴價菜。都几細心人客需要。7/10.

5)價錢: 中高共$500几。

本應想叫荔蓉焗布丁但賣晒可惜。如果加甜品要六佰鬆買單

之前試過呢間食店茶市咁掂, 於是尋晚就再黎呢間食店其中一間分店度食晚飯, 睇下佢地晚市究竟得唔得先?

訂左位入到去坐底, 小貓三四隻, 可能係時間尚早關係啦! 跟住就梗係睇下食咩好先, 一行經四個人商量後, 最係要左個白菜燉豬肺湯, 龍蝦球蒸蛋白, 鑊仔煎牛柳, 煎龍躉扒, 粉絲雜菜煲, 燒肉拼叉燒, 蝦醬炒通菜同埋脆皮燒雞!

先講下個白菜燉豬肺湯, 湯真係好清好甜好夠火喉, 而且d豬肺煲得好腍, 豬肺好靚好掂; 龍蝦球蒸蛋白龍蝦球肉地好鮮, 好爽口而蛋白就蒸得好滑, 送飯一流; 鑊仔煎牛柳就兩大塊, 而伙計就師傅面前逐塊逐塊剪細佢, 牛柳好鬆好腍但就幾咸, 一般d; 而煎龍躉扒就幾大件龍躉, 將件龍躉剪開好多件, 龍躉就幾靚唔腥, 可以; 粉絲雜菜煲就有幾多菜, 味道唔錯; 燒肉拼叉燒燒肉就好脆好鬆, 但叉燒都幾鬆, 不過味道一般, 唔吸引; 蝦醬炒通菜通菜好嫩, 而蝦醬又唔會太咸, 幾好喎; 脆皮燒雞就好香好脆, 雞身好鬆好滑, 唔錯!

總括黎講食物質素真係掂, 而環境優美服務質素真係冇得頂, 係價錢貴d, 算係一餐貴價晚餐, 但有咁水準師傅覺得可以接受, 所以有機會都會再黎!

尖東這一帶商場唔多靚, 呢間酒家仲要無獨立門口, 位於係商場隱蔽處, 開初都有點疑慮, 好彩見到門面好有中國色彩, 入到大廳感覺都好企理舒適, 咁先挽回番唔少印象分.

四個人晚飯, 菜色碟碟賣相都好好, 好乾淨整齊, 份量唔算太多. 要兩位花膠雞絲翅($168/位), 幾好wo! 湯底杰杰地, 味道好濃, 而且好多翅, 唯一係唔見d花膠. 之後再食中式牛柳, 係大片好似薄牛扒咁, 上時, 侍應生會用剪刀剪開細件, 果然服務週到. 牛柳好淋, 加埋洋蔥絲, 汁好香, 送飯食一流. 再食多個炸排骨(正式名唔記得), 幾特別, 好處係炸完, d排骨唔太油, 又啖啖肉, 唔錯. 最後要番清清地雜菜煲, 有菜有雲耳有豆腐, 好足料呀, 好新鮮清甜.

飯後甜品, 枇杷果茶$28, 一整個枇杷果, 清甜潤肺, 中式糖水好選擇. 楊枝甘露, 好精美呀, 一d都唔稀, 就証明落足料啦, 又香又濃, 再帶少少西柚酸味, 好正. 仲有叫是日甜點, 就係銀杏腐竹露, 其實係腐竹糖水磨成, 咁樣食法, 都係第一次, 感覺新鮮之餘, 賣相帶點高尚. 面層有一片腐皮, 撈埋露一齊食, 好清又唔會太甜, 仲有幾粒銀杏, 食落唔苦, 真係好滿足.

無論去飲茶同食晚飯一定都食佢個擂沙湯圓~皮薄多芝麻又濃~

核桃都好好味架~如果唔like0係呢度tea or dinner既話~佢2樣野都有外賣架~都一樣咁好食~

擂沙湯圓$6/粒
核桃$4x

老闆今年賺大錢話請班兄弟姊妹去大吃大渴，碰o岩就o黎過年一於就安排提早食團年飯，一行十幾人要了間
房水o下三公一返，之後正式開波，當晚菜式如下:-

前菜
脆皮燒腩仔- 皮脆肉嫩,掂!!!

脆炸芋絲配花生　- 無乜特別,幾香口!

秘製手拍小黃瓜　- 醬汁好醒胃!

輪到熱葷，唔記得次序大概如下　:-

香爆象拔蚌- 好鮮甜略嫌"un"了少少

高湯蟹黃翅　- 招牌o野,又濃又甘香,encore
了多一碗

蛋白花雕蒸茄菲蟹- 蟹鮮味花雕索晒蛋白又係必點
之選!!

蠔皇四頭鮑配鴨掌- 隻鮑魚細手掌少少，肉質嫩滑，
　　　　　　　　　味道濃郁，鴨掌唔太入味。

清蒸大杉班- 味都幾鮮，比起對上一次來食條
魚的肉質好似削了o的!

漁湯伴黃芽白- 魚湯鮮味，菜都ok!

芝麻香燒雞- 呢味又係必點，肉質又嫩，皮香
　　　　　　　　　又唔肥，值得一試!!

高湯拌白麵　　　- 湯底係同泡飯o個味一無一樣，
　　　　　　　　　好香濃蝦味，正正!

蛋白杏仁茶- 聽師傅講呢個甜品工序好複雜，
　　　　　　　　　隔渣都四五次所以食落特別滑
　　　　　　　　　同勁濃杏仁味，席上一把年紀o既
女仕冒住增肥o既危險都要整多
　　　　　　　　　碗補下肌膚喎!

極品棗王糕- 呢味又係出面好難食到，質感好
　　　　　　　　　似泰式千層糕"煙煙unun"椰汁味
　　　　　　　　　配紅棗口感特別!

整體o黎講利苑既質素都唔駛多講，平平凡凡o既食物都
可整得非常美味，考功夫o既都唔會難到佢地，唯一就
係一定要訂位因六七點都經已爆到七彩!總之呢餐點都
要講聲多謝老闆，如果唔係佢我又要係公司"鋸"波仔
飯盒同食香蕉喇!

第一次出post寫得唔好就唔好見怪,入返正題先是日有老細請食飯,一行十二人就去了呢間試試，先嚟一個冷盤青瓜同鹵水牛展,味道唔錯之後就輪到蟹王翅,味道濃郁甘香翅又夠多隨後到XO醬炒花膠條味道一樣咁正又香又辣,因為呢味係o者o者煲上,食得慢的都會黐底!!另一味係過橋響螺片,侍應將鮮螺片用上湯灼熟每位獨立上,湯底勁鮮甜,螺片又啱啱熟恰到好處.再到珊瑚蟹兩食,花雕蛋白蒸同椒鹽,蟹o既味道一樣咁鮮又嫩,蛋白又索晒o的汁勁正!!椒鹽o個味o的蟹腳整得較為香口,各有好處!輪到清蒸杉斑,我對魚無乜大研究,但席上o的老友都大贊條魚very good!!鮑汁花菇扣鴨掌跟住上,十分之\"林\"!!服務員話呢味係佢\地大賣果然無介紹錯,之後到古法鹽焗雞都好好味,又嫩滑係雞皮咸少少,不可不提佢\地個湯飯!在預先準備好的上湯連飯內再加上另外預備的脆米,食既時侯先加上去，湯底同過橋響螺片o個尾一樣,飯入面仲有o的蝦肉,最後去到果盤同清燉雪梨其實已經飽到行晤郁咁滯!!不過碗糖水都好清甜,所以都照整多兩碗,聽聞埋單都要成七千幾絕對唔平,總之老細啦!!

父親66歲生日大日子..當然要找一間坐得舒適，做餸出色的食店...

中產食肆...客路明顯高級一點..
我們10大人3小童...被安排一張近牆的大檯...十分細心

父親對自己十分節儉...強調不要為他興祝...但他已準備為媽大壽大宴數席.. :p

我們叫了
例湯...好再有預訂...雞骨草豬展湯....好香...
燒牛肩..$98...好有牛肉香..好淋但有口感....當想encore 多一回...已賣清
xo炒海螺... $128...蒜心好"luen"..海螺沒什麼味道
古法炆蘇眉... $428...這個好咸...全檯人均給予4/10..最後要互相鼓勵下掉掉
叉燒...$78...ok
焗海大蝦....$268....這個好出色..好大隻蝦...同媽自己買回來烹調價錢也相近
山查xx骨...$ 78..好多好多蒜頭...6 小粒肉排.妹認為唔抵吃...同意
桂花炒翅.... 一般..
蕙油雞.... $128...香口的炸子雞
最後加父親最愛...咖哩牛腩...不辣.. $88 但居然唔熱..薯仔是冷的...要退回..翻熱

整體好滿意..招呼有耐性..

好開心...今日全家人齊齊整整....希望年年有今日

又嚟family gathering..老爸選擇呢度，極之英明，總比什麼勞什子粵菜館好...

叫咗好多嘢。水準平均，比上次响旺角分店嘅出品出色...

燒腩仔依舊係皮脆肉嫩，送酒一流；豬肺湯今次唔係用杏汁煲，而係換上金銀菜，湯清到不得了，D味煲到出晒嚟，連我呢個唔太"好"飲湯嘅人都連盡兩大碗；焗蠔反而有D失色，唔夠大隻之餘，蠔味亦不濃；泡飯味鮮湯清，有驚喜...

不俗不俗...

忙著說肥肥豬肉，忘了說另類體驗。話說吃得肚滿腸肥、準備結賬之際，於門口宣傳位置有重大發現！！除鎮店之寶的?頭鮑魚和賀年年糕，還有一以保鮮紙覆蓋的透明玻璃器皿。器皿內有水，有小石，有冰粒，還有…器皿旁有一小紙牌寫著：「野生雪蛤」
正在猶疑之際，兩隻小keroro突然一動……
嘩！走呀！！！！！！！！！！！！！！！！！！！！

湊著聖誕前席，避開聖誕人潮，23號便吃聖誕大餐去。不由分說今年的聖誕的確市道大旺，平時自己受不了的貴價，也不自覺的覺得可以接受，就算是漲價了，還是會去大破囊袋，逗逗自己高興。繼脫離禾旱草小姐的魔爪，但仍活在其陰霾下，連續多個月都任自己放肆吃喝，心曠體伴，體重突破120心理關口，真的要收斂一下了。不過悉逢冬至、聖誕各大小家庭公司飯局，還是先吃也罷。
是次做訪利苑，或多或少都是因電視美食節目誘惑，不過卻無意吃鮑參翅，只點了肚---鮑汁花膠扒鵝掌；家庭小菜類別---百頁豆腐、麵醬油麥菜和一個因誤會而點了的醬燒骨。先說鮑汁花膠扒鵝掌：鵝掌軟淋，骨肉很容易便分離，跟鮑汁配合得天衣無縫；花膠扒厚身滿足口感，真的第一次用上刀叉來吃，滋味無窮，是全晚回味再三的一道菜。
接著的是較普通的豆腐與菜。豆腐上檯時賣相挺不錯，薄薄的切了片，沿著碟子鋪著，而且還因此跟同檯食客爭論一番究竟豆腐是倒模還是真的是師傅刀功。(最後證實，是師傅真功架，配服配服！) 不過坦白說，當侍應哥哥說豆腐是得獎菜式，除了刀章功夫叫人讚歎外，味道配菜卻是一般中的一般。銀杏叉燒粒，好像還有榨菜等，很難說服自己是很好吃。至於油麥菜則更一般，個人還是喜歡孔雀石綠豆豉鯪魚版本情意結。
最後的是全晚最叫人懊惱的醬燒骨。侍應說會跟炸饅頭，用來點酸甜的醬汁，聽起來已覺怪怪的。上檯時見到所謂的燒骨的真面目……原來是件東坡肉，不是說燒的嗎？眼睜得眼珠快要掉出來！還是要把肥肥豬肉幹掉。
還想著來個飯後甜品，吃罷肥豬肉，甚麼也不想吃了。

帶了一個酷愛中國菜的visiting Professor來試。東星斑很好，咸淡黃炒蝦一般，據說花膠鹅掌挺好（我沒有吃），還有個甚東東忘了。

總体來說，這家酒樓不會太差-因為老人家都說好。