5
0
0
港鐵觀塘站 B2 出口, 步行約4分鐘
繼續閱讀
營業時間
星期一至日
10:00 - 22:00
以上資料只供參考, 請與餐廳確認詳情
話說上星期五約左朋友去食LUNCH, 因為就朋友係觀塘返工, 所以約左係觀塘等. 中午去到觀塘, 簡直人頭湧湧, 比起灣仔有過之而無不及, 正當苦惱去邊度食LUNCH 0既時候, 朋友打來話唔駛我諗, 咁當然萬二分感激. 話咁快見到朋友, 佢就帶左我去左工廠大廈, 等LIFT 0既時候心諗唔通去CANTEEN食? 上到去, 先發現原來宜家0既工廠大廈已經唔同晒樣, 有各式各樣0既店鋪, 仲有唔少食肆. 個FRIEND好純熟咁帶我去左間餐廳, 間餐廳算係有少少裝修, 不過勝在唔算好多人, 比起街外人山人海0既場面, 別有一番感覺。 呢度係先付款再自取, 叫左個煙肉蘑菇蛋汁意粉, 坐低, 等左陣就有得食, 六十幾蚊, 除左意粉, 仲有湯, 有沙律同野飲, 都算幾抵食. 食左個意粉, 水準高一般餐廳0既唔少. 食埋個沙律同飲埋個場, 超滿足. 個人覺得係觀塘要搵個坐得舒服又好味0既地方食LUNCH真係唔易, 呢度係一個唔錯0既選擇.
繼續閱讀
有日出去觀塘搵個frd，不過佢又唔得閒同我食lunch，咁無辦法啦，唯有自己搵嘢食啦！行經駱駝漆有個阿姐派傳單話樓上開左間新餐廳，而小妹又好鍾意試新嘢，可以一試！一上到去，店內座位唔太多，廿零個位左右，我揀左個面壁位坐，有獨立空間幾好丫 呢度食飯係要先去counter 買左嘢食先，然後會有個號碼籌，記得將個籌放喺當眼位置，佢地嘅staff 見到就會送食物過黎。呢度嘅午餐每個月會轉一次，星期一至五都有唔同嘅嘢食，套餐價五十零蚊，又有湯或者沙律送，仲有埋飲品，呢個份量對小妹黎講真係好夠食！我上星期五去，揀左個鮮茄海鮮意粉、跟左個西湯～意大利什菜湯、同埋可樂。小妹好鍾意食意粉，同埋唔鍾意食太lum身嘅意粉，食過呢個鮮茄意粉，d意粉唔會太硬又唔lum，用料十足，真係食過番尋味！個意大利什菜湯又係值得一讚，裡面有粟米、甘荀、估唔到嘅係仲有蕃茄蓉 喺觀塘返工嘅朋友都可以黎呢度試下^_^
繼續閱讀
話說老友近日準備小登科，於是請班兄弟出來食餐好o既，食飯前神神秘秘唔公開地址，跟佢上到去重心諗你帶我來OUTLET做乜?點知原來老友尋幽探秘發現桃花源，想同我地分享下。好，廢話講完講番D野食先。首先要講一個重點，就係D野係靚到你唔捨得食一開波餐湯一睇係紅色，本人本身係唔飲o既，不過見咁多海鮮係湯入面一試無妨，但係一試之下都忍唔住要添飲之後大廚親自拎左碟野出來，望一望同我係日本食過o既和牛刺身一樣樣，原來老友一早訂好左和牛來做刺身，魚刺身就成日食，肉就真係少D，食落去口感一流，有一種好鮮o既肉味得來又唔會令人抗拒重點係不得不提個蒸蛋真係不得了，海膽有蛋香，蛋又有海膽鮮味，直情想拎碗白飯食嚟撈撈佢主菜有牛有羊，食材高級程度絕對可以令你放心叫3成熟，入口即溶，不得了最後兩個甜品聽聞好似係大廚自創，佢精緻o既程度直迫分子料理!!
繼續閱讀
同事升職嘉仁宮咁當然要食餐好既賀下佢啦！上網見到公司附近工廈有間新開既包場公司有私房菜食，上去視策過環境ok就決定去馬！收工7點成班10個人浩浩蕩蕩衝上去，見到間鋪頭已經set好晒個場等緊我地上去，我心諗終於唔洗同人逼同人爭位喇！(感動ing...)間野環境唔錯，私隱度一流，最啱我地呢班吵鬧的孩子，怕嘈到人嘛，哈哈入正題喇，先黎幾款ham同沙律做頭盤，特別喜歡一款西班牙既ham，唔記得叫咩名，唔太咸帶少少甜味. 之後就係我期待既生蠔拼盤喇，當晚大廚推薦左幾款，有法國，南非，蘇格蘭，隻隻都好高質！陪合埋大廚推薦既白酒，滿意！Main我地選擇左share燒雞，羊架，同燒安格斯牛肉，三樣都好好食，我個人特別鐘意個燒牛肉，雖然有少少肥，但係火候剛剛好！同埋一般餐廳都好難試到原條燒牛肉呢！不過食到呢度我已經好飽，pasta同risotto食左少少就食唔落喇...甜品之中有一個佢地自家製的apple combo pie，超好食！食得出個大廚好比心機整，同出面普通餐廳甜品hea做有好大分別！滿意！希望呢間鋪可以一路keep到水準，唔係我地呢班吵鬧的小朋友又要搵其他地方落腳喇
繼續閱讀
上星期朋友請食飯, 去左觀塘駱駝漆大廈, 第一次去呢d工廈, 發覺原來d工廠大廈已經變晒樣, 好多人都特登去到買野. 跟住朋友上到去間餐廳, 原來間鋪日頭用來賣野, 夜晚先招呼客人, 一晚淨係做一枱客, 夠晒PRIVACY,傾野最0岩. 雖然間鋪細細間, 但係d食物十分有水準, 一開始食左個刺身拼盤, d帶子大大粒, d蝦又大又甜, 十分滿足.跟住食左個頭盤, 個WAITER講左堆英文聽唔到, 總之係個蟹肉批, 又係好味度. 之後出左個松露湯, VERY GOOD. 主菜我揀左燒牛肉, 宜家諗返都流口水. 最後加多個薑汁疏乎李, 完滿結束.
繼續閱讀