平時都帶飯番工既我，今日都有帶，但看來BB真係好厭飯，恨食米線...
趁未夠鐘胡亂上Openrice睇下公司附近有冇米線食..點知咁近就係街市就有?
好啦...一於就落街買!

我1:10pm到步，見到堂食既碗已經覺得好有迫誠意，大大隻既中國瓦碗，唔用膠碗的！

見網民都會點什菌餃，於是叫炸豬扒米線+什菌餃，外賣$27
可是企係度一等再等....已經1:35pm...先拎到外賣 v_v
不過真係好好生意,坐到好full,人手可能唔夠啦...同埋都上年紀..都冇計啦～

番到公司以15mins時間要食埋碗面的確有d難度,好在湯不是滾滾燙~
第一啖湯就覺得好正,酸味岩岩好,唔食得辣既我叫了小小辣~好正!

但食什菌餃就發覺唔岩胃口...食了半隻就冇食,好浪費>< 可能大肚婆口味就係咁=_=
而豬扒因為等得耐...都涼了,不脆了...
btw, D 阿姐都好有禮貌,話唔好意思要我等咁耐

整體上係大件夾抵食的！有機會都係搵星期六放工，堂食～唔洗咁趕頭趕命！

昨天冒名跑到這街市的小角落,
想不到不起眼的街市頂樓有這麼多食店呢!
急不及待點了麻辣大腸~野菌餃~腐皮卷米線....
賣相吸引, 只可惜味道實在是咸..是超咸! 自問是經常外出用膳之人...但也無法抵受湯底的味道! 這一餐的評價就只有咸字, 因為咸味已蓋過所有味覺
還是譚仔的麻辣捷捷領先!

老公話大熱天時...仲走到老遠去吃碗熱辣辣既米線, 真係"為食"! 何解....?? 做了成朝, 想出外透透氣, 行下行下, 汗在流, 腳在行, 經過此處便上去找找老闆娘吧!

上次吃了個素米線, 不能試清楚味道, 這次叫了自選 - 雜菌餃 + 蕃茄 + 米線, $23, 好大好大碗...忘了叫少米線, 雜菌有三隻, 餡有粟米, 木耳, 冬菇, 鮑魚菇等等...如果粟米加多一點點會好味啲, 蕃茄可以再腍少少, 米線剛剛好, 不過腍不過硬, 是印象中煮得最好的一間米線! 大家不要期望街市樓頂環境好好, 但有冷氣開放也十分舒適, 侍應亞姐服務不錯, 客客氣氣!

成日都想去試吓好耐，但係個LOATION太隔涉LA! 所以好耐都未有機會去 -.-"

今日終於有機會去LA! 由於我地放工去，所以沿途都係靜應應的....
上到去街市週圍D舖頭都無好似無乜人咁，最終都比我地搵到哩間舖係二樓，入面只得十個人到.... 環璄一般

一去到就比個勁大碗GEI 米線嚇親 好似人地D 過橋米線SIZE咁大！
佢地D MEUN 內GEI 送好特別，同一般米線舖頭唔同，除左米線還有拉麵、銀針粉
餸既選擇多D 好似炸魚肉/菇腐皮 、野菌餃，還有素食選擇的健康有營米線

我就叫左腩肉、豬軟骨、炸魚肉腐皮酸辣米線
HONEY 叫左腩肉、排骨麻酸辣米線
仲叫左個 酥炸雞球

等左3-4分鐘終於有得食 大大碗、紅彤彤GEI 米線上枱
急不及代地一大口一大口咁食，嘩... 真係好好味，以我哩個米線精食過咁多間米線舖
我覺得哩間真係最好味，酸辣度適中，豬軟骨好"淋" 但係腩肉有少少靭但係好好味，
最緊要係個湯底，勁好味 HONEY話麻酸辣好味D

我食過雲貴軒、雲南過橋米線.... 我都係覺得哩間係我心目中暫時係第一位，
不過哩到最唔好GEI 係PUBLIC HOILDAY & SUNDAY 休息
下次一定會再黎 ^O^"

由於在附近做野，經常幫襯........

麻酸辣湯底好正！

冬菰什錦抵食，仲有至鍾意既銀針粉可選擇~~

$19包一個餸，推介食品有野菌腐皮卷、炸雞球、雞肉、豬潤、豬軟骨等，仲大大碗，一定食得飽，不過如果夏天，12:30至13:30繁忙時段無位既坐出面真係超熱！

冇整牛肉乾喇

見大家話牛肉乾好食唸住叫, 點知因少人食冇整喇, 有點失望!

1) 中辣,麻辣湯,牛腩,豬紅,米線
- 牛腩好唸; 麻辣湯夠辣但略油; 米線質地幾好

2) 清雞湯,豬軟骨,魚肉腐皮卷,米線
- 都唔錯

份量女仕剛好, 男仕覺略細碗, 下次問吓可否多些少米線.
熟食中心有電視睇都唔出奇, 估唔到連雜誌都有得供應比你睇; 環境企理, 會再幫襯.

本人係一名倉務文員
同公司就係老闆娘雲南米線 附近
但今日要送貨去九龍城
所以要搞到3點先午餐
點知無咩野食加上好凍
但緊要去[街市頂搵[老闆娘]食碗拉麵啦
我叫左3樣餸
牛腩 腩肉 同菜肉雲吞
酸辣湯 中辣
雖然少人(因為3點幾啦 同星期六個頭早放工)
唔知點解次次叫親都要成好耐 多唔多人都一樣...
15分鐘之後
黎啦,緊係拿拿林咁襯熱食啦@@
我邊食拉麵邊飲湯
牛腩就超正 比平時大家去食車仔麵大成倍 D雲吞要慢慢食等D湯入晒佢先好食
個鼻不斷有鼻水出黎...但正常反應啦
食完成身暖晒
天氣凍食一流
埋單3樣餸都係26$

香車街街市都算細，無幾多檔但樓上嘅熟食市場竟然有兩層，真係妹仔大過主人婆，不過午市唔係咁多人，尤其係上層都幾冷清，呢間算比較生意好,可謂一枝獨秀。雲南米線都係大同小異，呢度單併$18，每加一樣餸$4，餸嘅選擇唔多，不過有D比較特別，今次食咗個酸菜班腩米線（$20）加支黑芝麻豆槳（$6），碗米線用酸辣湯底，少少辣就已經食到大汗如雨，一路滴落個碗度，班腩雖然唔脆但係好新鮮而D魚又唔腥，酸菜就少咗D，米線較為硬身未必人人鍾意，至於支豆槳只係樽裝豆槳，超市都有得賣，味道都OK。

下午去左香車街食米線

人人都話好食好抵...我地又去試囉

我地去到都冇人幫襯,可能係下午茶時間呱

有好多配料可以叫,我就叫左魚肉腐皮清湯米線

佢就叫左牛腩、豬大腸、同埋唔知又乜腩

佢仲唔夠喎..係咁話我得一樣送咁少,要我叫多樣

其實係佢自己想食豬扒!哈
豬扒好味呀!!!


都唔錯呀,食完一d都唔口渴,感覺冇味精,但好夠味~

d送熱辣辣...碗麵又超大.....都好好味~

男朋友就話好好味又抵食.......!

下次一定再食!

呢度都有少少難塭, 唔係男友帶我黎都唔識黎呢...
雖然係0係街市入面﹐但係距係有間房仔gum既﹐環境都幾乾淨同埋有冷氣﹐幾好 ^ ^
去到見到好多人食健康有營米線﹐應該都唔錯﹐但就唔係好岩我呢個食肉獸喇

同男友嗌了﹕

野菌腐皮卷 + 雜醬米線﹕個腐皮卷係另上﹐岩岩炸起﹐個皮好脆好脆 ^ ^ 入面充滿住唔同既菇﹐好香﹐開頭以為會淡﹐但個味又好0岩﹐夾埋好好食! 不過多油左少少. 雜醬只係加多左肉碎﹐無咩特別﹐下次未必會叫

吉列豬扒米線(酸辣)﹕其實都唔錯﹐都幾入味! 但係呢種豬扒既炸法唔係我地心目中既吉列﹐似酥炸多d .. 我同男友麻麻地呢種﹐都係覺得魚鱻魚湯專門店既古法吉列豬扒正d ^ ^

要左麻酸辣湯底﹐覺得夠麻但偏酸(個人都係比較鍾意雲南桂林米線既湯底)﹐但米線同配菜既比例就幾好! 下次想試埋距既野菌餃呢! 不過距份量都幾多﹐以呢個價錢其實都幾抵食, 會再黎幫襯!

想試這店的米線已久,一直沒有機會,今天特別抽空前去,試了野菌餃,菜肉雲吞及冬菇.由於怕辣,所以點了清雞湯而已!
不過,完全沒有失望,三樣配料也達水準,冬菇肥大肉厚;野菌餃也用料足,淡淡爽口有菇香;菜肉雲吞也算不錯,一點也不油膩,菜肉均勻!至於主角之一米線當然也沒有失準了,煮得剛好,很滑很有口感,雞湯底也算清甜,沒有感覺味精作怪.而且late tea時段只有我一人,所以很安靜服務也好,舒舒服服地飽嚐一頓,真的人生一大樂事呢!這間米線,我必定再光顧!good呀!!!

米線食得多，不過講到平靚正，老闆娘都算係數一數二，尤其是下午茶，如果唔要野飲，兩樣餸加埋都係18蚊，仲要係大大碗(平時茶記一家大細o既湯碗份量)，真係食極都有。最重要係份量足之餘，o的料同味道亦都落足料，酸辣牛腩，真係辣到跳舞，野菌餃名不虛傳，感覺好像食緊菜肉雲吞，味香而啖啖肉(野菌)，腐皮卷新鮮即炸，脆得可以。配以清雞湯底，一流。如果你食得辣，可以嚐試麻辣或酸辣湯底，保證你七孔生煙。而果種麻辣味亦非平時街邊所謂的辣油水，而係遠遠就聞到麻味果種辣。總之以咁o既價錢，咁o既質素就真係攞滿分。

比賽前想食得清, 又係自己一個貢下貢下去街市樓上...過時過節都係得三兩間開...初頭經過都唔知要入埋邊先有!

自行tick 上點單紙, 單併$18, 後加每款$3, 要清, 當然食健康有營米線, $20, 諗都唔駛諗, 有蕃茄(太硬), 腐皮, 芽菜, 時菜, 菌, 豆卜, 成碗米線都好大碗, 無辣都食到鼻水狂流...水準唔錯! 下次再食...我會試下野菌餃!

最近朋友y說聽聞"老闆娘米線"唔錯，今晚屋企無飯開，而這店就在我家樓下，便決定一個人走落去試吓，好向我的朋友預告一下有咩好野食。

我點了鮮菌腐皮卷，皮薄而脆、又新鮮，幾正!這個會與米線分開上，確保唔會浸冧。另米線可選麻辣、酸辣、麻酸辣等等，再選大中小辣。十七蚊一碗配一個餸，每加一個餸加三蚊。分量適中，對不太大食的人來說剛剛好。

下午茶更加抵，十五蚊一碗面再加一杯飲品。雖然唔知分量會唔會細啲，但都感覺好抵。我聽日會去試~

今日見有時間2:30pm左右就一個人到呢到食個下午tea
點知...

豬扒米線呀唔該...
阿姐話冇豬扒wor
付皮卷米線啦...
阿姐話都賣晒啦!!!
咁豬軟骨米線啦...
阿姐話米線都無lu~~~不如要拉面啦
唯有係咁啦~>_<~

味道幾好,跟手听多個雞wing都幾好,無mud雪味!!!
下次會再去!!!