4
1
0
營業時間
星期一至四
18:00 - 23:00
星期五至六
18:00 - 00:00
星期日
18:00 - 23:00
公眾假期前夕
18:00 - 00:00
以上資料只供參考, 請與餐廳確認詳情
好友舊學生最近回復自由身，作為老友記的我當然第一時間相約她食餐飯。太太一向和她甚投緣，同樣現階段屬自由身的她固之然一同列席了....地點選在大家都就腳的九龍城。過往和她食飯時都會儘量不去揀日本菜，原因是她工作時一年也會去好幾趟日本的，對此菜系很慣常會有生厭之感....但今時已不同往日了，人已不在其位，如今就算要吃壽司天婦羅也沒大所謂....隨便揀一間沒吃過的。和老友聚頭時小弟一向的格言是，食物質素反倒不是太重要，能與好友侃侃而談嬉笑吹水一番，才是最要緊的....午市時份來到當然點套餐較實際。前菜沙律用料比料想的新鮮，菜葉翠綠而小蕃茄也很嫣紅；淮山片醃成微辣甚爽脆開胃....小弟點的主食乃屬炎夏之選的角切魚生飯。材料皆屬大路的吞拿、三文、魷魚、蟹籽、青瓜及蛋的東西，說很新鮮當然是說不上，但若論它為色水暗啞有霉的質地之輩卻又絕對不是，只能說它是屬於四平八穩的水準。不過將所有的材料與醋飯伴勻，後再加醬油來吃的話，味道仍是差極有個譜的....太太點的是味道更清爽的卷物。壽司飯沒有壓得太死實；以三文及吞拿蓋著紫菜、青瓜及蛋等材料一口一件的吞入肚子，是既方便又美味飽肚之物....埋單每人也不用百大洋，於這區的日菜店來說算是相當抵食了....
繼續閱讀
午飯喺九龍城有好多選擇,雖然南角道最近因為鐵路工程攪到好鬼大塵,但行過見到有間季和有午餐提供就走咗入去試吓.入到去裝修幾骨子,最最最要讚係唔會敵到啲枱迫一迫,服務妹妹有禮,印象分唔錯,但點都要試吓啲嘢食先.兩個人叫咗兩樣嘢.燒汁雞扒飯，有心機出品，啲皮煎得脆脆，雞扒絕對唔算細塊，飯嘅份量又夠，啲汁甜甜地份量又夠送飯，正！魚生飯，雖然都係頭頭尾尾唔係太好嘅部位，但絕對係新鮮，咬落去唔係梅，而且分量係多，真係多，大路嘅三文魚，吞拿魚,帶子，一一都有,大大碗飯,好飽肚.唔係太貴的午餐,坐得舒服,值得推介.
繼續閱讀
認識季和是因為看見報紙介紹過它們有賣特別的清酒，而原來我係美酒佳餚亦曾經買過老闆的酒，如此有緣，以後可以係到買了。是次order 的是八ヶ岳，酒味比較辣，酒精濃度比較高，過喉有米香而且感覺扎實。濃厚的酒精配上一道清淡的菜式會比較匹配。而我地Order 的主菜是和牛蒸籠料理，蒸籠完全沒有加入調味，但蒸起時已經很香，和牛肉很林身，入口似”牛油”，油香重而溶化於口，但由於無加調味所以入口都唔太”立”口，恰到好處，再喝一口清酒實在是美事。另外天婦羅做得不錯，面頭的脆漿太不厚，不過有點油，上台後要立即食就唔會林左啦。整體餐廳算唔錯，而我個人最欣賞的是餐廳的清酒，街外比較少見，至少Supermarket 唔見有得賣，喜歡清酒的朋友可以一試。
繼續閱讀
經過季和，會以為是一間價錢比較貴的餐廳，但再望望Menu，２人份量的壽喜燒只不過要大約HK$140 一個人，二話不說就進餐廳了。綠柔柔的餐廳配上牆上畫已經覺滿有日本風情感覺，坐位與位之間都很闊落，一點都不擠擁。我跟朋友２個女仔，點了一個壽喜燒再加一味小食。二人份量的壽喜燒配料都不少，有一碟美國牛肉，另有豆腐、日本雜菇、時令蔬菜、洋蔥等，放在一鍋上十足十一品鍋。牛肉的油花紅紅白白，平均分佈，滾熟了都會唔太肥，入口不會太軔，經過甜湯底滾過的牛肉帶少少甜味，有肉香。另外的配菜新鮮，吸收了的湯汁的冬菇很甜，味道特別好；而豆腐都好滑溜，感覺好似入口即溶；薯粉過湯後變得亮晶晶，有咬口煙煙軔軔，二人share 食都夠飽肚另外我地亦點左牛舌煮，平時食既開食牛舌的是爽身而且切成片狀的，呢碟牛舌煮是切成四四方方非常厚身，同時煮得非常的"淋"身，麵豉汁仿佛滲入牛舌中，一咬Jucy 濃汁又再流入味蕾中，好驚喜。HK$48 既價錢有咁既份量同味道真係一D都唔貴。餐廳總括來說做得幾有心，侍應有禮，晚一點的時間見到日本人嚟食串燒同飲sake，應該是質量好才吸引到日本人吧。
繼續閱讀
貓爪子美食1) A5 和牛蒸籠料理套餐價錢HK$450/人貓爪子希望記下喜歡的香港食物九龍城係其中一個非常熟識的地方, 因為中學時期一直都係到長大, 見證重好多九龍城小店開張及結業, 最近同同學重遊母校, 再一起晚飯詳談, 呢間日本餐廳可以俾我同朋友慢慢傾計套餐既野食, 原來係超級超級之多, 2人餐既份量絕對可以3個人食而我們點的係A5 和牛蒸籠料理套餐先上季和沙律, 侍應告知我們, 他們選用的沙律菜係有機的, 沙律菜爽脆且清清甜甜, 伴上開胃的麻汁, 立即進入了起動的狀態, 好期望下一味小食時令刺身 , 刺身非常新鮮, 漂亮的新鮮的顏色看得食指大動. 刺身有三文魚, 吞拿魚, 甜蝦等, 肉質柔軟沒有雪味, 三文魚、吞拿魚切得厚身更有淡淡的魚香. 什錦天婦羅炸得香脆, 包裹的粉團不會太薄或厚, 半透明般包著海老, 南瓜, 蕃薯, 經過高溫油炸後食材都不會太老, 咬開仍見海蝦或蔬菜鮮嫩 而雞全翼煎得香脆, 送上台面時熱辣辣, 咬開脆面的雞皮喜見嫩滑雞肉, 一人一隻唔就喉呢!鹽燒牛舌 2 串, 日本甜薯, 黑豚肉車厘茄 2 串, 雞肉軟骨棒 2 串而我最欣賞的是雞肉軟骨棒, 雞肉棒混著微細的軟骨, 爽口又有口感; 輕烤過的甜薯更能引出甜味, 一口一粒暖粒粒, 它的甜度和溫度我想起一個冬天曾經係日本路邊食蕃薯的幸福感; 黑豚肉車厘茄, 黑豚肉有少少肥膩, 不過配合大大粒的車厘茄可減低肉食帶黎的油膩感覺，味道亦不差; 鹽燒牛舌幾香口, 軟淋度適中帶有牛味, 唔錯!主角! 蒸籠. A5極上和牛 4 片侍應會於開始蒸煮和牛前展示牛肉給我與友人, 新鮮的粉紅色及漂亮的紅白油花, 令我有捨不得吃掉的感覺. 菜底有多種蔬菜及菇類. 先將蔬菜蒸熟, 等大約15分鐘後, 侍應會將牛肉放於蔬菜上再蒸1分鍾, 半熟就可以包著蔬菜一同品嚐和牛的口感比普通的牛肉軟滑得多, 不用多咀嚼就可感受到滿口的油香, 伴著的醋汁中和了油膩感, 沒有經過調味的和牛和蔬菜吃過後感覺很舒服, 帶點清新的餘韻. 由於套餐的配菜很多, 每人兩片的感覺剛剛好, 再加上木盒中仍留有很多蔬菜再每人一碗白飯, 吃過後已經是超飽!!最後每人還有一碗味增湯及雪糕, 超飽的我覺得好滿足, 食物比我預期中大份及多很多, 如果當中我吃過下午茶一定吃不完呢. 有機會會再嚟, 再嚟要著一條鬆身一點的裙子啦哈哈
繼續閱讀