Happy Friday~
友人想食pizza, 於是搵位~

我就想試下佢個新款PIZZA食落, 原來係一粒粒的蝦丸....UM...味道都OK既, 不過就無咩特別, 除非你好鍾意食蝦丸...

叫了兩個跟PIZZA既優惠小食~分別係芝士薯條與烤雞沙律芝士薯條
油左D, 味道很好呢個話係烤雞沙律....但個雞係無烤過既痕跡, 食落亦唔香口
不過勝在係優惠價, 而且都幾大碟因為三個人, 驚唔夠食, 所以叫多左碟意粉
呢個係松露長通粉~!
惹味~!!食左好多~

情人節當晚，度度都要等位，pizza hut叫做唔算等得耐，是關係等位飛上面印著限坐一小時。當然，派飛員工是沒有提醒顧客的。如果一家大細，有老有嫩就不要吃了，否則會像鄰座的客人，還沒吃完就硬要埋單。

講返自己食個餐先，這晚要左個set dinner，唔使諗咁多吖嘛。餐湯，忌廉蘑菇湯，落單後約十分鐘到，好濃好creamy，唔錯。餐飲要了coke同cream soda。焗肉醬意粉，離餐湯約十分鐘後到。好熱，意粉亦夠硬身。但肉醬偏酸同出水，麻麻地。海陸厚肶，有腸，肉粒，人做蟹柳為配料。味道唔錯，甜甜地嘅蟹柳令芝士無咁膩。但係食完個意粉後成廿分鐘先到囉，食第二塊已經要埋單。諗食咩，揾人落單都已經用左十分鐘…等食，每一樣都要等，得一個鐘真係超趕，佢個pizza又遲遲唔到。單都未埋已經叫定客係走廊等位…

同我地差唔多時間埋單嘅隔離枱同侍應講話佢地個甜品未到，個侍應仲話返佢地話有落甜品咩，客話個餐有…見到位侍應黑哂面入去問前枱，最後上左甜品，不過等位嘅人望住食啫。

今晚倆口子係旺角搵野食,先生話想試新意粉,於是就去PIZZAHUT 食,呢間都來過幾次堂食
服務都算不錯,環境就一般,座位都幾迫,而且比較嘈吵,可能多人食既關係
二人叫咗一個千島海鮮厚批&蕃茄醬海鮮意粉

蕃茄醬海鮮意粉 >> 份量同海鮮料比較少,但幾好味,不過唔夠熱,只係微暖
千島海鮮厚批 >> keep 到水準,味道不錯,由於即塲食,所以脆卜卜,好香口,正!

不久前在九龍灣Pizzahut吃午飯，記得那時還有lunch set的餐牌，可是這次來到旺角鬧市這家Pizzahut，店員遞上餐牌卻欠奉。找來服務生問個明白，給予的答覆竟是「等我問問先」。這樣的答覆讓人覺得這個優惠似是新推出，而店員不清楚有關的promotion。事實是，這個優惠已推出至少有一年之多，上年暑假我還在黃埔吃過呢！起初大概以為這服務生是新來的，對優惠條款不太清楚。怎料點餐時，鄰枱的客人卻走過詢問我手拿著的餐牌是怎麼一回事！這難道是餐廳的一種握銷手法嗎? 單點的話價錢可差得遠了！午市套餐點了葡國雞飯，附送蒜蓉飽兩件及無限添飲的汽水。送上的蒜蓉飽有蒜香味，可是卻一點也不熱，有失水準。葡國雞飯是熱騰騰的，葡汁滿溢，完全蓋過了飯。雞肉多是切成薄片，數量也不少，而且嫩滑，水準不過不失。

也試了友人的至尊厚批pizza，即叫即焗，特別脆口。優惠午餐推出的迷你批，一批四小件，正合二人享用。要是沒有爭取那個優惠餐牌，大概不單會浪費金錢，也會浪費食物！

難得day off就約左朋友去行街街.
我地成1點幾先出去,所以出到去咁岩好hi tea…嘻嘻
由於好耐冇食過pizza hur,決定去pizza hut hi個tea先~
我地2個女仔叫左好多野食丫…><
千島海鮮迷你鬆厚批底, 千層肉醬闊麵, 牛肉丸拼意式迷你腸
包2個cream湯+3杯餐飲…千島海鮮迷你鬆厚批底 : 我個人覺得比以前好食左,雖然係厚批, 但個底一d都5硬.好軟嫁!!!最重要係….依家d芝士可以拉到條絲出黎嫁!!千層肉醬闊麵 : d闊麵硬左d,薯蓉太多啦!!!!太佔位…牛肉丸拼意式迷你腸 : d肉同腸冇咩特別, 但d蕃茄醬好好味,好濃味!!!

2個人食咁多野真係超飽嫁!!最後千層肉醬闊麵係食唔晒!!
如果tea黎講…千島海鮮迷你鬆厚批底係值得食!!!

今日同男友食晚飯，黎呢到食真係要比多啲耐性，
因為呢間PIZZA HUT太多人食啦，次次去到都大排長龍！
好彩我男友夠細心，一早攞定飛等我黎姐

我同佢散叫左兩個意粉同飯黎食，
焗菠菜雞皇意粉同意式雞皇飯。
個意粉份量都幾多，啲醬汁又岩岩好，
唔會太乾亦唔會太濕，真係正
飯既汁又係較到岩岩好，無焗燶到，
每啖飯都食到啲汁，都係正啦！

最後嗌左杯野飲解解渴，
好似係叫朱古力咖啡曲奇冰，個名太長醒唔起啦！
飲落啲冰唔會太散，有少少咬口，
味道好滑，三款材料既份量都岩岩好，好正

講完食物就講環境同服務啦，呢兩方面就麻麻地。
環境好迫，枱同枱之外就好少位，好似搭哂隔離兩張枱咁！
服務就嗌好耐先有人理，可能都太忙，
不過食物方面就出得幾快，尚算滿意啦。
雖然好食，但下次黎旺角未必會再幫襯，
因為唔想迫，去其他區食好過。

星期日同屋企人去旺角PIZZAHUT食Lunch,等咗十五分鐘就已經有位,門口位侍應姐姐都好好,見到我哋推住架BB車就幫我哋開度門搭升降機上去唔駛我哋行樓梯咁辛苦,PS:唔講都唔知度門後面竟然係升降機上到去我哋叫咗個至尊大批,辣味雞亦,白汁雞皇飯,肉醬意粉,以上所講嘅係套餐,另外我特別叫咗一客磨姑意大利飯,基本套餐嘅食物係保持到水準,但最令人喜出望外嘅係嗰客意大利飯,真係超好食嗰日我哋成家人個肚皮都好滿足,但可惜臨尾卻俾位0禮貌嘅男侍應生激到想死,我哋只不過想要杯水,我哋亦都好有禮貌講晒唔該,我哋叫咗兩次都係同一個侍應,第一次佢嘅回應係:你哋轉頭先啦!好!於是我哋等,大約過了7,8分鐘,我哋都係見到佢企喺度無所事事,於是我哋就再叫佢,,佢今次嘅回應係:你同我等等啦....聽完佢嘅回覆真係火都嚟,我即時回應番佢:我由你出世等到你而家啦!仲要我等幾耐呀!我駛唔駛等到你再投胎呀!我只係想要杯水咋,大佬佢即時好不忿地行咗去,我屋企人亦都因為咁而趕緊埋單走人,今時今日咁嘅服務態度真係好唔掂擋囉.....

食物保持到水準,但無論有幾好食,如果服務質素係強差人意嘅就真係好難再去幫襯囉.........

上次來這裡吃lunch時, 有同學拿了coupon
因此這次趁著人多, 就一起來這裡試試近來的新產品

一坐下馬上就拿起餐牌點餐, 芝士七重奏是必點
但人多大批也不夠飽, 因此再另外叫了2個學生餐

先來的是學生餐, 沒什麼特別, 只求飽肚但飲品可以添飲

等了一段時間芝士七重奏便來了, 我們叫的是有火腿和菠蘿的那款
大家都急不及待馬人開動
芝士味很濃, 而且批邊很脆, 就像芝士條一樣
菠蘿正好可以沖淡一下芝士的膩感
因為份量很大因此吃了一件多一點就已經很飽了
但整體上真的非常好吃!喜歡吃芝士的朋友一定要去試試!

今天約好和朋友來吃pizza,最主要就是來試新批, 就快7點了,但不用等位,上去時還見到很多位,我地坐近窗邊位置,叫了金黃芝士帶子批要鬆厚的、一個小食拼盤和一酌百事,侍應複單時都係咁講,要等10-15min,然後小食和百事先上,小食每樣都有3-4舊,有芝士腸、蝴蝶蝦等等...不太好吃,百事是成本幾毫子一杯的合成物,但這裡一杯就要18蚊,不久主角就到場了,我明明是叫鬆厚的,但這個一點都不鬆厚,我叫了幫我落單的侍應一問,但原來佢一點都不知道細節(只懂收野、加水、派餐,其他問乜都唔識),之後佢叫個高級一點的解答我,原來係呢個批只有one size,響我落單時又不說,d侍應問親乜都唔識答已經唔係第一次了,拜託請人時做多一點陪訓吧

講番主角,賣相金黃也帶點紅綠白點綴,色彩豐富,帶子有8粒,雖然大小不一,但口感不錯,配料有芝士、青瓜片、蕃茄片、菇片、鮮魷、桃粒、蝦仁等,醬汁不是我最喜愛的千島醬,但我吃不出是什麼了,餅底比傳統薄批厚一點點,吸收了上層材料的味道,每一啖都有不同的材料,但都是好吃的,芝士批邊雖然很漏,但是很香的芝士味令我可以吃到3塊,好吃還好吃,但令我最想光顧的味道是鬆厚批加千島醬的pizza味,是第一次吸引我想再幫襯的味道,但最近幾次堂食的服務都是麻麻地,看來還是外賣比較好了....................

大年初一, 去完親戚家拜年後, 又到媽咪老豆去舅父度拜年,

剩下我在家做宅女 新年流流~~就叫個pizza hut 外賣食下~~

最尾叫左海鮮寬條麵, 金桃焗麵包布甸, 蒜蓉包 海鮮寬條麵, 麵是好味的, 只是汁唔多.食到底個層開始乾爭爭...我最喜歡食麵包布甸的, 這個不能不試呢, 而且份量不少!!!

這個麵包布甸面層有幾塊金桃, 而麵包不會浸到淋晒, 加埋布甸真的很好味!!!!

最重要是不甜......雖然已經飽到上心口, 但還是把一整個全部吃完..大滿足呀。

現在看到圖片還是想再encore一客呢

蒜蓉包還是好好味, 只是價錢漲得愈來愈貴了...$20>$28..未免太貴