一向麻麻好越菜，但見咁多人去食，也不妨湊湊熱鬧
星期六中午無lunch set係意料中事，心想也好，不會被set menu束縛，可以揀自己最想食的東西～
蝦米紙卷：簡單黎講，係雜菜卷，一隻蝦，但係同雜菜放埋一齊，已經食唔到蝦味加上米紙又無味，我覺得自己係度生食雜菜，好在有汁點，我最後仲要用青咖喱汁點黎送入口
青咖喱豬頸肉配法包：法包放係個長杯度，好靚好精緻！而且真係即焗的，又熱又脆，齋食都好味！青咖喱有椰汁味，唔辣，甜甜地，正！豬頸肉反而一般，似普通豬肉，睇黎都係以curry取勝！
牛柳粒炒紅飯：比較香的炒飯，牛柳粒比較老，而且份量很小，無甚特色～
焦糖雪糕香蕉布甸：佢居然唔俾dessert menu我，要我自己去cashier攞......有生意都唔做款款都好精緻，見網友話香蕉布甸係signature cake，就捨棄香蕉酥而揀呢個，賣相已經好精緻，因為個布甸放係焦糖奶汁入面，個樣好似火山爆發咁！焦糖雪糕無乜特別，香蕉布甸真係好香香蕉味，而且比較實身，好好味！而且份量唔大，如果有同行多Ｄ人好甜品的話不妨叫多幾樣share
食物係唔錯，但份量細，性價比不高，而且座位狹窄，waiter太少，好多時都唔得閒serve你，以呢個價錢黎講，無論係味道或是服務都有改善空間。
不過，食夠$200可以有$15coupon送，除左rice paper，EXP等好多連鎖店都用得，仲要唔一定要係又一城，OK抵，係本次越菜的最大收獲

呢度環境不錯，都算寬敞，感覺幾舒服，我哋坐近溜冰場，仲可以一邊食一邊欣賞別人溜冰tim。

小食拼盤 - 有魷魚圈、魚餅、軟殼蟹卷和沙爹，魚餅少少辣，有點香草味，味道不錯，沙爹雞都幾香口，味道OK，如果有沙爹醬會更好，軟殼蟹卷嘅味道就一般啦，魷魚圈辣辣哋，但唔脆，味道痲麻哋。

咖哩牛腩 - 牛腩夠腍，咖哩味又香，配上香脆嘅法包，實在好味。

虾炒飯 - 賣相不錯，味道OK，蝦都幾爽口但只得四只，少咗D。

埋單$350，價錢偏貴，食物OK，勝在坐得舒適。

月初才首次光顧「Rice Paper」，到月尾已經再翻兜一次，原因除了是對此店的感覺不錯之外，還有就是手頭上有兩張，上次光顧後所送的Coupon，其實是有點「佢出豉油我出雞」的意味。

今次除了柚子沙律($58.00)會翻兜之外，其他的數款食物也是新嚐試。分別是地道風味生牛肉湯河($68.00)、今日越南春卷($58.00)與及甜品香蕉布甸．蜜香脆糖雪糕($48.00)。

先來地道風味生牛肉湯河，除了一大碗湯河外，還有辣魚露，與及一小碟芽菜、油條及金不換。先呷一口湯，味道尚算濃郁，可惜不夠複雜，有點單調。牛肉有點過韌，還好牛肉味濃郁。小碟內的油條確實有點怪怪，不脆不香，口感亦不太似油條。河粉夠爽口，算是整碗湯河中最出色的材料。以湯論湯，還是老同在西貢的店子出色得多。

柚子沙律的水準跟上次差不多，這次的柚子較酸了一點，同時亦欠缺了一點新鮮驚喜之感。今日越南春卷上次看見鄰桌的客人點了，已打算一試，因為其春卷皮不是自己最怕的「白色」那種，再加上看上去肥肥大大，十分吸引。外皮炸得鬆脆，反而餡料的味道不太突出，較為淡口，用生菜包著，下點青檸汁，再加多一些魚露來吃會較好。

最後一道是甜品香蕉布甸．蜜香脆糖雪糕，外型十分有一柱擎天之感，香蕉布甸似香蕉蛋糕多一點，味道不錯，香蕉味與甜味調得剛好，糕身亦夠堅實。面層的雪糕同是一貫的出色，只帶淡淡的甜味，再加一些蜜甜味的脆糖，感覺良好。在最低的甜漿，以為只是一般的牛奶味，入口時才知道原來是椰子味，還要是兒時常吃的甄占記椰子糖的味道，實在叫人驚喜。

三道菜再加一款甜品的份量剛好，除了地道風味生牛肉湯河之外，其餘三款也屬合格以上之作。一個月內第二次光顧，食物質素保持，看來是一間水準穩定的店子。

有幸收到 OR 的電影贈劵, 約了朋友一起看。晚餐只有大約一小時來吃, 到處都是人, 行過這裡, 見還未滿座便來了。其中一個原因是, 我們見到有個自選越式套餐, 價錢尚算相宜。

被安排坐走廊位, 往外望便是向著溜冰場的「扮露台」位了, 如果訂了位又不怕凍的話, 坐那裡該會更有情調呢。不過好在人不太擠, 也坐得幾輕鬆。

$288 2 位用的自選套餐含前菜、主菜2款和甜品 2 客。

前菜
越式炸春卷 + 串燒沙嗲雞 + 米紙卷 + 柚子沙律
炸春卷不算好吃, 有點兒炸的太淋; 沙嗲雞甜甜的, 似泰式多過似越式; 反而兩款較清新醒胃的米紙卷和柚子沙律瞬即給我們吃光!

主菜
在眾多選擇中選了扎肉撈檬和蟹肉幼米線。前者不用多介紹, 扎肉片和撈檬汁、紅椒絲和魚露已漂漂亮亮地排了盤, 加進以金不換、菜絲和檬粉砌成的小山, 拌好就可以吃了。為了照顧大眾的口味, 這裡的魚露已給調成清淡的版本, 鹹鮮味都不夠, 然而蔬菜充足, 就當是吃得健康點吧。後者一大碗嫣紅的麵湯原來是以蕃茄為底, 頗有點吃「檬要」的況味, 甜酸合度卻不油膩, 令人胃口大開。米線可說是米版天使麵, 可能是太幼身, 其實浸得有點腍, 不過湯底才是主角啦。

甜品
香蕉布丁配蜜香脆糖雪糕是 Rice Paper 的招牌甜品之一, 第一次吃到的時候確然印象難忘 (http://www.openrice.com/restaurant/commentdetail.htm?commentid=1999119), 在套餐裡出現的則是迷你版本。縮了水的布丁伴著雪糕吃仍然可口, 稍嫌布丁本身烤的有丁點太過火乾身, 而脆糖則早已乖乖躲在布丁裡了。

星期一至五有特飲買一送一優惠, 也是要同款的, 上次試過的什麼紫蘿蘭青檸梳打真的不太好喝, 所以今次要了沙冰, 選了算是最正常的芒果．菠蘿．荔枝沙冰 ($38)。看材料的排名, 就知是芒果味佔重, 菠蘿和荔枝味都不知所踪, 猶幸沙冰打的幼滑, 當成普通一個芒果 Smoothie 來喝也無不可, 正價點來喝的話就不太抵了。

大抵店方都知道戲院客的需要, 上菜是相當的爽手, 除了甜品追了一次之外, 服務方面也沒什麼好批評的地方了。雖然如此, 我們也邊吃邊談得很開心, 吃完之後還有十分鐘時間在附近逛逛才入場呢!

今晚最大既驚喜是係呢度遇見好耐無見既朋友和她可愛既囡囡。
食物味道幾好，而且有些fusion菜試下 ~
我地要左自選越式套餐：
頭盤：越式炸春卷香脆但無油淋淋既感覺；越味沙嗲雞野味，雞肉嫩滑；泰腸菠蘿米紙卷食唔出泰腸有咩特別，但清清甜甜都唔錯；柚子沙律酸酸甜甜好味，但份量太少了。
主菜：越式扒厚厚三文魚肥美又唔腥，好味；馬沙文香科咖啡哩焗牛腩配蒜茸包 (加 $6) 的牛腩焗得腍身，咖哩汁香而唔辣，點蒜茸包食正！
加 $32 有越式炒雜菜，雜菜好似白烚甘既味，好差！
甜品：香蕉布甸配蜜香脆糖雪糕好好味，真想食多一件！

上次吃過由老同主理的真味越菜後，突然對越菜有了興趣，今次來到「Rich Paper」，又看看此店的水準如何。

店一開便入內，坐在近溜冰場的位置，雖然有點嘈，但勝在夠開揚。看過設計得不錯的餐牌，便決定先點一個沙律及兩個主菜。

先來鴛鴦柚子沙律($58.00)，原來除了餐牌設計得不錯，連食物的賣相也有點講究，當然單看食物的價錢已可預計。鴛鴦柚子即共兩款柚子，西柚及普通柚，兩款柚子的酸度不高，上面再加上一些乾製的蒜片及小蝦，味道十分出色，是一款十分醒胃的前菜。

再來第一道主菜香鴨茄子黃薑飯($88.00)，食物擺放得精緻。茄子已切得細碎，味道只帶略咸，黃薑飯的色水均勻，只是味道不太突出。香鴨夠香，鴨味亦濃，但如果鴨肉再嫩一點會更出色，但已算是一款令人有驚喜的菜色。

第二道主菜青咖哩．蒜香金不換羊架(配法包)($128.00)，法包插在一隻玻璃杯內，甚有台型。除了台型外，法包仍熱，外脆內軟，空口吃也不錯。羊架不算太腍，但用刀叉切後便問題不大，羊羶味不重，所以對喜歡羶味的我有點不夠。青咖哩只帶微辣，稀稠度恰到好處，用來點法包十分適合。

吃罷前菜與沙律，再點了滴漏咖啡($30.00)，此店的煉奶是另上一小瓶，滴漏完成後，在未加煉奶前先呷一口，咖啡苦澀味不重，再加入煉奶，在奶味的帶動下，令味道更合自己口味。

雖然已九成飽肚，但最後忍不住多點一款甜品香蕉千層酥+雲呢拿雪糕($68.00)。送到後先吃會溶掉的雲呢拿雪糕，夠滑而甜味不重，不會感到喉頭被糖份包圍著，絕對是驚喜。而香蕉千層酥感覺上有點似拿破崙，只是餡料只有香蕉一款。香蕉的甜味重，差不多沒有一點酸味，千層酥薄薄一層，我還是喜歡厚一些的，所有材料與奶油醬汁一起吃，有豐滿的感覺。

此店的地方裝修得頗精緻，以白色為主調，再加上天花用作裝飾的吊扇，頗有亞熱帶地區的風情。服務方面算細心，亦勤快有禮，感覺不錯。雖然價錢對我來說算是偏貴，但久不久品嚐一頓精緻的越菜，是一個不錯的享受。

星期六的下午，早餐和午餐都沒吃過，到九龍塘，第一間想起的是simplylife。不過是日到rice paper看看，竟然有下午茶。不用多想，入座為先。

坐到近門口的卡位，很舒適。男友早已吃過lunch，於是我選了兩個tes set，一咸一甜都由我包辦，男友負責喝餐飲就夠了。

先說說餐廳的環境，無論餐具、餐牌等都十分漂亮，是我期待已久的餐廳之一。不過一直沒來都是因為價格不便宜，又害怕食物和環境不成正比，所以久久未有成行。這次小試下午茶，絕對是權宜之舉。

先來兩杯餐飲，我選了lime soda，男友點了iced coffee。這裡的lime soda頗認真，足足有兩個青檸的份量，不像其他餐廳只有薄薄的兩三片。凍咖啡聽男友說是不錯的。

咖哩蟹皇碎米飯($48)︰賣相十分精緻，咖哩椰汁味香濃，用來配飯很美味。蟹肉份量不多，偶會吃到少少蟹殼。飯又是驚喜之處，飯中有些蟹籽，口感脆卜卜。

你最喜愛的蛋糕($45)︰我選了marble cheesecake，看其份量少少，原來味道蠻好的。先是芝士餅很滑，不會死實實；餅底是巧克力餅底，令蛋糕生色不少。

服務一般，不過環境、食物搭救，下午茶值得一試。

某一夜晚同友人去左又一城行 .. 本身想食板前 .. 但等位等到痴左線 ..EXP又勁多人排隊 .. 於是去左RICE PAPER .. 其實想去好耐架啦 不過見佢好似幾貴咁 .. 咁諗住唔使等位就試下啦 ..
入到去我地叫左個2人SET DINNER ..
唔算多野食囉 .. 最尾我地都係食唔飽 .. -0-
有個係串燒春卷同炸蝦餅 .. 不過不失啦 唔係話好難食亦唔係好好味 ..
跟住有個係DIY既RICE PAPER軟X蟹 . 但想講 .. 好難食 . 最尾我都係放棄左自己整 .. 淨係食個軟X蟹算 -0-
個炸雞(半邊) 咸咸地 .. 但係都係好普通囉 ..
最尾甜品 .. 叫做係成餐最好食架囉已經 .. 我唔記得左個名叫咩 .. 係醒糕係面 .. 下面係蛋糕咁樣架 .. 其實我覺得甜左D 但友人話岩岩好 ..

埋單咁都三百七蚊 .. 仲要唔飽又唔好食 .. 一定唔會再黎 !!!!
係環境真係好好囉 .. 好中意果度D INTERIOR DESIGN ..

呢間野環境都唔錯,亦唔覺得迫~我地四個朋友仔食飯!

首先個龍蝦沙律,唔錯唔錯,佢仲有d柚子,好開胃!

菜雖則簡單,但係好爽好清甜,好味!!

黑茸露湯,呢個就ok啦,我覺得稀返小小就會好d!

青咖哩都幾好味,配埋包比你,唔錯丫,不過如果配飯仲好呀!

有個係唔知咩葉包住既卷,入面有d肉,但係我覺得唔好食!!

大蝦普通,無特別!

甜品
朱古力o個個類似心太軟,我幾鐘意,同埋佢入面流出黎既朱古力有少少苦,對於喜歡食黑朱古力既我好鐘意!!!!

另外o個個因為唔係我食,講唔到佢係乜黎,但係兩位朋友都話正!!


呢度對於幾個朋友傾計or 情女黎食野都唔錯既!!唔洗比人bear bear 共~

真係大鄉里，第一次去呢d咁高級既餐廳食越南菜。我地5個女仔，叫左個6人餐，因為懶得諗有前菜又有甜品。個餐有好多野食，又加喱，又青口，又有炒粉。
我就長話短說，介紹一下令我最回味呢....................
就係果個軟殼蟹天婦羅，本來係用d紙包住黎食，不過我地個個都唔鍾意，
(真係好似食紙咁)，好鬆化又香口，I like it!!!!
仲有個炸子雞，塊皮都香脆，+上本身我都好鍾意食雞，不過就油左少少。
至於個甜品呢，就係香蕉雪糕蛋糕，我d fan就超鍾意食，仲食左2客，crazy....(等左超耐)
我就覺得太甜，而且尾聲既時候已經超飽..就左一半就放棄。

D位又坐得幾舒服，有卡位，我地仲hir都人地收鋪先走..真係抵返晒啦!! (唔記得影相 ><)

六月份，太公和組員去rice paper 吃了兩次午餐。由於兩次光顧，午市menu都是同一個，也就不如合拼一寫吧！ (懶！)

rice paper的午餐有做set, 有11款可選，價錢由$58-$128，配一杯飲品。月頭第一次到訪，每人先點一個餐，再分甘同味：

脆皮吊燒雞 ($98)：皮的確燒得香脆，而雞也夠肥夠嫩滑；淋上點青檸汁和帶酸辣的醬汁同吃，很惹味。

扒大蝦蛋冷麵 ($85) 麵質不夠爽口食致命傷；而醬料也不見出色，沒甚食味可言，只有頂上那隻大蝦勉強充撐場面。

生牛肉湯河 ($68) 牛肉不是生的，而且是過熟，不夠嫩也不夠鮮；猶幸河粉夠爽滑，湯頭簡簡單單的也不錯

豬肉凍檬 ($65) 豬肉是豬頸肉，不過不失；檬粉也夠爽口，伴越南醋吃，酸酸甜甜的相當清新；質素四平八穩，沒有驚嚇，也沒有驚艷感。

蒜香鮮菌炒米粉 ($68) 炒得不夠乾身，鑊氣不足，不夠香口，味道較為遜色。


惠顧午市套餐可加$20配一人份小食一客 (可惜沒有甜品)。既是監製請客，也著實不客氣要了幾款：

蔗蝦x2：一人份只有兩件「半條」的蔗蝦，二人份剛好給四個人份；此蔗蝦做得很好，用的蝦夠新鮮，而蝦膠也打得夠爽滑；中間那小小的蔗支，咬下去竟也是蔗汁豐盈！

柚子沙律：新鮮柚子加上酸甜醬汁，和一些乾葱，酸甜平衡得宜之餘，也很香口。

泰腸菠蘿米紙卷：米紙卷不夠爽滑，泰腸只有薄薄的一片，肉味不彰；過搶的菠蘿與米紙之味不太配合，實屬一般。

愛蝦的監製當然少不了要柯打一客蝦餅 - 新鮮蝦膠混進些檸檬草，咬下時，濃厚的鮮甜之味滲著獨得的香味；用附上的生菜包一下同吃，為濃烈鮮和添上一股清新感，很是清采！

第二次光顧，叫的食物相若，不過我就選了馬沙文香料咖喱牛腩配法包取代凍檬；咖喱牛腩的椰汁下得太重手，咖喱和香料本身的香都被溝淡了；猶幸牛腩夠嫩，牛香頗為濃厚；而那法包更是妹仔大過主人婆，皮脆外軟，沾些咖喱汁吃，實在冇得頂....


不過，人手始終不足，兩次光顧，都遇到「舉極手都冇人望到」的情況，每每要我們自己走去水吧求助....雖是經濟不景，但始終rice paper 索價不算便宜，人手不足搞到要客人經常要「自助」，次終有點說不過去吧....

今天星期天，中什跟靚女emily去了又一城吃午餐，因想坐得舒服些，故去了paper rice。
其實已經是第三次到這店子吃東西的了。因為可能是還早的關係，故人 不多。我們坐在「外面」，環境還不錯。也算「寧靜」吧。

我們兩個人，吃了一個炒金邊粉、一個蝦餅、蒜蓉包及兩杯飲料。全部味道也不錯，比想像的好。雖然侍應很少過來，但也蠻細心的，就如我夾去最後的一片蝦餅時，侍應過來收碟，也會體貼地把放在碟上的芒果醬汁留下，真是蠻貼心呢!

總括來說，食物的味道不錯，但是價錢也不平宜。我們這樣一吃就是280元@@
靚女emily也說有點貴，建議下次我們平時來吃，因為有lunch set的話應該好很多吧!!哈哈!!

朋友們提早與我慶祝生日﹐我第一次嘗試這家店。

食物賣相好﹐可是味道就一般合格。Lemongrass 特飲在做買一送一﹐價錢相宜且味道不錯﹔但是朋友勁彈 Sugar Cane 特飲味道不好。

服務就真麻麻﹐飯後我們談天之時﹐服務員問完我們不點甜品之後﹐竟然一個小時都沒有再過來我們的檯﹐也沒有添過水給我們﹐直至要埋單才過來。一家看似高級餐廳﹐服務就真是強差人意了。

今晚近近地與女友落又一城食飯，求其選了呢間店，入到去例行問下你有無訂位，被安排坐係一處又迫又嘈既地方。
女友當然唔會就咁算數，要求轉枱，最後當然轉左去一處清靜舒適既坐位啦。
點了圖中的酒菜，有好有不好，最後點了一碗生牛河，侍應很細心地叫廚房將它一分為二，兩碗上枱，哈哈.....好耐無見過呢 d 細心的服務態度。值得一讚，我們呢餐很滿意地離開。個男侍應英文名是 k 字行頭，希望大家有機會俾佢招呼你啦。

第一次試越南菜，朋友介紹去又一城rice paper。我事前預先訂位，但去到其實人唔係太多，我諗walk in應該ok。

三個人要左四道菜，其中招牌紙卷同春卷唔算脆，但味道不錯，幾有特色。其他燒雞等都無乜特別，整體唔算差。

環境方面倒是不錯，侍應的態度十分好，這方面可加分。