2
2
1
港鐵銅鑼灣站 C 出口, 步行約2分鐘
繼續閱讀
營業時間
星期一至日
17:30 - 02:00
以上資料只供參考, 請與餐廳確認詳情
隔左７日, 昨晚又去左, 可能有些人提早慶祝母親節, 5:30 去到, 都有4,5 成客.今次叫左雞煲 (2位半隻), 份量不多, 找不到雞亦. 我相信应該冇半隻. 味道好一般, 个汁也不出色. 相信下次再黎, 吾會叫雞煲.上个星期食的猪什鍋个味好好多.今次就列出上次冇叫的食物.餐前小食叫了仿鲍片, 夠凍, ok. 府皮角, 剛炸起,夠味, 好食.火煱料叫了贡丸, 好粉, 有奌怪. 魚皮餃, 燕皮餃, 普普通通.其他叫的火煱料和上星期一樣.上个星期食雲吞有d不太新鮮, 今次雲吞幾好食炸鱼皮就好淋.價錢也一樣, 2位 5:30 時段, 用了7折 coupon,共 $222.-
繼續閱讀
火鍋一向是香港人飲食的心頭好，今次到一向是雞煲及魚煲專家的「肥肥雞煲」，吃它全港率先引入的古法蒸氣火鍋放題。「肥肥雞煲」的一鍋兩吃古法蒸氣火鍋，不但健康無油，也能保存食物的原汁原味。蒸鍋上層鋪有用果皮冬菇絲古法醃過的紅斑腩魚肉，紅棗杞子伴豬膝蓋肉，以秘製醬汁醃過的三黃雞肉，及金菇等蔬菜；而下層鍋則盛有上湯，伴以紅棗、白蘿蔔、粟米、蕃茄、芹菜、什菇等。整鍋蒸大概十分鐘，食客可先吃上層的古法蒸物，吃完之後就可以用下層的上湯來打邊爐；而在蒸的過程中，上層食材精華會通通流到下層，令湯底更加鮮味，這就是古法蒸氣火鍋的精髓。吃完上層，我們邊打邊爐邊聊天。打邊爐放題生料有超過五十多款，任點任吃，非常大堆頭。當中的澳洲穀飼牛肉、自家製鮮肉韭菜餃、鮮蝦雲吞味道新鮮，都是不可錯過的項目。
繼續閱讀
因為媽咪剪咗報紙7折coupon,,而亞爸好中意雞煲加邊爐,,加上係任飲任食,,所以初3就嚟食。。食17:30個圍仲平30蚊添!! 一嚟到,,有得揀唔同湯底,,當然要試麻辣雞煲,,但尤於我唔太辣得,,亞爸就我,,叫咗小辣!!但出嚟個味道。。。。好麵豉醬味。。。定我唔識食??? 至於。。。邊爐配料。。。好唔新鮮。。。澳洲殼飼牛,,,肥到呢。。。其他都好似出哂水咁。。。 安慰一下自己嘅,,,只可以話,,,任飲飲食,,,你仲想點???
繼續閱讀
買左團購, 早2日book左位,去到已經有4-5檯客人。我地5個人仲送大蝦5隻加牛柳粒! 超新鮮既大蝦! 正!因為同行有幾個朋友都唔太食得辣所以揀左小辣, 等既時候叫左幾樣小食魚皮: 脆卜卜涼伴青瓜:幾辣但好味木耳:覺得一般, 因為太酸, 可能有朋友會鍾意等左10-15分鐘, 雞煲就到, 個汁好惹味, 個個都食到想再叫多隻雞, 當然最後無咁做, 因為仲要打邊爐!佢既點餐紙有好多食物選擇, 最重要係有響鈴任食!!汽水就都係平時見到既款式, 雪糕既口味就有3款而且比較少見放題會有得食。我地每樣都係寫(大)一份, 俾返每人1粒/片既數量, 其實都好, 唔會浪費, 仲食左好多唔同既食物!9.30既時候last order, 其實都食得7788, 都食左2個幾鐘, 時間充裕, 甜品仲可以慢慢先落order,最後揀左薄荷朱古力味雪糕!仲係2球! 好味!服務方面, 除左一開始有個男侍應態度比較奇怪之外(又唔係話佢態度唔好,係有少少奇怪), 另一個女侍應招呼好好, 好貼心, 成日問我地洗唔洗點飲品!整體黎講真係唔錯, 價錢同食物質素我覺得好合理, 仲比我預期中好tim! 一定會再黎食過!
繼續閱讀
環境方面，由於只有少量客人，所以環境算寧靜。員工方面，服務態度惡劣，明明很少客人，但經常無視我地既落單，只掛住談話，好耐先來收落單紙，除左第一次落單後之後其他既落單紙一律被keep 起，唔入機，經過多次提交落單紙，先有第二次既食物提供，雖然每次要求既食物只係少量，但侍應一律keep 起，唔落單， 只係要午餐肉一份（三片）都落左五次單，都不提供，最後我要開口請求對方比一份，侍應們竟然交頭接耳，討論一番，以討論既眼神睇我地，之後先同廚房討論，先提供一份午餐肉， 使我地好難受同無奈，好似我地要求太多。食物方面，由於我地睇錯左，以為雞煲同火鍋分開，而買依個團購， 原來係二選一， 只好選雞煲再加清湯。講真雞煲相當普通，但加左清湯後做火鍋則相當難食，湯底變得好油，所有食物都有怪味。所有食物都數量很少，雖然係怕我地食唔晒，但未免太少，肥牛少到死，又薄，仲只來兩次，連午餐肉都又薄又少又唔肯來，其他唔使講啦。總括來講，今次團購好失敗， 最唔開心係服務員態度惡劣。
繼續閱讀