好味呀！
今日訂左位，所以唔駛等，不過min charge因為BOOK位要變做60蚊1位（本來係30蚊位）。
同媽媽去叫做2個鎹加白飯～

1. 紅燒豆腐--》好好味！因為無出面個D甘咸呀！同埋D豆腐好新鮮！勁香～
1. 咕嚕肉--》 好味！我鍾意佢無出面甘甜呀！

2個人食左144蚊（無加1同埋無茶介）

會再去！

p.s 如果間鋪大D就好啦～同埋入面D人好有禮貌～雖然要搭檯，但係唔緊要啦

呢幾日香港怨氣沖天，雖然已經儘量唔去睇新聞，但亦難免被週遭嘅哀傷氣氛影響
作為一個平常百姓，雖然無乜可以做到，但亦想向死難者聊表心意，所以自己定咗噚日為齋戒日！

食咗兩餐齋，到晚餐決定要食好ｄ！突然好懷念紫來坊ｄ＂齋口唔齋心＂嘅牛肉同銀鱈魚，於是捉埋王經理殺落去！

ｃ～一送上嚟已經香氣撲鼻，食落黑椒味濃，腐竹入味，素牛仔粒雖然無素牛肉咁似真，但依然非常好味

糖醋松子銀鱈魚～久違了嘅味道，但依然保持水準，正

涼瓜菜脯煎蛋飯～呢個絕對係驚喜之作！涼瓜微甘，一ｄ都唔苦；煎蛋看似普通，但火喉拿捏得剛剛好，最重要係有蛋香，依家諗番起已經想再食

例湯（清補涼冬瓜煲五色豆）～估唔到無肉嘅湯都可以咁甜咁好味

做得出色嘅食肆好多，但要維持水準就唔係間間做到！呢間雖然店仔細細，地理位置絕非一等一，但勝在有heart！做菜有心思，次次去都會有新菜式，而且味道絕對保持高水準！

服務一流！兩位相信係老闆嘅女士，親切嘅待客態度，令就算係第一次光顧嘅客人，都覺得有賓至如歸嘅感覺！單單呢一點，已經令好多同業望塵莫及！

幫襯一次讚一次，我都覺得自己有ｄ繕
但本人要鄭重聲明，本人絕對無收取過紫來坊任何利益，就連個９折都未試過！唯一嘅得著，就係每次都好滿足咁捧住個肚走

同男友協定每個月要食一餐素食,保護地球,又可清下腸胃,令自己健康d。店舖小小的,位置有點迫,不過就溫馨d。睇左一陣餐牌,有二人餐,不過又無乜特別,所以散叫。不過我地都決定唔到食咩,就問下呀姐有咩介紹。佢就介紹左梅醬荔芋鴨,蛋花鮮枝竹浸莧菜同啫啫雞煲畀我地。不過我地怕食唔晒,所以點住兩樣先....最後都係唔夠食...就點多個牛玉粉絲煲來送飯。

梅醬荔芋鴨($68): 甜過頭。素鴨唔係平時吃的炸到脆卜卜的,似係麵根造,有點奇怪,味道很像牛肉干。

沙嗲牛玉金菇粉絲煲($50): 好得意,餐牌上所有牛肉都係寫成牛「玉」。外觀十份似牛肉的牛「玉」味道和口感都有8成像真。仲有好多菠蘿,青椒作配料。

蛋花鮮枝竹浸莧菜($68): 上湯好清甜,無味精,清清淡淡很不錯。

店舖除了提供素菜,還有很多素菜食材售賣。

今日朋友生日想食素,我就介紹這間給她,因為我年初一也食過, 味道仍然有水準,而且老闆娘招呼好好,之前我至電book枱, 所以不用等, 而且今日又不是初一,十五, 也不是十分多人,這裡主要做熟客仔,我看見很多客人跟老闆娘都非常熟悉,好像家人一樣.....

蘭花燒汁琵琶豆腐- 嗰個豆腐比較炸得乾, 蘭花不夠淋,好硬, 如唔係有燒汁"點", 就會太乾, 不過裡面的豆腐就好滑

芋頭魚 - 好鬆脆

糖醋銀雪魚 - 買相好似真嘅銀雪魚, 最好味係個汁

素雞併素鵝 - 很普通

怡香茄子炆伊麵 - 嗰麵炒得唔油, 好乾身,好好味

四人食咗$396, 都幾貴! (可能在銅鑼灣)

Search晒資料先去食飯, 心血來潮想食素, 拉大隊尼哩道！
其實都好彩唔係真係咩大隊！因為佢哩道的確係。。好細！！
但一ｄ都唔難搵，富豪就０係左近！（係酒店果隻）

一入去就有賓至如歸架感覺，ｅ道留言架人冇吹水個老闆娘真係唔只好湯水，仲要親自＂忽＂湯過你飲，差ｄ＂胃＂埋入口咁制！

我地一行６人，幾＂憫＂水，最大枱係我地架喇。。
當日叫左：
眉豆唔記得左咩湯（ｏｋ）
西檸雞（好食）
乜乜米（一樣好味，但就細碟左ｄ囉）
咖喱雞豆腐煲（味道幾特別，一送到尼香到呢～～～）
竹笙西蘭花（最怕食ｄ勁多味精同埋ｈｉｎ架野食，好彩佢全部都恰到好處）好！

埋單都係每人＄５０（超值）雖然的確唔算飽可以叫多一至兩個送！會更滿足～下次會試多ｄ～會試下ｌｕｎｃｈ尼食！

5月5日（星期三）晚，是晚和女友到銅鑼灣區逛街，買到想買的物品後就去吃晚飯，是晚女友感到有些不適，所以想吃清淡一點的素食，在OR搜尋後，就和女友這店。地方很易找，店子不大，裝修簡約光猛，雖然坐下後隨即奉上熱茶、餐具和餐牌，但幾乎不用看餐牌就可以點菜了，因為寫在牆上的菜名實在非常吸引，我們二人就點了沙爹茄子鰻魚煲和蘭花燒汁琵琶豆腐兩個小菜。

沙爹茄子鰻魚煲：沙爹汁香而不辣，茄子炆得不大軟腍，但口感很好，煲內的“鰻魚”其實是紫菜卷包著細小的紅蘿蔔條，味道和口感當然不能和真的相比，卻很有心思；
蘭花燒汁琵琶豆腐：原本想吃得清淡一點，卻想不到琵琶豆腐是炸起的，用西蘭花伴碟，份量亦比想像中多，“燒汁”另外用碗仔上；琵琶豆腐是用玉子豆腐炸的，軟綿香口，西蘭花翠綠爽口，而“燒汁”是經過烹調的甜豉油再加了些青、紅辣椒，味道不太辛口，反而甜味較濃。

我們還叫了一碗白飯，埋單約百多元。此店的素菜是有質素的，正如陳真兄所言，食物定價較貴，就好像「茶餐廳食物、高級酒樓價錢」，相信主要原因是因為地點關係，鋪租較貴而引至價錢較貴。

平日冇肉不歡既男朋友 係我再3邀請下, 終於陪我去試下e間素食----紫來坊
去到, 環境好清潔, 都算幾靜~~~ good
不過個menu可以寫寫主要用咩材料, 我覺得會好dd ^^''
eg 有個叫玉醬飯 我同男朋友都唔知係咩~~~~

我地本來想叫2個飯, 但係waitess提我地, 個飯幾大下~~~,
so 最後叫左1個先~

我地叫左咖哩芝士雜扒飯~~ $68
雜扒~~~有fish, and pork

都ok大碟~~~ 我同男朋友食晒之後 都覺得ok飽~
好味~~~~~
不過我地都覺得d送小左d~
芝士好香~~~~咖哩唔算辣~

最開心係 男朋友都話好味丫^3^
我問佢下次會唔會再黎<<佢都話可以丫^.^ 開心開心

下次一定要叫欖菜菇粒炒飯~~~因為 openrice好多人話好食^^
期待期待^^!!!

放學後跑到銅鑼灣紫來坊素食料理，地方細小，全場滿坐，我們等了15分鐘就可以入坐.
我們一面食, 一面大讚食物好味, 在場的侍應聽著都在笑，其他食客目光都集在我們桌上。
糖水＜三寶糊＞，三寶是大豆卵磷脂 ，小麥胚芽，啤酒酵母。
大豆卵磷脂對腦和心有保健作用。
小麥胚芽含有的類胡蘿蔔素是一種脂溶性色素，具有抗輻射、抗衰老、防腫瘤等功效。
啤酒酵母可幫助細胞再生，避免衰老。
嘩！好健康呀！
多年前時常到齊舖食齊，近幾年少到，今次這店的確要讚，直得推薦！
一向都不太喜歡齊心不齊口＜指是用肉類名稱做齊菜名＞，每次看到這類齊舖都有些少反感，但佛祖旨意是以平常心對任何事情，那麼我就聽從佛祖旨意以平常心去食吧！

是日, 老爺既生日, 之前本魚已同打令令吃過呢間, 都覺唔差, 於是決定同相公一家去試~

今次叫了如下:

小吃叫了素雞併素鵝, 味道唔太差, 可惜上枱比我地..係凍...如果熱食會好好多.

西芹炒蝦球, 好搞笑, D蝦係好彈牙, 真係估佢唔到啊~~~

法式牛柳粒, 味味甜甜少少酸, 牛柳粒好有口感, 如伴以白飯一流.

芋頭魚, 今次人多可以試, 外脆內軟, 新鮮炸起好好味

總括, 當晚服務態度好好, 食物好味, 原來素食都有好多唔同選擇唷~

那天晚上一家7口想到這餐廳試試, 主要因為看到食評對它的評價不錯。
我們預先訂了位, 是晚上7:30。
我們其中3人先準時到達, 但當時全店滿座, 沒有空檯。
有位疑似老闆娘的女仕對我們說：可能是訂檯時誤會, 其實我們所訂的時間已有另外8位客人訂了大檯, 她叫我們先坐下等等, 一會兒有客人走, 便會把兩張小檯連起來給我們....我們既然來了, 便只好等等！
一會兒後, 旁邊有兩位客人離開, 正好可以把檯連起來給我們。
但那疑似老闆娘竟把這張檯給了剛到的兩位客人！我便對她說其餘4人馬上就到。但她竟然說：根據她們的規舉, 我們未齊人, 是不會給位予我們的, 等我們齊人再給我們安排！
我便馬上致電其餘4人叫他們不要來, 轉到別的地方食好了。
因我在離開前想表示一下不滿, 便站著等老闆過來, 但那老闆娘竟然說：「你可以走了, 唔駛俾錢 wor。」有冇搞錯！

呵呵呵~~~ 星期2既早上, 打令令係MSN同本魚講話個胃唔多掂, 捱了好幾日都仲痛, 佢話放工要碌黎CWB 睇醫生, 問本魚不如一齊食晚飯, 本魚實話好啦, 因為有得見呀打令令喎~

既然打令令個胃唔多掂, 本魚就決定食素啦, 上openrice search 下邊間好,search 到有2間比較多好評既素食餐廳, 即彈MSN比打令令望下, 佢話最緊要食粟米粥..好好好...本魚就選了呢間小小素食店了~

入到去坐低..可能時間仲早啦, 只得一枱2位既客人(過了半個鐘就多D人了)...唔理...望下menu 有咩食, 我地叫了如下:

先黎個小食- 涼伴牛蒡, 牛蒡個汁味道好好, 伴以芝麻. 麻油等, 口落勁爽, 可能佢係用刨刨出黎, 打令令話食過citysuper個D, 因為係切出黎, 好厚, 食落好硬, 食咬到牙都軟, 而呢間令到本魚同打令令, 不停食呀食~ 正

主菜 - 西檸雞, & 咖哩琵琶豆腐煲

西檸雞 - 個汁好味, 唔會好似出面太甜, 太酸, 而雞塊好真, 有咬口, 用了牛蒡+麵根炸成, 剛炸起, 脆口, 再加埋個汁, 如送飯好開胃唷~~

咖哩琵琶豆腐煲 - 等了耐少少既時間, 一上枱, 打開盍, 嘩, 仲係到滾緊..熱辣辣, 傳來一陣陣椰香味, 琵琶豆腐, 豆腐嫩滑, 仲加了馬蹄粒, 打令令話馬蹄粒爽口而清甜, 唔似有D餐廳用了粉粉既馬蹄囉...而咖哩汁似葡汁多D, 都好好味, 而且煲入面有除了主角, 還有一塊塊細片既素肉(素午餐肉?), 和青+紅既椒片呢~~

粟米菇粒粥, 叫個時我地好醒見地問嬸嬸有幾大碗 (因為本魚同打令令成日都捉蟲架~~ ) 而嬸嬸好有禮貌地同我地講, 一碗share 就夠了....我地緊係聽話啦, 碗粥上枱..都幾大碗架, 而嬸嬸好細心地另比2個小碗我地, 吃一口, 粥底算綿- 粟米清甜, 打令令話美中不足係..佢地加了雜豆.仲要有好多粒打令令唔鐘意既青豆, 我話下次order 時你問嬸嬸可唔可以走青豆囉....

總括食物美味, 服務我地既嬸嬸們好有禮貌, 又細心, 當我地食完枱上既食物, 另一嬸嬸同我地講, 不如佢幫我地執好枱+添加熱茶, 坐下慢慢傾, 唔會食完趕你走~ 我地一定會再黎架, 我好想試佢地既牛柳和其他小菜唷~~

題外話, 我地打算走時, 打令令見隔離枱既芋頭魚炸得好靚, 有手掌咁大, 打令令話咁多條點食得晒架, 因為見到隔離枱係2位小姐食, 我話下次人多少少先食...點知..隔離枱2位小姐聽到我地講既野, 仲轉頭話係呀, 食唔晒架, 呵....原來2位小姐係打令令既公司同事, 仲話一入黎已見打令令, 而我地太過忘我地傾計關係, 發現唔到...哈~ 原來我同打令令一樣, 係唔會留意側面/身邊有咩人行過架呢~~

放完國慶、中秋假, 換來的, 是忙. 星期123, 中午食飯盒. 夜晚回家做下乖仔. 到星期四, 才第一次出外用膳. 因為要整電話, 齋妹陪我到了銅鑼灣. 辦好事之後, 就不如去齋鋪食野. 銅鑼灣有什麼選擇呢...不是大自然, 就是紫來坊.

入到黎, 原來是一間簡簡單單的輕食店. 街坊店的格局. 服務我們的, 應該是老闆娘吧. 信了教的人, 大多都非常友善. 招呼, 自然是好啦.

齋妹自有idea, 未看Menu, 已經知道要食乜野. 一碗叻沙湯麵. 味道非常之香, 叻沙味道感覺非常正宗. 配有豆腐及素肉. 如果到那些正宗馬來, 印尼菜館, 有素食的話, 素食叻沙, 應該是這個味道.

我叫一個芝士焗什扒飯, 可以自由選汁, 我就fusion地, 試下加咖喱汁. 唔知芝士加上咖喱, 會是什麼樣的感覺呢. 老闆娘笑說, 我地兩個都幾食得辣播. 的確, 叻沙同咖喱, 兩個都是辣辣地既食物.

芝士加咖喱是什麼味道呢, 咖哩, 感覺是用上日式咖喱, 加上芝士香味. 這味道, 這感覺, 就是係印度餐廳食咖喱芝士同加飯咁, 不過, 焗過, 比較乾身, 而且半熔的芝士仲非常的香軟. 內有素蝦, 素雞扒, 素漢堡扒. 味道一流.

味道非常好, 唯一不是的, 是價錢set高了少少.

我都話過會再幫襯, 但估唔到係咁快。離上次幫襯不到兩個星期, 已經開始心癢癢, 好懷念佢d齋嘅味道

今次各種素菜依然好味 服務依然親切有禮 工作人員仲利害到認得我地, 同記得我地上次食乜

什豆甘筍合掌瓜湯~非常清甜

菠蘿咕嚕肉~味道同真嘅咕嚕肉一樣, 只係素肉嘅質感不太像

葡汁松子銀雪魚~不得不讚, 第二次食佢個銀雪魚, 依然覺得好好味, 葡汁做得出色, 帶有輕微辣味, 如果個汁用o黎撈飯, 一定可以食多幾碗

乾炒牛河~呢個聽聞係佢地嘅招牌菜, 當然要試吓啦! 果然無介紹錯, 够色够味够鑊氣, 連素牛肉望落都同真嘅一樣, 真係: 素牛, 真牛, 傻傻分不清楚! 但佢亦同真嘅乾炒牛河有同一個通病, 就係油咗少少! 唉, 想食好味嘅乾炒牛河, 始終都係要犧牲吓, 唯有跟住幾日食少d

我諗我好快又會再o黎, 簡直就好似上咗癮! 真唔明點解有d人話"未能食素"! 我直頭愛上食素!

一直都知這間素食店好食, 但係都無咩機會去試.上星期就決定去試一試....平時我怕要等位一般我都會提早食晚飯, 不過想到這店位置唔係咁就腳應該無咩人,所以攪到晏左先去食...店舖細細位置又唔係太好, 但估唔到都有咁多人...佢又未至於我地去到都成7點幾, 安排既位都係好迫

當晚我地叫左2個菜+一碗粥, 此店d人好nice仲會叫我地唔好叫咁多實食唔曬呀...

馬蹄肉碎蛋角

竹笙冬菇粥

葡汁焗茄子銀雪魚

真係估唔到3樣野都好吸引我...真係唔覺得自己食素, 最重要係平時食開d素都覺得好油, 但係此店又唔會樣樣都好吸引好好味...最後我地都係食唔曬要打包.

為食王經理話要食齋, 上來OpenRice 揾吓, 呢間係佢朋友推薦, 又見有咁多好評, 忍唔住即刻要來試吓。事前已經响OpenRice做定功課, 揀定備受好評嘅菜式!

店仔雖小, 但兩位工作人員服務親切殷勤, 今時今日, 呢d先叫做服務態度

例湯(花生木瓜眉豆)~非常清甜, 淡淡眉豆香, 唔講根本唔知佢無落肉

欖菜菇粒炒飯~够鑊氣, 炒飯唔會太油, 粒粒分明, 欖菜唔會太鹹, 整個炒飯都好好味

紫羅牛肉~個酸甜汁勁開胃, 子姜够辣, 素牛肉口感好似真牛肉, 總之就好好味

糖醋松子銀鱈魚~呢個糖醋汁無紫羅牛肉個汁咁酸, 怕酸嘅可以揀呢一味, 素銀鱈魚像真度都好高, 仍然都係嗰句-好好味

其實餐牌上有好多選擇, 見其他客叫嘅菜色, 望落樣樣都好似唔錯, 所以一定會再來! 相信來多一次可能都試唔晒我想試嘅菜