放假時如果無去街, 就會到樓下的商場來頓下午茶, 這間泰國菜館永遠是我的首選。 價格與茶餐廳和快餐店相若,甚至是更抵呢! 小食、湯粉、炒粉麵類都是$19-24, 配凍飲、糖水或特飲不用加錢, 全日更不用加一。地方夠闊落, 不用和人迫, 坐耐一點也不怕。

炸魚餅配薯條$19: 兩塊切開成四件, 見到滿是綠色的香葉和葱粒, 香料味重, 吃得出檸檬葉和香茅的味道, 稍為蓋過魚味, 魚餅炸得香口不太油, 熱辣辣, 如果可以再彈牙一點就更好。薯條是粗身波浪形, 又是剛炸起, 無灑上鹽, 薯味不重, 較粉, 但都收貨了。

雞絲湯金邊粉$19: 發現每次來的湯粉都不太夠熱, 雞肉切成一塊塊而不是絲呢! 無咩味道, 有點鞋口, 湯底有少許雞味。 金邊粉幼身爽滑, 但嫌煮得未夠時間, 稍為硬身。

椰青冰: 有一小塊椰肉, 像椰青加水一樣, 幾淡味

椰汁三色冰: 只找到紅綠兩種色的粉條, 甜甜地又幾爽口

始終下午茶所供應的食品和晚市有些微分別, 較為港式, 正宗與否不得而知, 但味道真的不差, 而且很划算。就看看何時有機會來吃晚飯吧!

今日同屋企人去食中秋飯
夜晚8點半去到冇乜人
好冷清

跟住睇完menu落單等野食
d野食都好快上
第一道係生菜包(豬肉)
就咁睇d豬肉好肥 唔理 食落口
咁大個人都未食過咁咸o既野
咸得好離譜 成牒送凈係得個咸字

第二道菜緊接生菜包後黎
馬拉棧炒通菜
味道好淡...仲係接受範圍之內...
抵讚o既就係d菜幾爽

第三道菜茄子肉碎班塊
... 凈係見到好多洋蔥
成牒送茄子同埋班塊得好少
味道又係偏咸...(比起生菜包好少少)

第四道叫左個原隻菠蘿焗海鮮飯
第一眼 賣相唔錯
食落口... d飯硬o既...
愈食得落d味道開始消失 面o個d有味 底o個d好淡
同埋海鮮真係少得可憐(依個算..出面食飯好多都係掛個名有海鮮)

第五道菜入漏單 叫個部長黎check check
個樣十分唔願意 check完冇交待下文...
等多2個字野食先到
依道菜真係好失望 之前見有食評話依牒唔錯
食落去有一陣油煙味(唔係鑊氣o既香味)
好難受 d蛋完全冇味

食完咁多道菜之後有糖水
清心丸 / 南瓜西米露
兩樣都係平平

食完今次之後 我肯定唔會再黎依到食飯

金暹邏泰國菜館
泰式炒金邊粉 $35
金邊粉口感煙韌,味道偏甜，可能油份唔多以致食落覺得鑊氣唔夠，份量多是２個女仔食嘅份量.整體來講味道一般,偏甜,唔夠鑊氣,不夠野味因為個人較喜歡香辣嘅味道.以金邊粉口感及份量吸引.
泰式串燒配沙爹醬(6串,鷄牛豬三款肉可自由配搭)$45
份量足夠,牛肉較為韌咗D,因為係一件過嘅厚切牛肉所以較難咬,豬肉及鷄肉較易咬開,肉味一般但配上沙爹醬令到整體味道不錯.
簿餅$29
簿餅上咗檯好耐先食,簿餅唔係熱辣辣,失色不少,下次要趁熱食,個簿餅較為實唔鬆軟...只是因為無叫咖哩,所以只配串燒的肉同沙爹醬食...味道只是一般之下.但之前食過其他餐廳的簿餅,淨食簿餅都有鬆軟嘅口感及較香口所以此店簿餅不太推介.
芒果燸米飯$28
甜度適中,黑白燸米好煙韌,燸米雖然不是粒粒分明但咬落好有口感..good...基本上鐘意食芒果燸米飯,都會鐘意而且份量都幾多下,值得食.好抵食,夠大份.

由於是週日晚上,人客唔多.是次係預祝朋友生日,兩個食咗成2個鐘.服務好好,不停幫我地加水,上菜好快.食物都算啱口味及份量多,價錢合理免加一,抵食.

去過呢間泰國野响11:30am仲好多位，但近排挨近1:00pm便坐無虛席。
食過佢嘅特價午餐---炒貴刃加飲品$27，雖然平過大家樂但將價就貨，分量跟味道都無驚喜。
不過在另一次的幫襯，放棄飲品單叫了咸魚雞粒炒飯，發現真是別有洞天，及對此店印象完全改觀。來的是一碟分量頗多(兩位OL小姐們都夠吃)、熱騰騰和金黄香噴的炒飯，首先飯乾濕適中，毫不油膩，加上有足夠的雞粒及菜粒平衡，味濃而不滯，更精采是外脆內軟的咸香魚粒，令人再三回味，整体品質實是在很多大酒樓之上，絕不因小館子而欺場，都係只售$27一大碟(付普通清茶不加一)。

以此炒飯技巧及素質十分滿分我打九分。

睇openrice食評，看來不錯。去試下午茶先。

2:00pm去到，平日，當然有位，係門口巡緊個陣，侍應都有走出來招呼。叫左:

香茅扎肉金邊粉--湯底幾咸，扎肉有幾件，算多，金邊粉份量加多一點更好。
脆香雞中翼配沙律--雞翼熱度足，外層的炸粉，個人口味是不喜歡的，較為"熱氣"，但內裡雞翼是入味的，但雞翼有點先不新鮮，雪得太耐肉是會"梅"。沙律甜酸適中，有青瓜，薯仔，椰菓。

$19x2
可配飲品，叫左三色冰，椰汁綠豆冰。三色冰揾來揾去都只係見到2色，好似冇3色。飲品幾大杯。

早一排難得好友食家"乜都放入窿"黎師傅家作客, 講真鄉下地方真係冇咩好野招呼, 唯有盡量同好友食家"乜都放入窿"搵d特別同埋好味嘅食店啦; 於是上黎呢度睇下有咩正野, 茶餐廳, 快餐店當然不被考慮, 最後商量左一陣, 大家一致決定黎呢間食店!

由於鄉下地方, 所以為避開晚飯時間多人嘅問題, 兩位食家決定早少少用膳啦; 去到食店大約七點到, 唔使等位就可以入座, 超好; 一坐底兩位食家第一時間就睇下有咩好食啦, 最後商量一陣決定柯打泰式炒金邊粉, 香辣魚餅, 泰式炒椰苗同埋香葉辣椒干爆蝦球!

食身好快就到, 先講下個泰式炒金邊粉, 泰式炒金邊粉都真係幾大碟, 而且都炒得幾乾身, 金邊粉炒到煙煙韌韌, 味道唔錯; 香辣魚餅個賣相有少少似炸燶左, 但入口又並冇燶味, 加上魚餅中並食唔到有碎骨, 而且有成十件咁多, 都可以; 泰式炒椰苗嘅椰苗談不上鮮嫩, 但亦講不上老, 加上炒得唔算油, 呢道菜亦算合格; 最後係香葉辣椒干爆蝦球, 呢道菜係兩位食家都覺得貨不對辦, 因為冇諗過干爆蝦球會有咁多汁, 完全冇干爆嘅感覺, 似燴蝦仁多d, 而蝦仁夠多係唯一可取嘅地方, 呢道菜真係有少少搵笨!

總括黎講食物水準都合格, 服務態度亦屬友善, 環境舒服乾淨, 價錢亦唔算貴, 兩個人埋單兩舊水, 而呢餐好友食家"乜都放入窿"仲要唔收錢, 咁師傅就無端端有餐免費晚餐, 真係有d唔好意思; 難得鄉下地方有間中上嘅泰菜, 所以有機會都可以再黎, 笑臉今次都比得過!

無沙爹味~~
牛肉連salt味都無~~
無口感可言*
烏冬有1/3係碎的~~
細份量但價錢不值*

其他可能好
但哩個菜就1定唔得~

其實呢間泰國菜D食物真的不錯．
個人首推香芧豬扒飯豉油汁．加青檸Soda.
價錢合理．30多元而已．
其次菠蘿炒飯亦好味．

之不過他們的招呼真係好．有兩位阿姐我每次都有衝動想關心下佢，點解做得不開心還要做呢？仲要對客人呼呼．．．還有一位中年阿叔真係要見識下．去十次總有一兩次見佢同客嘈兩句．

餐廳環境都不錯．

之前來過這裡不下四五次了，食品價錢相宜，味道不俗，值得一試
今天到這裡吃下午茶~

味道：這裡的下午茶選擇不少，有泰式湯粉麵、炒粉麵飯和小食，
特點是可以配上特飲或糖水。
今天熊少爺點的是串燒(雞肉)拼薯條，飲品則是青檸冰。
串燒有兩串，配上沙嗲醬，薯條則是熱辣鬆脆，水準在合格之上
友人點的是沙嗲牛肉炒河粉，這裡的用料絕不吝嗇，
不會因為下午茶時段而「縮水」，
雖然河粉炒得不夠「鬆身」，但味道依然合格。
飲品方面，泰式特飲種類多，印象中珍多三色冰椰香味重，
嚐甜者應該會喜歡。
至於今次點的青檸冰，並不特別，點此飲品純因個人喜好。

價錢：食物連特飲，都不過$19至$24左右，絕對稱得上抵食

除了下午茶，晚市食品如生菜包、炒蝦等也是可以一試的菜式。
甜品方面，特式糕點、芒果糯米飯更是我的至愛

想輕輕鬆鬆別下午菜的人，可以到此店一試。

咁凍既天氣真係唔想落街,但又約左fd係度食飯

'算'蓉包$15:有5件,包邊umum地,內里幾軟,好夠味
菠蘿海鮮炒飯$55:炒飯味道略淡,賣相就幾好
泰式小炒$42:炒d海鮮大雜會,呢味菜普通
(忘記左個名)$35:其實就係'咕嚕肉',不過係雞球,呢味菜都普通
另叫左
芒果lor米飯:好好味,細細個當甜品又得,當前菜都得
椰汁紅豆糕:大菜糕既口感,普通
椰汁糕:一般般
xx三色冰,好香椰奶,唔錯

總體黎講普普通通,間唔中食下ok

今日約左個fd專程過左頌富試呢間野

嗌左2個tea set
沙嗲串燒配雜菜salad：個串燒好香口，salad系見到樓下個食評所以嗌配既，果然係好冰凍，好多料，正
唔知咩魚餅配salad：個魚餅好似有d香草味，點泰式辣醬
不過個清心丸真係麻麻地........................

我地仲嗌左
芋香西米糕：好香芋頭，糕入面仲有好多細細粒既芋頭，加埋西米好有嚼口
芒果大菜糕：普通
椰汁千層糕：必叫之選，超正煙煙umum既口感好正
所有糕類$3/件

tea時間算ok靜，可能我地5點先去
坐係d邊邊位一路食一路傾計都ok....
總體黎講係商場鋪唔錯

下面兩個食評都係我
其實e間真係吾錯!! lunch~下午茶成日爆哂要等位
天水圍黎講食我開飯之選頭3名之內

前日同家姐落黎開飯

香葉肉碎炒檬米+清心丸$24
好惹味..好正!!少少辣
炒得吾油!!好正食哂清哂
糖水麻麻~黑糯米好d

家姐 xxxx炒烏冬+西柚氣水 $24
e個仲正仲好味
又係清哂..excellent~

天水圍黎講e間算吾錯!!!
又抵,lunch都係$2x-3x
下午茶仲抵,$19~$24
但我會建議你食佢d炒粉面飯多d lor
真係夠wok氣好正!!

今次叫左
雜錦湯河($19)
d河幾幼滑,吾錯!!料有豬扒,紅腸,魚片,肥牛,生菜..etc
最掂係豬扒!!

印式薄餅配salad($19)
個pizza反易麻麻,但個salad好正!!好冰凍
好過d連鎖快餐多多聲又多料

送糖水::西米露,紫米露
後者正d...

我覺得哩間d野真係吾錯ga wor
佢係我係頌富商場食過最好味都餐聽
d野既價錢合理..如果係下午茶時間仲抵!!

上次同家姐落街食lunch
我叫左個波羅雞粒炒飯..$27
超出我意想之內bor..估吾到吾錯
家姐食左啖都話好味!!d料都足
d飯吾會太油..我成碟食哂
我家姐就叫左個豬扒炒河.我無試
但佢話好味!!

唯一美中不足就係我地餐+左$6轉特飲
我杯係西瓜特飲..原來係西瓜+juice+西米露
吾差..但+ $6黎講叫吾抵lor ..

但總括黎講哩餐我地俾8.5分^^

爸爸節一家人去0左金暹邏慶祝" 尋日先去完西貢星食 估唔到今晚又食泰國野
豬頸肉好味!!肉唔會太肥汁夠野味" 泰式拼盤炸得好新鮮"
通菜都ok得 菠蘿炒飯中中間間"不過好少' 泰式炒蝦ok
個薄餅好似樹皮"超難食 砂鍋翅雖然有翅 但個芡汁好嘔心
至失敗係個咖哩炒蟹. .咖哩冇咖哩味...蟹冇蟹肉..唔知食咩好...
原本係大麵包入面裝蟹 點知上錯0左 冇0左d麵包
之後叫佢上番個蒜蓉包" 哈"好味!!

飲品方面 青檸soda好低能 真係一杯雪碧加一片好薄0既青檸 = =
椰汁冰好甜 三色冰麻麻