22/1(五) 7.30pm
吃罷刺激味蕾及腸胃的韓餐,我倆的胃部皆有異動,以阿梁的情況更甚.只好再次叩見大夫.大夫再三叮囑這一星期只能以粥品作主食,一切以清淡為主.

這個"吉日"當然挑了阿梁平日不願吃的素作晚餐.到了這家跟深水埗像是格格不入的"健康齋廚".家庭式作業,店內僅百餘呎,但如素者的人數不能看輕!需求比供應大,好不容易才能瑟縮於近門的圓桌.

點了是晚晚餐:素雞榨菜炒飯餐$34及散點了素鴨粉絲什菜煲$40.

餐湯--味道天然的淮山熟地湯.

素雞榨菜炒飯--油份略重的炒飯以青豆,蘿蔔,素雞,榨菜及菜心粒作配料,味道偏寡!

素鴨粉絲什菜煲--以西蘭花,菜心,粉絲及素鴨入饌的什菜煲味道清甜.而已,什菜一嚼已近化境的質地不太討好!

讓胃納小休的晚餐!

說話約左兩個朋友食飯，大家又想食齋，諗住喺度見到呢間嘢D食評唔差去試，仲搵左成半個中，換黎咁既服務

一入到去我地都知地方唔大，都唔緊要啦，因為都見到好多人食，直覺會感覺D嘢OK啦，但又唔知食乜好，我朋友又想食酸齋---點知冇囉 都算啦，問下個阿姐有乜好介紹就淨係識叫我地叫羅漢齋同八珍上素，但問佢有乜唔同，佢居然話冇乜唔同囉 叫佢攞多對筷子同匙更都冇左影，要叫兩次先攞

最後有個阿叔搭散話炸雲呑幾好就叫左呢個同炒木耳翠玉瓜...........D嘢算上得快，之後再落左個白飯同粟米粥，就係個粟米粥出事，第一次落時佢又唔出聲話即煮要等喎，仲要原來漏單，隔成15分中見未黎我個朋友問佢，佢就好悔氣話呢D即煮同埋得一個爐，我都見唔到有落單喎 咁再落過啦，但我地坐下食下又過左成幾個字見果兩碟嘢都食完，但碗粥都未到囉咁咪同佢講未煮就唔要啦，買單啦，之後佢好快咁拎左碗粥出黎(但我地已經賣左單，所以佢話送俾阿婆食，婆婆仲好好心咁同佢宣傳話好好食架，你地一人一D食左佢啦，但已經唔想食囉)我其中一個FD俾錢先，咁我同另一個喺度掛住整返D褸，淨係聽到俾錢個朋友行出去時好大聲話冇下次啦，唔會再黎食

出到去先知原來個阿姐同我個FD講你地咁冇耐性下次唔好黎食啦，原來等一碗粟米粥等成半個中有多都叫冇耐性囉，佢講嘢D態度係超衰，係咁既，佢都係齋口唔齋心架啦，憑乜開齋鋪呀，仲要喺鋪頭寫咩 "對人要寬心"，食呢餐間直谷氣呀

桑寄生粟米紅蘿蔔湯
星洲抄米$34

有時都會想食齋，但又怕好油
呢度個湯幾清甜，原來桑寄生可以煲粟米同紅蘿蔔，食糖水就多
星洲抄米，食唔出有咖喱味，抄得算香口，唔係好油口，配料有啲素叉燒咁，幾大碟，食完好飽

同Honey係奧海城睇完Sex and the City，跟住嚟哩到食飯，想嚟咗好耐，終於Honey有時間同我嚟啦！

我哋叫咗：
雪菜炒三絲套餐＄34（送白飯及例湯：赤小豆扁豆粉葛湯，足料但未夠火候）
福果木耳炒翠玉瓜（福果即係白果）
豆角素鷄
竹笙素翅（足料，好有香菇味，不過Honey懷疑落咗香菇粉）＄20一碗，＄40一窩

全部都好有住家feel，新鮮熱辣，冇味精，價錢合理，鐵觀音好香（＄3一位茶），老闆娘好好人，有問必答，兼具好有禮貌，好滿足及幸福嘅一餐，一定會同Honey再嚟。我哋下次要試支竹羊腩煲同炒飯，因為見隔離枱碟炒飯炒得幾乾身，乾炒牛河就油得很，咪攪！

食咗＄141，Honey俾咗＄200，餘款助印一本“楊枝金露”嘅書，有關素食健康，食物營養及食譜，記得問老闆娘攞啦！非賣品嚟架。

早兩晚忽然想食下齋,咪上黎睇下有咩好介紹啦,
見到有呢間健康齋廚,又近近地,而且食評都唔差,
今晚咪専登走去試下,
離遠望埋去,以為佢個度都會幾大間下,
但真係無唸到會咁細間,
但都幾乾淨,
我地七點幾去到,見到得番一張枱,
唔理三七廿一入去坐底先,
周圍望下,D野食都唔貴,

我地叫左兩個套餐,
一個蕃茄豆腐牛肉,一個魚香茄子,
另外加多一個五柳素鮮班(即係炸魚),
仲有例湯(牛大力)送,

三樣野,每樣都好好味,而且即叫即煮,
平時亞仔都無咁好胃口,
但今晚佢好怏食晒碗飯,仲問有無添,
另外,個碗例湯,嗅落去好似苦茶既味,
飲落又淡淡地,但飲飲下又幾飲喎!
埋單連茶錢,$110
仲無叫小朋友茶錢添!

下次都會再去幫襯!

今日(13-7-2007 Fri)放半日假同o係呢頭返工o既朋友CK食飯,由於佢食齋,於是O黎呢O度食.呢O度舖頭細細,但擺位唔太迫,入場時間大約係1:15pm,眼見剩下兩個背住門口o既位,都OK吖.坐落都舒服.我o地叫o左$30沙爹金菇牛肉煲同$38松子紅米炒飯.

松子紅米炒飯好大碟,紅米同白米o既份量係9:1,幾甜唔錯.朋友話咁o既比例我o地賺o左.

沙爹金菇牛肉煲內有好多件牛肉,菠蘿,而金菇同粉絲就少o左啲,不過一個煲都好多.個人覺得辣o左啲,一定要溝落啲飯o度,但都唔錯,牛肉o既咬口好似真o既一樣.

半開放式廚房,但冇咩油煙攻出O黎.服務都唔錯.

不過唔知係咪呢o度比較隔涉,一路食,其他客人都食完走了,直到我o地大約2:00pm走,都只有兩個新客人o黎.

埋單$74.00因計埋茶錢.

大家好~
本人並不是素食者，但都會間唔中去下齋鋪食野。
此店舖大約六七張檯，地方不算寬闊，繁忙時間經常爆滿。早幾晚八點幾，終於有位給我和三位朋友坐下。我想六、七點左右是這間店的繁忙時間吧。
我雖然會間中食素，但對素菜其實不太熟識，所以就請店中的\\\"靚女\\\"服務員給我介紹幾道菜。包括有豉汁素鰻魚、西檸千層、生炒排骨及老火靚湯(靚女話叫\\\"沙參海竹煲節瓜\\\")，我唔知點形容個湯，覺得好清甜~
幾味菜最令我驚喜的是豉汁素鰻魚，除了肉質嫩滑，鰻魚(紫菜包著鮮竹)的外表，更有九成相似，足見師傅功\\\力足。

環境：裝潢簡潔，3分
味道：即叫即煮，鑊氣十足，所以5分
服務：親切，4分
抵食：梗抵啦，四人食，平均都係三十幾!，5分
乾淨：合格水平，3分