都唔係第一次食,今次有相機影下就寫下啦~
點解我會擔心個碟???因為圖1

當圖1出現我眼前既時候,我覺得好奇怪,碟上只放2件壽司,點解2件會放在較邊邊
既位置,而且其他位置又有咁多水印呢???仲要有好多一達達呀
圖2圖3都有,件壽司"姐"住水印無咁明顯~,
黑色碟會令"水印"更明顯,唔代表其他碟會無"水印"囉!!!

可能係我諗得太多???
可能係我見識少???
可能係我孤陋寡聞???

會唔會用完個碟就馬上"環保"地"重用再重用"呢???
我既疑問到此為止!!!
______________________________________________________________

今次覺得好最好食係鵝肝壽司,雖時都比較耐,食到尾聲先至上檯,鵝肝煎到好香脆,
鵝肝都算厚身,我和老公都異口同聲咁讚好食呀!!!

甜珍寶帆立貝真係好肥美,非常巨大,加少少檸汁更鮮甜~

不過炸蠔就無以前咁香脆,只係炸,都唔係吉列feel,以前係菜單係寫"吉列",現在係"炸".
點失色.

最後有其他選擇之下............我不一定再來~

前日左女友去左呢間店食晏,等左一陣,終於有位啦,
叫左一d壽司,因為我地雖然坐迴轉位,但條迴轉帶上
o既壽司竟然唔多過十碟,算,我寫.
叫左三文魚,油甘魚,吞拿魚,板前蝦,虎蝦壽司......一定
要試下虎蝦,勁有咬口,雖不至於彈牙,但蝦味勁濃,板前
蝦尚叫新鮮,亦算有蝦味,可以一詆,其他的只可算係一
般,壽司亦握得唔太好,好易散,愈食愈稅得只係一般...

今日同女朋友去板前食飯, 見到有新嘢-明太子雞翼. 於是叫咗一客. 當雞翼來到, 女朋友即刻夾咗一嚿擺入口, 唔夠兩秒即刻吐返出尼, 一驗屍成塊都係生嘅. 叫燒雞翼變咗雞翼剌身.火都尼埋..起身想叫經理尼睇, 女朋友禁住話我唔使咁激動, 係度嘈盞變咗新一代youtube港男. 結果淨係搵咗waiter cancel 咗個order. 宜家仲谷住度氣

別以為每一間板前壽司的質數都是差不多!
曾經光顧了其他分店亦不及家樂坊這分店的質數高...原因是從朋友介紹下到那兒找"人師傅",那兒的行政總廚.
試過"人師傅"自創的菜式如南瓜蝦及鵝肝飯焦,簡式令我一試難忘!!!
他在蝦天婦羅裡面釀入了南瓜,而且炸得一點都不油膩,外脆內軟,清新的口味真是難以形容!!!
另外,鵝肝飯焦...在煎得脆卜卜的飯焦上加上了煎香了的鵝肝! 咬下去脆卜卜的飯焦再加入口即溶的鵝肝,食完後有一重好滿足的感覺!!!
聽朋友說"人師傅"還有其他特式菜如炸蟹仔,炒象拔,煎釀切碎和牛,自製南瓜雪糕.等等等等,我們大家已經相約下個月再去"探望"一下"人師傅"了!!!

朋友話想食喎....

除左一x司之外...真係唔願為呢 d 徊轉壽司而排隊,覺得好無聊....

入到去...真係唔知叫乜好,無乜野有特別特色...咁事旦,貴又叫 d ,平又叫 d 啦....

係好新鮮既....但好多地方平佢 20% 都新鮮啦...塊帶子($35)好厚...三文魚子($20)幾"真"...但價位唔低喎...只可以話"一分錢一分貨"..咁,值得排長龍?

平d 既壽司,根本同金x朗,元x,無乜分別...仲每碟貴幾蚊...連件壽司飯都唔覺有乜唔同,捏得實少少,無咁易散囉..

三文魚壽司....四件中有一件唔同 pattern 既!!!!!!!
有一份腐皮壽司...直情係兒童餐
件辣汁三文魚手卷....直情係刺身 d 頭頭尾尾

總括黎講....."一分錢一分貨",周圍都有,何必排長龍????

食物 ok.......要排長龍變喊

工友食評

一入到去, 見到人人order一大盤$3/一件三文魚，個個都成十幾二十件，要叫爆個quot為止! 我只左兩客，當中有兩件是穿洞的，如果係supermarket見到一定不會揀，好肉酸，令我想起醫學圖片中的爛肺爛肉 都不知是不是我個人幻想力太豐富了...

食落感覺壽司飯是太熱了，放涼一點會好食d, 應該是太忙, 太多order, 無做齊d step，就趕住出!

蔥粒吞拿軍艦同芥辣墨魚軍艦都不錯，不過份量上可以大方一點!

八爪魚又瘦又勒

秋刀魚 - 全餐最好食，鮮甜! 同配上的蔥同漬物，甘甜，難得一點都不腥

立魚無味鞋身, 仲乾乾地。

希望Ricky San快d改善下啦!

由於之前買左Voucher!

就決定選擇享受下午茶~ 因為唔駛等位啊ma!

叫了

6碟三文魚 <---比較多筋, ok既

一碟醬漬三文魚 <--- 醬汁好味!三文魚燒得剛好!

兩碟火灸墨魚鬚 <---我至愛,夠爽夠彈

一碟蟹棒 <---繼續保持水準

一個蒸蛋 <---多料及新鮮熱辣!

有"流"單情況出現...服務普通啦~

chopstick:尋晚驚多人, 已經六點半到板前。
響門口見到人龍...原本兩個人係唔洗等位嘅...但係唔係坐吧枱位..算喇。
叫左特價三文魚壽司: 只售$3,絕冇比差O野上枱。
三文魚腩壽司: 好肥美、又甜。
特上海鰻壽司: 好長、好長....仲長過元朗嘅壽司。上枱嘅時間仲暖。
珍寶帆立貝: $ 35 真係物超所值, 帆立貝係大過舊飯。
炸蠔: 遜色左啲, 好細隻。不過都唔「UN」
奶油薯餅、炸軟殼蟹: 好多油, 冇特別。
三文魚刺生、甜蝦刺生: 正、新鮮。
蟹肉伴冷豆腐: 普通一舊豆腐。
唯一係要彈彈佢地嘅服務...坐枱就冇人理, 叫幾次先有人幫我地落單...
仲漏左個醬汁三文魚壽司冇O黎!!!

又掛住板前!
雖然食過好多次. 但家樂就係1次食..
之前都去開又一城AND尖沙咀..
呢間等左一陣就有位. 效率幾快!
order左平時叫開GE野,...老公寫紙..我應該係負責食.嘿!

- 要讚佢地既海膽極新鮮. 又吾會話苦..good ^^
三文魚壽司夠厚. 食落去都OK!而且有優惠.都幾抵..
南瓜雪糕真係好正! 好好味,,.!


總括黎講, 呢間水準都唔差! 值得一試

未黎過呢間板前，於是就黎試吓。
十二點幾，唔多人，當然唔洗等位啦！
一坐低，望吓迴轉帶上嘅壽司先，款唔多，轉黎轉去都係嗰幾款，仲要好乾，應該轉咗好耐。
仲有一個大問題，就係師傅們全部都無帶，好唔衛生囉！仲要而家係非常時期喎！
都唔知Ricky san點管理架，連咁basic ge hygiene issue 都做到咁！

我地叫嘅野全部都係落單，無帶上攞過一碟。
兩個人，叫了
一個北海丼(with soup & salad)，四件salmon sushi, 油甘魚刺身同板前蝦sushi。

salmon sushi promotion 中，$3@，平係平，不過就將貨就價啦。
不點都唔肥美，好瘦，又唔鮮甜。真係一分錢一分貨。

板前蝦sushi也不新鮮，好細隻。
唔夠爽口又唔夠黏度。比峰遜色很多。

油甘魚刺身
又係唔夠新鮮，又切得薄，口感頓減。
唔鮮甜，仲要有筋。

北海丼
有蟹子、三文魚、tuna 、帶子同蟹肉，再加底下的一大碗飯。
呢碗野嘅三文魚就新鮮多了，亦較厚身，魚油也較多。
帶子幾大隻，厚切，軟軟淋淋，唯鮮味不足。
蟹肉偏咸。
tuna又係唔新鮮，腥架！有無QC 過架！

是日突然想食壽司, 行行下就黎左呢間, 六點幾門口已經好多人等緊, 我地等左十五分鐘到就有位喇!!

座位之間都係果個問題, 比例窄, D手袋可能會整到隔離枱D食物, 要好小心!!

之後都係例牌叫果D, 三文魚, 魚生夠大塊, 夠肥美...正!!

蝦紫菜卷.....好正, 有鮮味, 但係一口都係紫菜....同有少少油溢味...

龍蝦沙律更係我既最愛, d紫菜仲好脆,

唯一唔係咁好既, 係d飯, 一夾都散, 食到成碟都係.....

印象中好似無黎話板前食, 因為而家一條街都有幾間迴轉壽司, 好多選擇, 今次朋友話黎呢度, 一於試下, 都係等order檯, 係幾逼下, 每次侍應斟水都頂到我, 真係唔好彩, 不過唔緊要喇, 知佢無心既

食物方面, 叫左三文魚刺身, 好肥美喇 其他既有軟穀蟹手卷呀, 帶子壽司, 鰻魚壽司, 赤貝壽司等等...呢度既壽司飯握得夠實, 唔會一夾就鬆, 而且飯又細細粒, d刺身係大過舊飯唔怕只係食飯而飽

可能因為我好夜先同個朋友去la~(我11點幾先去)
無咩人唔洗等

入到去都無咩人...但係要我坐近門口囉
不過d服務生都幾好幾nice(可能因為無咩人la...)
算數la~

快快地食完走人la
因為都夜la~

食左d珍寶帶子 好味好新鮮
之後食左d海膽 依家d海膽大隻左好多 之前果d又醒又細(值得一讚^^)
又食左d三文魚 都係一般ja~ 但$6兩件黎講ok la~^^~
有d叫創作壽司既野~三文魚卷住d芒果~麻麻~d味好似唔多夾
果晚又有d9蚊既三文魚腩係條帶到轉下轉下 不過食落好似轉左好耐
之後問d侍應生
佢地話夜左食物唔會上迴轉帶
最好叫wo~

但係...叫要貴d wo~><~

本來想影埋海膽ga~
未影俾我朋友食晒la><

埋單都係2百幾~唔貴la~~~
好飽a~><~

尋晚去左板前食壽司, 有個怪現象!!

我叫左一碗甜蝦特濃牛乳湯, 送來的時候係出哂煙的, 心想, 呢碗湯一定係熱辣辣的了, 可是飲的時候卻是大約三十度左右的感覺, 都唔知點解... 我沒有講大話的...

怪事之外, 講番味道, 板前的壽司給我的印象, 最近好似差了, 好像這次去食, 魚生都細件了, 而且缺乏了"好新鮮"的感覺, 生意沒有以前咁好, 所以貨未如輪轉的結果?

咁多樣之中, 今次比較滿意係池魚同鵝肝, 味道都像樣一點, 新鮮一點, 特別係池魚, 有鮮甜的感覺, 值得一提係, 今次兩碟都不是在回轉帶上取的!

再差下去的話, 下次不要怪我俾喊了

晚飯時間, 8點幾, 人數有百多人...等了又等, 畢竟已近句鐘.

地方細小, 身材偏大的也放不下,與鄰坐的是零距離.

講返個菜單, 款式算多, 下了

三文魚壽司= 一般貨式
蟹棒壽司= 因內有鰹魚木削, 配合起來有點像"香腸" 的味道
帆立具壽司= 未完全解凍
海鰻壽司= 蜜糖在魚的身上, 很甜,
象拔蚌壽司= 很腥
熟蝦壽司= 一般
親子卷= 很滯的感覺
明太子手卷= 難食

壽司的飯很鬆散, 很易分體, 一夾就散, 壽司師傅們經常在處理手下的食物時開口說話, 在不帶上口罩的情況下影響食物之衛生.

唯一好的是, 服務員在補充熱水方面很有效率. 環境也整潔.