諗住食一餐好飯...點知....

一開始就食餓肝醬和鴨肉醬...
現成嘢,無試意.

二是磨菇湯...
罐頭湯加工...

三是羊鞍和雞.
羊, 有雪味無肉味, 只是一舊蛋白質.
雞, 無雞味, 仲要似阿媽煲完湯的湯渣咁.
失望....

四是法式燉蛋,
係好滑, 不過報稱火槍失靈, 所以面沒有焦糖.

係, 咁叫法國菜....

I was referred by my friend to try X'mas dinnerat this restaurant. It is HK$350 per head with no service fee. It was come an entree of a big seafood . It includes crab, scallop, prawn, lobster which is really big and fresh. then comes after 2 choice of 4 alternative main dishes.I can't believe the main dishes so big. the look and taste are very close to traditional french dishes specially with this competitive price. after all hot dish, dessert is after and it is a cheesecake and scone of icecream.

看了open rice 的食評, 再到現場視察, 最後向老板提議在這樣開聖誕party. 我們人數只有30多人, 這裡就OK. 我想40人以上就會太擠迫. 同事一到餐廳, 便被這裡歐洲式浪漫佈置所吸引著, 接著對海鮮拼盤都大為讚賞, 但主菜是豬肋骨和雞, 女士們就覺得一般, 男士們就較為喜歡. Desserts 是egg tart, chocolate cake都ok. 我選了近窗位置坐, 看看外面的街景, 都頗浪漫. 這裡是一個30至40人gathering一個好地方.

Date: 2007 October

週年大日子, 選擇了到溫馨小店La Fete慶祝!

門日寫著MEMBERS ONLY.. 其實有BOOK位的都是MEMBER…haha

在電話book枱時要求window seat…但window seat已沒有了, 只安排近piano旁邊的table…也不算太差. 然而, 這裡的氣氛只適合一大班朋友gathering, 倆口子要浪漫的話會非常非常失望!!! 雖說有歐陸式典雅佈置, 有油畫, 有吊燈, 有鋼琴, 但嘈到拆天的環境, 多優雅的裝潢也於事無補!!!

食物:

頭盤: 三文魚醬& 鴨肉鴨肝醬, 味道OK, 但今日的match有問題囉因為兩樣也是配麵包, 會過飽嘛又要留肚吃platter, main course.. (離開時在樓梯看了menu, 英文menu寫每晚供應2款但中文menu寫3款.. anyway.. 如果無得揀的話應該設計一個比較好的配搭嘛..)

Seafood platter: 食完都8成飽! 其實我去到時platter已ready放在枱上, 應該說, 每一枱的platter也一早ready 在枱上. Waiter 見我一面疑惑就說“要keep在room temperature才好吃!”此時我腦袋只不斷湧出一連串問號: 放左幾耐?? 封塵未?? 養左幾多細菌??? 有沒有烏蠅??? 行過的人如果打了個’刻痴’??? 又或者行過人的撥了頭皮加料..???? 愈想愈嘔心啦!! 男友知我個性就說"人人也是這樣吃, 應該沒問題...呱...?? 而且有蒜頭點來吃殺菌啦".. 為免破壞慶祝的氣氛, 唯有食食食食!!! 眼不見為淨@_@"

蘑菇湯: 都幾...不堪.. 麥當當的蘑菇粟米湯仲好飲(味道係主觀的; 但一年到晚都同一款湯好似無咩誠意)

沙律: OK

Main course (每晚2款無得揀): 羊架, 無問要幾熟就拎埋黎(我食開medium嘛) 成舊肉熟晒, 好硬; 另一樣係ribs, 由於太飽的關於, 無食過pack 走左(唔駛唔好意思因為好多人都打包的). 第日焗番來吃都ok, 味道正常.

Dessert: 放低的時候我講緊電話而男友行開左(落左樓下襟錢, 因為上到來先知只收cash), 所以我地都唔知係咩cake... (仲有, waiter 唔夠細心, 男友唔係位時上dessert, 可能佢assume佢去restroom啦.. anyway 佢番上來的時候雪糕已經熔左一半lu..)

好大堆頭的晚餐但唔包coffee/ tea.

18 April 2007 (Wed) - Birthday Dinner (5)

一個特別既朋友帶我黎呢一個特別既地方食咗一餐\好特別既生日晚飯～～～～

舖坐下細心既waiter就問飲什麼，朋友原本想飲紅酒先，但又怕我醉了品嘗唔到佢\為我準備既Champagne，但係通常飲champagne 先又好像不大洽當，最後我為他作出選擇，就是開紅酒先！

然後waiter就拿出前菜，有一蘿仔的法式麵包，再配上兩碟凍鵝肝醬及豬肉醬，讓我們自行塗上，兩種醬都非常可口，但亦有點漏及膽固醇較高，雖然我對凍鵝肝的喜好不是太大，但絕對是好味道的醬for bread.　另外還有一個parma ham melon，我覺得好味道，因為吃了較漏的醬配麵包後，此項頭盤變得很清甜，有過濾口腔的感覺！而且我知道parma ham是此朋友的喜好之一！

跟住就有朋友為我特別準備的法式鵝肝，由於個set本來沒有，但我知朋友特別為我準備了，因為知我對鵝肝有一份獨有的熱情及好感，但今次郤換來少少的失望，因為鵝肝水準真的相當麻麻，我知道鵝肝本身是新鮮及高質素的，但是我相信是煮得太久，令它變得overcooked，沒有了那份入口即融的感覺，變相亦欠缺了鵝肝原有的魔力！

再來就是一個超級巨大的Seafood platter！我相信呢餐\最值得回味及加分的都可算得是此併盤了，簡直令我大開眼戒！有一隻頗大的龍蝦，一隻花蟹，多隻中蝦，同多隻中蜆！龍蝦多肉又鮮甜，花蟹的拑好正，多肉，好朋友將最好的部份都比晒我，好感動哦～，食完這個platter己有七成飽肚，真係好陰公，擔心之後的食物都不能用心品嚐！

再來就是一個蘑菇湯及沙律，兩樣都不俗，湯夠creamy，沙律夠份量！就在此時，我們亦開了我們所reserve的champagne，但是由於店主把champagne雪於冰箱，所以有點未完全融掉，即是夾雜著一點點冰碎，很是奇怪，但是味道郤相當不錯！然後就是主菜–羊排及烤雞，老實說，戰到此時，見到件那麼大件的烤雞真的一點也吃不下，反之羊排香口又入味，不過我對羊沒有太深的認知，所以不予置評！最後上的就是甜品了，餐\廳個set既dessert係egg tart 加mint ice-cream，我覺得個tart就好普通，但係加上薄荷味既雪糕，頓感清新自然！同一時間，立即上埋我朋友為我準備既生日蛋糕，係cova既芒果蛋糕！好開心啊，因為真係好好味啊！當然我們不能吃了整個蛋糕，所以把其分享給在場餘下唯一的一枱食客及大廚及所有工作員一齊享用！

最後容我一提此處的裝修及傢俱都十分歐陸，很有古典味，加上枱上的枱燈及我喜愛的鬱金香花裝飾，令我覺得自己很公主！很感謝好朋友為我帶來的一個特別生辰，真的很難忘呀！

食完番黎睇吓人地寫既食評並唔同意, 可能個人口味唔同, 我覺得好正.

環境比較偏遠, 但勝在自成一角, 可惜有班鬼開party, 仲嘈過中國人去酒樓, 但氣氛裝修唔錯, 有屋企feel之餘亦都有d歐洲feel.

Service唔錯, 唔會搵唔到waiter, 又唔會俾人昅實煩住. 叫咗杯紅酒, 佢見酒樽斟剩少少, 直頭放係枱到留俾我地飲佢. 大方既餐廳最易得我歡心.

食物放面同其他人寫既款式差唔幾. 凍鵝肝夾麵包我覺得好正, 我一向都覺得凍冇熱咁好食, 所以對凍鵝肝冇咩興趣, 今次係第一次例外. parma ham ok, 件豬肉+鴨肉整既唔知咩就有d似餐肉.

海鮮併盤ok, 料多新鮮, 唔太名貴, 好期望食靚海鮮應該會失望, 但我一向都唔太好, 所以覺得ok.

雜菜沙律用上新鮮菜, 醋汁亦十分醒胃.

個mushroom soap幾正喎, 極之creamy, 亦好重菇味, 可惜細碗咗d. 冇胡椒粉喎, 我最怕胡椒粉, 有一定食得出.

主菜羊排同pork rib. 羊排肉嫰滑多汁, 冇血水, 有羊味, 水準可以話數一數二咁好. pork rib 好野味, 肉質好滑.

甜品係chocolate mouse tart, 皮比較un, 但chocolate mouse好滑, 肉桂味多過朱古力味, 幾特別.

叫咗house red + house white, house red 果味重, 帶酸, house white 清香, 兩隻酒味都唔濃.

整體黎講: 十分驚喜, 食物質數極佳, 咁樣質數既法國菜放係酒店一定過千.

阿J之前睇雜誌報導這裡的$320 set dinner，環境和食物都好像不俗，於是決定來這裡慶祝拍拖兩週年。歐陸式的裝修，昏暗的燈光，加埋女友最愛的花花燈，只需一眼已肯定女友滿意。可惜這裡位置偏辟，需要女友行斜路，辛苦了穿高跟鞋的她。食物除主菜外，大致上新鮮有誠意，$320元算超值。

頭盤有parma ham melon，鴨肝pate和豬
肉醬，味道只屬一般，最好是鴨肝pate，
豬肉醬味道有點像午餐肉，parma ham
melon認真麻麻，哈密瓜太生，parma ham
韌似橡筋。

重頭戲絕不是主菜，反而是這大堆頭的
seafood platter。併盤有一隻肉厚鮮味
的龍蝦、味似潮洲凍蟹的優質花蟹、二
十多隻中蝦和十隻蜆，雖不是來佬貨，
但全都新鮮味美，食罷女友已飽了七成。

餐湯是重胡椒粉的忌簾湯，味道非常一
般，女友喝了兩啖已停哂手。隨後上枱
是一碟平平無奇的沙律，勝在沙律菜新
鮮乾爽，女友說有助清新口腔。主菜是
過熟的羊扒和法式紅燒豬肋骨，羊扒毫
不吸引，豬肋骨口感有點像扣肉，敗筆
在於個sauce，很味精。

Dessert是朱古力撻和黄梅撻，撻皮超韌，
味道一般，伴碟的薄荷雪糕仲吸引。我本
想要求廚師在Dessert Plate上寫message，
郤遭餐廳有禮婉拒，原因是人手短缺和生
怕出來效果未如理想。如意算盤打唔成，
便要另花心思，務求令今晚難忘，詳情下
文待績。

全晚的service都唔錯，waiter勤快有禮，美中不足其他食客說話聲浪剌耳，影響了浪漫氣氛。La Fete整體上不失為一間有情調的小店，是討好女伴的好地方。

新年又開始，可要找D正嘢食吓，飲吓靚酒，慰下過去一年的辛勞。随手拿起雜誌看看，見到La Fete的鮮拼盆好吸引，又有我羊癡心喜愛羊排，好！即Call人聚一聚，開開年先。
一收工即撲到La Fete，一入門己見到一盆盆蝦兵蟹將換晒紅戰袍在桌上恭候着，不過其他人未到，只好吞住口水先。
幸好等了十多分鍾，人齊了，可以開戰啦：P，但眾蝦兵蟹將突然退出去，原來要先過頭盤一關，好心的侍應即提醒我們要留力，不過遇到麵包配上鴨肉醬及鵝肝醬，都不能輕視，但盤生果配煙肉就弱小小，勝在有口感，接下來的香濃磨姑湯、沙律，也俾我們三兩吓搞。
蝦兵蟹將終於上場，四人份量，大大盆，好吸引，不是食物不是得過看字，出手啦！配上"Vaillons" Vieilles Vignes des Minots (Verget) 2002 Chablis 1er Cru (RP:96) 海鮮的鮮味完全表現出來，此酒剛飲時，略覺單簿，再飲，好Powerful，好有層次感，回味悠長，好正！再加上蒜蓉橄欖油調味，食到停不了口。可惜有D蝦兵蟹將的體質弱咗少少，經過一輪混戰，蝦兵蟹將也棄甲逃去，但我胃的戰鬥力也消耗了7成，有點擔心自己可否抗戰到底？
小休一陣，對方倆主將香草羊排及烤雞也先後出場，羊排羶味少，煎烹得剛剛好，但肉質就、、(搖搖頭)，再試試個烤雞，嘩，冇味，又嚡，雖配上Vosne-Romanee 的Patric Rion 2002 1er Cru Les Suchots 及La Colombi鋨e, 2004 Domain Du Comte Liger-Belair 這兩支神仙水，也不能今它們返生，還是留它個全屍吧。
最後個甜品批，好滑，味道不太甜，正，如果個批底可以脆D就更Perfect啦。
不得不提個待應，好Nice又健談，開瓶手勢好正統，又幫忙向老闆說免我們問開瓶費($50支，共三支)。
Set Dinner 每位HK$320。