男友生日, 好好慶祝一番
係 Openrice 搜尋過, 此店D 環境及食物都唔錯

訂位時話同男友慶祝生日, 佢地特別安排左比較寧靜位置
我自帶生日蛋糕, 而且更免除切餅費

晚上六時多到, 我地係第一檯客人
食物方面主要分 Set Dinner 及散叫
叫左 full course 豬扒, 鱈魚及涷咖啡

Full course 先上餐飽一份, D 餐飽好熱好脆
後上海鮮餐湯, 湯味較淡
前菜有沙律, 一片火腿及煙肉
主菜前有雪芭清一清味蕾
主菜豬扒好腍, 鱈魚好滑但係幾腥, 好在有個汁補救

侍應好醒目, 食完主菜後捧住蛋糕出黎
更主動幫我地影相
之後幫我地分左一細件蛋糕拼入份甜品

雖然食物一般, 但環境及侍應招呼好好, 希望男友滿意

heard this restaurant for a while, finally picked a date to dine here.

environment
- setting was nice but table was small for 2 ppl
- not very cozy, too dark, audio for background music - not quite good

service - quick & polite

food quality
- portion was small
- taste fair, orange juice...not fresh
- liked dessert most
- expensive with this quality, may be it's expensive mainly for the convenient location
- a lot of options & able to accept request of less oily in spaghetti dishes

only 4 tables were occupied & not noisy.

我地呢個墟又出動嘞,因看過口碑,所以咪嚟呢度試吓..
朋友們又好酒佐餐,環境又給我們機會暢談近況,可算是不錯的選擇.

位置亦近佐敦港鐵站,反而自駕人仕唔方便找地方泊車.

服務殷切,但略嫌服務員對自己本店的Offer不夠熟悉,又沒有給我們A La Cart menu
多個選擇,只有從Set Dinner挑選,所以服務上要多改進.

食物方面,可算冇騖喜,一般情侶餐...
先有麵包,
前菜Platters
海鮮什菜湯 - 好咸!
Sobert - 換味覮,但上棹器具欠精緻

主菜:
Lamb Rack
脆侷Sea Bass - 齒夾留"腥",魚皮的"腥"味直到回家都在

Desert:
擺設精緻 - 味道一般

為慶祝成為CPA, 與友人食慶祝飯,

環境:
不想到一些太拘僅的餐廰, 這間環境不錯,
7.15PM到達人不多, 但食到8點左右已座到8、9成, WEEKDAY黎講算不錯, 又不會太嘈

款式:
除散叫外, overall有2類餐揀,
1類是按main course揀, 有羊扒or 牛柳...etc, Appetizer配parma ham...等
另1類是2人餐, 我倆ORDER左2人餐

食物:
熱烘烘的法包: 餐前先送上多款法包, 本人都食左3款, 均軟度適中
caesar salad: 味道不錯, 本來這菜式沒甚麼特別, 菜要新鮮同爽唔難做到, 但勝在沒有剛洗完殘留既水味,
煙三文魚 : 味道同口感很好, 本人其實不太喜歡煙過既三文魚, 但今次覺得無揀錯
煎鵝肝: 好味, 入口即溶, 伴菜係甜碎蘋果; 不過友人與我都認為佢外面煎得再脆D會更好
鮮味帶子湯: 湯稀了點, 可以濃D, 但帶子很鮮, 一D鯹味都無
熱情果雪芭: 過酸了...
肉眼扒: 我倆都揀了牛扒, 覺得一般, 欠缺肉汁, 而且伴菜同汁都過咸, 所以唔啱既朋友可以揀另一款Main course-龍蝦
甜品: 一碟甜品已有4款, 唔駛諗揀邊款, 不過本人覺得有幾款都過甜
餐飲咖啡: 這家真的一般, 唯獨夠濃

總結:
價錢不貴, 食物已算是不錯, 可以一試, 地點同環境適中, 如果多人可以叫多幾款, 尤其法式燒小乳豬

水準一流！

之前公司係呢間餐廳包場搞周年晚會,試過呢度食物既水準,所以琴晚同朋友行完街就帶佢黎試下。

今次去食既時間有d晏而且又冇訂位，但侍應都安排左一張唔錯既枱比我地，等我地可以靜靜地傾計。因為唔太肚餓，所以只叫左一個Ｃaesar，一個鵝肝同一個客燒小乳豬share。 先黎Caesar，菜好新鮮，汁又唔會過多。跟住就係鵝肝，水準仍然保持！不過我就唔係太鐘意個蘋果醬。因為個乳豬要等大約４０分鐘，我地食哂Ｄ頭盤都仲要等一段時間先有乳豬食，經理特地請左２個雪芭比我地食，佢話可以清下口腔，開下胃先．．真係好細心！等到最後乳豬終於黎喇，侍應一放底已經聞到好香～外皮好脆，Ｄ肉又滑，而且一d都唔油膩！份量係兩小件，下面伴左Ｄ菜，或者因為係招牌菜卦？以呢個份量黎計，價錢就嫌係貴左Ｄ，不過算係物超所值既！！

在網上看到這餐廳, 再登入餐廳的網頁一看, 哇! 環境格調相當不俗, 而且曾有不少大公司/名人/明星在此包埸慶祝或做專訪, 一心要到餐廳試試, 得悉星期日有brunch, 更加是試菜的大好機會, 於是相約友人一起體驗一下這裡的出品。我們按訂位時間中午12時便到了餐廳, 可惜餐廳經理表示由於尚未完全整頓好(奇怪! 若果未預備好便不應接受這個時間的訂位, 人家依時到了卻未能按訂位時間安排客人入座, 餐廳管理層方面實在要好好的檢討一下), 請我們遲些再來。三十分鐘過後, 餐廳終於正式開門。餐廳環境真的是百聞不如一見, 美輪美奐, 比起五星級酒店的ball room來一點也不遜色, 不論是天花的吊燈, 牆壁的壁燈, 甚至是牆身的鏡子, 桌椅或水杯, 都顯然是經過老闆細心挑選配搭的, 置身其中, 有很grand的feeling。我們來食brunch, 可從餐牌上各自點一款main course, 我問經理有什麼推介, 他介紹我試法式燒肉。我們便按經理的推介, 點了一客法式燒肉, 另點了一客牛扒。經理還細心的告訴我們, 可先自行在buffet table上隨意選取食物, 到想吃main course時, 再吩咐他安排上菜(這種service, 真是窩心到不得了)。Buffet table上的食物款式雖然不及一般五星級大酒店般多, 但每款看來也很精緻, 而且一嚐之下, 更發覺廚師們一點也不馬虎, 每款食品都用料新鮮, 味道不俗。當中我最喜愛的是冷盤的大蝦以及蕃茄芝士, 大蝦一入口便知道是新鮮的(不像那些雪到蝦肉"又林又霉"), 蕃茄和芝士再加上香草那種濃香而不油膩的感覺, 實在好食得難以形容。順帶一提這裡的海鮮湯, 用料十足, 有帶子、蝦、蜆肉......等等, 味道香濃(不過不宜多喝, 因為畢竟是西式的海鮮湯, 多喝會感到膩)。到了主菜出場, 法式燒肉不論賣相或味道, 都有點像港式的燒肉, 但外皮則沒港式燒肉的那麼脆, 我個人認為法式與港式各有各好食。至於牛扒, 雖不算是頂級(百零蚊仲想點先!), 但亦可見廚師是用心製作的, 肉不會烹調得過火(over), 而且肉汁仍然保存得好好, 實在是相當不錯!愛甜的我又怎會錯過這裡的甜品呢?我最欣賞的, 便是這裡的cake不會大大件, 一小件一小件的, 不但可以讓客人一次過品嚐所有的款式, 而且更不會造成浪費(有些酒店的甜品做得不怎麼出色, 一大件的叫人食之不願, 棄之浪費)。再加上餐飲, 便替這次brunch劃上完美的句號，總括來說, 這餐廳的brunch做得相當出色, 值得推介朋友嚐試。

上一次去依間餐廳食飯是朋友既生日, 因為環境同食物質數都好好, 所以今次就同朋友再來。

頭盤: 白酒煮青口, 煙三文魚凱撒沙律
湯: 鮮甜帶子湯,
主菜: 野菌天使麵, 鱈魚柳
甜品: 朱古力心太軟蛋糕, 法式焦糖燉蛋

白酒煮青口: 白酒來煮既青口肉味很鮮, feel到青口既肉在口腔內慘出, 好豐富既青口肉汁及少有少少海水味.

煙三文魚凱撒沙律: 新鮮爽口既蔬菜配上煙過既三文魚加上適當既沙律醬, 真係好好味.

鮮甜帶子湯: 不會太稀, 又有帶子肉加上帶子味亦很重, 很少飲到啱自己口味既帶子湯.

野菌天使麵: 野菌既味道剛剛好沒有過鹹或唔夠味 (上次來order過好好味, 所以今次來都一定要order)

鱈魚柳: 沒有煮過火喉, 魚味又香又滑又唔鞋, 再加上牛油汁真係絕配

朱古力心太軟: 蛋糕中間一介開, 香濃既朱古力便流出, 又唔會太甜, 蛋糕上仲灑左糖霜粉 (依個朱古力心太軟下次再來都一定要再叫)

法式焦糖布丁: 面頭既糖膠很脆, 布丁食落去都係唔會太甜, size亦適中, 食完都唔會有大漏既感覺.

p.s. 今次除左分享食後感外, 亦都要讚一下這裡侍應服務態度很好, 由我搭入餐廳一開始到埋單離開, 都見佢地滿面笑容, 亦都好有禮貌.

這間餐廳本來是年初三來的，但因為餐廳休息，所以留待今天再來。

今日一行三人，一入餐廳已有一種高級的感覺，燈光暗暗的，枱櫈都幾靚，坐低後就先睇吓食啲咩啦。 因為2位朋友都唔食牛，而set dinner的5個餐中有2個都係牛，但剩下的3個中有一個只係普通得不能再普通嘅意粉，成二百蚊喎，叫唔落手呀，唯有叫2個set dinner 和一個散嘢啦。

set 嘅係鱈魚和羊架，而另外散叫咗小乳豬。

前菜有
巴馬火腿&綠色嘅蜜瓜 -- 火腿咸咗啲，蜜瓜唔知點解係綠色嘅。
凱撒沙律 -- 菜很新鮮，醬汁都過得去啦。
三文魚醬伴青瓜 -- 三文魚味唔出，青瓜得新鮮。
炸軟殼蟹 -- 好唔掂呀...有油"益"嘅，仲一啖油呀!

餐湯~忌廉海鮮湯 -- 唔係好忌廉，好多渣，但味道只係一般。

中場雪芭(熱情果味) -- 很酸，但都幾好味。

主菜出場喇，食平咁高分，唔多唔少都有啲期望，先來鱈魚，魚嘅size同我個”權”頭仔一樣大啦，3個人分都可以分2啖依o__⊙"，下面係薯粒，不過可能來貨貴所以都唔係好多，味道都ok架，魚夠肥薯仔都炒得幾香，我哋加錢要多個蝦，都幾新鮮同彈牙，有7隻。

跟住上羊架，叫咗7成熟，效果都算係7成，感覺新鮮有羊味，應該唔係急凍貨，不過烹調就遜色一點，個汁無咩味，如果嚿肉唔得就真係多謝晒喇。 同樣加錢要多個鵝肝，味道真係”碼碼哋” T_T" 無跟汁，乾淨淨咁，真係阿so嗰句 – no good。

至於小乳豬呢，好有豬味同嫩口，層皮先係最出色，脆到隔離幾張枱都聽到我食緊豬皮啲聲，女仔人家都未試過咁樣衰，我見到個侍應望咗我幾次，死未? @_@ 嗰汁又係無咩味。

食完主菜就上甜品同餐飲，同前菜差不多，樣樣有啲，都係美心貨色，杯coffee都不過不失啦。

食後感
1/ 食材尚可，烹調就唔多出色，即是廚房唔得，但入貨嘅同事幫到手。
2/ 呢個級數同價錢唔應該要個客自己分湯，可以先問要唔要代辦。
3/ 一間有質素嘅餐廳應該多為客人嘅角度著想，例如先代客人處理難於進食的食物，酒樓出乳豬都會斬開啦，唔通我叫豬手又成隻放低就算咩，咁不如唔好用刀叉啦，用手咪得囉。
4/ 啲杯碟”賓”咗就唔好用啦，仲放上枱做咩呢? 不過最離譜嘅係有幾隻杯都有茶積，都唔知有無洗架? .\ /.

事情還未過去，我哋結帳後就先去洗手間啦，女厠係獨立地有2格，其中1格無人，剩低我同另外1個女仔响外面等，等到朋友出嚟，有人嗰格都未出，咁我咪讓朋友去先啦，等呀等，朋友再出嚟....格都未出? 結果原來裏面嗰個係餐廳嘅員工，仲要係男士，佢以為我哋走晒所以出嚟，點知一出嚟就你眼望我眼，佢咪雞咁腳走，真係要講句 – 攪錯呀!!! 咩餐廳嚟架?

去到餐廳後,真像五星級酒店餐廳,在餐前先送上熱烘烘的法包,老友們食到唔停得口,我們還要encore,價錢唔箅貴,所以我哋散叫,有多款chef side dish可供選擇,我哋叫咗兩客鹅肝及一不碟炒菌,鹅肝ok喎,入口即溶化,绝對超值,不會將貨就價.炒菌味道夠香,可惜煮得較腍身D,磨菇天使麵-濃濃忌廉香草汁,囗感豐富,而磨菇不會有種苦澀味,麺身爽口.鸭肶意大利飯,特大鸭肶,皮脆肉嫩,主角是意大利飯煮得唔錯.飯身軟硬適中,很有質感.芝士及忌廉很重,味道須香.淺品已经好溜.肉眼肉-要了４成,肉質好嫩,入口鬆軟,淡淡肉汁,一點根也没有.正當選用羊架或乳豬之際,待應介绍我們食乳豬,因即叫即燒的關係,要等45分鐘,上時,燒得色澤均匀,負責操刀的我,一落刀已知皮脆肉嫩,可能燒的時候,已经釋出油脂,故沒有多餘脂肪,果然無介紹错.
甜品方面-亦有不少選擇,揀了兩款,拿破崙及朱古力三重奏.1,拿破崙有酸酸的紅桑子,加上甜甜的忌廉相當夾,還有脆脆的外皮.2,朱古力三重奏賣相好特别,有心太軟,Cho Brownie及朱古力雪糕,三款份量太少,我－個人都食得哂,心太軟比較喜歡,夠熱又有朱古力醬,唔會太重牛油味,brownie實在太細,要分5份,真係食唔出好舆壞.有五星级的環境及食物,三星級的價錢,大家對今餐非常滿意.實在不能不比笑面.

係openrice一番努力後,搵到呢間o係尖沙咀的餐廳,因為見佢有鵝肝食,又唔係太貴,又方便就腳.於是就book左呢度,接電話的人都好有禮貌,而且對我的要求亦有記下並且真係做倒(加支爉燭o係個心太軟上面),唔洗去到再提佢地!

當晚我地入到去,有少少黑左d,我地都唔太慣,或者呢d就浪漫的環境吧,裏面有個大吊燈,幾靚!因為幾黑ge關係,之後睇返相先見到椅係紫紫地色,唔錯!環境已值一個笑樣!o係未食野前發生左一個小意外,就係女朋友條裙有少少爆線, 心諗,真係大鑊啦, 好彩係一個咁黑的地方,點睇呀?!

一開始我地叫左樽水,係一個bottle上的,!講返食物先,我地叫左一個意粉餐,係full course黎o既,首先o黎左一籃包,有三款包,一片片的法包,甜甜地的芝麻包(呢個幾好食),最後一款唔知點稱呼佢''' 全部都熱辣辣,食完仲會問我地想唔想要多d,再食包就食唔落d主菜啦,哈哈.首先來的是前菜,好似相中咁,四款的的色色咁,幾精緻,咪道幾好,我幾鐘意個沙律!然後係個餐湯,好似叫鴨肉清湯,咪道幾特別,感覺有o的似中式湯咁.

之後上左兩杯熱情果雪芭,味道唔錯,有一杯送道的,因為我地只係叫左一個餐,抵呀!

再o黎的是呢個set的主菜,煙肉碎旦意粉,嘩!!好好食喎!!!汁十分creamy,意粉好煙un~~比之前覺得已經好好食的dan ryan更勝一籌~~~而同時亦嚟左我地另外叫的煎鵝肝,上的時候感覺麻麻地,因為好似好細粒咁,但係食落口,mm...面頭脆脆地裏面又軟又滑,正呀!!!

而o黎到我個人覺得最好味ge燒乳豬啦!!!平時比較少有呢類食物叫到,所以試一試,外層好脆!裏面d肉好滑,食落有少少似燒肉咁,但係又滑好多,皮好脆,唔似平時中式果d乳豬咁,有少少燒焦的味道,似rib的表層咁香口,但佢又無咁乾身喎.......o~~無得彈呀!!!!!不禁想講句"我愛乳豬呀!!!"

最後來的是甜品,跟餐的係三件的色甜品仔,最好味就係正方形的cheese cake仔,好味!!!另一碟甜品就係朱古力三重奏,分別有朱古力餅,心太軟同朱古力雪糕,件頭細咁,但係都幾靚幾好味.

一餐愉快的晚餐,用埋openrice的100蚊coupon,埋單四百幾,比埋tips

星期六的下午，黎到佐敦，唔想食日本野~
我一諗就諗起呢間餐廳~因為次次經過都想試下~今次真係有機會啦~
上到黎感覺好似酒吧~侍應都著得ok整齊~
叫了2份午餐~包頭盤，主菜，甜品及野飲~

煙三文魚帶子薄切─普通，可能係個人唔太喜歡佢個汁~
鮮蝦XXX(唔記得個名)─蝦夠爽~底個層mix又好口感~夠晒味~
跟餐蒜蓉包─焗得剛剛好~有蒜蓉味~ok!
煙肉蘑菇意大利麵(carbonara)─好creamy啊!!老婆唔鍾意食咁creamy~話一定我食~我一食~真係合晒我口味!正!!!
海鮮闊條麵─青口同帶子都好爽口~汁都ok好味~

前2天,得到我的朋友介紹,去到一間位於尖沙咀柯士甸道102號1樓的法國餐廳,地方須然唔係好大,但設計真係好特别,大廰有一盞大大的水晶燈,有Bar頭,又有一間小小的VIP房,感覺好Grand呀!!,其實當日係我同老婆的5週年纪念,我哋—坐落,有一位经理過來Serve Drink Liist,Food Menu,然後首先他推介餐廳的法國生蠔,即叫即開,我哋話試吓啦!味道真係好新鮮,带小小咸水味,其後他介绍招牌菜,Starter:法式煎鹅肝,入囗有即溶感覺,带加上底部有蘋果甜醬,真係带出鵝肝嘅鲜味,好,Main Dish:他介绍法式燒小乳豬伴醃鮮葡萄及安格斯肉眼扒给我兩人分食,不過他話乳豬要等45分鐘,好,當我頭盤巳经食完時,他們服務好體貼,怕我哋肚餓,他先上肉眼扒给我們享用先,然後再出乳豬給我哋,一客唔多,只得两件,一試,噢,我同老婆二口同聲都話正,囗感外皮鬆脆,內裏多汁,唔乾,底部又有些菜及提子,真係好特别,值得一試,Dressert:
他介绍Chocolate Tiro及悄悄地同他講話今日係我哋結婚5週年,他們突然在dresset碟边寫字送上祝福,當時感覺好感動,這一晚是我同老婆结婚5年中難忘的一年,多谢各位,多谢我的好朋友,我一定會再來.

看了其他食家的介紹之後, we 2 persons mainly tried：goose liver, 龍蝦湯，牛扒，羊扒，set beard,dessert,coffee,
comments:
goose liver seems overcooked, 外表面焦味大；
龍蝦湯一般；
牛扒：肉質不錯，值得一試；
羊扒：味道＝翠華味道，很失望；
set beard:新鮮；
set dessert:一般;
set coffee: is a disaster, even 茶餐聽‘s is better than it,

In short, over-price, with the same price, I can get much better french food in soho or central. 但環境和服務不錯，

個fd最鍾意法國菜,佢上年生日係中環,今年就選咗呢間.
環境非常有情調.
4個人都叫set dinner肉眼扒5成,但比較熟.
頭盤係一個小拼盤.
磨菇湯就淡咗啲.
最唔掂係雪葩,熱情果,我覺得澀澀哋一啲都唔會令人開胃.
另外叫咗大餐牌鵝肝配蘋果醬汁蘋果醬汁配鵝肝能帶出鵝肝香,煎得剛好.
推介4款生蠔,新鮮但不算肥美.
開咗2支唔同嘅紅酒,第一支dry啲意大利$480,第二支$300易入口西班牙.
勁好服務,不過咁埋單要$3640.

好耐無同d Friend聚舊，星期五放工立即約左朋友去，擦番餐勁既。 之前留意到附近有呢間都幾high 既法國菜，就book 左去試下。

去到，待應問我有無訂位，我只係講訂左四位，八點半既。佢就問我係唔係x小姐留位，都幾厲害，不過可能係因為個晚訂臺唔太多啦。
個侍應幫我同兩位朋友拉桌椅 ，然後奉上wine list 同 drink list。就行開左，俾左d時間我地慢慢研究。
之後佢就俾埋餐牌我地，仲推介餸菜 ，幾細心週到。
order左龍蝦沙律, 生牛肉薄片二個頭盤 四個龍蝦湯 大盤羊架, 海鮮意粉及一客青口
還有他們極力推介即叫即開的新鮮Oyster.
我地還order了每人兩隻,good.
龍蝦沙律好鮮甜配冰凍煙三文魚慕絲更好食
生牛肉薄片採用安格斯牛肉配銀魚柳汁好開胃
龍蝦湯好香酒味但一入口龍蝦鮮味不斷浮上好好飲
羊架五成功力十足外脆內淋羊味十足
海鮮意粉彈牙鮮味十足小辣可以接受
細細青口鮮甜多汁再配白酒汁真係一絕想叫多一客但已經賣完可惜
氣氛和服務唔錯，食物就要慢慢揀下，因為唔係樣樣都底食。如果係想話同朋友傾吓計又或者係浪漫一吓，這都是個合適的地方。