已經好耐冇來mk喇...男朋友要買褲,所以先落來~
個陣未食野架,大家傾左好耐都唔知食乜~
突然諗起肥姐,太耐冇食...所以大家專登行去個邊買幾串食!
我都係淨係食魷魚~初初我唔敢食芥辣架,但今次試下啦....
一食,d眼水即刻標出來...攻到上眼呀辣到!!!!!不過真係好正~好好味~

男朋友就食潤同生腸,潤我冇試呀,唔敢...生腸我食左佢兩舊~
第一次食...估唔到口感係咁既...爽爽地,幾得意呀!!!總之,

加埋芥辣醬就very good

見此店很多人排隊，亦知很出名，今天早點出來，與同事試食了；

墨魚、生腸及雞腎，全都很入味，又很爽，真的十分好吃，而且因多人買，一定會新鮮，值得再食！

雖然話開係旺區多人幫襯好正常，不過呢度賣小食都成日排出條人龍相信總有佢過人之處。差唔多下午兩點鐘先開始賣，不過已經有三四個人等緊，開頭以為好貴，但一問之下原來好多種都係五蚊一串，雖然唔係好大串但我覺得已經相當抵，既然係咁我就叫左三串，一串生腸一串豬心一串豬潤，唔知係咪剛剛拎出黎，有陣唔知係咪雪味既味道，係扣左少少分，不過整體味道都好好食，特別係豬潤，可算係我食過最好食既一檔，而且呢度幾位店員都好有禮貌，一日要招乎咁多人都做倒咁真係唔容易，難怪咁多人幫襯

要排5分鐘隊, 己比想像中好了~

見到肥姐, 雖好多客又勁忙
她仍好友善, 也有笑容, 真的敬業樂業呢.

叫了鴨腎, 八爪魚, 豬腸.

真的好食, d 腎唔太韌 但仍好咬, 八爪魚入味
腸好爽, 十蚊串都要食!

會再幫襯的~

唔係講笑,真係值笑臉!!

今日行程在旺角,試左阿土,試埋飲食男女介紹的cup cakery..

見open rice咁多人讚呢檔,梗係要試試..

要排隊架喎,所有小食$5元串,大腸大墨魚$10串,

生腸$5-大墨魚$10-大腸$10-鴨腎$5--

各項小食,一咬,啖啖麻油香味,冰冰涼涼的口感,爽腸彈牙,

甜醬和芥辣充斥著口腔....好味...

值得再試,返到屋企仲回味緊..

同蝦子餅失望在油麻地某一粥店，再戰旺角
首先當然來幫趁肥姐啦...嘩﹗依然好好好味
我們吃了生腸、腎、豬心同豬頭肉，通通都好入味，再加埋d甜醬同芥辣，真係食到鼻哥窿"杆下杆下"
我下次必定要豪一豪，食八爪魚同大生腸，真係好鬼死吸引架

早幾日，小貓既男友提議掃街，咁開心，為食既小貓點會唔應承丫

小貓同男友話o係openrice見到好多人都介紹呢度既生腸，之前都唔知個位置架。
搵到之後，但因為小貓唔太鐘意內臟，因為覺得好難食同埋有陣味，所以都唔敢買黎食~~

咁貓男友就提議不如一串細既生腸再加個細墨魚比我試下

好彩果日人唔太多，所以好快就買到
買完之後見到兩串野一樣既色，一樣既醬既，咁食落咪無咩分別？@_@
食左個墨魚先，無d人講到咁好味，有少少似食緊膠，比較難咬d
之後到生腸喇，嘩嘩嘩，無介紹錯呀~好好味囉，估唔到生腸係咁好味既囉，
而且佢個醬又好味WOR，所以我地決定都會再黎食佢呢度既生腸

題外話，貓男友見到我食完仲好似唔夠喉既樣
就提議不如再買多D比我食，但因為仲要留肚繼續掃街，所以惟有下次再食。

噚日小妹行開旺角，同BF 睇戲之前揾D 野咬，BF 話想食肥姐，因為佢之前食過几次，但係我就一次都未食過，我地買左兩串墨魚，然後見員工掃D 醬汁係個面到，BF 話呢D 係佢地特製醬汁，好出名架。當我食過第一啖之後，覺得几好食，但我BF 就話比之前好似差左，唔係好夠凍，感覺冇咁新鮮。而我就覺得同周圍小食檔賣的墨魚冇咩分別，差別不大，佢D 汁係好味少少，其余就覺冇咩特別，下次試下其它先。
岩岩買左新相機，下次再寫時一定影埋D 相,

每次經過這一帶,都會看見一條人龍在肥姐小食店前,我今日又係人龍之中.....

次次都係叫墨魚同生腸, 無它, 實在好彈牙.又夠爽口,加上D豉油、甜醬同芥辣真係perfect

雖然好食,不過D態度真係唔係麻麻....

在上樓吃得不太滿意，但胃部空間卻所剩無幾，人在旺角，一於吃一點小吃了事吧！第一時間想起肥姐。

走到了檔口，也全是賣凍食的小吃串串的，即以鹵水灼熟食物後，再冷藏至比室溫低一點後，再售賣給大家吃，而我和女友，也簡簡單單的點了鴨腎、生腸及墨魚。

上述的食物全都是凍的，吃起來有涼浸浸的感覺，夏天吃真的是很爽快的，加上那點只有很輕的鹵水味，吃得出鴨腎、生腸及墨魚都非常新鮮，清甜而咬感也是爽口非常的，鴨腎及生腸做得完全沒有異味，而墨魚更有咬勁，而最值得表揚的，是那妙筆生花的芥辣及甜醬，着店員下了一點，但芥辣的味道已經是很強的了，說真的，已經很久沒有吃過真的可以說是攻鼻的港式芥辣了，配上甜醬一起來吃，完全是刷出了火花，這個小吃真的很棒！

吃過了三串東西後，我和 女友正式宣佈今次溝貨成功。

記得之前去過食, "鹵味"的味道真係幾得的

不過尋日再去食左一串生腸同一串墨魚之後, 有點失望... 味道係有得比較的, 當你退步了, 味蕾係食得出的, 我覺得我這兩串墨魚同生腸, 爽口依舊, 但細心品嘗其間, 發覺好像沒有了食物的原味, 好似墨魚, 我之前鍾意食, 因為就算唔查甜醬, 都可以感覺到墨魚的鮮味, 不過而家就好似食緊一件查左甜, 辣醬的橡膠

唔係專登同大家唱反調, 而係今次真係覺得無咁好食

由肥嬸嬸的小販檔起,就不時幫襯, 當年她雖已擁龐大的身驅, 但當一口咬下那清涼多汁,甘香爽脆的大墨魚鬚時,味蕾就當上催眠師, 眼中的肥嬸嬸曾經好婀娜多姿, 好似墨魚鬚咁左擺右擺, 仲會伸出長滿吸盤的溫柔觸鬚, 叫你無法抗拒定時回去品嚐那豐腴的滋味. 曾經.......
變了, 近幾次來都發現那留齒的香味不再, 雖然味道仍好, 亦仲未搵到另一家可比美,但就是缺了變了, 是承傳的問題嗎, 還是材料不對, 婀娜的肥嬸嬸, 妳去o左邊?! 好掛住妳!

今日去了旺角肥姐小食店...
叫左生腸同豬脷.
$5/串好抵食牙.下次試埋其他先
又夠凍又夠爽.

自己不嬲對內臟,,,,, ge 野食都唔係咁鍾意~

但琴日經過朋友心思思就話買嚟食~

之後買左串雞賢 la~ 嘩~ 一試>>> 掂呀! 真係好爽, 好好味!! 又唔會有d 內臟 ge臭味~ gd ar

最愛食墨魚!!!

食過咁多間都係最好食係肥姐,墨魚好入味,質感適中,其他鋪果d通常都會太"un"..好難食...但食過咁多次肥姐都唔會....贊!!!

雖然有時好多人排隊,但都係值得嘅!!!

肥姐, 加油!!