尖東名店靚靚麵工房 ，最著名出品應該是其車仔麵，不過作為一家小食店，也很著名，雞蛋仔、串燒等等，同樣有不少粉絲。通常人們會吃串燒或者雞蛋仔，但這次我選了大腸，此店大腸小吃，主要有兩種：炸大腸和九轉大腸。除了都是大腸外，共通點是兩種付款後都要等。炸大腸沒有被染成橙紅色，看起來沒那麼華麗，但卻安心一點，約三分鐘就準備好，阿姐會加上醬料，令其除了肥香外有點甜酸味，雖然外皮不算脆，但中間肥得可口，卻不算太油膩，爽！九轉大腸就要等較久，約十五分鐘，大腸經過醬料調味後，肥香加上甜、酸等等味道混合成複雜而層次豐富的美味，香口惹味，吃得而我不知道什麼是肥。

自從煎釀三寶由5蚊5件變成6蚊4件, 就已經冇再食. 睇住佢再由6蚊4件, 變了6蚊3件, 呢個咩世界??

今日心血來潮, 跑去買幾粒食. 點知已經8蚊5件??原來d野真係貴0左咁多?!

唔單只貴了, 仲縮晒水.

炸魚蛋
由雞蛋size變成彈彈波size, 唔通我以前戴住放大鏡食?太誇張了!
係唔係一口吃完, 好味到唔夠喉呢?~ 魚肉味幾香, 冇要求. 叫了兩件
炸豆腐
變成一口豆腐, 連塊魚肉都呃埋, 正宗炸豆腐!
外皮香脆, 叫了兩件
紅腸
以往一定唔點紅腸, 今次冇咩好揀.
紅腸皮都脆, 多片魚肉味道係唔同d~~~

食完好想再食.

客人先點菜, 姐姐會再翻熱, 所以每件都熱辣辣好味~只係要8蚊5件真係貴..

今日下午同男友去左呢間靚靚食車仔麵, 我覺得野食都ok, 不過service真係唔得..
話說有個亞姐送餐時不小心將食物的汁跌入我男友條褲度, 仲好似冇野咁..比卷紙巾就算..同埋臉孔仲有d禧皮笑臉,

老老實實..呢間食店食品其實唔差, 不過衰在係service!
雖然價錢唔算太貴!約$35-$40左右, 不過作為食家, 除左留意食物味道及質素外, 也很注重員工服務態度!

不過當對事不對人來說, 佢既車仔麵都料不算差

九轉大腸: 酸酸甜甜的味道! 我覺得幾好味...男友話麻麻...唔o岩食

涼伴脆墨魚: 呢味係最好味..可能係墨魚爽同埋個汁正

雞臣: 都幾好味, 因為個汁同墨魚個汁一樣

車仔車湯底: 好似多左少少味道, 不過都唔差!

其實呢間車仔麵真係幾好味, 不過我覺得老闆要train up返d員工, 不過當做錯野時唔好禧皮笑臉的態度對顧客囉

今次一行四人，在毫無任何想法下，就到這店吃夜宵，本來對這店沒什期望，但入內看見眾多雜誌的影印本在不斷炫耀甚麼甚麼好吃、甚麼甚麼獨家，期望自然大增。

店面不算乾淨，但也沒有什麼異味，不時也有昆蟲徐徐飛過，但問題不大。而這裡屬半自助形式，客人在點菜紙上打完叉叉，再交給店員，這裡的價格也不太便宜，我點了數個小吃及麵底再加一杯凍奶茶早已51大元，這在尖沙咀吃夜宵的價位也尚算接受到，但值就不算值了。「脆生腸」: 8大元，只有一串的份量，但確是爽口，沒有渣，冰冰涼涼，出奇的好吃

「炸云吞」:10大元，3只的份量，聽說是很有名的，但我確是認為吃炸云吞並非真的要吃云吞，而是為了那惹味的甜酸醬，一句說話，不過不失，云吞也咬到有蝦仁，皮也是脆的，但不是一定要吃，質素與普通一間別到的酒樓差不多。

「炸墨魚餅」: 10大元，份量少，只有一塊旺旺雪餅的大小，但用來dip的醬汁又是很好味

而我的主菜正是那碗沙爹肥牛米線，肥牛也有不少，但此乃並非誠意之作，那沙爹湯底更有hea我之嫌，在普通的清湯底上加上一匙沙爹醬，即成。除了無言，我也不知怎麼形容，整個湯底就是怪!!服務方面，在這等小店，不求有任何服務，但店員在我們叫了好多聲的情況下才理我們，話說我有朋友叫了杯什麼柚子茶，但端來的卻是一杯糖水+半杯檸蜜的飲品，我們向店員求証，但他卻支吾地說柚子茶正是這樣，這樣，我們也是真的無言了。

六月上旬‧晴

雖然這裡是賣麵的，但每次來這裡總是吃零食，是日就吃蜜汁叉燒。

其實燒得不太夠熱，不過邊位都算焦香而也肥瘦梳間，不韌也甜甜的，就好吃。

雖然十五元一串都幾貴，但賣小吃的賣到可以以八達通付款的，在乎你感受。

一直都有留意尖東的這一家靚靚。我對靚靚的認知，就是從其素食的車仔麵開始，當時，知道靚靚的原來地就是在尖東，所以一直都很想去試一下。是日剛好是日因為太太的去表生日大會而來到了尖沙咀東。在大吃素是的前夕，我總要肉一點，來到了靚靚的發源地，總要細心的看看有什麼好食。

馳名是車仔麵，但知道下一round是要吃印度大餐之後，決定只向小食進發，小食部選擇不少，然而，最吸引我的，就是這兒的串燒。

香味撲鼻，其實我在老遠已經聞到，來到面前，我心裡只有肉，一口氣，就叫下了瘋狂的兩串，串燒雞肉同申燒叉燒。

雞肉串，選取了最滑最好食的雞上肶肉，連皮燒的脆脆地，肉質不錯，而且加上了孜然粉，份外的香口。

叉燒串，叉燒本身的蜜汁香味，再燒多一次，只是更香更甜，同樣加上了孜然粉，有廣東式的燒臘甜香，又有漠北式的孜然香料，肉身又是正宗腍得非常的梅頭肉，也是味道十分。

不吃馳名車仔麵也有這麼好的享受，靚靚，絕對是又靚又出色。

和男友等倒數﹐飢寒交逼﹐買個小吃定住先。其實呢間野keep住都係甘多人﹐而且大部份應該都唔係香港人﹐所以場面真係好混亂。無咩必要真係唔好同拒地爭食喇。叫左兩個格餅﹐要等好耐下﹐因為我地之前都有人叫左都要等。都好丫﹐新鮮麻熱辣辣~到手﹐無咩花生香﹐格餅不脆﹐好煙UN﹐無味﹐花生醬不多不少﹐但有原粒花生﹗點解甘樣都可以無花生味呢﹖成為2011年不解之謎。

行過路過﹐充飢尚可。尖東遊客區係甘上下啦。而且仲先進到收八達通﹗勁﹗

　　　我要去附近一個公司領取文件，十一點到了，對方卻要一點才可以讓我領，失了預算，於是便盤算著先吃點東西。要吃早餐的話，已過了時間；吃午餐，則還未到時候，我便打算慢慢逛慢慢選擇。行經這間麵店的時候，看到有出前一丁麵套餐，連加飲不過２１元，於是便打算先再逛逛，才回頭吃。

　　　回頭時剛好十二時，我進去坐著，座位十分多，但餐桌和座椅都比較窄小。我問店員還有否出前一丁麵餐，她說已經沒有了。其時我已想起身離開，但轉念又想，還是算了吧，一頓飯而已。店員便從餐桌側的抽屉格中取出食物單子，給我遞來鉛筆，請我自己點餸。

　　　這家食店供應的是車仔麵，單子上有很多個細項，食客可以按照個人喜好選擇湯底、配菜、麵、餸，選擇可算是十分之多的。

　　　我想來想去，後來選了酸辣湯底唐生菜蘿蔔四川紅薯粉配脆皮芝士腸，餐飲要熱奶茶。

　　　店員先端來的是熱奶茶，夠熱，但很可惜，色澤可觀，但茶味不濃。

　　　過了不久麵才上來，夠大碗，夠熱。除了指定的餸料以外，還有芽菜和蔥，店家可算是大方了。我在碗裏找不到芝士脆皮腸，問店員，她說會另外以小碟上，免得醬汁影響了湯粉，這個考慮可謂十分週全。

　　　碗面上有一團未拌勻的紅色醬料，我以筷子點嚐，是麻辣醬，所以麻辣湯底只是湯加上麻辣醬而已。

　　　至於紅薯粉，我感到有點失望，我吃過不少紅薯粉，我喜歡吃的一款，是透明灰色的，像河粉那樣長條形的，咬下去比河粉煙韌，但這裏吃的圓身的，而且質地較硬，看上去也較粗，我不是太喜歡。

　　　餸了算多。蘿蔔煮得夠通透，唐生菜也不錯。至於脆皮芝士腸的上面灑上了類似蠔油的醬汁，我不明白為何要這樣，因它本來已夠鹹的了。這是敗筆。

　　　以上的一餐，價值３７元，其實我覺得是挺貴的了。但勝在服務態度好。

尋日(19-11-2011 Sat)晏晝同男友去完中醫博物館出尖沙咀換o野,男友肚餓喇,佢話o黎呢o度食o野.好啦.

o黎到大約3:30pm,都幾多人喇,搵到位後落單,叫o左:

1. $8.50o既口水雞中翼
呢個係男友食o既,佢話好惹味,唔係好辣,叫我試吓,咁我試吓啦.我食到好重薑味,對我o黎講係辣,試o左啲就唔再食,畀返男友食.
我從未食過口水乜口水物,但覺得呢啲正宗o既味道唔應該咁簡單,應該有好多種o野.

2. $8.50o既甜蜜花枝戀
order紙上已寫明係煎墨魚餅,好細件.內裡有啲蘿蔔,有點點o既爽口,汁係微甜,一般呢.

3. $7.50o既紅滷雞腎
雞腎唔算太爽脆,汁帶一點點辣.5. $4.00o既熱豆漿(當餐飲價)只係暖暖的,味道都算幾甜吓,唔係好飲得出豆味.

4. $7.50o既台式金蒜肉腸呢個等o左一陣至到,冇乜蒜香味,外皮’燒’到皺晒,內裡都好乾.

服務:
入到去時係冇乜位,有個o岩o岩食完o既亞姐讓張貼牆二人枱畀我o地,我o地坐低,開頭招呼我o地o既亞姐話一陣有位話我o地知,畀我o地轉枱.冇耐,我都未睇完餐牌,就發現有其他位,但亞姐冇叫我o地,我o地就自己轉枱.

佢o地寫明叫兩個餸加杯o野飲就成為一個餐,我o地o係同一張紙上咁o岩揀o左四個同兩杯o野飲,畀個男人時,佢同男友講呢o度只可當一個餐,凍檸茶要收返正價$14.00一杯,男友話冇問題.
但佢又唔知做咩又解釋,男友於是話要紙包檸檬茶,佢都重好似唔明.男友講多次,你o地有紙包檸檬茶嘛,咁將杯庄凍檸茶改做紙包檸檬茶囉.佢先至明白.而呢包375檸檬茶係$7.00

後來我見佢同serve另外兩個客人,清楚解釋畀佢o地聽,一張紙係一碗o野,要一人填一張.吓?!咁佢o地都幾唔環保喎,雖然張order紙係雙面印刷,但都有三份一張A4紙大呢.

而我o地只係叫餸,根本唔使分邊碗o野要咩o野餸,點解唔可以一張單落晒?
環境:
冷氣開得好大,亦開埋風扇,都幾凍.

多年來到達尖東的次數不少，為的多是為吃喝玩樂而來，到區內的食肆也算知道一個大概，當中的靚靚車仔麵已存在多年，記憶中早年曾外購其串燒小吃，就是未嚐其麵，趁週二於在那邊看戲，於開場前剛好騰出一點時間，乃就趁機會吃一碗吧！至於觀看甚麼電影，看今次的標題，戲名已是不言而喻。正值那天細雨紛紛，寒氣下更添進食的意慾。入到內堂坐下後，眼看下的首個印象，就是老闆員工與一眾名星合照，能夠招徠一眾名人，總有一定的原因，還是試過才知真章。今餐主吃車仔麵，看點餐紙的選擇甚多，總共底面兩頁也共三四十項，不過看單項的價目也算偏高，位處尖東的貴價地段，似屬理所當然之事。先來一杯暖豆漿，豆味雖然略淡，不過口感還是滑溜，配上合適的甜度，確有一股薄香淡甜之味。那豆漿喝了近大半，才送上車仔麵來，期間客流不絕，單個的食客也要讓出座位，好方便人家做生意。說回我那碗麵，看份量確是大碗頭，面上配料也多，選了一個粗麵底，口感上略帶嚼頭，也沒有鹼水味的存在。另加也加了沙嗲汁底，好來得惹味一點，只是溶入湯底之後，還是淡了一點。再看面上的配料，總共點了四樣，不過碗內只見三款，要讚的是蘿蔔沒甚殘渣，味道也屬清甜之列，豬紅更是爽身的級數，其味道更偏向禿時吃過的印象。至於主打的外婆滷肉，作為一個肥豬肉的愛好者，看表層是滷得入味，亦不算太鹹，肉質肥瘦比例均衡，爽口嫩身兼而有之，惟有一個致命的弱點：這是凍的。最後那個九轉大腸，遲遲還未上來，要催了一次才上。一試之下，仍然是冷冰冰的出品，期間壓味也是略為偏重，總算外邊帶有少許脆口的感覺。較特別的是用上醋江醋作調味，感覺上是開胃的，整體上不算太美味。最後以近五十元下樓，作為車仔麵來說，這價錢也是貴了一點，整體上好壞參半，還是有可改善的地方，不過看生意也是不愁，除車仔麵之外，還有一些串燒及掃街的小吃，是否再來...........還是隨緣好了，將來的事誰人可完全掌握?!

套用電影道出的情懷的重要，尖東這個地方，過往曾經繁盛不休，今天雖然退色不少，但發生在這裡的一切，是不會隨著歲月而消失；看食肆的分佈轉變不大，加上附近廉價戲院一間，怎捨得離棄它 ?

陵之微調：C+

用餐於二零一一年十一月八日晚上