o係雜誌見到呢間餐廳o既2人餐介紹..所以決定同男友於紀念日去試下..
location唔難搵..地方清潔..weekday去唔多人唔洗等位~!d waitress姐姐好好人..服務態度好~!!食物質數其實都好好..因為佢主打食物原材料都係由築地空運過黎..所以偏貴..我地叫左個$588 o既2日餐..

燒物,刺身,壽司頭盤
鰻魚蛋卷燒, 帶子海苔燒, 三文魚刺身, 吞拿魚刺身, 甜蝦刺身, 新鮮魚子&魚肝, 鯖魚壽司, 燒三文魚壽司
最鍾意呢個頭盤~每樣野都好新鮮..最讚o既係鰻魚蛋卷燒,三文魚刺身同甜蝦刺身..超肥美同鮮甜~!!

鐵板芝士炸黑豚
雜誌話呢個芝士豬扒係主打..不過完全唔覺得值得一試..炸粉其實做得薄身..又唔油..不過豬肉味完全唔夠濃..塊扒好厚同硬..芝士味又唔夠..

炒雜菜
炒雜菜清甜夠大份..都唔油..

清湯烏冬
烏冬好好味..湯底就清甜..麵質好彈牙~好似手打烏冬甘~!讚~!!

食完個餐, waitress姐姐送埋雪糕俾我地食~好好味~!總括黎講..其實呢個餐廳試一次就夠~因為呢個價錢要食日本菜..出面都有好多其他較好o既choice!

清風街天橋底都算是揾食的好去處，試過不俗的 “榤”, 今次試對面的另一間日式小店 “悅鮨” 。
店鋪也是不大但整潔企理。要了一個日替便當($88)和鯖魚鹽燒定食($65)。
便當內容豐富，有什錦魚生飯、牛肉漢堡扒、吉列海鮮、海帶烏冬和麵豉湯。魚生飯新鮮可口，最重要是新鮮，悅鮨做到了；牛肉漢堡也不會乾硬，而是鬆軟多汁，加上一些甜而美味的不知名醬汁，好吃；吉列海鮮有一塊魚和蝦，只是炸漿略厚，也不過不失的，醬汁又醒胃；海帶烏冬甚好吃，烏冬彈牙，湯清味鮮。整體而言，覺得這個便當是用心之作，非那些併湊便當可比。
麵豉湯也料足味鮮，蒸蛋頗滑，滿意。
鯖魚鹽燒定食，份量不少，外皮燒得香脆，肉質嫩滑。
餐後還有喜愛的菠蘿和紅豆雪糕，結束開心的一餐。

本人與三個朋友星期二在悅鮨食晚飯,叫o左一客左口魚刺生, 泡菜魚頭鍋,鐵板蚝,生蚝,海胆,燒漁頭,等等.............
在menu上見到個價錢不便而,但本住試下這店,就食喇!先講d熟食,咁貴個價錢,居然落味精去煮,食完後非常口渴,而本人的朋友有味精敏感,食完後又暈又身痕,要即回家食葯;這一點店東要應真改善,你咁個收費又落味精又吾係日本師父,真過左火,有d有有味精敏感嚴重的 ,可能會有生命危險.
而左囗漁刺生又吾夠新鮮,好彩有老實店員對我講,d左囗係本地漁,吾係日本漁,真係食水好深.
$150一隻岩蠔, 絕對唔值, 我寧可去Sheraton Oyster Bar 食 Belon. 而且, 太鹹, 唔夠鮮甜... 如果用呢個價錢食 Fine de Claire, 可以食3-4隻, 可以更開心同滿足...
仲有個咖喱豬扒二百幾一客 ,絕對唔值,仲話黑豚扒,真係食吾出.
仲有店員見到你冇茶,亦吾會主動加茶比你.
一個字吾值,天橋底一間食店收咁個價,冇裝修,又吾係日本師父,又落味精,吾值吾值
我上中環IFC 禮食都咁個價錢,但有服務,有裝修,d食材又新鮮過"悅",但價錢差不多

一行8人, 入到去本身覺得好貴, 一人壽司餐要588....太誇啦, 佢其他熱食既餐有2個:
A) $210 簡3款 B) $350 簡5款,
我地最後簡左叫2個B, TOTAL 10樣野,
1) 唔知乜汁煮牛利麻麻地, 太厚, 好似燜野個D 味道
2) 北海道三文魚鍋, 推介, 好好味, D 湯好GD,
3) 軟蟹蟹沙律, 好普通
4) 炒烏冬都好陣牙
5)芝士朱扒唔硬幾好,
6)白酒煮蜆 好食
7)鹽燒三文魚, 好少肉但味OK
8)鐵板蠔,好食,
9)牛柳粒好食, 好林
10)原隻魷魚STANDARD
仲有叫左個凍麵, 麻麻地
仲有叫左刺身, 好食, 好大粒帶子同三文魚厚切, 雖然間野貴左D, 但其實都幾好味, 可以一試
個A 同B 餐都算抵食, 但份量唔好預佢多

雖然住得好近但一路都無為意呢間餐廳,直到上個月有同事喺呢度搞Farewell,食過覺得唔錯,今日同男友拍拖三週年紀念日, 於是近近哋走過嚟食.嘩~~七點幾去到已經坐咗八成客喇,同男友商量過決定坐sushi bar方便傾計,又可以睇下師傅整嘢食
見到個魚生柜入面有好多魚,好多都唔知係咩喎,樣樣都想試..男友就叫師傅幫我哋安排少少刺身同幾款壽司.
刺身有: 銀鱈魚,鯖魚同埋三文魚. 真係唔知原來銀鱈魚同鯖魚都可以做刺身喎,銀鱈魚好肥美而鯖魚口感結實得嚟又有魚味,超正!!三文魚都好甜!
壽司食咗帶子同甜蝦,食得出d材料好新鮮. 跟住叫咗個天婦羅,值得一讚係呢度order可以好有彈性,例如我想食蕃薯同蝦而男友又想食南瓜,可以自己揀要幾多隻蝦同幾多片南瓜&蕃薯,佢哋就會按比例收錢,同樣食刺身都可以一片一片咁叫,下次即使OT完一個人嚟食飯都唔怕叫咗食唔哂!非常體貼嘅服務!!
食食吓想叫支清酒飲,望到個drink list咁多款酒頭都大埋唔知點邊隻好,於是搵經理介紹,佢推介咗一支叫”冬之月”嘅酒,幾易入口喎.唔錯唔錯!師傅仲請咗個燒魚骨比我哋送酒 tim..
最後叫多咗兩款串燒加一碗拉麵兩份食..飽飽lu…
食完之後侍應幫我哋換熱茶熱毛巾,仲話請我哋食雪糕,我要咗芝麻,男友就要菠蘿,原來佢個雪糕入面真係有菠蘿肉嗰喎結果比我搶咗大半嚟食..hehe
埋單唔計支酒每人約三佰蚊.以質素嚟講真係唔貴. 而且雖然今晚都算幾多客,見到d侍應走嚟走去忙個不停,但都依然好有禮貌又好好笑容. 非常滿意嘅一餐…一定會再返嚟幫襯!!

先生同我從來只係對三文魚有興趣
中午收到佢o既電話 問人食餐貴少少o既好冇 哈哈 所以個晚就去左呢間啦
訂左位7點3..最後因為我行得太慢遲左成半個鍾 勁擔心要等位.. 不過去到只係有坐滿左4成到啦__

呢間餐廳環境都唔錯 幾有日本o既感覺 再睇下個menu
真係比較貴 不過有 d set 可以揀 , 例如 210 揀3樣食物咁
點了以下o既食物:

軟殼蟹沙律 (( 先生對個蟹o既評價都幾高..而個沙律..好似酸左少少
蟹肉炒飯 ((呢個真係幾好食...用料足夠..唔似出面 d 好明顯用蟹柳炒俾你o既飯咁啦
芝士豬扒 (( 以為係芝心..原來唔係..凍左食就差左少少..豬扒太厚啦
牛肉火鍋 (( 竟然覺得和民o既好食d..哈哈__其實都算係好食啦
魚骨 (( 老闆娘送o既..本身勁鍾意食魚啦.. 呢個煎得 好好食又香口
三文魚 ((其實最期待 o既係呢個 130蚊4塊 食落去真係幾甜~先生都有個好滿足o既樣啦


服務都幾好啦..餐廳唔算好大 都照顧到客人o既需要
呢間野都有8分啦味道 不過計埋價錢就低番d 都有7分啦=p

總括來說, 大部份的食物幾好食... 海胆, 中Toro 好食.... 但唔值 $820 呢個價錢. 呢個價錢, 我可以有其他更好的選擇, 例如灘萬, 稻菊, 澤壽司或板前割煮, 唔駛去呢間餐廳.

而且, 師傅係設計Omakase方面, 唔夠細心. 亦沒有問顧客大概的預算才作出介紹.

$150一隻岩蠔, 絕對唔值, 我寧可去Sheraton Oyster Bar 食 Belon. 而且, 太鹹, 唔夠鮮甜... 如果用呢個價錢食 Fine de Claire, 可以食3-4隻, 可以更開心同滿足...

一句說話..... "$820一個人可以有更多更好的選擇, 唔駛去呢間餐廳."

謝謝.

星期日的中午, 沒有像平時般去飲茶, 反而帶媽媽去了天后這間日本料理, 事原上兩星期同男朋友二個人黎過食, 果次都覺得唔錯, 所以諗起可以再去!

同上次一樣點左10件壽司lunch set $150 (有味憎湯, 蒸蛋, 雪糕) 另外再叫多個和風沙律
但顯然地比上次差了, 先是媽媽話: d 壽司飯太淋, 太濕
我 : 唔係卦, 試下先................... e....係喎! 點解咁既?!
幸好海膽, 甜蝦 都不錯, 只是配上這樣的飯就太可惜!

到最後, 看見隔離枱的先生食完個set之後(都係食10件壽司set), waitress送上綠茶雪糕一客, 我也順便賣單前點1個.... 點知個waitress支吾以對,話只有咖啡和紅豆味....er....果個係最後一個!
我再望一望個位先生正享用緊既綠茶雪糕, 覺得好無奈亦覺得被欺騙!
後來我直頭同佢講咁唔要啦, 賣單罷了~
然後, 有個應該係女經理 面黑黑的, 比張bill 我們賣單, 媽媽被按不住出口
問道是沒有了綠茶雪糕嗎? 她沒什好氣, 係啊, 冇啦, 媽媽再問, 咁可否order另叫 or 加錢 ?
她說: 可以!
其實, 我想說的不是我有多想食那球綠茶雪糕, 而係店員和那位黑衣女經理的對答態度真的要好好改善, 盡管我不是像那位先生是熟客仔, 也不應如此態度.

當食物不是有過人之處再加上這樣的態度, 為什麼要再選擇它呢 ?

30-8-2009

上次到天后食菜肉雲吞 (http://www.openrice.com/restaurant/commentdetail.htm?commentid=2023785) 路經呢間壽司店, 幾有興趣, 呢日拉埋朋友 lunch 嚟試試.

叫了「手握壽司定食」($150), 有 10 件壽司, 跟前菜, 漬物, 蒸蛋, 味噌湯及雪糕:

前菜係蟹肉南瓜茸冷豆腐, 豆腐滑滑的, 幼細南瓜茸十分清甜, 清新怡人.

蒸蛋就 太「實」唔夠滑溜, 味道又淡得很, 配料得鳴門卷及冬菇, 唔喜歡.

壽司飯握得緊緻, 醋味我覺得太勁; 魚類貝殼類全都夠新鮮, 咁多件就最喜歡係甜蝦, 真係好甜 赤身及油甘魚都好食, 魚味濃香; 被見城 (http://www.openrice.com/restaurant/commentdetail.htm?commentid=1895339) 及 Sushi Toku 的海膽 (http://www.openrice.com/restaurant/commentdetail.htm?commentid=1973554) 寵得太壞, 而家去到邊都會覺得海膽甘而不夠甜, 呢度亦然 , 不過質素其實都算不錯的; 其他仲有蔥吞拿茸軍艦, 火炙三文魚, 帶子, 兩款白身魚 (左口魚 / (魚立) 魚?) 及無食到的三文魚, 印象唔深, 但幾款都係好食的. 仲有旁邊的新鮮 wasabi, 又香又刺激, 食晒 d 壽司仍忍唔住不斷空口食.

味噌湯內有紅蘿蔔, 白蘿蔔, 西芹及兩塊魚肉, 味道濃鮮中帶蔬菜的清甜, 正

咖啡雪糕就麻麻哋, 好「奶」, 但完全無咖啡味, 令唔飲咖啡的朋友都接受到, 死未

2 人坐了 4 人「普通」(cf. bar) 檯, 又喺正 sushi bar 隔嚟, 座位闊落又可以睇到師傅整嘢食 雖然經理比較黑面態度又較寸, 但其他 waitress 好有禮貌又友善, 服務都不錯.

連加一每人 $165, 絕對唔比銅鑼灣的差, 值得試試.

自問不是甚麼熱血青年或有滿腔政治理想的人，但是二十年前的這一天，依然沒法忘卻發生過的事。可能你會覺得我這晚的參與，祇是湊熱鬧，無錯，我並不是每年的這一天都會來參與晚會。儘管如此，今年我慶幸有時間能夠參與晚會。6月4日（星期四）晚，不知道是否“煲呔曾”的「推波助瀾」，令這晚的參與的人數多達十多萬。約五時許，我已經來到中央圖書館溫習，七時許走去維園，幾個足球場已坐了大半，幸好找到了早來的南瓜兄等人，不然可能連球場也進不了。
約九時半，女友收工來到維園找我，因為人實在多到寸步難行和深怕晚會結束後的人潮，所以惟有先行離開和女友吃晚飯。其實這時都有不少人離開，女友亦怕找不到吃飯的地方，我就說一條「清風街」已有很多食肆。我們行到清風街，女友決定來這裡。進入店內，這時人客不多，祇有兩、三檯客，女侍應依例給我們奉上餐牌、熱茶和熱毛巾。其實一直都有留意這店，知道壽司不錯，而女友又想吃點熱食，所以就點了一客壽司拼盤（竹定食）和一客鰻魚青瓜卷，當然還少不了一壺熱sake。
據女侍應解說，前菜是褔袋，餡料是煮熟了的吞拿魚腩，很美味，想不到連前菜也如此出色！
壽司拼盤（竹定食）：因為我對各款魚刺身的認識不多，祇知道有三文魚、深海池魚、帆立貝和甜蝦，好好像還有鯖魚。各款魚生都很鮮味清甜，最重要的是師傅的手握壽司功夫果真正宗，用筷子夾起壽司時飯糰沒有散，就連把壽司倒轉魚生也沒有掉下來。正如食家紅叮所言，飯團握得既結實卻又口感鬆軟，而且沒有鬆散，果真不負「空心壽司」之名！定食還附有麵豉湯、沙律和湯烏冬，沙律合符標準，蔬菜新鮮爽口；麵豉湯也很正宗，不是即開的，味道清甜且材料豐富；湯烏冬也很美味，烏冬入口幼滑彈牙，軟硬度適中，木魚湯底很清甜，絕無任何化學成份；
鰻魚青瓜卷：每次吃壽司或日本料理，鰻魚類食物已成為女友必吃之選，今次吃的是鰻魚配以青瓜的卷物，鰻魚很肥美，配合出色的鰻魚醬汁和清新爽口的青瓜，味道和口感都不錯；
雞肉丸串：這個燒物是後加的，因為我們都覺得還可以吃多一客串燒。雞肉丸相信是雞柳和雞軟骨切碎再混入冬菇粒，雞肉丸口感鬆軟，燒得火喉剛好，還吃到有肉汁，我和女友一人一串，吃罷很滿足！
吃完之際，陳真兄打來相邀吃晚飯。其實之前已說好晚會後一起吃晚飯，但因為時間已很夜，所以和女友不等他們就吃晚飯了，惟有放陳真兄一次“飛機”。陳真兄和各位食友，對不起

要過海辦事，順便俾個理由食餐好...
比預訂時間早到，餐廳人唔多。可能因為咁，招呼特別好？

點咗魚生飯同壽司定食，再加咗三款魚生：油甘魚、帶子、池魚。

魚生先上場：油甘魚肥美，但味道偏淡。帶子好新鮮，並帶甜味，池魚以魚碎混合蔥、(薑？)形式登場，魚鮮味被搶走晒，出唔到。

定食包沙律，不過啲汁比較酸同帶點苦，唔係咁欣賞。

麵豉湯，好足料好夠味，不過飲完會口渴喎。

主角先後登場，先講壽司，size比較細件頭，但魚生幾大片。飯仍然係微暖，上枱前已經加咗少少wasabi同少少醬油，新鮮美味！

魚生飯算大份，魚生好多、飯亦夠味。其中海膽，太太同我都覺得係日本本土以外最好食(註：本人倆其實很少食海膽...)。

定食仲包烏冬，可熱食或凍食，我哋選擇咗凍食。烏冬煙韌，不過煮得唔係咁透，烏冬本身冇乜味，但個汁就比較咸。

本來唔包甜品，不過最後(老闆娘？)送咗雪糕俾我哋。所以有咖啡味同紅豆味雪糕食！估唔到超好味...

晚餐價錢唔算平，算係對自己好啲！

This is the first time as June and Ketsu and 'Machi 1' are our Jap food choices as well.

Finally go there for lunch - I had their daily special while my dear picked sashimi rice.

First we had a salt escargot as appetizer. The escargot is not small and quite juicy. While it is covered with salt, the seafood flavor is strong indeed.

Then here comes my daily special with deep fried oyster, grilled beef steak, soba and sashimi rice. Every little bowl is satisfactory. The deep-fried oyster is still warm and remains its crunchy topping. And the oyster is juicy. For the grilled beef steak is a 50% above raw, the meat is thus chewy. For the soba, it is a nice one that the texture is elastic and the sauce is well-made. As for the little bowl of sashimi rice, it is good and the rice is just warm that is neither too hot to served but the right warmth. The portion of sashimi and rice is nearly 1:1 to my perspective. However, I prefer them to serve the sauce separately for the deep fried oyster and soba. Overall is quite nice with a reasonable price. And every little bowl can be finished, nice!

As for my dear's assorted sashimi, the sashimi are large chunks I can see. And the rice portion is as well 1:1. The flavor of the fish is satifactory, and the rice is of the same comment. Really very reasonable.

In addition, we have tofu and coffee ice-cream. It's ok, my coffee ice-cream get macadamia nuts

Now it turns out to be difficult to pick which Jap restaurants in Tin Hau ...

紀念日想攪攪新意思，多番路經此店，卻從未光顧，見食評頗多讚譽，決定一試！兩人點了一客壽司松，金槍魚蓉，清酒煮蜆，燒魚頭。壽司十件，吞拿魚肥，帶子綿，海膽鮮，甘蝦甜，件件新鮮，不能一一形容。金槍魚蓉，配以紫菜包裹，口感特別，內香外脆，層次鮮明。燒魚頭，灑上點點海鹽，更凸顯出其鮮味。反而清酒煮蜆相對失色，份量少，煮過火以致肉質偏韌，湯底尚算不俗。整體感覺非常好，壽司尤其出色，吃得出師傅的手藝，空心飯令壽司更具口感而不鬆散，值得一讚！

四月四日

有時候注意某些日本餐廳,但其實有意外驚喜總在自己身邊,因食友說這裏的壽司也不錯.更是香港師傅坐鎮,因即興的心態,剛享受完午餐又要再來一次.幸好位置也容易找到,也不負有心之人來尋,開門內裏也不算細小.因壽司而來,當然選擇壽司吧,可以看手勢之剩更可以和師傅交流.

餐牌印出數十元至百多元的午市.向侍應說壽司定食,後補一句三文魚不要,侍應當然是奉上熱茶以及毛巾,這是基本的服務,壽司吧站著大師傅以及他的徒弟.除了徒弟負責的海膽,其他壽司都由師傅親手握,

師傅和壽司打扮化妝的途中,蒸蛋,漬物以及味噌湯的援軍也通通趕來,蒸蛋作先鋒,所含的材料略為簡單,一片冬菇和嗚門卷.蒸蛋還未至滑溜的程度,蛋味略少,但到達標準.味噌湯則以蘿白絲做主將,飲下去較濃味.雖沒有三文魚肉等作伴,但也收貨之列.

壽司以十件為主,因看不清敵人有什麼陣容,倒是請小師傅請教一番,吞拿魚,二件不同位置的油甘魚,池魚和深海池魚各一,海膽,甜蝦,左口魚,帶子以及鯖魚.用的材料來得吸引.以為會來得平凡一點的,但其實不為人知的一面,組合來得不比剔紙仔更有驚喜.先以子薑作開始,清新口腔,逐個擊破.吞拿魚以伊藤最好,這裏也是不錯.聽說這裏的醬油是自家製,用來配上吞拿魚,總覺得有點甜味,但難以說出來.油甘魚帶光澤,咬下去帶點油脂,來得不錯.深海池魚帶點根,但算美味,左口,帶子以及甜蝦總是來得平凡,帶子不是愈大愈美味,這件雖不是令人懷忘,但和其他店鋪也是平起平坐.甜蝦和飯貼得緊,鯖魚是味道突出,單看刀功以及肉質也感來頭不少,味道較濃烈,海膽這裏份量也較多,差點滿到落下去,有點溶化,但不影響質素,帶甜但這次也不能一啖,二啖才完成.途中小師傅不忙地添加子薑.每一件師傅早已放下山葵,這是正確的,飯握得結實之剩還帶點柔軟,找不到鬆散的跡象,來得出色.變得魚和飯就是一對熱戀情侶.

不忘地和小師傅談了一會兒,得知這裏開業二年左右,最後用豆腐雪糕作結尾,這裏的晚市價格不低於其他日本人主理的壽司店,服務質素還有進步空間,論午市壽司來說,這裏以午市壽司來說高過壽司廣以及孝勢的,不知熟食如何,差不多落場時就結帳離開.一百五十元又不算貴了.

三月二十九日﹙日﹚

每逢乘車經過英皇道清風街口，總被這裏充滿日式風味的外裝所吸引著，看似正宗的日本料理店子，是甚麼名店嗎？終於找個星期天走到它的門口，看店名似乎是一間以壽司作主打的店子，正合我心意，就入內一試。

拉開趟門，格局以淺啡色的木料作主調，木製的SUSHI BAR枱，木製的坐椅，無論一枱一物也充滿日式風味，入到一間像樣的日式店子，自己總有種回到老家的感覺，可能自己不知不覺間已習慣了這類日式格調了。坐在SUSHI BAR的一角，看見師傅倆也是香港人，一時三刻尚未有信心點壽司，放棄了壽司定食，先點個日替定食再看看環境加點壽司也未遲。

影多兩張相，飲了兩啖茶，整份定食便送到，比預期中快，會否弄得很馬虎又或所有食物都是預先準備好送上來？最後還是自己多心了。便當分了四格，有魚生飯﹑「そば(SOBA)」﹑蕃茄牛脷煮﹑香辣三文魚頸。先吃海膽TORO蓉飯，細細一碗，海膽新鮮程度絕對不比壽司廣﹑今村等大店來得差，而且份量也多，$88的便當之中一小格也有這樣質素的海膽，相信也值回票價了吧。可惜配搭的TORO蓉水準只是平平，TORO本身甘香味不夠，弄出蓉來後更加沒有香味，吃起來一點TORO的甘香感覺也沒有，這個TORO蓉海膽飯，好壞參半，算是合格。

蕃茄牛脷煮做得出色，有蘿蔔﹑薯仔﹑牛脷以蕃茄汁一起煮。牛脷肉味濃，煮得腍而且入味，蕃茄和牛始終是絕配，牛脷吸收了蕃茄汁的味道，兩者味道融為一體，更是一絕﹗薯仔蘿蔔亦吸收了牛脷的香味，煮得腍，但又未致入口即溶爛的程度，口感很好。三文魚頸足足有四件，把三文魚炸過後，伴上辣汁，味道不錯，不過三文魚肉質略欠嫩滑，始終也不喜歡吃炸得/ 燒得太香但肉質「鞋」的魚肉。辣汁的味道還可以，可以更好的一道菜。最後還有一碗SOBA，可能是自己太遲吃，吃的時候湯也已經乾了一半，麵吃起來太腍沒咬口，感覺一般。

邊吃的途中，看過師傅為其他客人製作的壽司定食，見壽司樣子對版，食材新鮮程度也不錯，決定多點兩件壽司一試。先來一件鯖，師傅說鯖魚今天才到貨﹐十分新鮮，在大師傅三兩手勢下，這件壽司便成形了。這裏最大的賣點是「空心壽司」，飯外表握得緊緻，使壽司拿起時飯不易散開；但內裏是「空心」的，使飯吃起來更富柔軟口感。單看這件鯖魚壽司，的確握得不錯，壽司的形狀對版，拿起手來，特意把壽司反轉來看看，飯果然一點也未有散開，讓人順利把壽司放入口中。鯖魚是難保鮮的魚類，這裏吃到的新鮮程度的確驚喜，完全沒有腥味而且鯖魚特有的香味突出，論材料非常好。飯雖然拿起手是堅固，但放入口輕輕兩口便完全散開，在吃過的壽司中這算是最滿意最好其中之一，還要是出自一名香港師傅手中，實在讓人驚喜，而且手藝可比部份日本師傅還有心思有水準，果然名符其實的「空心壽司」，握出好壽司果不是日本人的專利。

雖然已經飽了大半，但剛吃過精彩的鯖壽司，也想再試一件。隨意加點一件「はまち(HAMACHI)」。不消一分鐘，壽司便製成了，單看樣子這件同樣對版，飯同樣握得精緻。「はまち」新鮮程度亦可以，油甘味足，兩者無論味道和壽司握法，均相當高水準。但相比起前者鯖魚，總沒有那麼精彩和驚喜，可能是一件新鮮的鯖魚來得比「はまち」更難吧。

整體而然，料理只能說不錯，仍有進步做得更好的空間；壽司食材新鮮之餘，手技有水準，而且絕不比其他日本人主理的壽司店遜色，喜歡吃壽司的，絕對值得到訪一試。埋單$185，下次來就吃壽司定食吧。