25蚊跟飲品
叫左腐竹米線跟綠茶
綠茶唔甜,不過味道普通
米線叫在中辣,不過覺得都係唔夠辣
有小小辣,小辣,中辣,大辣同特辣
配菜有九菜,芽菜,莞茜,炸醬等..不過好小..

四川麻辣紅薯粉, 比起轉彎的一間雲貴軒風味過橋米線, 這間便宜3元, 飲品也有免費送的, 雲貴軒風味過橋米線要加$2 才有凍飲, 所以前後相差了5 元. 而且紅薯粉較好吃, 更重要的是得獎的.

四川麻辣紅薯粉套餐: 選了腩肉, 飲品方面選了免費送的紅茶.
腩肉切得很薄, 容易入口, 而且味道濃郁. 相比起雲貴軒風味過橋米線, 這間沒有炸菜, 本人較為喜歡. 而且紅薯粉頗彈牙, 煙煙靭靭的, 粗幼適中, 感覺很好.

湯底方面, 這裡的小辣比起雲貴軒風味過橋米線較辣.

上島冰紅茶: 夠凍

今日(12-4-2009 Sun)同男友由香港返荃灣,佢話想o係街食碗麵類做晚飯,啊,咁o黎路德圍睇啦.

諗o左陣,佢話試雲南米線,揀冇人等位o既,所以入o黎呢間.

我要$25.00o既普通米線餐,要魚腐同牛(月展),加$4.00,因多一樣餸,小小辣,飲綠茶.男友要$25.00o既普通紅薯粉米線餐,要腩肉豆卜,小辣,飲凍西洋菜蜜,共加$6.00.

好快,飲品到o黎,我o既綠茶唔夠味,麻麻.

男友o既凍西洋菜蜜都開得好好,味道o岩o岩好.

然後,兩個米線都到o黎,半透明o既紅薯粉米線煙煙韌韌,口感唔錯,腩肉OK o既.

而我o既魚腐牛(月展)米線,魚腐都幾實,好似冇乜豆腐咁,點解呢個係推介呢? 而牛(月展)就幾好味,不過五塊,而肉醬幾好味,米線係一般質素.

服務:
完成冇問題.

環境:
男友邊食邊問佢前手臂o既水滴由邊o度o黎?抬頭望望,原來係冷氣出風位滴水,而且係四散o既,有冇攪錯?咁佢碗麵有冇中招呢?佢話有o既,因為食食吓佢碗都有漣漪.

衛生:
我o地張枱有蚊滋仔飛o黎飛去,由於太貼近我飛,所以我殲滅o左佢,點知…..原來重有至少兩隻,真係好多.

荃灣米線舖頭多到數唔晒 ~ 要濃味的有雲貴川，要較少油的有雲南桂林過橋米線，要偏向台式的有普洱，要魚湯底的則有魚鱻。

是日到荃灣覆診，最終能抵抗附近魚鱻的誘惑，嚐一嚐雲貴風味。那兒的門口有食神爭霸戰的報導，好似係唔少野咁喎﹗環境就唔差，叫做有佢自己特色... 仲有就好，好少可會有米線的食肆會播放音樂，仲要唔係老餅歌，係 Stephy 果類。

叫左腩肉魚腐米線 + 冰紅茶 (免費)

腩肉魚腐米線:
首先講湯底，佢有落酸菜、炸醬、芽菜、韮菜。炸醬落得多，所以唔少油，不過食得米線都預左。可是，佢酸菜味唔出，個湯底只嚐到味精再加一點甜味... 冇左酸菜味等於冇左雲南米線的特色，同埋唔會令人開胃囉。相信係因為佢既酸菜醃得唔夠耐所致。另外的不足之處就係韮菜落得唔夠多，變左唔夠香濃，個湯底感覺好「簿」。
腩肉係大塊偏瘦的那種，算是不錯的一環。與雲貴川不同的是，佢既腩肉係可以完全唔辣的，但覺得佢整得唔夠稔... 但瘦與稔很難兩全其美，只能二者選其一吧﹗
魚腐就完全唔得，好似唔彈牙的炸魚蛋咁，好硬﹗建議唔好叫，除非你係 Expect 食魚蛋啦﹗

冰紅茶
好似係即沖檸檬茶咁，好味既，但點解會叫做紅茶？唔明﹗

個阿姐都有少少惡，我叫完菜想睇睇個餐牌，佢一手收左去... 奇怪﹗呢間米線，試一次就夠﹗

4號果日去荃灣行街,聽d朋友講話雲貴風味d野好食,所以我同媽咪就特登去試下
咁我就叫左腕腩肉米線同珍珠奶茶,我媽咪竟叫左腕豬軟骨米線同冰紅茶
我覺我腕腩肉米線d腩肉唔係好肥,岩晒依家講求健康d後生仔,珍珠奶茶d珍珠好煙'un',好好味
我媽咪就話腕豬軟骨米線都幾好味,冰紅茶好特別,唔洗+錢,好抵飲!!!!!!!

黎呢度每次都會食招牌既酸辣腩肉紅薯粉,有時加埋4蚊有3粒水餃(出面好多5蚊2粒咋),而且水餃好入味,同個湯好match,係必食之選!^.^
個湯底好少味精,飲完唔會口乾,但仍然夠辣,好過附近某間米線店好多~!

ps:要涼粉唔洗加錢,好解渴架!

未入店，先被門外的「食神爭霸戰」的得獎獎項吸引著，但我其實是不太喜歡吃辣的呢…

由於這裡是雲南米線鋪，這次我就不選吃紅薯粉了。通常每次新試雲南米線鋪都會點腩肉加豬大腸，今次也沒有例外。另外加錢可點甜品，就要了個熱的椰汁紫米露。

湯底不似其他雲南米線鋪有酸味，也不太油，但味道始終較普通。

這兒的腩肉偏厚也偏硬身，中間偶有連著肥脂，但就沒甚麼味道，如果放在湯內待一會，味道可謂全失卻了，以個人口味標準來說，這是不合格的。大腸反而不俗，腌得入味但又保持著咬感，可推薦。

作為甜品的椰汁紫米露則是不過不失，不會過甜，紫米亦沒有煮過龍。

吃罷，也感到八成飽了。

現場播著西洋經典情歌，可真是和食物不相襯呢。

未必會來Encore了。

晚上10點過後~我都會揀喺路德圍食的~
但其實次次都係嗰幾間~

今次揀左紅薯粉呢間
佢係粗粗的~半透明的粉~
咬落去有d彈牙~唔似粉麵的~

可以揀唔辣~小辣等等~
我揀左小辣

今次叫的配料係豬軟骨~
好唔得呀!!!!
好硬呀~
呢d唔係豬軟骨吧
上次食都冇咁差嫁.....................

未埋單~趕客走~
都唔緊要~你趕住收工~我明白
但可唔可以唔好喺我食緊嘢嗰張枱到執其他筷子筒呢???

唉.....貼錢買難受

因為被食神爭霸戰吸引而去嘗試，
我女朋友叫左個腩肉生菜酸辣米線，
我就叫左一個雞肉豆卜麻酸辣紅薯粉，
之後發現還有一杯冰紅／綠茶，
都係２９元
改叫甜品ｏｒ特飲都係加２至８元，
雖然冇試到，
不過都算係抵。
因為米線係叫左小小辣
味道唔重
所以感覺都普普通通
而紅薯粉就叫左小辣
湯底麻中帶酸辣
一食就知道下次食可以叫中ｏｒ大辣
麻酸辣比重很好
紅薯粉口感好好
比米線更好

小比不愛粉麵飯~不知多少個月沒有吃過了~
但唯獨紅薯粉卻甚得歡心~不想每次都吃川味美食...今次決定來路德圍找吃
路德圍都有好幾間米線舖~呢間以前最嗱喳但好吃~
同媽咪都黎過....今日ge佢卻全面翻新~

餐牌一邊米線一邊薯粉~~與大比各取所好~
餐飲免費跟熱飲~但其他加錢選擇多到不得了~
台式飲品至糖水乜都有~haha~不過算了...沒有興趣
以前係地下又滑又鋪紙皮~依家真係變左好多~

兩面牆都貼滿自已拎食神爭霸戰ge相同介紹.....
反而有d不祥ge感覺.....無野ge無野ge

小比的紫菜大辣薯粉先來....但好清湯feel...
原來係晒個底到~hahaha~算你啦~
不過呢隻係粗滑薯粉無咁索味~好彩多芽菜~
不過對比平時小比吃的...這些是below average~仲貴好多啊~
小比食晒d辣椒同紫菜n芽菜就stop了

大比的腩肉米線也來了~
始終做左多年米線舖~所以水準stable好多~
腩肉好特別~haha~厚版的~但太乾''鞋''
小比還是專心吃大大碟ge通菜算了...最保險

拿拿聲食完走了.......好失望
果然係靚裝之後~質素會下降~難道是要將成本降低嗎~?
甚麼食神爭霸戰....算吧啦.....不會再來
要食薯粉都係去返川味好多了~
下次係呢邊都係食返刀削麵~~~~

其實講起米線，基乎通街都話自己係雲南正宗...但好老實，其實間間都差唔多。材料差唔多，味道差唔多，就連價錢差唔多。所以一講到雲南野，其實都唔會抱太大期望。

星期五收工，一支公o係荃灣搵食，原本諗住去鱻度食米線...不過太多人，見到呢間野好似ok冇人，又打正旗號話賣紅薯粉，一於入內試吓！

小弟叫了個小小辣紅薯粉拼腩肉腐竹，薯粉頗彈牙，唔錯，可惜腩肉同湯底都係大路貨，冇乜特別，如果粗粗底當醫肚其實就合哂格，不過話時話，咁o既價錢，其實通街都食到，又或者咁講，廿零蚊，街坊鋪，你仲想點！

其實尼間鋪頭個老闆(大佬)好好人的=３=
需然佢係雙魚座(雙重性格),不過都算對我好好。
有時因為自己一個理哂成間鋪搞到我服務有d差=３=
對每位俾錢食的食客講聲對唔住先

我做左間野有年幾 (2007-8-?? 無做,因為讀書)
不過我都有食過入面d野好耐(成日偷食)
等我介紹下俾你地知啦 不過真係幾好食既~~都算~~

覺得薯粉個湯底太油 其實可以用米線湯底改做薯粉湯 這樣米線湯是即叫即煮 (令酸菜既味入落湯到)
不過反而冇左d花生 金針 炸菜=３=(以前我識d熟客我都會偷俾佢地既)

不過我最鐘意係豬軟骨 覺得好食過腩肉添=3=

唔鐘意既配料可以走架添

下午菜係平d 不過會細碗d 想大碗d 可以叫佢轉正餐

正餐有碗叫過x米線 貪大碗又有料 (冇酸菜)

d薯粉幼身既原因 因為想特別d 雖然有d人想食粗 不過好多人都覺得幼d好d 因為係消化問題 好多人都有反映過

學生餐食最抵食 拎學生證就可以去食架喇 平好多架-3-對中學生中等收入草錢既人

荃灣仲好多-.-有錢仔...

今晚自己一個人搵飯食....我例牌慳家...早啲食下午茶餐- 叫咗個四川麻辣紅薯粉(酸荀, 小小辣), $22, 連奶茶, 再加一碟灼菜, $8, 先講薯粉...幼身類似米線, 唔係想像中咁煙韌, 配菜有芽菜, 炸菜, 花生, 肉醬, 芫茜, 我覺得酸多過辣, 灼菜好大碟, 但菜葉帶黃! 因為未試過呢間....如果要再食紅薯粉...我唔會再黎啦! 鋪頭唔係話好細, 但座位唔好坐!

看到店外寫著腩肉十分出名，又獲獎，貪吃的我當然不會放過。

我點了腩肉米線，男友點了豬軟骨米線。

腩肉米線︰有大量芽菜(最討厭)、少量酸菜、肉碎等，肉碎男友說蠻好吃，不過我覺得沒甚味道。腩肉蠻是期待的，不過吃下去又不覺得怎麼樣，味道不濃不淡，好曖昧。腩肉也偏瘦，有些粗糙。米線有點腍。

豬軟骨米線︰這個反而好吃，豬軟骨煮得夠腍，軟骨部份又多，很有口感。

跟餐有兩杯飲品，男友喝奶茶，我喝凍檸茶，凍檸茶的茶有些澀。

店子裝修簡陋，雖然價格不貴，不過味道卻不算出色。

想吃較刺激的食物, 剛好在荃灣, 來了雲貴川.
點了腩肉紅粉, 小辣.
辣味, 一點都沒有, 只有酸味(我不太能吃辣的...)
可能辣的程度每家都不同吧...
不過腩肉的口感不錯.