話說小妹好耐都冇同家人一起食飯mad:，所以就ｂｏｏｋ左功德林同媽子，及 家姐 A　好好享受一頓晚餐。

由於最近腸胃不太好，所以就想吃清淡一點，一改以住 '大魚大肉' 的習慣。
我們一家人準時８點鐘到場，雖然餐館地方不大，但是整間餐館給人感覺很舒服，媽子及家姐A　最喜歡乾淨的餐館　！

我除了一定要點咕嚕肉之外，其他餸菜沒有什麼所謂，
菜式最後當然由媽子發板。

冷拼盤－可以自選配料，本人覺得雞絲粉皮最好味，非常入味　

咕嚕肉－覺得味道比普通咕嚕肉還好味，因為一般咕嚕肉會用調味料醃到令肉質肉變硬　　這款看似平凡的咕嚕肉，味道亦不會太甜，還有點鮮果味，唔知道用什麼醬汁弄的？？

雪菜炒年糕－平時見到厚切的年糕都不想吃，但這款年糕薄切，味道不會太濃，媽子及我都食到冇停口　還有，一般年糕都會弄得比較油膩，這味菜只有一點點，下次都一定要再點！

很滿足的一餐，下一次會再幫襯！

閒日既夜晚唔算多人唔洗等位, 好多枱都係兩位,
可惜無晒望海景既窗邊枱, 影唔到海景相,
座低無耐好快已經點到菜, 上菜時間亦都好快,
每道菜都有獨立公匙, 不過得我同男友兩個跟本用唔著,
今餐埋單要$300, 即係每人平均消費$150,
整體黎講 ~ 貴都黎都OK既 ~ 偶然食一次也不錯.

豆腐餃子 ~ 黎哩到食既注意目標就係佢,
好有菜味, 豆腐又滑, 仲有生菜墊底.


蜜味火腿紫菜卷 ~ 我同肥仔都勁鍾意,
D味真係好似火腿, 再加上蜜糖同紫菜好香口.


咕嚕肉 ~ 真係好有肉既口感, 又有D似肥豬肉,
咬開個菇望下連紋理都似肉.


小籠包 ~ 哩個就麻麻地, 無菇味有無咩口感, 怪左少少.

難得今年第一年做野....一定要好好請媽咪同婆婆食飯慶祝下....
婆婆一向鐘意食上海野....今年一於攪攪新意思...食斎啦....
揀左銅鑼灣世貿中心依間...貪佢有海景ma.....

素黃魚羹.....一向鐘意食羹....依個羹一d都唔腥...清清地...好arm婆婆呀...佢足足飲左2碗呀....
雪菜豆辦炒年糕...食上海野一定食炒年糕....最鐘意佢煙煌un un....依個我好buy....唔會好油...
鍋貼....媽咪唔食油炸野....唯有我同婆婆2個食啦.....婆婆一向鐘意食既....鍋貼係素菜既...唔會太飽...同埋好新鮮.....
竹笙釀三寶...依個係媽咪叫既....佢最鐘意食菜....d汁撈飯一流呀.....d菜都好淋....婆婆牙痛都冇有怕......
食飽飽叫左2個飯後甜點....酒釀丸子and椰汁紅豆糕.....依一餐飯真係perfect喇...媽咪同婆婆都好高興...值得一讚...功德林員工十分好....100分.....

原本想去tonkichi食炸豬扒, 不過家姐話佢生日唔想殺生,
於是半個月前鳳仙就為佢訂左位, 生日, 食齋吧

本來好驚食齋會好多油, so far 食落又無咁既感覺wor, 不過就真係做到色香味俱全
睇相啦=]

今次有d遺憾...就你無食到混醬冷麵.......

難得今晚可以早放工, 女友又唔想食d咁oily既野, 有同事介紹去功德林, 見到食齋都幾新鮮, 又清清地~ 但試無妨~ 打電話去book位, 想坐window seat都full左…不過, 算啦~ 因為中餐多數都係光線充中, 唔係咁易睇到夜景.

照舊啦, 去試新野之前, 都係上下or 做下research先~

Order如下:
是日promotion的湯 忘記了它的全名(見諒) -- $38
咕嚕肉 -- $88
小籠包 -- $28
上海冷麵 -- $68

湯: 尚可, 一小碗就要38蚊! (考慮到銅鑼灣區的緣故, 算了吧~)
咕嚕肉:. 女友一直以為是真的豬肉!! 哈哈~ 其實是猴頭菇來的! 不過, 外面的炸粉有點厚得誇張! 導致整體口感略為遜色…. 招牌菜竟然榜上有名… 唔,,, 有點保留呢~
小籠包: 可能食慣左有肉味的小籠包, 所以不便評論. 不過, 真係好似…
上海冷麵: 全晚最最最最吸引, 味道最好的一味!!!一碟冷麵有七種醬料~甜酸咸辣味都齊晒~麻醬, 醋同豉油係店員點名一定要撈!!~撈完真係好香~~

賣單發現用某銀行咭竟然有9折~ 整體黎講都ok既, 下次可以叫埋媽子黎trytry
緊記上海冷麵份量都ok多! 如兩人用餐, 勿點過多呀!

So it is the first day of the Chinese calendar month and my Mother in Laws (yes, I have 2) need to have vegetarian food that day. We went to our favourite Kung Tak Lam restaurant where there are always many dishes I like. There were 5 of us. We ordered:

My must have - mix cold noodles with condiments. You mix your own and there are lots of sauces, condiments to choose from and they are all in little pots on a tray put on your table. I always put soy sauce, tasty sauce, sesame sauce, chilli oil, vinegar, bean sprouts, cashew powder and black pickles and it's always so tasty. I had 3 small bowls

Should have mentioned the assorted cold platter first. You can choose the combination. We had crispy eel, ma lan tau (like a diced salad of leaves and bean curd), mock ham, mock goose and kao fu (spongy bean curd) with fungus. Yummy

Chicken in fried bread rolls. These used to be mother in laws' favourite but today they were not popular. I myself find it a bit bland. It's bean sheet on outside with bread layer and mock ham and vegetables inside, then deep fried in batter

The waiter insisted we order this bean curd dumpling special with slices of mock ham in between and sprinkled with pickles. I didn't like it as I don't normally like bean curd dumpling. No texture and just nice for show

Abalone mushroom with sweet potato leaves were nice. Sweet potato leaves is a nice tasting vegetable with a slight bitter tinge and a rough texture. I quite like it and it is not common in HK.

We also had a jug of fruit tea which has fruits inside but actually no tea. If my daughter was here, she would eat up all the fruits but pity she couldn't make it.

So another satisfying meal. I am happy we have selective vegetarians in the family.

由於要清埋上年d假，小弟今日唔洗番工，為一表孝心既我就同阿媽去食晚飯。
阿媽一向鐘情素食館，所以我就提議去功德林。事關＜功德林＞係素食界一向都好出名，而我記得呢間餐廳有好多菜式揀而且位置方便。唔講唔知，阿媽話功德林己經由以前糖街搬左去世貿中心中心，佢話佢朋友之前食過仲話有靚海景睇。所以最後我就係3點零鐘個陣打去訂今晚7點鐘la。

新店位於世貿中心10/f，一上到去轉左就見到，右邊係 Ruby Tuesday ，睇黎世貿會開更多餐廳。　可能因為係平日晚膳時間，唔係好多人。 新店裝修比舊店靚好多，燈光光猛，環境亦比舊店乾淨好多，不過可能好多客都未必知道搬左去世貿中心。

同老媽子坐到海景位，固之然開心，我都好耐冇食齋ｌａ。可能好耐冇同老媽子食飯，佢係咁叫我點菜，攪到我有ｄ唔係意思，但係其實我淨係想食生菜包，其他都係尤佢話事ｌａ！

經過老媽子精心揀選之後，有以下菜式；

　生菜包，生菜好新鮮，ｄ都好足料，不過味道就淡左少少，可能因為啱番食素人仕，不過媽子又幾鐘意ｗｏｒ　　　　　　　　　　　　　　　　　　　　　　　　　　　　　　　　　　　　　　
　脆鱔，個汁好好味，自己一向唔太鐘意食鱔，但係因為怕腥，但係呢碟脆鱔一ｄ都唔，而且仲食得出ｄ肉好新鮮！而且個汁會令到個鱔冇咁熱氣。

　咕嚕肉，好似食緊真豬肉咁，個汁又唔係太酸，不過就細碟左ｄ

　雪菜豆瓣炒百合，個雪菜好味，唔會有渣　

　苔菜松子炒飯，略油，但係味道唔錯，唔會太鹹

　香蕉高力豆沙，如果大夠少少就差唔多，只係夠老媽子一個人食

總括黎講，功德林新店質素能夠為持舊舖水準，而環境亦比舊舖舒適。至於價錢，每人約＄１６０－２００。有如此水準在銅鑼灣區尚算合理！








　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

朋友同我做生日, 我o地試咗呢間素食.7條queens 叫咗個六百幾蚊嘅6人套餐另加一碟菜同埋一碟高力豆沙，幾抵食. 平衡一人百幾蚊.

6人套餐有:

五福臨門大併盤, 羊肚菌扒鱈魚, 七色冷麵, 素菜包, xx菌扒豆苗, 炒素翅, 糖醋松子魚, 同埋八寶飯...等.

整體覺得碟碟都好好味. 比一般素菜館做得冇咁肥膩.

為一不滿: 個waitress 係咁sell 我o地個$1xxx 嘅餐. 我o地冇叫, 佢就黑面.

這天中午一行五人來到銅鑼灣吃午餐,由於沒有甚麼特別心水餐廳而又行過世貿,所以上來這裏清一清腸胃, 吃頓素.

午餐有湯飯,送就有六個選擇,我們五人已點了五個.送其實沒有甚麼特別,都是那些典型的紅燒豆腐,紅燒茄子,紅燒雜菌之類,不像那些新派齋菜那樣有那麼多令你驚喜的食物.普通的送菜煮出食物的真味

反而我覺得那個湯值得一讚.本來以為沒有豬骨或肉的湯會寡了一點,但原來用菌類來煲湯亦都有一陣陣的香味,比起飲開茶餐廳的例湯又有另一份味道,值得一試

每人埋單六十元,銅鑼海景餐廳來說算經濟了

上星期日, 我地幾老表一齊做個孝順孫, 帶婆婆出去食晏~ 見婆婆平時成日求神拜佛, 家琦表妹就提議去食齋~ 家明表哥最近中左六合彩, 於是我地就屈佢請客, 仲要食豪d! 最後我地就去左銅鑼灣世貿中心間功德林喇~
我地經過一輪商議, 拍板叫左素菜包, 上海小籠包, 上海炒年糕, 雞絲粉皮同七色冷麵~
素菜包:
一食落去就覺得個包好熱辣辣, 包皮好軟熟, 而且餡料份量十足, d菜同菇都好香, 好味!!!
上海小籠包:
真係估唔到~原來齋的小籠包都可以真正小籠包的味道! 包皮又唔算厚~婆婆食完都話”ho ho jack”~
上海炒年糕:
炒年糕唔油膩, 就算婆婆食左都唔會唔健康, 而且d醬汁好香~濃郁得黎又唔會太咸~
雞絲粉皮:
麻醬真係好香, 一上檯就聞到~雞絲又足,d粉皮好薄!! 家琦表妹最鍾意食麻醬, 雞絲粉皮係佢的至愛~
七色冷麵.
好得意~一碟冷麵有7種醬料~甜酸咸辣味都齊曬~麻醬, 醋同豉油最受歡迎~撈完真係好香~正!!

上個禮拜同事我去食晚飯, 大家都諗唔到可以去邊同食咩, 於是去左食素; 咁我地公司淨係有車去中環同銅鑼灣喎, 咪去左功德林攞.

個名就聽得多, 好似好好食咁; 之但係...咩都唔合格嘅

由點菜個一刻, 我地唔知叫咩好咁就諗住問待應冇死啦, 點知佢地下至普通員工, 上至著黑西裝嘅部長, 都講唔出佢地有咩招牌菜嘅...老細, 我地唔係問邊d好食喎, 唔知佢地係咪怕答左我地會怕投訴佢地介紹錯佢地嘅招牌菜呢...

咁我地求其叫左三個菜啦, 我真係唔知而家d野真係咁幀定係佢地嘅名氣大食物貴lor...個生炒魚片真係搵笨到死得個幾塊雞脾菇薄片同d菜就要成舊水....真係食佢個名攞

個栗子煲叫做好d 啦, 但係d冬菇係煲完先炒嘅, 一咬落去係無味嘅水黎...好流

個冷麵都ok 嘅, d調味好大陣像咁放响個冷麵旁邊, 叫做好有heart 咁...好食架同其他兩個菜比較

妹妹回港，全家聚會，九大兩小，菜式如下：
五福臨門大併盤
鮮菇百合炒五仁
羊肚菌扒鱈魚
三絲魚翅羹盅
芋頭素雞燜栗子
菠蘿咕嚕肉
油雞菌扒豆苗
上海冷麵
紅豆沙鍋餅
每席 $1688 另加茶介 共 $ 1848

美味 招呼好 環境好 素食健康、環保

早前得到《同門》的電影贈劵, 借花敬佛, 聊表孝心, 請了爸爸一道去看。

看完已近下午茶時間, 我們就走回附近的世貿中心找吃的。跟爸爸吃飯還是吃中菜好, 便選了來功德林吃素。平日下午 2:30 至 5 時供應自選下午茶優惠套餐 ($28/位, 另茶芥加一), 我們就等到 2:30 才入座。

在世貿吃飯的重點, 其實是那個無敵大海景, 在功德林也不例外。一覽無遺的維港美景配上菜館的清雅裝修, 令人心曠神怡。可是店裡今天播著的是流行曲, 有點煞風景。

下午茶套餐每位可款點心、飯麵和甜品各一款。
點心:
七彩金菇腸粉 - 紅紅綠綠, 顏色好看, 金菇份量不少, 唯味精也有相當。
翡翠菜苗餃 - 內有白菜末和雜菜粒, 「的的式式」, 卻其實頗油膩。

飯麵:
粟米三絲炒飯 - 想不到雖然是下午茶餐, 碟頭絕對不小, 如果一個人吃的話, 也未必吃得完整個餐。此炒飯材料簡單, 只粟米、菜絲和素火腿, 也是炒的比較油。
青菜燴麵 - 功德林以上海素食起家, 自然要吃一些上海菜; 這個燴麵湯底濃郁, 麵也是預計之中有一點點糊的質感, 雖無肉也做得似模似樣。

甜品:
是全餐最出色的部分!
香芒雪米糍 - 裡面不是雪糕而是一塊芒果, 其實是一粒芒果糯米糍。皮不算薄, 相比起主菜來說已是很不錯了。
綠茶馬蹄糕 - 青翠的顏色教人期待, 綠茶味卻是淡淡的, 是小巧清爽的甜點。

連茶芥二人吃要 $80, 即是茶芥 $8 一位 (好在我連檯上的酸菜都吃光了!)。食物的確是麻麻, 但來看海景的話, 也算值回票價。

題外話: 一入門口見到有個結婚蛋糕, 而吃到中途突然響起婚禮進行曲, 原來有對準新人在此擺婚宴, 來了打點細節。我想茹素者在此舉行宴會也是一個體面的選擇。

同朋友補祝生日，不知道食什麼菜好，就試下食素食，因為之前睇過食評既介紹都唔錯，所有就來試一試。整個場入到去好舒服，燈光柔和、裝修都唔錯架。當晚不是初一、十五，所以現場所見的就唔係太多人，朋友聚舊、食飯，的確係一個唔錯既選擇。

粟米粥: 味道都可以，粟米好甜，友人超鍾意食
小龍包：好一般，真既小龍包好食好多，可能係因為沒有真正肉汁既緣故
豆腐餃子：賣相好靚，應該係全晚最功夫既一道菜，真的好清淡，不過總是覺得入面既菜有青既味道
三鮮卷：最喜愛的一道菜，不會好油膩。外層係一層麵飽，中間有蛋白皮入面包住三鮮，味道剛剛好，下次一定會再食(好似有甜酸汁跟埋)
蜜汁脆鱔：其實我倆都好飽，不過在網上看到很多人說這個好食，所以心思思叫咗一個。這道菜一定要熱食才好，因為耐咗，會變我好硬，友人覺得太甜，不是很好，又或者因為飽既關係啦，所以都覺得好一般。

這間素食真的不錯，如果下次食素食的話，會再返來。這間其實之前都有同一個素食朋友去過銅鑼灣黃金廣場大自然素食，個人認為有點兒貴，可能佢係新派形式啦，有魚生、壽司咁，不過我自己都係喜歡全統既食物。現在的素食，不論外型，味道，真係模仿到同真的一樣，真犀利

以上消費合共：港幣３５０

討論左一段時間究竟係睇「意外」前食咩好，諗左好多唔同既食店，最後BANANA突然提出話去食素，因為佢有張功德林既 $ 100 現金券.... 哈哈，咁還掂都決定唔到食咩，咁就是旦啦，就意外地去左食素啦。

去到無咩人喎，可能因為仲早啦，一坐低個姐姐就係咁叫我地幫襯佢個燉湯... 係咁話好抵，我地檯都未坐暖喎，唔駛咁急呀? 最後我地都拒絕左佢叫佢俾我地睇下先。

最後我地兩個人叫左個上海冷雲吞，幾得意，得 4 粒，啱哂我地兩個人! 一D都唔滯，當然一D都唔濃味啦，因為佢係素嘛! 我食黎食去都係食到好多菜苗，都唔係好分得清入面有D咩，哈哈!之後就叫左個上海冷麵，一黎有十幾兜野，咩味都有，我地每次夾少少麵隻隻試均哂! 最好食都係甜甜地既麻醬，好香好食! 醋都OK! 其他就普通啦。個麵都幾大碟架，食極都食唔完! 個麵OK彈牙，口感唔差，凍凍地無咁漏。

跟住仲叫個豆腐餃子同埋有唔知咩薄餅 (唔記得左個名)! 豆腐餃子好得意呀，用豆腐代替個皮，一入口好香豆味，好食! 同餃子個味道都夾，又係清清地，有生菜墊底。最後就係唔知咩薄餅啦，佢D餡料好大兜，同餅皮份量唔平衡喎，餅皮得 6 塊，有甜醬掂，令我想起片皮鴨，ANYWAY，都OK好食既。口感豐富，而且比起其他食物叫做濃味D。

哈哈，我真係唔太識得品評呢個素菜，不過偶然食一餐清清地真係唔錯呀! 清下腸胃嘛! 食完就去睇意外啦! 有$100現金券所以平左D!