港鐵太子站 B2 出口, 港鐵旺角站 B3 出口, 港鐵旺角東站 D 出口
繼續閱讀
開飯介紹
花月庭薈萃歐陸及亞洲特色美食，開放式廚房的設計，為客人提供一個寬敞整潔的用膳環境，是您輕鬆享受國際美食的最佳之選。
繼續閱讀
獎項殊榮
最優秀開飯自助餐 (2015)
特色
適合大夥人
慶祝紀念日
營業時間
星期一至日
06:00 - 22:00
以上資料只供參考, 請與餐廳確認詳情
招牌菜
食家推介
相關文章
得知準備要結業 一早book定嚟食..呢度自助餐性價比真係好高 平得來超級多嘢食 我哋瘋狂食咗好多生蠔、龍蝦、蟹腳 全部刺身都好新鮮 西冷同埋羊架都好好食 甜品種類亦都好多🥹I will miss you!
繼續閱讀
這餐應該是第六次食花月庭，水準保持得不錯。首先驚喜的是四位用餐可以送一樽佛跳牆，入邊有雞髀花膠海參鮑魚，個湯飲落去相當濃味👍🏻第二個驚喜位是想不到生蠔相當飽滿鮮甜，冇人排隊的時候可以每人拎四隻，當晚我都拎咗三轉🤭芝士龍蝦應該比疫情前細隻咗，我覺得味道一般，可能係廚師喺芝士面隨便噴兩下火槍，連芝士都未變色，底下龍蝦肉還是冷冰冰的，反而老公話好味，拎咗兩三隻🤔甜品選擇唔係好多，但味道都唔錯。刺身只吃了三文魚，起初看顏色不是很色澤飽滿，吃起來卻相當彈牙鮮甜👍🏻遺憾是沒有帶子刺身，不過這個價錢有生蠔龍蝦食還能要求什麼呢😆整晚侍應服務周到，勤收餐碟👍🏻
繼續閱讀
父親生日，帶埋老婆仔女同佢一齊出去慶生，柬左花月庭餐廳食自助餐。價錢相比起其他酒店便宜，值係野食一d都唔失禮，生蠔大隻新鮮兼好味，仲有火燒芝士龍蝦，非常多肉，而且味道都好出色，4個人送一鐘佛跳牆，好足料，味道都恰到好處。食左佢地個印度咖哩薄餅，咖啡味唔錯，但個薄餅唔係太脆，可能放得太奈，甜品方便，佢地個限定疏乎厘都非常好食，可惜佢係限定，派完就無，再食佢地個燉奶，我食左5個，味道可想而知。綜合嚟講非常出色，下次會再食
繼續閱讀
今日我地去位於旺角東鐵站傍, 酒店接通新世紀廣場,嘅旺角帝京酒店花月庭食自助午餐,原價收費每位$388再加一, 我地係KLOOK買$630/2位已包加一, 由12:00食到4:00, 足足有4個鐘頭時間慢慢食.介紹下有乜食先.冷盤: 青口都幾鮮, 有啲肉唔細隻, 唔錯凍蝦都好新鮮, 肉質爽甜, 係細隻左啲蜆仔冇沙但比較瘦, 鮮味一般墨魚仔幾爽口, 係淡味左啲, 都OK沙律菜有四款, 可以隨自己喜好去選擇,仲有紅腰豆、粟米配四款沙律醬食跟著到即開美國生蠔, 生蠔都好新鮮, 海水味唔重, 都鮮甜, 係有小小蠔殼碎壽司卷物有三款, 同三款日式小食, 刺身有三文魚、立魚、鯖魚同魷魚,個海蜇小食咸左啲, 兩份卷物都一般, 飯比較乾,三文魚唔錯, 新鮮厚切冇根, 但件魚生唔凍,好似放係室溫咁,油脂都多, 食得多會膩, 食幾片就夠.南瓜沙律,野菌沙律,長通粉沙律,蓮藕沙律,紅菜頭沙律,口水雞三款唔同嘅芝士,另外有溫泉蛋,豆腐小食,鴨胸OK! 咸菜豬肚湯, 港式羅宋湯, 豬腳薑, 有冷烏冬同冷麵個羅宋湯真係幾港式, 同餐廳嗰啲差唔多,多菜唔見肉, 豬腳薑, 豬腳好淋, 薑比較老多渣, 蛋唔入味印度薄餅同薄脆,印度天多利雞扒一般, 雞好鞋,印度咖哩雜菜,港式咖哩雞唔太辣,雞嫩滑廚師即場切嘅係烤美國牛肉,之後再出左燒金門火腿,第三轉有燒豬肋骨同再出烤牛肉烤牛肉太熟, 肉質比較乾同鞋鹵味有幾款, 紅腸、雞蛋、付皮、五花腩都可以,鹵水鵝好入味但鞋左啲, 大腸好食好邪惡炒椰菜花, 紅酒燴牛肋條,鸚鵡魚柳伴乾蔥忌廉汁,車厘子烤鴨胸焗薯仔,蒜蓉炒菜,中式炒麵,豆豉蒸魚瑤柱竹笙扒節瓜,排骨,炒飯,炒意粉蒸糯米雞, 食一隻都飽晒啦,雞肉同牛肉燒賣,蟹肉茶碗蒸,韓式炸雞同泰式豬頸肉粉麵區有師傅即場煮麵, 生果有菠蘿、西瓜同蜜瓜甜品有迷你葡撻,麵包布甸,老婆餅, 有部窩夫機, 師傅即場做,仲有個朱古力池可以用生果或麵包點中式甜品有豆腐花, 自己加紅糖及糖水,仲有仙草(即係涼粉)可以配6種配料食,楊枝甘露,甜味啱啱好, 芒果肉細細粒都夠甜, 西柚肉就小咗啲到凍櫃嘅甜品, 有芒果布甸、奶凍、咖啡布甸、小蛋糕,水信玄餅、香橙燉蛋、杏仁布甸同抺茶布甸另外甜品實在太多… 有好多款式小蛋糕, 大家可以睇睇.總結食物質數唔差, 三百零蚊有生蠔有唔小熟食同甜品, 都值得一試, 可能暑假午餐都座左九成位置
繼續閱讀
好耐無去花月庭食自助餐了﹗原來餐廳換了個新形象，感覺舒適明亮。除了裝潢上的改變，連食物種類質素也全面升級了啊﹗ 多款冰鎮海鮮，除了鱈場蟹腳外，這次特別加入在自助餐上少有的潮式凍蟹、凍瀨尿蝦、凍東風螺，另外還有熟海蝦、藍青口及蜆等，海鮮控不要錯過啦﹗ 即開美國生蠔，肥美又creamy。燒生蠔也鮮味十足，香蒜薑蔥燒生蠔，蠔身鋪滿炸香的黃金蒜蓉及蔥粒後，以高溫燒熟，蠔肉吸收了蒜香，特別惹味；另有煙肉芝士焗蠔及青醬芝士焗蠔，芝味十足。當然，也有極吸引的火炙黑松露忌廉汁波士頓龍蝦，新鮮龍蝦肉爽口彈牙，鮮甜美味，鋪滿特調的黑松露忌廉汁，香氣撲鼻。 於推廣期內每滿 4位收費客人惠顧自助晚餐，即送迷你佛跳牆乙客，用料十足，一次過有齊智利鮑魚、中東海參、優質花膠、厚身花菇及瑤柱，用金華火腿熬製5-6小時，燜煮得鮮味軟滑，超級滋味養顏﹗烤肉區有燒紐西蘭大骨扒、 酥皮菠菜焗挪威三文魚、燒羊架及香腸。 和風美食方面，把香田日式料理餐廳的和式料理都帶進來了，火炙紐西蘭深水小龍蝦壽司、柚子胡椒松葉蟹肉脆餅、鮟鱇魚乾醬泡芙、日式醬油溏心蛋、香蔥吞拿魚軍艦、冷烏冬、蕎麥麵等等......廚師更會即席烹煮湯拉麵，亦有多款關東煮。天婦羅、爐端燒、鰻魚酥物、唐揚炸雞伴五色他他醬、櫻花蝦蒸蛋，當然也有多款新鮮刺身啦﹗舌尖遊走了日本一趟﹗多款有特式的預伴沙律、中日小食、芝士專區及凍肉拼盤。 竟然仲有潮式滷味區，包括滷水鴨、滷水鴨珍、滷水梅花肉、滷水肥腸、滷水百頁豆腐等，軟腍入味，滷香氣味撲鼻，看到已經忍不住口了﹗港式美食則有蒜香紙包骨、黃金乾煎蝦碌、蒜蓉蒸龍躉 、避風塘炒蟹、鬼馬油炸鬼、懷舊錦滷雲吞、懷舊炸油糍、足料碗仔翅、沙田雞粥等。 除了中西湯、糖水，也有自助飲品區，無限量供應冷熱飲品啊﹗每晚兩輪敲鐘時間，星期一至四是巨型焗芝士梳乎厘，週五至日則有火焰雪山。雲狀的梳乎厘，入口軟滑，空氣感十足，加上特別調製的芝士汁一同進食，充滿奶香芝味！甜品區有Royal Delight+鬼馬蛋糕系列之一的「燒鵝髀飯」，其實是熱情果牛奶朱古力香蕉慕絲蛋糕，又幾好味喎！旁邊有龍鬚糖、糯米糍、各式軟糖及朱古力。另一邊有各款蛋糕、港式拿破崙、聖多諾克泡芙等等。蓮蓉西米焗布甸、港式酥皮蛋撻、凍鴛鴦布甸、焗牛油麵包布甸、意式櫻桃泡芙、朱古力火鍋、雞蛋仔等。另更加推健康甜品系列，意大利純素芝士蛋糕、純素櫻花水信玄餅、無添加糖有機豆乳忌廉蛋糕和草莓杏仁布甸、無麩質抹茶燕麥糠布甸及香橙燉蛋等。Haagen Dazs雪糕、豆腐花、涼粉、無糖朱古力軟雪糕等美食，吃到非常飽，超級滿足。
繼續閱讀