2
0
0
港鐵油麻地站 A2 出口
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
老實講, 我第一次幫襯, 因為有特別優惠先會去呢間餐廳食，初頭以為好多人幫襯，仲早一日打去卜位, 點知 夜晚六點半上到去, 十幾廿張檯, 只係得一張檯有人坐, 仲好似係員工添.因為冇人既關係,落單好快, 我地叫左個珍寶海陸空鐵板餐, $168 既價錢真係都算貴, 但因為有特別優惠既關係, 所以一定要揀呢個, 另外再叫多個, 拿破崙海鮮焗飯$72,另外再要加一。食物質素同個賣相都唔錯, 份量都唔算少, 跟餐有西湯同飽, 兩個餐既味道我覺得非常唔錯。
繼續閱讀
中午和同事一齊食飯，佢地推介呢間餐廳，仲好神秘咁話係正野，搞到我勁期待。同事大約11點打電話去訂枱，店員叫我地順便落埋ORDER，咁去倒就可以即刻有得食，服務都幾好，讚。我地total有12個同事，8個都叫金牌五星級什扒餐，勁誇張。佢地話叫呢個餐肯定冇錯，搞到我都心郁郁想試下，但係又唔想食咁多肉，所以最後揀咗金寶忌廉汁煙肉菠菜蓉扁意粉。每個餐都有餐湯、牛油多士、飲品。餐湯我揀咗羅宋湯，湯裡面有好多蔬菜，幾足料，唔係淨係得水，同埋佢有少少辣味，我鐘意飲辣辣地既羅宋湯，所以覺得幾好飲。牛油多士唔知點解要特別用Hello Kitty碟裝，好搞笑。多士搽咗好多牛油，所以好香，同埋好鬆軟。雖然睇落去冇咩特別，但係好味。金寶忌廉汁煙肉菠菜蓉扁意粉個樣好吸引，啲紅椒、黃椒、蕃茄仔、菠菜、煙肉令到碟意粉好colorful，食慾大增。忌廉汁濃度幾好，唔會太稀或太稠，意粉煮得啱啱好，幾彈牙。意粉沾上汁放入口好rich好creamy。食到一半既時侯已經覺得飽，但係都堅持要食哂佢。同事們叫既金牌五星級什扒餐好恐怖，啲扒堆到好似山咁高，總共有3塊扒，豬扒、牛扒、雞扒，再加一條腸仔，一隻雞蛋同埋一堆薯條。什扒用鐵板上，店員會喺你面前淋上汁，睇住啲汁喺鐵板上面因為遇熱而吱吱聲咁響同滾呀滾，真係好吸引，難怪佢地差唔多個個都食呢個餐。午市所有套餐都好平，金寶忌廉汁煙肉菠菜蓉扁意粉$48，而多野食到嚇死人既什扒餐只係$58，餐廳午市免加一，勁抵，唔知晚市係唔係呢?! 每人$60都唔使就食到勁飽，難怪我班同事對呢間餐廳念念不忘。
繼續閱讀