呢一間茶居係我同HONEY既飯堂,我地好多時WEEKDAY都黎,因為佢地有下午茶餐(2:30-5:30)
,好抵,免茶介免加一,而且有好多卡位,坐得好舒服:當日我地ORDER左一個餐再加一碗肉丸粥,份量足夠兩個人食

呢個套餐包括($88)

一) 2隻蝦餃,2隻如意上素餃: 雖然係跟餐,但係一D都唔馬虎

二) 2個菠蘿叉燒包: 熱辣辣,軟綿綿,超正

三) 1碟叉燒腸同1碟油菜: 叉燒腸係我老公至愛,皮做得好薄

其實呢間茶居食物水準不俗,佢地既粥底好綿,食到最後都唔會變稀,我地次次都會叫

去過呢間都好幾次了, 呢度既點心不錯的.
內裡裝修好有中國色彩, 不過可能樓底不高, 比較嘈雜.

如意上素餃 ~ 外形晶瑩剔透, 皮薄餡多, 餡係素的, 清清地, 好好食的

蔥花炸兩腸 ~ 呢度既炸兩不錯架, 粉皮薄, 包著的油炸鬼好脆架, 呢個差不多每次都叫

虎珀素丁炒飯 ~ 呢個係用素炒的, 大大碟, 而且d飯炒到好靚, 整碟不覺油膩, 而且味道都唔錯架

流沙麻蓉包 & 叉燒腸粉 – ok啦, 不過不失

其實該店既點心炒嘢不錯架, 服務態度都ok的.

原本一心來試試聽聞已久的廣東茶居, 落單時, 叫左<錦老>雲吞, + 楊洲炒飯, 點知隔左一陣個waiter 話<錦老>雲吞已經冇做好耐, 奇怪的是menu 都唔改仍然有出現. 我地話唔要個炒飯諗住叫小菜+白飯, 點知佢地話已經落左單, 即係冇得改, 咁我叫左<錦老>雲吞又隔左咁耐先話比我聽冇, 即係自己錯就冇所謂, 知會d一聲就得, d客因為冇果樣嘢而要改單就話唔得, 其實如果落單時冇應即刻hold住張單然後去問客人有冇需要改單. 咁小小ge 服務技巧都唔識....唉雖然d食物都ok....但咁 ge 服務在旅客區做生意絕對會影響香港ge聲譽. 檢討下啦!

久不久會來這裡飲茶食點心，價錢方面雖較其他酒樓貴，她勝在多卡位坐，最適合慢慢歎

記得第一次光顧身體不舒服，點了數款點心及瑤柱白粥，粥味香濃味道很好而且粥底十綿好好食，一連吃掉兩碗再加數件點心，別人還以為我在裝病怎麼會那麼好胃口
而每次到此必點以下點心再加其他

瑤柱白粥: 今次不知是第幾次來光顧了，雖然食過魚片粥，及底粥，但還是想再食瑤柱白粥，粥底靚，無論白粥有料粥都是很綿很好食

點心:
鮮帶子腸粉: 腸粉十分幼滑似是自家制，即叫即蒸腸最好食，帶子也很鮮味，沒有鯹味

馬拉糕: 熱騰騰上台聞到陣陣蛋和味，雖然不像傳統馬拉糕般啡色，也沒有直紋棋孔(蒸糕會蒸出點點孔)分明，但很香味味道不會很甜剛剛好

服務員基本上是沒有什麼服務，沖茶要客人叫才到，埋單總算快

三款食物埋單連茶位共 $105

本來想去太子食潮州打冷(晚飯)，但一出門口就落大雨就改咗去食呢間。

鐵觀音 x2 $12 唔太特別

黃金焗蝦球 $72 因為女皇愛食蝦，都幾香口，蝦都好大隻但唔似係焗同多咗

D油。

啫啫通菜煲 $58 唔覺有香濃啫啫味唔知係咪我叫佢少油，所以好淡

白灼爽滑鮮腰潤$68呢個係重點，如果你話深水涉維記好嘅，你就眞係要嚟呢度

試下，豬潤夠大塊、又爽脆、又嫩滑，超勁好味雖然價錢唔同，但眞係好有質素

至於豬腰都好爽，我我偏愛豬潤多D

老火湯 $38 個湯冇肥油，冇落味精，都幾好

圓肉桂花糕(送) 唔見有圓肉，只有少量桂花不過送就算啦


Summary:其實中午嚟飲茶D點心都OK，但愛吃豬潤就不能不試。

2009.06.13 晚餐

叫了以下菜式
1. 西蘭花炒帶子 --> 味道不過不失
2. 蝦醬蒸豬爽肉 -> 味道算好, 不過D豬肉色水好紅, 大家明啦。
3. 啫啫通菜煲 -> 是廚師推介菜式之一，好多、不過沒味，好失望。

叫了白飯好久才送上，服務好一般，叫價$282.00。好不抵，不會再來。

人物：新婚的珍尼絲與愛立信，Buta, Tigger and Pooh
時間：晚上7:00
豆腐班腩煲：熱哄哄，好入味．
粉絲雜菜煲：好清甜既湯，材料好足．
沙律蝦：大大隻蝦，好味道啊．
西檸雞：油左些少，味道唔太酸．
擂沙湯丸：好味，熱熱地，有種流沙既feel，正啊！
芝麻湯丸：ok啊．
合桃糊：好滑，淡淡肉．

小學同學聚會.....由於有小朋友...所以揀左中菜.....5大1小....食左一個套餐:
蟹肉粟米羹 - 蟹肉唔算多...但係多粟米....OK
蔥油雞 - 一上檯就聞到好香....雖然油左D...但係唔緊要啦...食少少唧.....雞肉好滑.....可惜只有半隻.....唔夠分.....
金銀蛋時菜 - OK
咕嚕雞球 - 用新鮮菠蘿炒....雞球炸成球形....深得小朋友歡心.....都好味.....
冰梅醬小骨 - 唔太熱...但係味道唔錯.....
怕唔夠食...加多個雜菌燴荷塘 - 呢個好好味....個蒸蛋底好滑....讚
埋單 $470.....價錢唔貴.....食物有水準....乾淨衛生....服務周到....點解會咁少人幫襯???

琴晚同o左fan來o左呢間店到試試,入到去個裝修唔錯o既,
叫o左個栗米蟹肉湯,一個鹽水雞,一個蝦仁炒蛋,一個黃金
焗蝦.
栗米蟹肉湯,好平常,冇乜特別,鹽水雞太鹹,冇雞味,唔好試,
蝦仁炒蛋,一個黃金焗蝦,d蝦大大隻,有鮮味,唔錯.但一個人
埋單$150,我個人覺得唔抵食law.

昨日去開海港城～　之前拎左海港城果張"美食指南"～
所以每次去海港城之前～　都會諗定食邊間餐廳～
今次ｂｆ就提意去"廣東茶居"～　因為我地都未試過～
我上黎睇過ｄ食評都一般～　但始終未食過～　都想試下～
去到門口～　拎張餐牌睇下先～　覺得都ｏｋ既～　就入左去喇～
大約６點７～　裡面都仲有好多位～　所以我地就安排坐卡位～
坐卡位舒服好多～　起碼唔使攬住個袋黎食飯～
睇完餐牌之後～　見到有個叫"皇妃炒飯"～　個名好似好吸引～
但佢無寫到係用咩料黎炒～　所以就問下個侍應～
佢話係～　用雞肉杞子仲有記得乜野炒既～　心諗．．．杞子．．唔太岩．．．
所以最後叫左．．．瑤柱旦白炒飯．．．．生炒咕嚕肉．．．．
最後．．叫埋個椒鹽魷魚蘇．．．．．．

首先．．．椒鹽魷魚蘇先黎．．．配類似o急汁同埋華鹽．．．．
咸咸地．．．好熱（即係即叫即炸）．．．都幾好味．．．
跟住．．．黎個咕嚕肉．．．個賣相都幾好．．．配菜有紅綠椒同菠蘿．．．
ｄ肉係無骨既．．．全舊肉．．．ｄ肉都幾腍同幾滑．．．
最後．．個炒飯都黎埋喇．．．．個賣相好靚．．．
飯面放上炒香左既瑤柱．．．味道清清地．．唔錯．．．
初初我以為只係個飯面放上瑤柱．．．原來都有放瑤柱一齊炒．．．．
唔知點解．．．旁邊經過的食客．．．都會望住我地碟炒飯．．．．

唯一唔太好既就係．．．當你食完哂所有野．．．佢就會拿拿聲．．．
幫你收哂ｄ碗碟．．．有ｄ想趕你走既感覺～

是夜得到中學好友邀請出席五行術數聚餐…其實有幾個好友的朋友有研究開八字, 星座等等算命的東西…免費替我們的時辰八字占卦…

菜都是由友人拍板…邊聽師傅們講解…又要間中互換坐位…同時一邊吃飯真的有點難度…師傅跟我解說時我又不能打斷說要先拍照...所以食物的照片也不能好好的拍…幸好食物有水準…

皮蛋子薑 - 皮蛋是溏心的…很好吃~

金銀蛋豆苗 - 菜很新鮮…鹹蛋和皮蛋份量剛剛好~上湯亦能帶出菜的鮮甜…

清炒西蘭花 - 西蘭花很爽, 好味道~

炆牛筋腩 -牛筋炆得很淋, 而且很入味…充滿膠質…牛腩亦不錯…都不及牛筋好味…

淨雲吞 / 淨水餃各一 - 雲吞和水餃都不錯…雖然不算十分出色, 但足料…可惜的是湯底好像有少少味精, 所以要喝水…(p.s. 圖中只有兩粒雲吞是因為我發現它的時候已經被大家分了.....不是一碗只有兩粒)

不得不提的是黃金蝦…..雖然沒有拍照, 但確實很好味…本身很喜歡各類黃金xxx的菜式…吃過大多數的都是黃金部分是比較像醬汁…蛋黃汁可以另外配飯…但這裡的黃金蝦的蛋黃就好像一層外衣包著整隻蝦….有一種微微脆的感覺…我可以說這是我吃過最好吃的黃金蝦…由於份量不多, 每人只分配到一隻….到現在我還念念不忘想和sheep再去一次, 那麼我們就可以大吃特吃了…

非常忙碌的一餐, 雖然價錢亦有點貴, 但食物水準和師傅都水準都不俗…算是不枉此行呢~

專程為麻蓉流沙包而去, 但係餐牌上沒有
望多眼下面的食評, 可能早餐先有得食 ToT

吃了：
蝦球炒麵$78
- 麵脆, 蝦球好食, good!

干炒牛河$68
- 少油, 但味道普通

南乳香酥骨$68
- 肉質鬆化, 油炸食物, 但底紙竟然唔係吸滿油, 驚喜

酩茶$3, 自選酩茶$6, 唔使點解我都未坐低就問我飲咩茶, 咁就六個大洋, 古惑! (都係降番個OK級別好了)

呢日又黎廣東茶居食飯，冇黎個零月，呢間野又加價，我諗我有排都唔會再黎，半年之肉起碼加左2-3次價，仲要加既%唔係小，以前食炸子雞半隻$88，今時今日竟然要$180，開張短短1-2年，加價一倍有多，之前已經blacklist左翡翠，睇黎而家連呢間都要black list。

今次食鼓汁帶子蒸豆腐，椒鹽白飯魚，雲吞撈麵 (牛腩汁)，鼓汁帶子蒸豆腐已經唔及以前好食，有點腥味同細碟左，椒鹽白飯魚水準就keep冇變，雲吞撈麵我就覺得佢d蝦太大隻，入面冇乜豬肉，呢間野食咁耐都只係覺得椒鹽白飯魚好d，踓然椒鹽白飯魚係隔離舖，但係去隔離舖食，焗住比佢收功夫茶錢同前茶錢，呢種餐廳真係好討厭，當初佢地開檔冇人幫親，個時態度好而家好多。

魚片牛肉粥, 好大碗呀!
三十幾蚊, 好抵呀!
魚片同牛肉都有幾多, 粥又夠綿, 唔錯!

星洲炒米, 都係好大碟! 兩個人, 都食唔晒!
炒得好靚, 好乾身!
食落d米係硬硬地.
面好似有d蝦籽, 好香!
仲有好多蝦, 叉燒, 蛋絲等.

裝修新淨, 坐得舒服.
要開茶, 菜式同茶餐廳類似.
係高檔茶餐廳.

家人吃晚餐
--首先是班粒茄子豆腐煲
所有材料都是粒粒的
味道ok,很香,但太油了一點(這句會再出現)
--芥蘭炒牛肉
覺得普通,而且太油了一點
--通菜+蝦醬
好味,兩樣野mix埋好夾,但太油了一點....
--紅燒豆腐
都是好味,個人好中意吃豆腐的
這里豆腐份量也ok的
買相普通了少少
--蝦子乾燒伊面
好味啊,d蝦子的份量岩岩好
而且蝦子已經撈好在面中先比我地吃
幾正
--蟹肉瑶柱蛋白炒飯
都是好味,蛋白都很多,蟹肉就少d
扁咸一d,但都算接受到
--overall
算幾抵吃(不過無糖水送),味道真的ok,是d野普扁太油了點,喝了不少茶