親愛的父親喜斎，特地Search呢一間，間舖都頗細不過等左一陣就有人走～　我見有個清潔阿姐仲好好咁幫啱啱入嚟既客人搵位，good！

1. 炒咸魚菜粒飯餐跟湯+炒菜+前菜　$30
　飯普通，淡淡既飯香加少少咸味，不過前菜唔錯，甜甜地幾開胃
2. 潛水艇 (牛油果沙津味) $19
　呢個要等一陣自己响櫃面取，驚喜既係佢蕃茄大大件之餘啲菜都好新鮮，仲有佢好足料，　牛油果都有三大塊
3. 意大利蘑菇薄餅 $15.5
　點呢個時個收銀仲有溫馨提示"佢係薄嗰啲唔係厚既，咬落去係脆既，有冇問題？"真係好 　好態度！等左差唔多三個字先有得拎，呢樣個價錢仲抵過個熱狗，仲要有六塊，雖然味道　普通但咁既價錢，都ok啦！

食物同價錢都唔錯！不過我唔鐘意遞食物嗰啲人，好似唔想講野
我俾完張單佢佢俾左個炒飯餐我跟住我只見佢手指指，都係我主動問"係咪等叫號碼?"佢先點頭，好似一粒聲都唔想出咁，呢啲係態度？服務分三分只係俾個抺枱阿姐同個收銀哥哥。

前日食完沙律黃金扒包($19大元),今日條食癮又起,食左好耐無食過的潛艇包.
有兩款味二選一(中東汁或牛油果沙律汁)

我選左牛油果沙律醬,個飽超大個呀,兩個人都夠食,包入邊的生菜和蕃茄都係超爽脆,個汁都好好味,不過就無其他材料,好似"寡"左d,但食到好飽好飽.
不過如好似我咁當正餐食就好夠喇.當下午茶的話可能吃不下.因實在如其名-潛艇般打橫及大大個呀.

叫左個椰香薯蓉湯(加4蚊),薯仔切成碎粒,易於消化又易入口,yummy
西湯係每次去loving hut必點的

收銀機旁放左"健康素時代5供有需要人仕取閱或取走.
我最鍾意入邊登左全港素食店的地址.因我間中都要搵地方和我契爺契媽食素,
有d後生女的素食朋友都會約我食.
實為素食人開飯的好書一本
大家有需要的話就拿番本喇
書仔內亦有提及有咩名人食素,如里安納度,已故的diana王妃等等
亦有提及素食如何環保及點救地球.
實在係好有意思呢.

loving hut係全球好多地方都有分店架,大家可到其website瞭解.
重有大量的美食圖片和分店資料.正呀!
http://www.lovinghut.com/portal/hk/bbs/board.php?bo_table=menu_hk#none

星期六LUNCH多數都會去loving hut,
平日例牌會食吞拿潛艇，但今日望下個餐牌竟然冇左
變左做中東味...

即刻係度諗，咩係中東味????
於是就問下收銀個哥哥，
佢話係用一D紅色既醬加埋素魚塊粒
UM...諗左陣，即管試下啦.

包仍是預先烘過，有蕃茄青瓜
我覺得個D紅色醬有很重的檸檬葉味，感覺似似地印度咖哩，不過唔SPICY
包內有一粒粒的素魚粒咁,,
食落都可以接受，不過D醬就唔多配蕃茄同青瓜,,,,,,,,,,

我還是喜歡吞拿潛艇呢!!!!!!!!!!!!!!希望佢遲D會出返啦

尋日做完運動,隔左兩小時先敢食嘢,如果唔係會有反效果,
減肥變增肥嘛.

要食得清又要食得健康,便諗起loving hut.
於是特登行去.
2p都坐滿人咁滞.
沙律黃金扒包:16蚊.蕃茄生菜沙律汁,烘剛到火喉的飽,內有豆腐制品做扒
南瓜濃湯:加4元,清新又好味.無味精,食完唔會頸喝呢.

長輩食齋會選佐敦六榕,後生一輩選擇loving hut係不二之選.
實屬健康快餐,希望佢將來開到好似老麥咁,區區都有分店就好喇.大家到時就有口福.
唔係一定大魚大肉先係美食架.素食都可以好好味.

記得第一次來吃食物係一位信佛的朋友推介要來食的,食一次愛上,差不多次次去淘大開飯,呢度一定係首選

每逄初,一十五都食素的我,維持了這個習慣有十數年了,而有好多朋友都是吃素的関係,
遢過的素食店也不少,一般不是太油就是要做得不似素很像肉一樣,
LOVING HUT給我的感覺真的是很清新,

加上它們是以快餐形式的確很方便,看見這麼多食客
便意識到現在香港好像是愈來愈多人吃素了

自從Loving hut開左之後,
差不多每星期都會跟媽媽來吃午餐,,

一如以往，我係會叫"吞拿潛水艇"($19)
麪包會先烘熱，然後加上素吞拿魚沙律醬，配上蓄茄和青瓜，真係好好味,,
它的沙律醬更是無蛋無奶的成份, 十分健康
加多一杯玄米茶，已經是一餐美味的午餐了

還有收銀員很有禮貌，值得一讚!

食得太多肉~有時都覺得冇乜胃口唔想食野,但當你冇胃口捻起食齋~你就會感興趣

咖哩洋樂飯
好多薯仔呀咖哩好好味好香~帶少少椰汁味(雖然本人不吃椰汁),但係我接受到,佢用D麵筋扮牛肉,好特別但又好好味~好快食晒成個飯

叉燒黃金扒飯
叉燒有好多塊@@相反黃金豆腐扒就得2塊,素叉燒有彈牙口感~不會粉粉的,黃金豆腐扒係用腐皮整食落一絲絲好好味>"<不過得2塊好可惜!!!點餐時會問你要咩醬汁~我揀左薑蓉,不過佢D薑蓉竟然加左甜豉油@@有點怪怪的~毯底既菜好爽脆!不會烚到淋晒~五穀飯軟硬適中

素Pizza
點餐講到明係素芝士所以冇拉力唔會一絲絲~never mind~個pizza等左7mins先有,面頭好似好多芝士~食落去一pat pat好似酸乳酪=.=最O咀既係入面既餡比我發現到有腐竹好奇怪的配搭,批邊香脆值得一讚~不過唔建議大家吃依個pizza-.-

絕對會再黎!!下次我只叫黃金扒飯算啦>"<實在太好味啦~haha

兩個人都考完試, 各自溫書的幽禁期終於解封. 星期日, 二人閒閒地出街逛, 而地點選擇了九龍灣. 首先, 太太要食. 係淘大有乜野可以令到佢一定要食?? 就是Buddha Hut....改左名啦, 而家叫 Loving Hut. 另一個重要任務, 就是要睇睇轉左做Loving Hut 之後, 餐牌會否跟返以前, 定同灣仔間野統一了餐單.

齋妹興奮地看看她愛食的喇沙湯麵仲有冇. 我們把快餐餐牌看了一回, 果然, 此名只是改了新名字, 食物依然沿用著以前的餐單. 其實變是應該的, 但變一定要變好, 若變的效果, 估計到會比預期差, 倒不如不變. 二人開心地, 食返以前Buddha Hut既野. 大家輕食一個下午茶.

喇沙麵, 沒有加蛋奶蔥蒜的全素Vegan喇沙. 味道上, 當然比不上正常的香. 味道淡淡的, 食慣香口野既肉食人士一定會不習慣. 雖味道淡淡, 但也有喇沙應有既味道. 豆腐有如魚肉豆腐般, 帶點煙韌. 湯底雖沒有特別濃香的喇沙味, 但以純素材料做成的喇沙, 形似貌似, 已經是不錯.

我不想吃太多, (其實計落都好多), 煎餃子5隻. 雜菜碎加少少豆腐粒. 自己配上辣醋去食. 不錯. 只是油還是多了少少. 好開心的, 改了做Loving Hut 之後, 依然食得返以前Buddha Hut 既野. 值得一再回味.

另外, 我點了一個奶茶.....這裡是無奶無蛋的Vegan菜, 點會有奶茶, 用豆奶沖的, 味道特別. 香味, 不是奶味, 而是豆漿既香味. 我覺得可以接受,

咖喱飯套餐 ($30)
有個冇師父既中湯, 青瓜小碟, 混米飯, 咖喱.
咖喱似係日本咖喱個種, 唔spicy, 少少甜, 有幾舊似冰豆腐(上海個d呢...)
健康 $30雖然冇肉, 但係好味過d有肉但係整得難食既快餐

cake好靚, 不過好似話唔好食, haha, 到你好食時先試啦

食素既我都會經常四出尋找美食,
之前都想試下呢間LOVING HUT,但去過淘大搵過兩次都搵唔到,
今日終於俾我搵到,YEAH!
我試左咖哩薯仔飯餐+朱古力慕思蛋糕,
個餐好抵WO!又有杯水,又有飲品,都係三十蚊,
都幾好味,但個CAKE真係好唔得,我未試過食CAKE
食唔哂一件,有一陣膠味,好難食呀!
不過下次仲會再幫襯,因為我相信其他食物係唔錯既!!
如果有多D朋友一齊去試就好喇.......

想去bowling, 但係肚餓, 所以黎左有好多好評既"愛家 Loving Hut"

我地三個人(有兩個食左野), 叫左
1.咖喱薯仔洋樂飯
咖喱味道唔錯,送飯一流,個南瓜濃湯都好好味

2.提拉米蘇
個friend話唔得...

可以再食, 但唔會太多

之前同男友都見過呢間
但果次佢話唔想食素
(其實佢食野多肉少菜的)
今次竟然主動提議去試下
我一向食野都係多菜少肉同清淡
當然lur飯應la

入到去我好快就決定左要萬如飯 ($30)
佢心大心細一路都唔知叫咩好 (樣樣都想試)
跟住我地好煩係咁問個收銀哥哥d飯有咩材料
但收銀哥哥都好有耐性答我地
最後男友叫左差燒配黃金扒飯(差燒汁) ($36)
因為果日好熱
我地都放棄左湯而叫左汽水

每個餐都有前菜同炒菜
仲好細心咁有一杯清水
我個萬如飯d萬如食落去真係好似魚ge口感
個底仲有塊紫菜扮鰻魚
不過我覺得個汁濃左少少
配返淡淡地ge素唔太夾

男友果d差燒唔止個樣似真ge
連煙燻味都有埋 (讚!)
黃金扒係腐皮卷埋ge
好滑

見到隔離枱個湯好靚
好後悔叫左汽水

呢餐對我黎講真係超arm口味
好多菜又淡淡地
男友由未食完到走ge時候
最少講左三次"我下次想試下個意粉ar, 你睇下人地果碟幾靚"
佢好似未試過咁樣讚一間餐廳
仲要係食素ge
睇黎食肉獸都開始進化la
而我就更有福可以繼續同佢食arm我口味ge野

味道一般, 勝在高纖健康。同區競爭激烈, 依然不乏捧場客, 午餐來要等一陣位o架！
環境及服務ok, 但播住個無上師根本無人睇...

今晚約了朋友食飯，我地都鍾意清淡，所以就選了這間
約1年前我已開始光顧budda hut(現稱loving hut)，朋友是第一次。
我今次食意粉$30，跟一碟菜、湯同前菜。
朋友點了香椿芙蓉包飯套餐。朋友話可以 這個價錢吃素菜，真係好抵。

我好鍾意呢間食巿，食物水準一直都咁好，又唔會油膩，店員有禮貌(人多時有店員幫人客找坐位)，雖然不能坐好耐，但衞生清潔用餐時都很舒服。

這度咁多人介紹這間素食，所以試下，行到淘大見到Buddha Hut改在叫愛家LovingHut！
入到去，以為大多數應該會係年長人仕食，原來發覺唔少年青人食！
素食以快餐店形式好少見！

兩個人叫在好多野！
個素漢堡飽必叫之選！

大家自己睇相都應該好想食！

有少少唔滿意就是有d位置燈光太強！素食總括都好。