這一篇也是放涼了一段時間，不過會三小姐，又怎可不寫一寫。

這個熟食中心也有不少擋，三小姐就在最入的一擋，就算要經過多少店子，聽著多少 "食飯? 有位呀" ，我們目標還是最多人的一家，三小姐海鮮小菜。

特色芝士焗大蝦(伊麵底) – 龍蝦和伊麵是最佳組合，而最好吃的是伊麵，因為都吸收了龍蝦的鮮味和精華。今次的的大蝦伊麵有異曲同工之妙，每一口也是有不會過膩的芝士汁，當然不少得是充滿蝦的鮮味，令麵條相當好吃，如果要比，鮮味當然不及龍蝦，但兩者價位實在相差太遠了，這個對我來說已經相當滿意了。

籠仔糯米蒸花蟹 – 當日的羔蟹沒有貨，要加十元轉花蟹才可以吃，這樣吃蟹吃得有點論盡。荷葉飯是精髓所在，如果糯米飯好吃，就等於此碟成功，飯是是有點油，不過充滿著香味，也有韌勁，加上加了蝦米、蔥花，是不錯的。

兩碟的份量足夠兩人吃得飽飽又滿足，心想，一大班人來吃也不錯呢。

已經第n次來三小姐了,上次來還慨嘆食物分量1次比1次少,

今次3人來, 如常點了4個餸, 豉汁蒸白膳, 海皇雜菜煲, 中式牛柳條, 炸大腸

可能星期五,人多等久一點了,來到發現,分量很明顯多了, 開始擔心吃不完, 原來餐牌有一些餸加價了.....

再吃下去, 發現食物水準好像進步了(也有可能很久沒來的關係), 牛柳條中規中舉, 雜菜煲吃什

麼菜都有鮮甜味,反而白膳 好像不太肥 跟 新鮮,,有點"鞋"口, 最後炸大腸, 很大堆肥膏, 吃下

去已經很有飽肚感,還要沒味道呢..最終吃剩 1/3 宣佈投降,埋單 $250, 貴左少少

今天星期四個場都好FULL
椒鹽九肚魚沒有咩椒鹽味
椒絲腐乳通菜沒有椒絲腐乳味
豉椒炒蜆都有肉食, 不會ONLY得個殼
豉椒炒鵝腸也幾爽口
生炒排骨一般啦
勝瓜炒牛肉麻麻
泥猛魚粉絲湯OKAY
沙薑雞, SORRY真是食不出有濃厚的沙薑味

待應SERVICES 不錯, 我們一倒潟水, 也好快走來幫忙,
傳菜時整潟了D 喼汁, 又連聲SAY SORRY及主動去補番俾我地

我們有十個人, 其中兩個是小朋友, 食了三百蚊

難得來到大埔，當然要嚐一嚐這裡的美食才離開啦。

環境沒有想像中惡劣，可能我們六點左右就到了，不用等位，後來是愈坐愈旺，要等位的了。

Xo茄子牛仔骨煲︰男友選的，很好的組合，既有肉又有菜。送來時香噴噴，味道偏濃，用來送飯一流。

籠仔糯米蒸羔蟹︰也是十分出色。一來賣相吸引，二來食味驚喜。糯米很香，而很飽肚。蟹的肉不多，但真的有羔，不錯。

十分感謝男友陪著頻撲一整天都沒有怨言。

冇咩野做. 入咗大埔行街, 之後就上咗大埔墟街市及熟食中心搵野食....我地就揀咗 "三小姐海鮮小菜"

京都骨 - 呢個好好味. 而家啲骨唔太肥. so good

XO 炒什菜 - 呢個就太淡了...no good

咖哩雞煲 - 呢個就冇咩野咖哩味 & 太水了

今天晚上ORDER左一碗豆腐青菜魚湯, 豉椒炒蜆, 一隻乳鴿, 魚湯很夠味夠料, 乳鴿皮夠脆而且好入味, 唯獨個豉椒炒蜆唔係好得-有D沙, 而且個汁太稠太濃味。

聽住在大埔的親友推介，嚟大埔探親之剩，晚上和兩位親友大約 7:00 PM 嚟到熟食中心食飯。可能係星期五晚的關係，:嚟嚟到呢喥，三小姐呢邊有啲迫爆的場面... 好彩等咗一陣都有位..

我哋三個人食了：

沙拉骨：親友極力推薦，話好好食... 點知我一落去， 無沙拉味，得一陣燶味... 連親友都落哂眼鏡，話今次呢碟大失水準，啲骨炸到濃咗，好大陣燶味...
椒鹽魚：呢個 OK！好爽口！但係... 點解只有微熱... @@" 唔通係一早炸起？
豬大腸：呢碟我無食到，不過親友話好正...
豉椒炒硯：惹味就好惹味， 但一上碟，用筷夾幾隻食，真係想喊... 差不多有三四成係吉殼... 隻硯去咗邊？
燉湯：激讚！正！
魚香茄子：好味道！

環境好嘈，座位之間好迫，侍應亦無時間招呼... 可能係期望過高... 食物質素幾好，但環境同服務真係差咗啲... : p 幸好今餐親友請食飯，咁都開心啲.

7點來到, 勁多人!
多人到, 唔齊人, 唔俾枱!
真係咁勁?
我同大豬女友, 即兩人, 易揾位多好多,好快有兩人摺枱, 坐下了.

看menu, 有"勁爆推介", 好喇, 叫d 試吓先; 叫了:蒜蝦陳村粉, 炸雞軟骨, 及個蟶子.

蒜蝦陳村粉好多人都食, 枱枱都有個籠, 見也好特別, 所以又叫左了.
上面幾隻中蝦係已開邊的, 加上大量的蒜, 蝦在蒸的時候d 蝦膏蝦汁已落晒d 粉,
再落少少油, 勁爆香!
d 粉用筷子撈一撈, 一人一碗好快清左了.
係食到落底略油...

炸雞骨, 比想像中油, 好熱好香口, 飲啤酒一流, 就咁食卻好滯, 送飯又唔係咁o岩...
最後食唔晒, 真係包走了去朋友度睇波食!

蟶子好食, 咁新鮮落豉椒好似蹝左d, 可粉絲蒸就無敵好食, 送左大半碗飯呢.

兩味海鮮都新鮮, 可能係坐鎮街市的關係吧.

推介: 蒜蝦陳村粉!
雞軟骨都係叫外賣睇波食最好! (班友對啤對到口淡淡, d 雞軟骨一到, 簡直係恩物~)

我唔係話佢食物好唔好食, 係對人既態度
話說我地無坐下食飯,只不過走過去問可唔可以外賣椰王, 佢好串咁話"唔係到食飯, 無得外賣喎"都唔緊要, 當我地要走, 行錯路( 往三小姐海鮮小菜) 的方向, 竟有個女staff話"你地唔係行呢邊架, 行返出去啦”（語氣超差）>< crazy staff~~

同honey食左:

籠仔羔蟹lo 米飯-->有兩隻小蟹仔但係有羔ge~又有d蒜頭一齊蒸好惹味~d lo 米飯幾軟熟, 唔硬又好多蝦米同瑤柱~ 食完好飽肚

椒鹽九肚魚-->d粉漿好薄, 九肚魚肥do do, 新鮮炸得好脆, 連骨都食埋!!!

千島骨-->即係沙拉骨, d豬扒炸都有d脆, 加埋沙拉醬酸酸甜甜好好味~

椰皇燉奶-->要左大ge, d燉奶好清, 但稍為唔夠甜, 一個人食都好多下~

7點已經好多人, 係就要早d黎食la~

聽朋友講話里度唔錯, 所以山長水遠由筲箕灣走到去大埔食哩餐飯; 由於咩都想試, 6個人總共叫咗9個餸 (其實唔多), 菜單如下

- 椒鹽腰果雞軟骨: 好有避風唐炒蟹feel, 唔錯。

- 芝麻雞 : 本以為是炸子雞樣, 點知係白切雞加麻辣汁, 雞都算滑, 不過冇汁個邊冇乜味

- 豉椒炒蟶子 : 一般菜式, 一般表現

- 蟹蒸糯米飯 : 味道可以, 但蟹唔得, 有d霉

- 炸菜肥牛陳村粉: 埋個正, 粉好入味好滑, 反而d肥牛冇乜味, 重成疊咁, 所以結果只食粉

-炸花枝丸: 幾彈牙, 不過好油

-咸肉蝦乾炒娃娃菜: 不過不失

-薑蔥生蠔: 好入味(d蔥), 蠔大隻d重好

-金銀旦荳苗: 不過不失

要去的話記得訂位, 7:00pm後真係好多人。

之前打過一篇食評係食三小姐
今次再去食....
真係好想delete之前果個好~!!

今次星期一去食,人流唔多
位都唔駛等

食番上次好好味既炸花枝丸,
再加煎倉魚,豆腐海皇羹同埋西蘭花鮮鱿

炸花枝丸好多油
食都個人好膩,
我本人覺得佢煮好左好耐,不過無比到我地
等都黎到凍曬又出曬油

可能我地係尖咀間華苑食既煎倉魚太好食
三小姐既倉魚令我地大失所望,
最差就係....
佢連條尾都唔係脆既....~!!

碟西蘭花鮮鱿最令人氣憤....
成碟西蘭花都係黃黃爛爛


唉...
比錢果下都嬲嬲地

最重要既係.....
我同亞b都食到腸胃炎
又痾又嘔
唔比個佢都對唔住自己

行完一日地質公園，認識下香港既自然生態後，我地又同兩位美國來既朋友去試下大埔既地道既。

久聞此店係前歌手黃翊退出娛圈後所開既店舖，而且搞得幾成功(當晚真係好多人等位)，所以介紹下俾外國試下港式大排檔美食。當晚唔知點解，叫左好多炸野︰

炸雞軟骨 (夠香口，老外至愛)
炸九肚魚 (辣辣地、魚又滑，全餐最好食既)
魚湯瑤柱浸菜 (清清地幾好)
鮑汁什菌 (味道適中)
椒鹽蝦 (普通，d蝦唔係好大隻)
豬肉陳村粉 (個粉好滑，正!)

老闆熱情招呼，仲問老外朋友好唔好食添! D食物夠鑊氣，人又多，氣氛真係幾好!

成晚食左好多熱氣野，好在第二日都冇喉嚨痛!

食物一般,服務一般,同價錢成正比。
1) 芝心丸 - 我同友人都覺得吾抵,十粒吾夠收$68,係一個冇技巧既餸菜,不過既然咁出名都要一試,味道okay
2) 金牌雞 - 好普通既冰鮮雞
3) 海皇粉絲煲
4) 糯米正羔蟹 - 蟹冇咩味,糯米飯好濕好油
5) 芝士蝦面底 - 好重奶味,吾好食
6) 蒸烏頭 - 全晚最好食既一樣餸,魚好新鮮
7) 蒸聖子

總體黎講都幾抵食。

星期日同左屋企人去大補個鳳園睇蝴蝶...
夜晚黎左依度食dinner...
食完就覺得冇乜特別...
我地食左...
雜菌魚腐魚湯...
金牌雞...過晒火...D肉好鬼"鞋"...o趙極都o趙唔爛...
肥牛陳村粉...之前見個個都話好食...但好普通喎...D肥牛一D都唔嫰...陳村粉同D汁撈唔允...
豉汁蒸白鱔...再蒸耐2~3mins好d~

難食就唔難食~不過冇D人講到咁好食~