是日朋友生日~
叫了很多東西吃~不過樣樣味道都是普普通通
串燒是炸的…太硬又不新鮮
比較滿意南瓜海鮮盅~材料尚豐富~南瓜甜~
環境和服務不錯~最後很識做的送上預備好的蛋糕和餐具~

係附近返工,周不時都會幫襯佢0既下午茶.

下午茶選擇都ok,仲多過lunch咁0既?價錢亦幾抵下,十零蚊就有啦!

味道方面我覺得普通啦,d生牛肉冇味又鞋.

最好食我覺得係小食越南春卷!

不過呢到d服務真係麻麻,尤其是帶位那個四眼亞姐,成日帶人地去埋d角落位呀,如果你坐左第2張,佢又會話呢張枱係坐幾多位架咁,驚死你阻住佢做生意咁.

環境入面好似黑麻麻咁,地下唔算乾淨,又係普通啦!

呢間食肆0既前身係快餐店,我見到依家都係同一個老板娘做,俾我揀,我寧願開返快餐店,原因係選擇多d呀!

在城大讀書時都未來過, 反而出左黎做野先黎. 這間餐廳是朋友的朋友開, 之前就同朋友黎, 今次就同屋企人黎食.
之前已經覺得o向度食野好抵食, 可能係地區o既關係啦. 不過d野食都幾有特色(又幾o岩我口味), 炒野又夠鑊氣.

1) 西貢星炒粉皮 - 呢樣一定要介紹, 夠鑊氣之餘, 又唔油, 仲要係 $37 ja. 我地全部人都覺得呢個最好食!

2) 焗法包 (咖哩雞) - 呢個焗法包真係好有特色, d 咖哩雞全部放入去個包裡面 (好似係一齊焗,我都唔係好肯定), 個包索晒咖哩d汁, 好好食. 但我都係鐘意食豬肉多d.

3) 咖哩蟹 - 我地揀左一斤重o既蟹, 個鉗仲大過我部 nokia 5800 添, 不過因為太多咖哩汁, 食起上黎都好手忙腳亂, 不同佢地都夠細心, 已經扑定隻蟹鉗, 又有預備左開蟹o個個工具, 仲有濕紙巾同茶洗手. 總括黎講, 鐘意食蟹而唔怕煩的話就要試.

4) 燒白鱔 - 呢個o岩晒我怕骨o既人, 佢燒得又香口, 而個汁又同個燒鱔幾夾.

5) 炸春卷 - 用塊茶葉包左個春卷黎食原來幾正, 又唔覺油膩, 但又好香脆, 不過我媽咪話好似爭咁d 配料, 不過佢都唔記得係d咩...

6) 冬陰功湯 (窩) - 我一都唔係好鐘意o個種怪味, 但去到泰式餐廳點都要試下. 呢個真係有驚喜, 佢冇o個種怪味之餘, 飲落仲要幾好飲, 唔知係唔係特登為左迎合香港人o既口味而校過?

7) 芝士蒜蓉焗青口 - 呢個我就覺得一般, 可能我一向都唔係好鐘意芝士, 不過我d屋企人就覺得佢整得幾好, 不算膩.

8) 撈檬 & 湯檬 - 兩個都好大碗, 個人黎講都係鐘意食撈檬多d, 個魚露酸酸地好開胃, 不過我地揀左個不知名o既腍肉就爭d 啦, 下次都係揀番d 正常o既野食好d. 最嚇人都係個價錢, 咁大碗都係 $24.

9) 泰式柚子蝦沙律 - 呢個我冇食到, 唔知道好唔好食, 佢地話幾辣, 唔知係唔係冇搵塊葉包住黎食...

10) 牛肉濱海 - 呢個就真係唔推介, 個塊白色野好大舊, 塊菜葉都包唔晒, d牛肉係好多, 不過人地o個d 好似係烤過, 香口d. 算啦, 都係一碟失望d姐, 其他o個d 搭夠.

今次冇機會試佢d 特式飲品 (氐果沙冰, 涼粉冰), 因為佢個冷氣真係好大, 我地都唔想飲凍野. 我諗要飲可能要下次熱d時先再飲啦.

經過1整天的勞碌, 爸爸想說暢快的吃頓晚餐(其實都已經到了宵夜時間) X) 9:30pm 開始有宵夜優惠, 炒粉麵都是around $30 ~ 妹妹和爸爸都鍾情於這店的撈檬粉~~~ 宵夜套還都有撈檬呢~ 有單拼雙拼甚至3拼~~~ 爸爸就要鮑片+春卷撈檬 ($26)~ 既已有1個主食, 再加點小吃吧~~ 都是由爸爸決定~~ 就多要西貢星蒸粉包($20)和4隻蒜香芝士焗青口~~ 青口$8/隻, 最少要order 2隻~ 撈檬鋪滿很多青瓜絲~ 加添1份清爽感~~ 春卷是新鮮炸起的 @0@ 很香脆哇~~ 鮑片雖然都知道並不會是貴價貨, 但這次吃到的至少是點鮑魚味, 又咬得開, 不像平時在茶餐廳小菜套餐吃那些"鮑片西蘭花"的無味橡膠鮑片 @w@!!妹妹真的10分喜歡這兒的撈檬~~ 魚露酸味濃辣味輕, 酸咪咪很開胃~~~ 檬粉不會太硬或太腍, 軟硬度很適合涼拌~~ 蒸粉包很熱的哇~~ 吃時要小心喔~ 外皮較厚和黏口, 餡料味道淡, 清清的都蠻好味, 爸爸說是"清清地都味道都很不錯"~~ 再來是焗青口~~ 才剛上桌就散發著芝士夾雜著蒜蓉的香味 @3@ 芝士香濃絕不求其, 芝士比蒜蓉多, 蒜味就不會太搶, 青口又肥大又鮮味, 很讚喔 >v< 所以爸爸吃了3隻哇~~~ 好像不夠喉喔... 於是再加個泰式木瓜絲沙律~ 餐牌上寫著是辣的, 我們又怕太辣, 就問侍應可以不可以"走辣", 但她說如果走辣就無味的了, 就建議幫我們改成小辣~~~ 蝦沙律名符其實的有2隻大蝦, 還有很多很多泰式的蝦仔, 爸爸說中蝦看起似很新鮮但實情沒甚麼蝦味~ 這個沙律的sauce酸酸辣辣帶點鹹味, 木瓜絲爽口, 走清新路線~~ 剛剛的撈檬跟杯餐飲, 爸爸就盡慶的+$7來杯特飲 - 椰汁涼粉西米冰~ 椰汁帶止微奶香味, 涼粉切成1條條的~ 還以為可以方便用粗吸管啜住來吃, 但事實又不是太能夠啜到-o- 而西米煲得腍到不用咬的地步, 爸爸大讚這特飲很棒~ 果然是各人不同口味, 爸爸喜歡腍的西米不用再咬, 妹妹就覺得煙韌的會比好味~~

2 人大快朵頤才不過每人$50, 又試到幾種不同的泰式小食~~ 價錢很合理哇~~ 服務都很好~~~ 不枉這家店在妹妹心目中1直都是印象良好的X) 再說1遍的就是妹妹始終最喜歡撈檬XDDD

西貢星向來都是妹妹喜歡的開餐點之1~ 綿羊對這家餐廳都蠻有好感的哇~
今天就1起來開餐~
強烈建議點"午市精選", 上回點過"快餐"的飯實在非常頹哇...
我們點2個餐share吃~ 本來妹妹想吃咖哩... 但綿羊又不想吃... 而她說想吃炒檬,
那就1個A~ 1個C吧~

每個餐可以+$5 要油菜~~
每人都各自吃1碟菜= P

先來蝦膏蟹肉黃金炒飯~ 炒得不夠鑊氣, 蟹肉粒雖不多但大粒, 不算欺場吧~
初時吃覺得味淡淡, 拌了表頭的蝦膏乾吃就香得多~

越式炒檬~ 配料有雞絲, 札肉, 芽菜, 椰菜絲和蛋絲~
這個味道普通, 有時都不了解那些甚麼"＿式"、"＿式"到底有甚麼含意..
札肉是精製類食物, 小妹少吃的啦,, 試過覺得味道不會太鹹配著炒檬來吃都ok~
當中的蛋絲很好吃哇, 又香又滑= P

2碟的份量都很多, 我們已經不斷的吃但都好像吃極吃不完般 -3-;;;
um,,,,,, 本來還滿有期待,, 原來炒野不太行哇=[

丫~ 原來這兒有小童椅的哇~~很貼心呢~
大概是"街坊生意"的特色之1吧=u=

原本爸爸是對越泰菜不太感興趣, 但家附近實在沒甚麼開餐好選擇,,,
走多幾步路來到西貢星, 哇! 妹妹從未見過原來這兒會這麼爆滿!

午市有5~6 款選擇, 也有"常餐"式的炒蛋火腿跟湯粉麵, 平均都是around $30多。
爸爸1早想好要個"香茅豬扒配越式春卷撈檬" (可以改湯檬)~
而妹妹在眾多選擇中...見有2個比較便宜的飯餐 -- 1. 薯仔炆雞飯 / 2. 滑蛋蝦仁飯 ($25),
1? 2? 1? 2? .... 苦惱之際無意中聽到原來1. 已經售罄, 那就來個2吧。
+$5 可以多要1碟油菜~~
跟餐飲, 凍飲+$2, 特飲+$7 ~
爸爸就要個"椰汁大菜冰"~

油菜是唐生菜, 水汪汪的上碟, 淋上丁點豉油,
應該是1早煮好放著, 有客人點時就翻焯的那種,
不過只是+$5 而且份量蠻多, 妹妹覺得ok哇~

爸爸的撈檬先來~ 自行伴入魚露~ 這兒的魚露酸味不是太重。
撈檬是涼浸浸的~~ 有大堆青瓜絲, 漬蘿蔔絲, 還有些花生碎, 吃起來口感更豐富~
豬扒並不是平時見到炸過1大塊的, 而是像肉片的1小塊1小塊,
但肉很腍很好吃~! 而且越式春卷雖是炸物但都沒有油膩感~ 很美味~
爸爸覺得夏天吃這類冷麵食很對胃口~~ 大讚美味~

而妹妹的滑蛋蝦仁飯... 簡直慘不忍睹... 超hea!
比得上canteen的頹飯!!
1碟白飯淋上粟米芡汁, 有些雜豆, 有些只有5毫子大小、比橡皮擦更白的雪藏蝦仁粒,
蛋呢??? 太滑???
總之就太hea了,,,,, 下次應該點越式推介午餐比較好 >^<!!!!

至於那椰汁大菜冰, 普通的椰汁冰飲品,
那些大菜糕條是粉紅色, 妹妹覺得味道有點像藥水, 怪怪的。

這兒冷氣很夠的哇~~ 又有電視看~~
店員服務都還可以丫~~
下次假日可以再跟爸爸來吃lunch呢~~~~

妹妹又再來西貢星了~~
不過請次跟爸爸和他的朋友來吃, 不好意思拍照~<

沒法圖文並茂, 那妹妹就簡單而重點的推介吧~~
爸爸點的軟殼蟹套餐~($68)
"炸軟殼蟹配紅飯" + "海鮮冬陰公湯"~
還有油菜 + 飲品1杯~

＊冬陰公湯~ 湯酸酸辣辣, 是有點辣不過易入口~ 海鮮材料10足~ 有青口, 蝦, 魷魚, 魚塊, 草菇~ 妹妹未必能說這個湯是否正宗, 但味道的確很好v=
軟殼蟹即炸上桌的~ 炸得不算油膩但蟹肉肉質不夠結實。
"紅飯"味道就如西炒飯。
油菜是唐生菜, 雖是跟餐的菜卻1點都不馬虎, 菜新鮮翠綠, 而且蠻大碟的呢~

妹妹點的小菜是"豬頸肉炒芥蘭"~ 醬汁甜甜的很惹味~
豬頸肉是新鮮的而非炸得乾巴巴那些, 帶點肥糕位令整塊肉更軟滑,
跟硬身的芥蘭1剛1柔配合得很好v<

爸爸朋友就點了咖哩牛腩飯~ 他說咖哩味道不錯, 但牛腩就不太行~
不是煮法或煮的時間, 而是原材料的問題~ 牛腩的部位選得不好。

應該只有妹妹點的那個小菜套餐配是日甜品,
但餐廳會按人頭送甜品的 @v@
妹妹已經飽豬得吃不下了,,, 爸爸連妹妹那份都吃掉,
是1個像大菜糕的小方體, 上半是透明的糕下面則是密密的綠豆蓉~
綠豆味道很香呢~

妹妹真的很喜歡來這餐廳~~
下次再試到不同菜式而又美味的再推介吧-3-

珈甄喜歡吃越南泰國菜~ 正好帶她來試試=3=
這餐廳在妹妹家附近, 近地點站, 從來不用等位, 有電視看, 服務不錯而且價錢合理~
超好的詳談晚餐選擇XD

2個小女生點了3款菜式~~~~~~
馬拉盞炒通菜~ 基本菜式吧~ 不過不失~
＊泰式柚子蝦沙律: 份量10足又很清新~~~ 有生菜可以包著吃~ 蝦有大的有小的, 小的就是泰式蝦膏炒飯會用上的蝦仔~~~ 雖然看起來很紅, 但其實只有微辣, 不怕辣得不能入口的=] 妹妹不吃辣也吃到很多XD
香草豆豉蒸烏頭 (跟餐): 微微香草味, 豆豉太多了太鹹了, 整體味道很混亂=[
跟餐有白飯1碗, 飲品和是日甜品~

我們只點了1個餐, 不過都奉上2份甜品, 甜品是粉紅色的千層糕...
賣相不討好而且我們都很飽豬了所以沒試﹏@

這餐廳妹妹都來過好幾次, 不覺得服務差得如樓下食家所言呢,,,
反而覺得老闆娘很細心, 又有禮貌..
可能是case by case吧=[

晚市主任係好得LOR! 落單 落到 一PAT 屎咁!

當晚 3人食晚餐, 首先落單:芥蘭牛肉,
主任再介紹菜牌上寫是日孖寶餐 (香茅田雞) + A (咕嚕肉)/ B (馬拉盞通菜牛肉)

主任: 不過,今日轉咗GA LA! 係芥蘭牛肉 + 黑椒牛仔骨

我: YEE! 咁呢個孖寶餐岩食WOO, 就要呢個LA!再要1 客炸魚餅

原來AR 主任前後落咗2個芥蘭牛肉, 頂! 真係... ...

跟住要求取消, 又有1名婦人上前了解狀況, 埋怨我地玩野, 前後落2碟介蘭牛肉...(全程,西貢星職員都會覺得係我地錯LOR) 即使我問同婦人(自稱老闆娘)"無理由3個人食2碟介蘭牛肉卦", 佢都話:唔出奇GA, 有D客要2個孖寶餐... ...

全餐飯, 1家人似食火藥LOR!!!

即係咁! 主任又唔覆單, 又無SENSE, 仲要無禮貌... ... 真係今時今日咁嘅服務態度... 祝西貢星生意興隆, 連開10間分店... ...

REMARKS: 本人住附近, 早餐都幫襯過, 早市職員醒好多同有禮貌LOR, 即使早餐偽好食, 我都唔再去LA!! 真係攞氣黎受咩!

事務繁忙 搞到成10點先走得 夜晚果餐都未食
同行朋友介紹黎呢度食宵夜 真係幾抵食喎又
有學生證免加一 另外再有9折 仲送每人一條春卷
食物方面 呢度食越式野為主 小弟叫左個越式沙爹牛肉湯河
同一般越式餐廳一樣 個沙爹汁都好濃好夠味 牛肉就略嫌太少
overall黎講係唔錯既 但又未到好好食 70-80分左右la
不過到最尾我係食唔晒...因為真係ok多河粉...份量十足!
26蚊大大碗河粉 仲有9折 即係23個幾 真係ok抵食!

今日去左石硤尾報名考日文試, 之後搵地方食0野, 附近又無咩好食, 所以行左去呢間石硤尾薄有名氣既"西貢星" 食dinner, 結果就係超激氣!
同bf兩個人叫左一個"蝦醬海鮮炒飯", 一個"干炒牛河", 一個"砵酒煙鴨胸"....之後坐嚮度等食睇電視。點知無情情有個侍應走來呆住咁問我..."小姐你係咪叫左一個'砵酒煙鴨胸' 走鴨胸? "我地當堂呆左一呆~~然後拎左個餐牌出0黎指住俾佢睇..."係 '砵酒煙鴨胸',唔係'走''鴨胸! 唔要鴨胸咁可以食咩0野呢?" 之後都唔知佢明定唔明就行開左.....
以為事件完結左, 算數啦啦! 唔想勞嘈! 但當"畢畢"下"蝦醬海鮮炒飯"之際, 又有另外一個黑色衫既侍應問我......"小姐你係咪叫左一個 '砵酒煙鴨胸' 走鴨胸?"....真係無名火起, 究竟呢班人知唔知咩0野叫砵酒, 咩0野叫鴨胸! 可能我見識少, 唔知砵酒可以就咁食! 但如果有人食叉燒飯要走叉燒, 我會介紹佢食白飯!....唔該佢地熟讀一下自己餐廳既餐牌啦!!....
最後, 呢碟 '砵酒煙鴨胸' 0黎左, 但我地都已經食到一半, 突然又送多一碟過0黎, 我地話已經食緊, 阿侍應似乎仲要唔信我地食緊果碟就係鴨胸, 反問我地" 真係0黎左啦咩?" 唔通佢覺得我地食緊果碟係叉燒??
最後埋單無cash要碌卡, 點知收銀員皺晒眉, 原來佢將碌卡機0的紙倒轉左入搞到部機郁唔到, 眼見收銀員不斷地皺眉頭仲要"唧唧"聲咁嚮螢幕亂按,.....結果最後仲整short左部機碌唔到卡! 碌卡都俾人埋怨! 唉......真係食到一肚氣!

14/08晚試完劉森記後漫﹝慢﹞步到此就隨緣吧。
又係小試...
招牌生牛肉河............湯味夠，河粉多，配菜都OK，唯獨牛肉遜色。
炸蝦餅濱海................蝦餅普通，濱海可以，配菜夠多同新鮮。
整體都唔錯，服務又非常好，真的。

P.S.見隔鄰桌上滿枱食物，有咖哩蟹和五六個小菜加 2 枝象啤同芒果冰 1 杯，埋單都唔駛 $400 真抵

之前在門外經過，以為是越南菜館，入座後翻一翻菜單才知是星、越、泰兼備，通常這類菜館都不會把菜做得出色，於是把期望降至最低，沒希望就不會失望嘛。連隨點了兩樣最普通的東西：半隻海南雞及咖哩牛腩，如果這兩道菜都做不好，就沒有再來的理由。

海南雞用了肥雞，一層凝固了的膠狀脂肪夾在皮肉之間，看看也高興（健康第一的朋友大概又要罵小臣了）。雞很滑，但雞味不濃，依小彭的理論是二者不可得兼，這裡的出品亦不例外。

噢，我沒點這個吧 ...... 什麼，就是咖哩牛腩？！

這個跟麵包的咖哩牛腩是以麵包為器皿，把咖哩牛腩盛著。牛腩燜得透徹，香濃的咖哩汁把肉味都吊了出來；吸了咖哩汁的麵包非常美味，我拿著剪刀不停把麵包剪下來吃，結果吃了不少麵包。

甜品要了芒果糯米飯，芒果鮮甜，糯米飯軟糯，除了那椰汁略甜外，也沒什麼好投訴了。

水平在合格範圍，入可再光顧之列。

西貢星其實係南山村平台的南豐餐廳ge分店。不過轉左形式，唔係茶餐廳，變左東南亞食品。個度D環境方面都唔錯架。服務都ok ge....


西貢星食過好幾次。試過早餐。晚餐和宵夜。

早餐：無特別，和普通的茶餐廳一樣。。

但晚飯黎講，就真係very good啦。食過幾次晚飯，吃過ge款式太多啦。唔記得晒，試過生蝦刺生，南瓜海鮮盅，咖哩蟹，柚子蝦沙律。首先講下個南瓜海鮮盅。可以話係無得頂呀。南瓜煮到軟綿綿，再和海鮮混和係一齊，好軟滑，好香口。海鮮方面，雖然唔係D好貴野，但係就同個南瓜ge味道配合得好好啦。剩下ge南瓜汁用黎撈飯，真係好好味。

生蝦刺生：好味，好抵，好似一碟大約$50-65（唔記得左幾錢），但有好多隻，個汁又整得唔錯，D蝦好新鮮，不過就有個決點，就係唔夠凍，如果D蝦可以雪凍D咁就十分好！

咖哩蟹：事關我就唔食蟹，只係食左D咖哩，不過D咖哩撈飯或者加係蒜容包已經好好味。

柚子沙律：好味。酸酸地，好清新，食完好開胃，有時候夏天無乜胃口食飯，食個柚子沙律就胃口大增呀。

貴就一D都唔貴，大約六個人食左三四百蚊啦。

以前聽d人講西貢星點好食點好食

咁就諗住同同學去試下啦(宵夜時段)

點知....................

一入到去，諗住叫野食啦

叫咩冇咩

我已經轉左2次 =_________=

但係都仲係冇...

咁算啦，我再諗諗食咩先

之後其他同學落左野食&野飲

問題就黎喇!!!!!!!

第一

野食又黎錯 叫佢換啦

佢又話廚房收左

冇得換 要就要 唔要就唔要

咁就梗係唔要啦 叫佢cancel返啦

佢話冇問題 不過因為叫左野飲

就要收返野飲$

我就真係 O Q哂個嘴囉,,

你地做錯，仲要收返我$

我仲要係勁肚餓囉唔該!!!!!!!!!!!!!!!!!!!!!!!!!!!!!!!!!!!


第二

叫野飲啦 我地 9個人

佢話我地落左11杯

咁我地重複一次我地要d咩啦

佢話ok 轉個頭

佢又走黎話 唔係喎 真係有11杯喎..

你想我點答你呢....=_________=

我地又重複一次佢聽

佢又黎第三次囉

我唔知佢想點囉........................................

仲要個態度係極惡劣//語氣好差，好似我地欠左佢咁

想去toilet 個toilet 100000個dirty....

就食完既時候，仲要催我地快d走囉...

咩餐廳呀唔該!!!!!!!!!!!!!!!!!



總言之，我唔會再去!!!!!!!!!!!!!!!!!!!!!!!!!!!!!!!!!!!!!!