使用Facebook登入
|  | ||||||
vs
|
食家評語
首位提交食評的食家:
Sam Sam (非會員)
共 40 食評， 正顯示第 1 至 15 篇食評
|
 2010-06-11  呢排真係好想食海鮮, 尢其是蒜蓉蒸蝦, 奈何自己返工時間真係好唔彈性, 收成7:00真係去邊都唔洗去.....跟住就上黎搵下料....見到好似幾得......就一於今晚試下啦....(不過唔記得影相)  1. 蒜蓉蒜蝦 ($138), 睇到價錢都唔想食, 不過男友知我想食, 佢就話叫啦...入口真係無得比, D 蝦勁大只, 蒜蓉勁多, 蝦肉夠彈牙, 敗筆之處就係冇粉絲. 2. 避風塘鮮魷, 男友欽點, 好好食, D 蒜粒好香口 3. 炸豆腐拼芝心丸 ($78), 老細 RECOMMEND, 見OPENRICE 勁多人介紹, 就一於試下, 初初諗, 唔會係個D 街士芝心丸啊.........., 不過食落口, 真的不得了, 係手打芝心墨丸, 超彈牙超好食, 個salad dressing 冇得頂, 佢唔係普通醬, 係佢MIX 左D WASABI落去, 不過仲有一只味食唔出.好好食, 淨係食醬我己經食左2小碟, 豆腐超滑. 真係一絕 4. 招牌海鮮炒飯, 無乜特別, 唯一之處係佢D 海鮮真係好新鮮, D 蝦肉唔係雪藏, 個飯撈埋D蒜蓉蝦汁真係好好食, 不過有小小唔開心, 就係去到無時日精選, 蒜蓉粉絲蒸扇貝....  總括而言, D 員工好好人, 四眼哥哥仲好攪笑, 男友對廣東菜係好有要求, 難得佢話好食, 睇黎今次冇去錯, 埋單都係$180/位, 如果話貴, 佢唔算貴, 話平都唔係平, 因為我地冇食蟹. 
評分: 味道 4 環境 3 服務 4 衛生 4 抵食 3
|
2010-06-03見咁多好評, 呢間一路都想試, 昨天正搵去邊度食時諗不如試呢間啦就book位啦  , 6點多到了連埋我地得兩枱有人, 但其他的枱都reserved啦, 慢慢d人到了, 昨天是平日同落雨天, 我地食食下都已full house啦, 好勁架啦  我地見一隻細蟹都250, 都嚇左一跳呀, 咁貴......................................... , 咁我地就叫左個set啦, 四百幾, 有: 胡椒蟹, 一上枱, 好香呀, 一食好好食呀, 唔太辣, 少少似青咖喱味, 個汁好正, 個煲夠熱, 可以keep住溫度, 值得一試 油鹽水浸蜆, 好大碗呀, 好多蜆, 湯底有d胡椒味, 唔錯呀, 呢個湯辣過個蟹 菜心炒牛肉, 一般啦, 牛肉有d un 兩碗翅, 唔錯, 好多翅, 湯底又好, 食左唔覺口渴 可樂, 忌廉, 呢兩支汽水可以減少辣既感覺, 必備 埋單, 四百幾, 無加一, 只計茶錢同花生 下次會試其他野, 唔叫餐啦 推介美食: 胡椒蟹
評分: 味道 5 環境 4 服務 4 衛生 3 抵食 3
|
2010-05-30朋友生日飯多數是日本料理或中菜, 特登以食蟹為主則是第一次, 在此先多謝Ada的安排. 據侍應哥哥透露, 此店由樓面到廚房都是一家自己人打理, 份外有默契及親切. 佢係大佬, 老闆係細佬. 唔知點解, 我覺得佢兩兄弟好面善, 好似係以前電視或電影見過. 細佬成個有為傑青, 大佬就風趣幽默, 更自稱"殺人不見血", 加上佢果件骷髏頭 T-shirt, 真係俾佢鋸都心甘命抵 黑椒蜜糖雞亦: 好多好香的蜜糖, 用來撈飯都得. 胡椒蜆湯: 魚湯係精華, 好重胡椒, 飲完成個人發滾. 芝心丸, 炸豆腐, 墨魚餅, 九肚魚, 魷魚鬚: 炸粉調得好薄好脆, 芝心丸芝士味濃, 墨魚膠打我彈牙, 而最特別的, 係用來點豆腐的沙律醬, 幾個朋友食出幾種味道, 包括: Wasabi, 香蕉及腐乳等, 經大佬講解後, 先明白原來有橋妙, 但我覺得係商業秘密, 大家想知就去幫襯下啦. 豉油王炒麵: 優質的幼麵散發著淡淡的豉油香, 爽! 通菜: 好味! 胡椒蟹煲: 一串串的胡椒襯托橙紅特大蟹, 賣相極吸引.好老實, 好味還好味, 大家唔夠飽, 厚住面皮問大佬有乜可以飽肚? 大佬奸笑地介紹"黃金海鮮炒飯", 仲話會好識做....等左一陣, 佢捧碟飯出黎, Oh My God, 成個兩磅蛋糕咁大, 插夠壽星女生日歲數的臘祝都仲有位剩, 真係可以一開二, 大家情不自禁為大佬拍掌歡呼, 今晚食得好開心!!
評分: 味道 5 環境 4 服務 5 衛生 4 抵食 4
|
 2010-05-10試過筲箕灣的得獎鑊氣小炒粥棧小廚之後，很想在銅鑼灣及灣仔區尋找同樣出色的小廚。在OpenRice發現這家以蟹類菜式專門店自居的海鮮飯店，趁有時間就專程到訪，希望嚐到好味又出色的海鮮菜式。小店在銅鑼灣與灣仔交界，從伊利沙伯大廈後面的一條街往灣仔方面走約五分鐘就到。店子約可容納三、四十人左右，擺了約五張圓桌，格局是典型的港式海鮮飯店格局。雖然每張桌子都鋪上黃色的桌布，但桌布上的污蹟卻大刺刺的呈現於食客面前每桌如是。當上手食客吃完之後，店方稍為收拾碗碟之後，連桌布也不換就讓下手食客用膳，與其這樣不如不鋪桌布也罷，或是鋪上膠桌布方便清潔。一心到此是想點吃海鮮小炒，所以見女侍應給我的午餐餐牌上只有一般茶餐廳午餐時，便順口一問女侍應是否有單點菜式供應。怎知女侍應冷淡的回應說，只有餐牌上那十幾款。本來見菜式不對胃口，想立即離開改到另一家吃，此時一位男侍應就非常識趣地遞上單點菜式的餐牌。今天點了薑蔥焗生蠔、西蘭花炒帶子及蒜蓉蒸扇貝，另上例湯兩客(是日例湯為菜乾瘦肉湯)。 菜乾瘦肉湯(店方奉送) – 湯水不但有菜乾的香味，更有瘦肉的濃香，還喝到清香的陳皮味，給我有真材煲實料製的感覺。 薑蔥焗生蠔($138) – 以煲仔上的菜式，內有約六隻大大的生蠔，配料方面有叉燒和薑蔥，份量很足很豐富。生蠔非常肥美飽滿，充滿海水味，非常滑溜又有鑊氣，不過略嫌太鹹。 西蘭花炒帶子($98) – 翠綠色的西蘭花上鋪上白色的大帶子賣相平實，西蘭花經推水後再炒，使菜花變得軟身易咬，不過如果能夠脆一點的話口感會更好更有層次。帶子很大顆，也炒得很滑，可惜整道菜炒得不夠鑊氣。 蒜蓉粉絲蒸扇貝($60) – 四隻扇貝被厚厚的蒜蓉覆蓋，粉絲不是放得太多。每隻扇貝大小不一，大的有兩隻，小的也有兩隻。其中一隻很黏殼，以致浪費了部份肉。小扇貝肉略小嚼勁大減，蒸扇貝所用的豉油不夠香，而扇貝精華也未能完全被粉絲吸收。 此店在環境衛生、待客服務，甚至火候控制方面，都有改善空間，不過值得一讚的是，點菜後很快就上菜不用久等。
評分: 味道 3 環境 2 服務 2 衛生 2 抵食 3
|
2010-04-16今日同牛牛決定要做d跟平時不一樣的活動... 之前聽友人說很有水準,味度很好...於是friday night很即興地要去試! 提早預定了台...2位老闆很親切有禮...服務態度一流...真是不可多得.. 點了避風塘少辣蟹...芝心丸拼炸豆腐...豉油王炒面... 食到牛牛 lam lam利...hehe...雖然地方窄左d..但價錢合理!令我們的friday night充滿驚喜! 我們以後又多了一個拍拖食飯的好去處  係咪呀?!牛牛...*muah* 推介美食: 避風塘少辣蟹,芝心丸拼炸豆腐,豉油王炒面...
評分: 味道 5 環境 4 服務 5 衛生 4 抵食 4
|
AloveB (非會員) |
2010-03-11同女朋友食飯,她好想食避風糖炒蟹,即上Openrice內搜尋之下,31比1 當然要試吓啦 避風糖炒蟹 -好好味~蒜蓉好香豆腐+芝心丸-不油膩.好吃,專登整細碟啲,每人二粒,好服務油鹽水浸蜆-湯底好正豆鼓夌魚油麥菜-炒得好好食非常推薦這間餐廳,價錢合理, 真係食得好開心!
評分: 味道 5 環境 4 服務 5 衛生 4 抵食 4
|
2010-01-24
好朋友生日, 梗係要擦餐好架啦! 兩星期前, 上OPENRICE搵到呢間食店, 咦! 佢個食評都唔錯喎, 於是拉大隊一行十三人嚟試吓, 雖然細細間, 不過門口都貼咗好多名人嘅相片!嘩, 大家都好肚餓呀, 一坐低就不停咁落ORDER, 老細好好人, 仲話送兩枝藍妹俾我地啤啤佢喎! 話咁快就上菜喇!豉椒炒蜆 ~ 味道唔錯, 雖然細隻咗D, 不過冇沙架! 炸豆腐拼芝心蝦丸 ~ 豆腐好滑呀, D芝士夾喺中間, 一咬落口, 好JUICY! 胡椒蟹煲 ~ 一揭開個蓋, 香噴噴, 隻蟹好新鮮, D蟹肉都好彈牙! 避風糖炒蟹 ~ 都幾辣喎, 我試咗少少已經噴火! 但係見D朋友就食到津津有味! 薑蔥油雞 ~ D薑蔥將成隻雞覆蓋住, 雞肉好滑, 個個都用D薑蔥送飯, 話太好味咯喎! 芝士焗田雞 ~ 哈, 咁樣煮田雞法幾特別, 味道唔錯呃!沙拉骨 ~ 用沙拉汁配搭, 甜甜酸酸, 好開胃! 涼瓜肉碎煎蛋角 ~ 煎得火喉啱啱好, 唔錯! 炒菜款式都叫咗四碟 ~ 椒絲腐乳唐生菜 (ENCORE咗兩碟), 清炒九菜花, 蒜蓉炒芥蘭, 清炒油麥菜! 款款都好好好好味! 班朋友仲話唔夠喉, 再嚟一碟豉油皇炒麵同埋一窩炸菜肉碎粥! 豉油皇炒麵 ~ 一個字「正」! 人多食飯真係好喇! 可以試多D唔同款式嘅菜, 今晚個個真係飲飽食醉! 咦, 埋單睇吓, 原來唔駛加一架喎, 好抵呀!冇辨法! 今次我又俾人讚喇, 揀咗一個好地方可以俾大家食個痛快! CHEERS! 推介美食: 炸豆腐拼芝心蝦丸, 胡椒蟹煲 , 薑蔥油雞
評分: 味道 5 環境 4 服務 5 衛生 5 抵食 5
|
2009-12-27今天做冬,剛好在香港血拼,就帶了老公小孩,還約了香港的好朋友一家人來吃餐好的,海鮮正是老公的首選. 一路上好多家辣蟹餐廳,都還掛著與名人的合照,心裡有點擔心現在要去的蟹增盞會不會讓朋友也滿意,總算到了,地方不是很大,不過也乾淨整潔.一行6人就座點了菜. 避風塘炒蟹小辣: 吃起來不只小辣喔~不過很好味,同桌扣掉小孩還有不吃蟹的人,共4個人吃隻中蟹還算可以,不過老公說下次可以吃大的過癮一點,非常好味道. 豆腐拼芝士球:又香又嫩,吃起來也一點都不油膩.好吃 黃金蝦: 蝦子又大又新鮮,非常彈牙,外面包裹的鹹蛋黃很香口,蝦膏也很多,讚 蟹油炒麵:跟台式炒麵很不同,看起來黑黑的以為會很鹹,結果一點也不會,而且炒得乾身不油,很香 西生菜:一般囉~畢竟不是太需要工夫的菜.不過也好吃 蒜蓉粉絲蒸扇貝:非常好吃,材料新鮮又大顆扇貝,粉絲吸了蒜蓉味,整個吃起來又鮮甜又香. 非常推薦這間餐廳,一整個好味道!!一定會再來,最好來台灣開一間XD
評分: 味道 5 環境 4 服務 4 衛生 4 抵食 4
|
2009-11-09
當日子唔易過時，也要搵些開心位讓自己活得開心點，同兩位年輕食友到辣蟹街吃宵夜。 附近一帶蟹店都走年輕化路線，這裡是年前新晉新秀，未來過就試試吧。大家都忙了一天，很累，未理伙計在打邊爐，年輕食友已開始諗吃什麼，在辣蟹店唔吃蟹，唯一選擇就是炒麵，多半不會差的，其餘油鹽水煮蜆、炸墨魚雙拼由他們話事好了。 墨魚丸先來，炸得香可口，吃起來質感唔錯，是足料墨魚來的，談起墨魚丸，大家都認為魚魚魚及長發麵家手打的有肉汁版本最出色；油鹽水煮蜆，用的是魚湯底，喝起來鮮味是精華所在，蜆煮得過熟，可有可無的吃過，六十三元一客，蜆的質素應該好一點。 最了得是艇醬炒麵，跟兩人解釋過什麼是艇醬後，也急不及待的吃起來，麵夠色亦炒得乾身，滲有香口芝麻，銀芽爽口，三者加起來是又香又爽口好吃，廚具炒功了得，唯艇醬得個辣，欠風格。 吃近凌晨三時，老闆Chris仍興致勃勃地談起避風塘逸事，是個有趣的人物。 推介美食: 艇醬炒麵
評分: 味道 4 環境 3 服務 4 衛生 3 抵食 4
|
油鹽水煮蜆，精華是湯而非蜆。
2009-10-17以經唔係第一次o黎食啦~~~ 之前都試過幾次一家人去食蟹..... 今次又去叫o左兩隻蟹食... 一隻係姜蔥蟹，一隻係胡椒蟹... 真係好好味...其中一隻蟹我o地係揀o左最大o個隻... $500 蚊~~~ 真係好大呀~~~ 除此之外仲食o左椒鹽賴大尿蝦... 兩隻... 不過其實都係一人食得一舊.... 另外... 我覺得椒鹽豆腐+芝士丸都好味呀~~~ 以上呢幾樣o野都係每次去到必食o既.... 另外... 不得不讚下當晚o既後生仔waiter... 連我媽咪o的咁高要求o既人都讚佢service 好呀~~~ 淨係碟都同我換o左幾次
評分: 味道 5 環境 3 服務 5 衛生 4 抵食 4
|
Cuisine tester (非會員) |
2009-10-04
朋友推介此餐廳,是本人最愛的海鮮店. 最主要係有蟹食... 同埋大擦一餐. 佢地最出名係胡椒蟹, 因為其中有一個朋友唔食得辣, 於是改為豆豉炒蟹. 味道都唔錯. 4個女仔食一隻$250既蟹都夠食. 其他既食物既水準都唔錯. 其中個芝心丸係不錯既選擇. 但係個辣酒煮螺, 個'獻'太杰,, 失準.
評分: 味道 3 環境 4 服務 4 衛生 4 抵食 3
|
2009-09-28我都係同女朋友食咗呢個餐, 不過蟹就要咗胡椒蟹,好似其它評語一樣,幾正 ! 紅燒魚翅就略為咸咗小小 ! 油鹽水浸蜆,好正,不過有小小沙 菜芯抄牛肉,水準之作, 總體講, 價錢合理, 真係食得好滿足 ! 招呼唔錯但係食完蟹之後,忘記被濕紙巾我抹手!  一定會返嚟試其它 推介美食: 油鹽水浸蜆
評分: 味道 5 環境 3 服務 4 衛生 4 抵食 4
|
2009-09-16平日要慶祝生日又想食海鮮﹐呢度我既不二之選~ 鋪面的確係太細﹐大檯可以話係得一張~ 每次都係坐角落大檯 一坐低﹐waiter 好慇懃就過黎招呼~ 我地人多麻煩﹐要商討,waiter亦唔會幾秒個黎吹你一次~ 幾好~ 好終於齊人叫菜﹐個哥哥好nice 甘﹐我地叫得多得制(太貪心) 會提醒我地﹐幫我地改﹐有會有好介紹~ 唔係個d hard sell 逼你叫貴野既餐廳~ 我buy ~ 戲肉黎喇~ 胡椒蟹--- 極度推薦!!!!!!!!!!!! 食到吮手指呀~ 連我個唔鍾意食蟹既fd 都忍唔住食左~ 避風塘炒蟹 -- 無胡椒甘特別~但係都好好味~ d蟹又幾大隻﹐都係爭食item! 黃金蝦--就普通﹐d ‘黃金’ 做得唔係好好 炒蜆 -- 味道一流~ 同埋好少係未熟唔開 椒鹽鮮尤 -- 好惹味~ 正~ 蔥油雞-- 勁多蔥~有少少過鹹﹐要送飯 炸豆付拼蝦丸-- 好好味!! 爭住食﹐可惜一人未必有一粒~ 豆腐真係外脆內軟~ 蝦丸好彈 總括係水準之作~~當然唔係個d 最鮮味海鮮啦 ~料就係普通﹐但係廚藝就一流~ 同埋唔算貴﹐我地8個食到勁爆﹐重要請埋壽星﹐每人都唔洗2百~~ 服務好好﹐好好笑容﹐我地食蟹夾唔到個鉗﹐個哥哥即刻自動幫我地整碎個鉗﹐好似食雞脾甘~ 好nice !!
評分: 味道 5 環境 4 服務 5 衛生 4 抵食 4
|
2009-09-12
叫左一個中size 的炒蟹 $350 面頭的蒜粒炒得乾了少少而已,但整體味道是ok, 亦同附近幾間''食蟹'' 的店舖賣相,味道差不多, 朋友中有人絕不食辣, 所以特別吩咐要比小辣更低一級的辣度....伙記話即是微辣 當中有朋友在附近的食蟹店食過,佢話相比下這間較抵食, 但以中size 來比較, 這間無疑是細隻左少少, 但價錢卻平很多 鼓油炒麵, 上面都有蒜粒, D麵食入口, 是有微甜的鼓油味蟹是微辣, 再加上炒麵上的蒜粒, 食完這餐飯後, 喉嚨是有少少'上火' 的感覺, 雖然蒜粒是好味, 但如果下次再光顧的 話, 可能會叫鼓油炒麵走蒜粒 油鹽水魚湯浸蜆, 湯有胡椒粉味, 唔錯, 好彩沒order 甚麼''避風塘炒蜆'' 那類做法的炒蜆, 否則喉嚨一定''上硬火''亦點了之前其他網友介紹的菜: 蔥油雞半隻 $98, 雞不算很滑 (當然是冰鮮雞) 蔥油不會過咸, 今次已試過, 下次再去會試下其他菜 炸豆付拼蝦丸 ; 豆付確是滑, 但沒乜豆付味, 是否大部份食店用的豆付都是''百x'' 的牌子 ??? 不會用新鮮的豆付 ?? 炒了2個菜 : 1 個是炒芥蘭 , 另1 個是炒雜菜 , 2個菜的價錢都是$40-48 , 但芥蘭份量真的很少, 是否同價錢有關 ?? 但炒得都ok, 有些食店炒芥蘭時會下糖去炒, 但這碟又唔多覺有糖味 服務很好...好好笑容其中最抵是'''不收'' 加一, 但有收茶錢每位 $8除以上散叫,亦有套餐供應, 如2人, 4 人, 8 人等, 好似9:30後平些, 但沒認真看, 所以不太肯定 其實以6個人的份量, 應該叫2隻蟹, 我們只叫了一隻,所以今餐都算平, 就算真是叫多一隻蟹, 每人也只是約200, 在銅鑼灣區算是咁 另外唔好意思, 有些照片用了錯的模式拍出來, 所以效果奇差
評分: 味道 4 環境 3 服務 4 衛生 4 抵食 4
|
2009-09-03食嚟食去, 都搵唔到一間食蟹好食過佢的食店, 所講既係蟹增盞 由一年前開始幫襯佢到而家, 差不多一個月都會去一次的, 今次同四個朋友又去到食, 食到佢地lam lam 脷! 我地食左一碟避風糖炒蟹, 一隻霸皇雞, 一碟炸豆腐, 西蘭花炒帶子同埋干炒牛河! 紅酒自備! 炒蟹的味道係香噴噴的, 蒜容,辣椒, 大蔥做的金沙, 把一隻十四兩左右重的大蟹炒到好好食 隻蟹好新鮮, 所以蟹肉好有彈性, 仲好鮮甜, 朋友全部都食到好滋味隻雞好油, 但不得不讚佢地既秘製蔥油, 大量的洒在隻黃油雞之上, 好味到暈 炸豆腐有脆脆的外皮, 用一些蒜蓉辣椒伴炸, 做法有點像避風塘炒蟹, 有異曲同工之妙西蘭花帶子水準可以, 雖然沒有什麼特別之處, 但師父處理不過不失, 牛河的炒法都係有點像避風塘的做法, 故不多說了 其實佢地都有紅酒供應的, 但朋友的chateau lafite 確是一佳釀, 如果沒有自備紅白酒, 不妨試試house wine 食避風塘炒蟹, 蟹增盞係我信心的保証 評分: 味道 5 環境 3 服務 4 衛生 3 抵食 3
|