27
8
6
開飯介紹
位於西沙路的 tom Bar + Grill，無論於裝修佈置或格局都別具歐陸風格。採用深棕色為設計主調，加上四周的翠綠植物作點綴，令人有遠離煩囂、置身於大自由的清新感覺。
餐廳以開放式設計為主，給人寬敞開揚的空間感。戶外雅座配以落地玻璃窗，讓人可一邊享受美酒佳餚的同時又可一睹寧靜怡人的郊外景致。店內更設有室內座位，設計幽雅舒適，是把酒談心的最佳選擇。
餐廳的主打菜式是炭燒牛扒，亦有空運到港的海鮮供應。採用最新鮮優質的材料，為客人帶來無盡的味覺享受。店內亦設有酒吧，供應不同款式的Cocktail & Wine，當然也不少得一杯香濃咖啡啦。
繼續閱讀
特色
慶祝紀念日
包場派對
飲o野傾計
營業時間
星期一
11:00 - 23:00
星期二
全日休息
星期三至日
11:00 - 23:00
以上資料只供參考, 請與餐廳確認詳情
招牌菜
今次同男友黎呢到食, 感覺上唔太多人, 望入去明明有空台, 但係我地都要等10分鐘先有位. 入到去感覺環境唔錯, 燈光柔和, 佈置都幾舒服.坐低叫左個香煎大蝦配意粉 同 芝士肉醬千層麵, 個意粉真係有d令人失望, 大蝦既size正常都有手掌咁大, 但係呢到既大蝦連頭連尾都大唔過我隻手掌, 個意粉咬口唔錯, 但無乜味, 連醬汁味都係得蒜味. 反而個千層麵加返d分, 千層麵上好多芝士, 肉醬好香再加少少香草味, 而且麵層厚薄適中, 啖啖肉醬, 好正
繼續閱讀
同朋友去馬鞍山玩,見呢度環境唔錯,就入左黎LUNCH喇~我叫左個肉眼扒,朋友叫左個大蝦意粉.肉眼扒份量都相當大,牛味都濃,夠腍,無鬆肉粉果陣怪味,唔錯啊食完坐低傾下計又幾舒服WOR!!
繼續閱讀
上週末放假，打算入西貢遊下車河，路經西沙茶座，見到路邊嘅木屋甚有渡假感覺，就停車睇吓有咩食。就係咁，誤打誤撞去咗呢間Tom Bar &Grill。呢間餐廳應該係由户外改裝而成，窗邊位開揚，亦有冷氣。初時望到餐牌lunch set價錢約$110，心諗呢度咁隔踄都咁嘅價錢？原來，都係值嘅...膽粗粗試下英式fish & chips，通常一般fish & chips一係就唔夠脆，一係就魚唔好食，不過呢間嘅炸魚同薯角，確實有驚喜喎。炸漿好脆，放耐咗都唔淋，切落唔鬆散，魚肉亦新鮮。配埋Tartar sauce,完全提升魚嘅鮮味。薯角亦要讚，夠脆得黎又唔柴皮，外層有味，唔洗下下點茄汁。第二樣叫嘅係芝士肉醬千層麵。芝士多，肉醬濃濃牛肉味，但我覺得個千層麵就淋咗d。但整體滿意。呢間餐廳的確令人有驚喜，但waitress 方面，笑容欠缺。而且今次坐近門口，並唔係每位客人都有手尾，開完門都會關門，搞到成日門常開，飛昆蟲入黎又走冷氣。建議可以加返個門較變自動關間。
繼續閱讀
秋高氣爽，最合郊遊，去擺泥涌看人界鳶後，便來到西沙茶座附近覓食。西沙這間Tom bar & grille開業已有八年了，當年駕車經過見其以深木色系的巴峇風格作裝潢已躍躍欲試，但每次不是飽着肚子駛過便是約了朋友到西貢開餐，今次..係機會喇小志強..在門外看餐牌時已有個姐姐出來招客，被安排在最近門口的一張枱，每每有唔生性客人進來後不關門，是日我便作了多次門僮，開餐廳的，八年也察覺不到門較的選擇錯誤！？點主菜後心多想着是日餐湯會否不止一款便向姐姐一問，豈料姐姐立馬青雲上身，扳著臉邊走邊回應只得忌廉湯一款，飄走的速度令我想跟她道個歉也來不及，其實我還想點餐飲的。點餐飲的重任便交托在另一個小伙子之上，果然，小伙是充滿熱誠的。先來的湯和蒜蓉包都只是微暖，湯是普通大快樂的貨式，包上有牛油與蒜蓉本已沒有不好吃的理由，加上牛油特香，如果能熱一點更好。美式炸魚薯條配他他汁，炸魚厚身，肉質不錯，脆漿夠薄，邊皮沒有多餘的脆漿塊，吃到盡頭仍是魚，不俗。芝士肉醬千層麵，芝士和肉醬配搭得天衣無縫，好吃。往厠所之通道能一窺廚房之部份，眼見一位廚師正從一個碟將肉醬用匙羹 ‘不’ 到另外一隻碟，難道那些肉醬是從八方雲集得來的嗎？但從我那碟的賣相完全看不出來，肉醬是怎樣煉成的？我望唔透...
繼續閱讀
在泥涌出了一身汗，是時候吃個下午茶，補充一下體力。沒有去著名的西沙茶座，卻去了旁邊的Tom Bar & Grill。很寫意的餐廳，佈置有氣氛，看著陽光普照之下的西沙公路，車輛高速飛馳地駛過，一窗之隔的我們，彷似待在一個時間停住了的時空。點了兩個Tea set，一律＄75。公司三文治放得滿滿的，很豐富。薯角剛炸好，還在冒出熱氣。外層香噴噴，薯仔味香。三文治卻一般。麵包烘得過久，變得太乾太硬。餡料看上去很多，可是吃下去很乾，口感欠豐富。煙肉硬得誇張。Tiramisu味道普通，跟平常吃到一件件的Tiramisu差不多，沒有咖啡香和酒香，唯一可取是不太甜。食物一般。只為一個稍作休息的地方，坐夠吃飽，便繼續出發。
繼續閱讀