17
9
1
招牌菜
同男友仔放工諗唔到去邊度食飯, 所以求其揀左佐敦. 男友仔話以前食過呢間D雞煲好好食, 所以帶我黎試下....因為我唔太食得辣, 所以o係門口爭扎左一輪, 終於鼓起勇氣, 死就死啦~~~我地坐二樓, 初初只有一兩張枱有客, 見人地食得好盡興, 不停點配菜, 我都開始放心點...見到有二人餐諗都唔諗就點了...溫馨二人餐. 就睇下有幾溫馨啦- 牛/雞/骨/蝦煲(特大煲) 任選其一當然點左雞煲啦, 話晒呢度係食雞, 加上我地只有兩個人, 又試唔到其他, 所以必叫招牌菜!雞煲有得揀小辣, 中辣或大辣, 其實我唔多食得辣, o係無得揀唔辣既情況下, 唯有揀小辣.主菜果然係主菜, 最遲先上枱, 但一上枱, 我倆都俾佢吸引住, 好心急想試下, 因為個樣的確好似好好食, 同埋真係好香!! 可惜個爐火力太弱, 等左好耐, 男友仔問問伙計先知, 原來本來d雞已經食得....我地好大鄉理呢, 仲傻傻咁等. d雞肉都幾滑, 小小辣, 有少少麻辣既感覺, 中間加左蒜頭釣味, 唔錯. 本身個汁都幾味幾濃, 撈飯一流! 愈食覺得d雞肉愈多, 其實兩個人一個特大煲份量真係太多. 一路食開始覺得食到悶. 我諗個煲裡面有成隻雞呢! 送飯係唔錯既配搭, 如果只食雞, 就太濃味了. 所以中間加左一d素菜來中和一下係唔錯既配搭!- 精美小食一客我地點左滷水雞翼, 最先上枱, 因為肚餓關係, 所以好快食晒. 不過雞翼只有外面少少滷水汁既味, 裡面一d味都無. 所以都幾麻麻.- 涮菜精選一客點左雪花肥牛, 打邊爐不能缺少的一個項目! 加上辣汁, 味道唔錯, 牛肉份量都唔少, 而且肉質幾淋, 食雞食得多, 食幾片肥牛味道更佳.. (因為太多雞好悶嘛...). 加上個煲d汁去到中段開始愈來愈杰同濃味, 所以食落肥牛d汁更入味, 更正!- 飲料二罐或啤酒一支要了兩罐汽水. 降溫最岩!- 8元以下素菜四份8蚊以上既素菜要補差價, 都ok啦.雲吞: 細細粒, 容易食, 不過個人覺得用黎食呢個雞煲味道一般豆腐卜: 選擇正確, 因為豆腐卜可以吸汁, 一啖食落去時, 成舊豆腐卜都係汁, 好好味呢!芋絲: 又係正確既選擇, 雖然芋絲唔似豆腐卜吸汁, 但正因為佢本身無味, 當佢溶入雞煲裡面時, 可以食到雞味同好濃味既汁呢!脆肉瓜: 呢個應該係一個錯誤既選擇. 唔知係本身d脆肉瓜唔靚定加埋d汁唔好食. 食落有苦味, 本來應有既鮮甜品完全無晒. 好失望!- 絲苗白飯二位絕配, 因為無飯齋食雞煲d味道會過份濃烈. 有飯就岩岩好!食飽仲有成四份一雞煲剩, 其實唔係真係好飽, 只係食到唔想食. 如果個煲細少少應該會唔錯. 服務就不過不失, 始終得一個伙計負責全層, 有時難免會手忙腳亂. 到我地差唔多食完先幫我地加水.....
繼續閱讀
在三希樓辣得不盡慶，心想起一直想嘗試的重慶雞公煲，曾有多間分店的雞公煲，現在只有樓高兩層的佐敦店碩果僅存，每晚由六點營業至凌晨零時，短短六句鐘究竟能否維皮呢？店舖的環境是徹底的大陸化，餐牌上的全是簡化字，而自選火窩配料都放在雪櫃內，顧客可自行拿取，但賣相相當市井，食材也毫不新鮮似的。一行五人也不用細想，要了一個約四百元的四人餐，一次過吃盡鎮店之寶雞公煲、恐龍骨煲及牛魔王煲，連同一些平價火鍋配料、白飯、汽水等，場面頗為豐富。這裡的特色是先將主要材料吃掉後，店員再在煲內放湯作火窩用，理論上是可以的，但實際上煲仔並不是以 gas 爐或電子爐加熱，而是只靠那微弱的火種，要等湯底翻滾嗎？相信也要等七百年後吧．．．鎮店之寶雞公煲，主要以青椒、洋蔥、蒜頭等香料爆香雞粒，味道十分惹味，惜雞粒的份量不多，中辣級數也略嫌不夠辣，但將剛烤好的雞粒放入口，倒算是一種享受。至於另一道恐龍骨煲，所謂的恐龍骨當然不是來自絕種的史前生物，而是極大件的汁燒豬肋骨，加入香蔥、蘿蔔絲後賣相變得花巧，可惜湯底久久沒有反應，火力實在是太弱了，而豬肋骨的肉質不太鮮不太嫩，入口有點韌，只可算是平平而已。最後的牛魔皇煲，材料多得驚人，有牛丸、牛柏葉、牛腩、牛筋等，再加入薯仔、紅蘿蔔等配菜，但大部份材料都只得低下的質素，「不新鮮」及「將價比貨」兩個感覺一直在我腦內繁繞不休，這想法更可在配料的差勁質素中得到支持。所謂的肥牛及羊肉，顏色暗啞，難道是「即將到期」嗎？ 肉質相當鬆散，沒有牛味或羊羶味不打緊，沒有異味已經要還神了；再看看那碟白菜仔、秀珍菇、豆卜，雪味奇重，不知放在雪櫃多久了，加上一客入口軟淋淋的紅薯粉，食友們實有點衝動跑到鄰近的雲貴川溝貨啷啷口。三個煲仔中，只有雞公煲的味道是勉強可以的，其他盡是虛有其表的東西，如想順道來個火鍋，更會被微弱火力氣死，店方以為能一物二用，到頭來卻是兩頭不對岸；食材用料不新鮮更是死症，價錢雖不貴，但難以令人有一絲滿足，質素如此不濟，這個喊面是走不掉的了。最後，溝貨是必需的了，一於向廟街出發，目的地是明記雞什粥！
繼續閱讀
曾幾何時幾多人甘心夏天晚上滴住汗在灣仔街頭排一、兩個小時隊,只不遇是為了食一個幾十蚊嘅雞煲同十蚊八蚊碟嘅平價火煱料？生意好得九龍新界也有分店,幾年下來現在只剩下佐敦這一家,是經營手法問題定食物質素下降?要試過至知!星期六晚上七點半到達,樓下坐了十人左右,侍應姐姐帶了我們二人到樓上,包場狀態!食到八點半才多幾個客.點了一個特大加辣雞煲,七碟火煱料及飲品雞煲----打開煲蓋已聞到獨有的香味!辣味普通,雞件非常入味及肉質嫩滑!其實雞肉是有改良過的,每件的Size比以前大,不像以往的細件及多碎骨.極速食完雞肉開始加湯食火煱.一樣是用那款酒精爐,即係大火極都有排先滾得起果隻!侍應姐姐見煲湯滾極唔起主動提議攞去厨房加熱,抵讚!火煱的配料無甚特別不值一提.食物OK,服務OK,但星期六晚上這樣的場面......真是新鮮感過後無以為繼?
繼續閱讀
自從灣仔和旺角分店相繼關門後，太公老是嚷著要來這僅餘分店支持一下；不過，嚷了一整個冬天，還是未有付諸行動；終於在本年氣溫初升穿攝氏30度的這天，前來打邊爐。九時抵達，冷清得有點嚇人；明明店舖有兩層，上層已沒有開放，下層連我們也只有三枱客，真教人擔心他的命運。不管了，先要了個大雞公煲；這兒的雞公煲分三個size: 中、大和特大，沒有小的；兩個人，除非是大胃王，否則要個大的就可以了 (雖然侍應會推介特大煲)。上桌時，滿滿的一煲都是雞，真豐富 - 雖云打邊爐，但這兒的雞公煲(其他煲亦然)吃法是，先吃完雞公煲，再著侍應加湯，然後點/拿配料打邊爐。所以，第一步，就是要吃雞煲了！雞煲內除了雞，還有洋葱、水芹、蒜頭、青椒等配料，加上小辣的醬汁與雞同煮，非常惹味。也許是生意差了，煲內的雞比以前的肥，肉也較肥美鮮嫩，比以往經常出現半煲是「瘦巴巴得棚骨」之現象，大有改善。因此，雖然價錢貴了，太公還是覺得它扺食依然。因為雞件夠可口惹味，不消一會就被兩名餓鬼消滅淨盡；速速叫侍應加辣湯 (湯可選辣或不辣，侍應會提醒你的)，就點 / 出自助櫃拿菜；(櫃內大多是蔬菜和澱粉質類，與點菜單會有部份重叠，建議去打個轉才起筆點菜！)根據過往經驗，雞煲味濃，因此與澱粉質食物最配合，我們這次要了薯粉和公仔麵；另加了水芹菜、山根仔和三邊腐竹。要待打邊爐方發現，湯底味道沒以往那麼濃，可能是雞煲本身的醬汁較少的關係，加了湯，就變淡了。與薯粉吃還好，薯粉放得較久也索得較多湯汁，而且爽滑依然，索了湯後味道很好，必吃之選。公仔麵則較一般；以往湯較濃，不用煮至勁淋已很入味，但現在湯較淡，煮得剛好時吃，根本沒甚麼味道，要待煮淋時才有，不過效果也就較差。山根仔 - 很可愛的小型山根，口感沒有普通山根般充實，但勝在淋得夠快，索湯的比率較多；放在這較淡的湯內效果竟比以往的好！三邊腐竹 - 很滑，不易煲爛，而且帶有豆香，水準不俗。水芹 - 很新鮮，份量也不少；而且與雞煲之味很搭配 (別忘了雞煲本身也有此材料！)，是菜類之首選。吃到最後，別忘了雞煲內本有的蒜頭；此時蒜頭已經被煲爛，汲收了湯汁的精華，加上本身仍存有的淡淡蒜香，非常驚艷，特別是喜歡吃蒜者更不能錯過。吃如此濃味的食物，當然要啤一啤；最便宜的獅威才$15，以一家尚算「四正」的店家來說，不貴。不過獅威味道一般，下次還是要回青島較好。總的來說，此店食物質素實在不錯，用料也夠新鮮沒有欺場，兩個人飲飽食醉，合共才$160，實屬抵食。也許是位置實在太不顯眼，所以難有生客，只能靠熟客維持....也因此使店家環境更為「清幽」；不知可維持多久？若這家有誠意有特式的店家結業，也實在太可惜了！
繼續閱讀
記得好耐之前曾經到過灣仔想試重慶雞公煲，點知去到原來已經執左，當時真係有d若有所失既感覺！最近發現佢番黎喇，見到 d 食評即刻流晒口水。琴晚我地叫左最經典既雞煲，選左中辣同中Size，另叫左白菜、油墨菜、蘿蔔、寬粉、腐竹同雲耳做配菜。一打開煲，有一陣陣香氣飄出，但唔係好野味果種既香氣。汁有味，但唔係好好味，亦唔覺野味，如果好辣既朋友相信要叫大辣。食到差唔多，可以加湯食配菜，湯有分唔辣同辣兩種，我地要辣，我亦唔覺得辣，湯底亦無特別。總括黎講，唔食出有任何重慶特式，只係雞肉較嫩滑唔肥，經多次翻滾都好滑。但相比晌國內食既辣雞煲果種獨特既野味及香氣就遜色好多。P.S. 交通：佐敦地鐵站B2出口，直行轉左，一路直行見到左手邊全都係橫街，直至見到橫街茂林街轉入，即太平館既對面。Kan Lee ２８／３／２００９
繼續閱讀