之前都推介過呢間平令正既地方~
唔詳細介紹喇..大家可以睇下我上一篇食評..詳細d~

蟹膏蟹肉軍艦推介!
蟹子軍艦平!我必點既!
火灸咖哩三文魚SUHSI好味!推介!唔食3文魚既我都會點,用火槍燒過~仲有d咖哩鹽味~又唔貴!必試
炸鱈魚SUSHI 好似m記d魚柳咁!一般啦
蝦天婦羅SUSHI男友話好食,又抵又大隻.仲要係即炸!
牛肉卷...真係比佢呃左...唔好食既...仲冇半價!
茄子天婦羅SUSHI必食推介!全店最好食既野就係呢個喇!
又大件又熱又好味!一個字正!

不過好可惜上次去到見到門口已經冇做半價/單件優惠喇...

聽聞很久上水分店平日有半價優惠, 終於可以一試, 心情興奮!!

幸好得朋友預先等位, 前後也要30分鐘, 還好吧, 特價就預咗要等得耐~

先來個溫泉蛋烏冬 - OMG!!!! 蛋白滑但不是生的, 蛋黃則是生的, 喜歡生雞蛋的我, 混了湯一口吃, 超~~~~ 好吃!! 98分! 2分扣烏冬略嫌硬.

特大帆立貝壽司 - 必吃, 追加2次, 雖然特價, 但絕對沒欺場, 大大件, 鮮甜非常, 得!!

其他壽司都不俗, 但刺身就不必了, 份量太小, 也沒甚麼特別..

總言之, 一定會再來!!

如果個系統有10個喊, 真係可以比.

第一 : 貴, 食五碟壽司加一個咩特價麵餐, 埋單居然要250幾蚊! (哇! 貴過乜!)

第二 : 耐: 叫幾碟壽司, 等足半個鐘, 一個麵要等9個字, 個炒飯我諗去佐火星了.(後尾取消佐)

第三 : 味道差 : 壽司可 "比美" 超市果D, 唔新鮮, 無味, 飯又散又硬, 隔夜咁, D麵好似未熟咁, 其他真係唔使再講, 總之衰D講, 真係好似比你食佐落肚就算咁.

一句講晒, 咁價錢, 我去元X或其他上水食日本野既舖頭食重好味重飽, 幸好係D伙記都算係咁, 係咁追柯打, 所以先比番一分, 我見佢廚房好多人, 但唔知做咩可以整咁耐, 又唔係好食, 咁耐, 乜花都調到啦!

下次我寧願食個麵包, 都唔好再攪我, 真係十分完全極之唔掂!

今天和家人去了上水個間和花亭，之前知道晚上六時後有半價，心想都應該是幾低吃的餐廳，我們一行5人在六點半等了約40分鐘才有位！有位後已經第一時間落了order！個女侍應壽司說要等30 mins(只order了 14碟壽司和5個手卷 ) ，雖然全場座滿，但是等下等下要等超過40分鐘才有壽司，味道還不是很好，軟殼蟹手卷既軟殼蟹超凍(叫了一小時才來)，所以在那裡連等都要2小時才能夠離開。

昨日帶著仔仔去食三文魚壽司，晚上7:00到門口超多人，但覺得星期五一定多人，就去行街，一小時後回去還有25張檯要等，最後無奈等到9:00才有位，坐低後就落單，竟然全部魚生無貨，壽司手卷要等半個鐘，，個仔又肚餓又眼訓，最後叫左一個無特價飯，無特價烏冬、一件手卷就走左，不需15分鐘就走，我從未試過食壽司食到一肚火埋單仲要$160
，服務又無，食物水準又無，d飯又散，我去買超市壽司仲好食…所以大家要考慮一下，如果帶小朋友去就要想一想！

今日同同事一行9人去食lunch
等位都等左半個鐘以上，仲要唔催佢就冇位，一催就有位……

之後叫野食，又要等半個鐘
我唔覺得佢特別多客囉~而且切舊sushi都要咁耐？

最好笑係我地見三文魚sushi，就先叫左4件啦
5分鐘後想加多4件，佢個經理同我地講「無哂三文魚，得返三文魚腩」
一間日本餐廳竟然冇三文魚！？咁仲有咩可以食呀？？
而且5分鐘後我地見到隔離又有三文魚wor~
我覺得佢地係想逼我地叫貴d既三文魚腩囉~
好唔誠實既食店！！

另外我地叫左d拉同飯咁
個係好食，但超咸囉~
睇你個腎受唔受到啦……
反而飯又唔夠咸

女朋友一直想回深圳按摩，可我卻沒按摩的勁（我一向對按摩不太感冒的）不過終究敵不過女朋友的唇槍舌劍，加上近期工作也實在太累，於是就決定週末和女朋友到深圳按摩去了。按摩過後，時近三點，我們還未吃午飯，本來我和女朋友就無意在深圳找吃的，加上當時下著大雨，還是急忙過關回港再作打算了。

我們坐東鐵到了上水，決定先在上水吃過東西再回家。可我和女朋友對上水都比較陌生，我們唯有朝著火車站附近的大型商場上水廣場走去碰碰運氣。女朋友想吃比較清淡的，因此我們便看看有沒有什麼日本菜食肆了。找了好久，也沒找著，正值飢腸轆轆，垂頭喪氣之時；柳暗花名，好不容易給我們在裝修的圍板上看到「和花亭」在四樓的指示。終於找到「和花亭壽司」，而且剛好還有Set Lunch，於是我們便決定在此吃午飯了（其實時間已經是下午茶的尾聲了．．．．．．）

入內坐定，可能這段時間比較尷尬，加上這裡只有Lunch Set沒Tea Set，所以人客不多。我和女朋友飛快地看過餐牌，結果一同叫了雜錦魚生飯定食（罕有的我和女朋友叫了同一款東西，女朋友本想打我主意，叫兩款不同的東西Share來吃，但看來看去最想吃的還是魚生飯，我說立定主意吃這個就好）

雜錦魚生飯

魚生飯等了沒多久就來了，賣相還算不錯，魚生材料尚算豐富，有三文魚，魚立魚，八爪魚及吞拿魚等。魚生尚算新鮮，三文魚夠肥美，魚立魚新鮮亦沒腥味，八爪魚新鮮爽脆，吞拿魚用上赤身部份，不過亦相當新鮮，食味不俗，魚生份量亦多，飯用上珍珠米，米飯亦放涼了（我試過一次吃雜錦魚生飯中的飯是熱得出煙的．．．．．．）米的調味不錯，食味不俗。

麵豉湯

麵豉湯偏鹹，不過正好合我胃口（我愛較鹹的麵豉湯，女朋友則喜歡淡一點的）不過可能一般人就會覺得太鹹了一點。

第一次來上水的「和花亭」，亦第一次在「和花亭」吃這個Lunch Set（我在觀塘及尖沙咀的「和花亭」吃過的Lunch Set均略有不同，我想可能是不同鋪會有不同的定食吧！）侍應的服務略為遜色，可能不是煩忙時間，侍應很少，加茶添水當然要呼喚好一陣子，連結帳也等了一段時間，有些時候連一個侍應也沒有，食客未結帳就離開也沒人知道的呢！不過以不到四十元的價錢，吃到這個雜錦魚生飯算是很不錯的了。不過再來上水的機會不多，若其他地區的「和花亭」有此Lunch Set，也可以作為一個不錯的選擇！

今日爸爸生日，我地一家人年年都係係屋企過，今年媽咪突然話想出街食，好野~~~
先先係想食八八番既，但係行過去睇下個餐牌就覺行太貴了，所以變左過黎呢度

我一開始就失左預算:唔記得左今日雖然唔係weekend，但係都係happy Friday....六點九先至去拎飛，佢話要一個鐘架啦，但係最後要等成個半鐘，八點九先入到場，頸都長埋...

入到去坐定佢第一句就話「壽司要等半個鐘」，雖然我明白佢咁大間咁多客的確要等，不過當一個等左個半既人坐低仲要等多半個鐘先有得食就真係有D......

算啦，我同我細佬係咁劃劃劃。六點鐘後所有壽司都係半價。我地叫左25碟壽司
我最鐘意食既三文魚壽司同帆立貝壽司，不過不失啦，但係總係覺得唔夠新鮮，唔係我最鐘意之選。返而簡簡單單既芝士蟹子軍艦就唔錯啦~~屋企人都話好好食。另外叫左兩個小食，帆立貝牛油燒同炸鷄軟骨都好好食，值得推介。可惜今日食唔到炸蠔同海膽，係咁話俾我知賣哂

最後食左21碟+2個小食，加埋$229.8，呢個價真係抵食到~~haha

時間：６：００pm
果日約咗呀爸未夠鍾又肚餓，去左食壽司，等咗好耐，叫個經理過黎問吓，我問佢，我地
啲壽司叫左好耐都仲未黎，
佢好型咁話 [咁夠半個鍾未呀〕吓～～～～～我地０哂嘴直頭囧咗＠（我咁大個女都未唸
過食壽司要等半個鍾）唔通等擋魚？？　　　　　　　　　　
我地問,乜要等半個鍾嘅咩？
佢就話，係呀！你都見到幾多人架啦！
（其實應該在我地入坐之前講定，咁我地可以選擇等唔等）
佢話，通常都要等四五個字架．．然後好型咁閃左．．
一句唔該或唔好意思都無．．
哝間和花亭我唔會再去，服務態度超差...叫埋單都要叫兩次，啲人當冇咗件事，緊係啦！
個經理都咁差．．

味道差...
環境不太好...好熱..(唔知係咪無$交電費)
服務態度差...
經常落錯單&漏單......
之後仲要話以為係E樣... 比埋單都有得以為....真好笑~
唔抵食..又細碟又細件

心血來潮~上水已經唔知食乜好~
因為尋晚食唔到sushi~今日就決定去和花亭
由於上水食sushi既地方得幾間...元氣元綠都冇咩興趣..
至於其他果幾間青森2丁目,8番等...更加冇興趣添~
因為我唔食刺身...而幾間日本野都係食刺身既sushi就多...
今日放假就黎左個豐富既lunch!
自從佢2間變成一間...冇左炒麵飯既下午茶之後都冇黎過食喇...
今日一入到店...嘩...勁多人既??
原來除左門口果d udon/拉麵/飯之外
仲有單件優惠sushi點~
而且好多款添!

特大燒帆立貝sushi $8
真係好抵呀~!好大隻都幾好味~
松葉蟹sushi $13
因為自己中意食蟹~賣相唔錯丫~不過同普通蟹肉捧差唔多啦~令d囉~貴d囉~都好食既!
蟹肉捧sushi $4
男友話食$4件算喇喎...當然冇咁長啦..但都ok既!
火灸咖喱三文魚sushi $4
之前食過覺得幾好食~因為唔食3文魚刺身...但呢件就燒過既..不過今次食唔到咩curry味~
白象拔蚌sushi $8
都幾好味丫~食完先知呢件係象拔蚌~
五目腐皮sushi$6
男友點既...佢話好食
tempura茄子sushi $6
ok喎!又夠熱炸得又好~又大件~正!
燒玉米sushi $4
好奇下點左...嘩~食落去好得意呀!如果唔係點得太多..想叫多件嫁!好創新呀燒粟米~哈哈
自家厚燒玉子$13
每次都必點~不過唔知係咪多人呢..佢既玉子平時有點醬汁掃一掃嫁..同埋實少少~不過係即叫即整既~所以都暖暖地~但都好好味~真係厚燒~入面就包住d飯!玉子係最考工夫既~!
軟殼蟹沙律手卷 $10
之前食過好難食...d軟殼蟹好似隔夜咁既...今次再點,雖然冇話凍又隔夜咁..但食落去d炸粉好多..好熱~我覺得係返炸既...但男友話比之前好食~$10收貨
蟹子軍艦 $3x2
唔知大家有冇發現市面有2種蟹子呢~蟹子係我地最愛食既~而呢隻係屬於通透型~所以好味!
蟹膏蟹肉軍艦$10
一次過滿足哂2個願望丫~~好蟹味呀!好正!!!
炸雞udon$12+炸雞$9=21
估唔到幾好味喎~男友話冇udon食唔飽喎...一叫食幾啖又飽喇..不過真係好味喎!下次都會再叫~而且件炸雞好好味!又熱又炸得正~最重要係有沙拉醬我dip!
軟骨餃子熱卷$38
好失望.....未致於難食..但完全唔係我想食既野...內涵係軟骨餃子黎既~而d飯好似糯米咁..出面有層炸粉係出面好似tempura咁~食一啖已經好飽...加埋d醬汁又唔係好match..overall黎講我覺得似食緊栥飯多d~唔會再點啦..
自家製紫蕃薯/櫻花雪糕$18x2
去到尾聲已經好飽喇...但見到有sakura味既ice cream..一直想試...
呀...但我一試就唔中意lu~雖然有d清香味...但感覺好重奶味~似vanilla,,,而我個人最憎vanilla味....而且仲要$18蚊..細細杯...下次都係食北海道ice cream算喇...
紫蕃薯味男友貪新鮮又要叫一客比自己~
哈哈...但佢中意食我果隻味多d~因為佢話d紫蕃薯入面有d紫蕃薯蓉粒咁..而且唔似ice cream仲越食越渴喎...佢好失望喇~因為佢中意食紫蕃薯...
or下次我地都唔會再叫ice cream~
total:$187+10%=205.7

btw,呢度既sushi除左刺身外..有好多選擇既sushi可以食~而且又平又唔錯!
會再食既~試哂想試既野..下次叫自選烏冬+配料+幾件sushi就飽哂啦~

今晚我同同事去買衫，買左之後突然想黎呢間試下d野食~
我地等左差唔多一個鐘，好彩有野行下!~

我地一入去，係俾個場景嚇親，唔係多人到爆，而係點解仲有咁多位，都唔俾出面等緊位既人入去！出面等緊既，真係點都有五六十人~ 點解佢唔叫多幾張飛呢？搞到個個都等咁耐~

我地等位果時已經order 左野食，一坐低就可以俾waitress~
上壽司時，我地都對service要求唔高，畢竟佢真係好平，但係都唔好一碟野飛落張檯度「鏗」一聲丫，仲要我地係傾緊計，一隻手攝埋黎喎！大佬呀！free架而家？！

不過，我地叫加水時，個manager (應該係，制服唔同既) 就超好態度，仲要係反應快~

三文魚壽司($11)︰我地叫左四碟，我係佢既superfans呀！佢切得唔算薄已經好好了！不過佢d wasabi 好似唔夠勁~

三文魚刺身($36)︰呢個夠厚呀！唔錯喇~

辣辣三文魚(<---唔記得個名tim)︰呢個都係唔夠wasabi，自己再加~ 都ok~

炸軟殼蟹手卷($17)︰唔得囉！軟殼蟹係凍，仲要係"lum"架！

炸天婦羅壽司︰呢個好得！係熱既，仲要係脆，好大對比~

油甘魚壽司︰好甜架！呢個想再食，但開始飽~

帶子壽司︰呢個都ok丫，朋友話好正~

如果我早d拎位，唔駛等咁耐，又唔叩下d waitress 做野，我會再去的~
真係好平呀！！！

同一個星期食左兩次和花亭，星期五時去左尖沙咀分店，同兩個朋友食.. 食過番尋味，係之後既星期二執稿執到悶悶地，就走左去上水分店。

上水分店有午餐，魚生飯 $38，學生證仲免加一，開心死﹗正如下面果位食家所講，魚生種類繁多，同埋基本上都好新鮮。咁多種類裡面，最欣賞佢既三文魚子，彈牙鮮味非常﹗而三文魚就一般水準啦，嫌佢唔夠肥美。而佢 D 飯好有芝蔴香同埋醋味，好好味。不過，飯比較少，同埋我又唔係好鍾意佢上面淋上沙律醬喎 ~ 沙律醬既味道略嫌搶左少少，如果落少 D 更好﹗(或者下次我會叫走沙律醬)

食完飯，見佢 D 單件壽司優惠真係幾吸引... 忍唔住叫左一件蟹膏蟹肉軍鑑壽司同埋炸蠔壽司。蟹膏蟹肉軍鑑壽司是小妹的推介: 蟹膏鮮味，蟹肉新鮮，紫菜香脆，呢三樣野已經物超所值; 至於炸蠔壽司，又係被上面果 PAT 沙律醬搶晒 D 味，食唔到蠔既鮮味.. 炸粉還炸粉，蠔還蠔，爭少少。

可能因為地理位置上既差異，上水分店真係零舍抵 ~ 如果自己一個人，再去都會去返上水分店哩﹗

今天很開心成班新舊同事一齊食晏，笑麥雞提議去了樓下的和花亭食日本嘢，內面環境不錯，八個人坐一張長枱，我要了一客海鮮魚生飯，其他人分别叫了日式叉燒拉麵、鰻魚炒飯、海鮮泡飯及照燒雞扒飯。

海鮮魚生飯 ($38)
侍應先來一碗味噜湯再送上魚生飯，海鮮魚生飯内的海鲜種類不少，除了三文魚刺身外還有甜蝦、三文魚子、魷魚切片、八爪魚粒、蟹籽及蟹柳絲，還有生菜莢，飯粒是圓嘟嘟而飽漲的日本珍珠米，飯香带有壽司醋的味道，三文魚的脂肪紋分明，入口新鮮肥美；透明的橙紅色三文魚子很大粒，用牙咬破時感覺很有弹力，其它海鮮都好鲜味，用料有一定質素，酙量下些 Wasabi 和日本豉油更能提升魚生的鮮味，真的夠美味，唯一不滿的只是白飯較少而已。

其它的我當然没有試味，但鰻魚炒飯和叉燒拉麵的賣相不錯，吃較平宜的海鮮泡飯和照燒雞扒飯的同事也感覺味道唔錯；叉燒拉麵是用猪骨湯來煑，碗内有四、五片叉燒、海帶、栗米粒和日式魚旦，湯面還灑了白芝蔴，材料份量比老千拉麵豐富些，但價錢平了一截。

整體而言環境、食物都不錯，服務方面不覺有前文所述的問題，我們八個人的食物，下單後都很快上齊，和花亭提供的選擇唔少，價錢由最低三十多元消費也有，以日食來說郝都可算抵食，將來必定會再幫襯。

甚少到上水食日本餐,見呢間食評不錯,又同漁一丁同老闆,質數該唔差
共點了＋二碟壽司手卷,先來的是香葱吞拿魚手卷,嘩不知所謂,求其切Ｄ大葱
絲加一條好似米田共型狀嘅免治吞拿魚,紫菜又唔脆,卷得又鬆散,第一時間想退貨,
但環顧四週冇一個話得事的人.唯有撕開佢自己整番靚Ｄ,接着是一連串手握壽司同
軍艦,辣三文魚軍艦又冇辣味魚又少得可憐,手握壽司又散,睇來全班師傅都要再培訓
先得,價錢算幾貴吓.接着蟹子沙律又出事,沙律醬唔夠,味又冇,如此簡單好多間都出現
同等問题.
陶板蒜片牛肉放在陶板上一點煙也沒有,失去陶板燒意思,蒜片lum pat pat,失敗
和釧路拉面餐牌又譯作醬油拉面,order醬油拉面位侍應話冇喎,只得和釧路拉面,攪笑
從未吃過咁難吃的拉麵,唯一可取是辛囗海鮮味噌湯,但略嚴唔辣.
以上意見從未試過係一家三囗一致通過,