一早就想試好耐了

終於有機會去沙田飲 Godiva's drink

選了 Dark Chocolate, 貪個 feel 夠 original
出黎口感係唔錯既, 朱古力味夠濃, Cream 亦好味

不過我唔係好鍾意d沙... 好耐怪怪地咁... anyway 有機會再試!!

Services 更加無得彈啦... Manager 姐姐仲要好醒.... 抵佢咁高價錢既

有個friend話Godiva 嘅朱古力好好飲, 所以一直都好想試, 前日專登去旺角朗豪坊買,點知無得賣,尋日路過沙田反而買到~~
我order 左 Dark Chocolate (走 cream), 未飲之前, 覺得$42都幾貴, 但飲完之後, 又覺得好值, 一來都幾大杯, 可以倆個人share, 佢嘅朱古力味真係超濃, 入面好似好一粒粒沙嘅朱古力, 又唔會好甜(可能係因為我唔要cream), 總之一個字...正~~

漏左講...個staff 仲請左2粒朱古力比我哋試食..一杯朱古力送2粒朱古力=$42....低哂~~

一直都好想試ga啦=0)~上次去沙田買野順便買左杯黎飲=0)
我覺得一杯可以當lunch都得,飲完好飽(佢本野好"傑"~好多冰沙~)同有d漏~(因為真係好甜!)
雖然好甜,不過d朱古力好濃,都幾好味!!=0)(我叫左紅莓朱古力)
不過我都係試左一次就算,因為真係甜左d囉~~

飲過dark chocolate同milk chocolate
比較鍾意 dark chocolate 朱古力味夠濃 加埋d cream好香滑
milk chocolate 就甜少少 不過會滑d
$40 一杯都ok 幾粒朱古力都要依個價
外國牌子 service當然ok啦

好想試埋d ice cream

由於渣打有加$1多一杯既優惠,即係$43有兩杯,今日就去試下杯chocolate drink.... 試左dark chocolate 同mint chocolate.. 兩杯都好好味,好有朱古力味,d冰粒很幼細,杯mint chocolate,感覺好fresh,吾會蓋過朱古力味, 但係真係甜左小小.

可能飲呢杯朱古力的前一日
我同我姨甥去個另一間飲.有比較
呢杯朱古力好甜.個程度係甜到飲唔落.
而門口環境都不是太好.成日俾人望住....
但服務是ok......

This is the third time we try Godiva's chocolate drink!

My favourite drink in order is:-
1. Dark chocolate
2. Mint chocolate
3. Rasberry chocolate

This time the rasberry chocolate drink reminds me a bit of the smell of medicine...
However, the chocolate is so delicious and rich that it covers the smell of medicine.

Today we celebrate his BD too! So happy!

黑朱加力
真係.......無得彈!!!!
$42 一D都唔貴!!!
將D cream搞均,飲落更加滑
而且每飲一口都有朱古力碎食個口到!!
直情好似食咁朱古力咁呀
雖然係黑朱古力,但一D苦味都無~好易入口!!

我想快D再飲到呀~~~~

今天試了紅莓純巧克力, 口感比星冰樂幼細, 冰塊打得很碎
巧克力濃度適中, 不會太甜或太苦, 加上紅莓帶點酸, 冰涼又解渴

一早已想試試Godiva Chocolatier的朱古力飲品，今日終於『的起心肝』去試。
買前，以為飲品的分量會因超量的冰塊而大大減少，就像不少咖啡店的凍飲呃錢技倆。
買了才知，冰塊都已被攪碎，使得飲品的分量很足。
味道方面，無可挑剔之處。很夠『傑』、夠濃郁。而飲品裡又有不少朱古力碎，使得整體味道更佳，是有層次、非一般的朱古力飲品。
而且，店員姐姐的服務態度很好，還特地送了一塊新出品的朱古力給我試味。
可是，由於座位正正在四條電梯的隔壁，人山人海的氣氛令到環境不得不扣分了。

第1次幫襯..叫左純朱古力飲..42$..
我係平民,,第1次飲starxxxx 覺得物有所值..咖啡..
今次係第1次飲朱古力,,未飲前希望第1啖就唔同普通朱古力奶就ok..
結果真係好新奇..好正...每啖都有朱古力碎咁..溝左面層d cream反而無咁甜..都好既..可能有d人唔想太甜..但飲到半路..開始"cock"即係太濃太多而出現既感覺,
所以size減半..價錢亦是就very good la..
短暫可以更美好的..

最近一年本人打大風大地震，自顧不暇之餘買了盒朱古力補償一下自己慰勞一下自己，精神未免被擠壓得太辛苦了。

當時仲以為自己很傻人咁與朋友買埋同款同一盒朱古力，要我一個人自己又食返同款朱古力一式一樣唔係掛！？腦海不斷浮現買五百四那盒給自己就正！慶幸原來美麗的誤會…朋友那盒godiva係自選再另加禮盒送給我。

門巿一盒12粒裝預設款式如下：

1) 椰子松露巧克力—此顆古古力就靠母親大人包辦，佢話甜了少少，但入口後椰子味大於朱古力味。

2) 純松露巧古力—今次這個因收到時天氣翳熱而影響了松露的口感，因為印象中上次這個同款的純松露因天氣清涼巧古力亦表面乾爽略帶粉感，但放入口中等溶化時會食得出松露的甘苦味及清香，但今次松露因氣溫沒上次這麼明顯，而這款與上次同款一貫水準的是等溶化直至中心時係會感受到純朱古力醬澎湃湧出黎的感覺。正正正+++

3) 腰果松露巧克力—食得出腰果味，但腰果本身特性的口感比起果仁或榛子略為容易咬才分得出係腰果，講真鋪面零星的腰果七零八落的樣子很難要求短短數秒食得出咩花樣…數足本份就是了。反而內餡中的白朱古力漿很明顯，因為真係食至中心時頗甜，那種迫人埋死角位的甜真係一諗就覺得似係白朱古力所為，但我不是因奶味而令我覺得係白朱古力，而係那種甜到「鞋」脷感覺。

4) 法式甜點松露—啡色點點食落口就係甜甜地的粉末，但反而此款最外層的白巧古力就比起腰果松露個白朱古力內餡沒這麼甜，反而法式甜點此款的內餡係純巧克力，或者純巧克力係味濃就唔係甜到濃，故此令我較為接受。

5) 冧酒松露—冧酒的香濃毋庸置疑，酒與巧古力其實很匹配，有機會我都會再散買此款。

6) 牛奶松露—契媽駕到就拎了我盒寶貝招呼一下，難得她沒嫌棄…er…但她平日不會像我一樣這麼熱衷朱古力，她未問我價前只拎了這款猛話好味，好夠朱古力味，即好濃味咁囉！不過後來又聽到我說好味要付出的代價後佢話真係貴了一點，三百蚊得十二粒…sigh，平均都25蚊了。help~*o*

7) 椰絲松露巧古力—不嬲細個試過食椰撻嘔就自此長大後怕怕食有椰絲的食物，但又很無奈我又很鍾意飲椰子雞湯、燉雪蛤膏或椰汁西米露，。今次椰絲又明顯留給母親大人幫我代勞，佢仍然都係話好強烈的椰子味，但佢話另一款椰子松露1號就椰子味比這款椰絲松露強烈，因為這款椰絲松露有榛果蓉餡，所以榛果蓉的味道又蓋過椰絲味，但最後主角巧古力的味道反而在味蕾一瞬即逝。

8) 梨子松露—水果夾心的軟心朱古力試過godiva的紅苺和草苺 truffes，反而這個godiva的梨子松露我還都係第一次食，坦白講，紅苺和草苺truffes比這個蠻好，反而這個梨子暫未得到我的歡心或受落，一來朱古力餡中的梨子醬好有果jam feel，叫得醬當然杰，二來梨子味再加果醬口感不禁令我狂想食緊膠水…唉，下次咪搞！因為紅苺和草苺truffes都有皮屑同食得出有粒粒果核。

9) 金萬利酒松露—Grand Marnier即橙酒，一入口先食得出外層的純朱古力，漸漸含至融化後就食到內餡的橙酒，橙酒的味道食得出不是司覺脫的味道，夠橙味之餘會隱約食得出像橙皮的甘苦味道，為維他命c而食橙但對橙真心感覺普普的我又出奇對此款朱古力感覺不錯噃！[總好過食梨子松露俾我揀的話]XD

10) cappuccino松露—愛咖啡的朋友必試！<這個當然指我係其中一個。入口先係外層濃濃的黑朱古力，溶至中心就係滑滑的咖啡香，愛飲泡沫咖啡的我愛其泡沫幼滑自會愛此朱古力混入咖啡泡沬的滑滑香濃口感。

11) 杏桃松露—不嬲由細到大都不喜歡食中式零食杏桃肉，說來都算係從未試過自動送上門去食，嗚呼哀哉***今次算係一生人第一次的杏桃肉。面層的牛奶朱古力溶至中心後，um…淨覺得好食過梨子那款truffe，一來中心的杏桃醬只是輕輕帶過，味道並不強烈，就像橙味果jam那類柑橘果jam的味道就是了。再混埋白朱古力醬當中又出奇兩者意想不到的配合，因為杏桃與白朱古力的份量比例配合得宜，又唔會話互搶風頭影響各自的味道。

12) 草苺松露—與野苺的分別就係野苺比較酸，皮屑韌度較厚：草苺就較甜，較像麥記草苺新地的sauce。不過兩者truffe依然食到餡心有果屑、皮核。

食後感：這盒係我現成在門巿買的算係叫classic預設款式，這些一般禮盒的大路款式對於又或係第一次試食godiva的朋友來講係不會感到失望，至少此盒朱古力常用到黑朱古力作為配搭，起碼純朱古力一食就知品牌實力如何。

但對於我來說因為朋友過份溺愛而令我早年已試過若干款式後就會略嫌門巿所預設的禮盒唔夠花臣又或者試唔到一些較複雜心思的配搭。

與朋友已熟絡相信雙方均屬實際之人，所以我亦已試過收其沒禮盒的自選袋裝的godiva計克數的朱古力。傾談之下，唔計禮盒多出來的那筆款項其實都已買到少量三數粒唔起眼、平平無奇的款式朱古力，咩情形點取捨就任君選擇。

我係好鍾意食dark chocolate既人~仲會成日去試,去搵d好食既dark chocolate去食tim~之前睇到網友d食評,都讚不絕口~我又點會錯過呢!

今日係特登搵一個地方係有Godiva既商場行....兼試我超級期望既dark chocolate!!!!!飲左一啖就覺得裊濃味既朱古力味~再攪埋面層的cream......再飲多啖~~「正呀」唔係好甜,但好香濃朱古力味.......之後每一啖都有朱古力碎掠過~

雖然要$42....但我試完就覺得值既~~飲完之後,人都開心左呀~

朋友生日 4個人黎到godiva食佢新出既雪糕~
今次我食左佢既新味 士多啤梨朱古力碎
岩晒我呢d又中意士多啤梨又中意朱古力既甜怪..

39蚊一杯 而家有買一送半優惠!! 十分抵呀!
我地要左4杯 $117 平過HD同BEN & JERRY'S!!

一見到盒雪糕 對眼已經發光!!!
好令既紅色盒 .....
入面有好令既士多啤梨朱古力碎雪糕...
我到而家仲記得打開雪糕果一刻既心情有幾興奮!!!
欣賞左佢一陣先不第一口...
我好少咁做!!多數都係忍唔到口即食!!
今次都忍唔全要望多兩眼

嘩!!!好好食
呢個就係我食左第一口之後浮現係腦海既想法
真係好滑!!!
朱古力碎勁好食!!!
可以順便當食左godiva朱古力呀!!
雪糕入面有士多啤梨肉!感覺上更加抵食=v=
有d人唔中意雪糕入面有d硬既野
但係我就好中意 因為有咬口丫麻~

呢場雪糕大戰 最尾我戰勝其他對手
最快清晒
好期待下一次再試佢出既新味丫!!!
如果係mint chocolate就perfect啦


朋友請客~在此謝過

放學沒事幹，決定到沙田一遊。在沙田最愛的就是citysuper的那層，簡直是我的美食天堂。之前試過一次Godiva，對此品牌只有一個印象「好味」。在金融海嘯下，人人都要慳慳慳，對貴價食品敬而遠之，但我決定逆市而行，奢侈一下。

忘了這件朱古力的名字，只知道SIZE不小，但不消一分鐘已經吃完。裡頭有原粒杏仁，朱古力滑，有重重的奶味，入口溶化，正所謂一分錢一分貨，godiva的朱古力的確與廉價貨「冇得比」。單是原粒的杏仁已經值回票價。很好味！女sales笑容十足，很好禮貌。

順帶一提，店內已開始提供EASTER貨品，各位要買復活節朱古力的朋友們可以到此搜購。