本來打算去花墟逛逛年宵花市, 剛啱路經蔡蘭介紹過嘅大記攦粉, 於是走入去試試!

豬腩肉攦粉(酸辣湯底) : 攦粉形狀似米線, 好彈牙, 好有口感! 豬腩肉爽口, 加埋酸辣湯底好醒胃!

炸魚腐, 炸蝦卷, 炸荾魚球 : 一食就知係用新鮮材料! 好香! 咬落口好有積感!

桂花榚, 芝麻榚,, 馬蹄榚 : 個人比較喜愛馬蹄榚, 其他普普通通, 都OK嘅!

服務態度就麻麻地喇, 總括嚟講, 只係攦粉同炸物比較有特色!

http://hk.myblog.yahoo.com/naodai09/article?new=1&mid=74

大記攦粉糕點專門店

今天在書店看了蔡san書的介紹，去大記嘗一下他們的攦粉


去到門口，門面不大，看進去也沒多少人，不管怎樣也進去了。點了一個豬面肉攦粉和生菜。

豬面肉沒有平時吃的肥，其是有點像普通豬肉，肉味蠻鮮，還有很多配料，好像芽菜，酸豆角，酸菜，雲耳 等，合起來味道有點甜酸，不錯。攦粉可能像蔡san 介紹是現做，不像一般的，很白，很滑，但不知為什麼很短。（70分）

生菜本來沒什麼特別，但可以配冬菇汁，加起來也特別。（70分）

吃到一點鐘，越來越多人，坐滿了，感覺大部分是熟客。

至於糕點，因為已經太飽，走的時候買了幾個回家，吃完再寫。

一坐低待應就俾餐牌我地睇

好快手

炸墨魚卷攦粉:墨魚卷炸得剛好,不會太多油,而且咬下去很有質感,攦粉似較粗的米線, 攦粉好滑, 好味

粉芋頭糕: 唔知點解好硬, 熱食都無甘硬 , 凍左先食唔好食

豆漿: 跟攦粉叫只需$5, 好大支, 味道幾好

今日去左大記食個lunch~ 比上次夜晚黎食多人好多!
叫左雞翼攦粉$21, 一件芋頭糕$4, 一件蘿白糕$4, 半價有杯野飲~
先講雞翼攦粉, 佢地好細心把雞翼另上, d 雞翼炸得幾好食, 不過細隻左d, 無咩肉。
同埋個湯唔夠熱。
呢到出名糕點, 更係要叫黎試下, 一件芋頭糕,一件蘿白糕, 不過我覺得媽媽整個d 更好食~
佢地煎得好油, 芋頭糕d 芋頭細粒d 會好d 囉, 太硬啦~蘿白糕無咩料既!
唔.....試過就算啦!!

鴨胸攦粉
鯪魚球小食
桂花茶
墨魚卷攦粉

小妹一向鍾意食瀨粉，所以都覺得攦粉不錯，墨魚卷香口好吃，即炸即上檯吧~
男友選擇鴨胸攦粉， 我倆都覺得湯不夠熱唷= =
鯪魚球小食都係即炸，所以也不錯，魚香味亦OK
那個桂花茶....唉....飲完佢我超級口乾....味道也一般....唔會再叫~

總括可以一試...但未必會再去...

試左酱爆丸攦粉( $18)，比我想像中多
d攦粉都幾彈牙。
再叫左d茶果( $10/3粒)，我鐘意食甜多d，so鍾愛豆沙茶果多d!!!!!好正
走個陣又買左3件糕 ( $10/3件)，桂花糕無想像中好味，但芝麻糕幾滑，椰汁馬荳糕都幾重椰汁味，正
兩個女仔食，夠晒，每人$24，又可以試咁多野，抵呀

友人曾經提及大記攦粉; 此乃家鄉麵;
順道去試一趟;
原來攦粉狀似米線, 但比較有咬口;
味道的確不錯; 但當日因為光顧時都比較夜;
差不多9:30pm, 好多推介都賣完;
叫了個墨魚片攦粉; 另一個係炸蝦餅攦粉;
尚算ok, 但屬清淡之選;
湯底並不特別;

30.6.2009
黎呢度食攦粉一定係夜晚練完波食
今次要了鮮牛肉攦粉加杯凍檸茶 $20
攦粉依然有咬口,真係一試就愛上
牛肉都好嫩入味,再加埋配菜,一碗加飲品份量剛剛好

外賣左6件糕點 $20

蘿蔔糕 x 2 : 幾挺身, 唔會一夾就散, 可惜冇咩蘿蔔絲, 粉多

芋頭糕: 芋頭比較硬 (食落去sok sok 聲), 唔係粉既, 所以唔夠香

芝麻糕: 好香芝麻味, 食落有d芝麻碎

薑汁蕃薯糕: 好似食緊蕃薯糖水咁, 好有薑汁味, 有少少辣

椰汁芋頭糕: 有淺淺既椰汁味, 芋頭都係唔係粉既


賣野個呀姐態度認真麻麻, 成日吹人快d講要咩, $10 3件都唔係好平咋,好似想你買完即刻走咁, 試過就算, 下次唔買lu

韮菜餃攦粉$18

曾經經過佢間舖，本來想買佢嗰啲糕，但門口有陣臭味，頂唔順走頭
今次冇陣味，入去食碗攦粉，真係好食過瀨粉，滑啲有米味，其實係咪即係米線呢？
韮菜餃個皮唔厚，韮菜味濃配咩都唔會難食
湯夠甜冇落味精，配菜多，有豆角、芽菜，幾慷慨吓

同事曾買過一些這裡的糕點, 試過覺得不錯, 有一次就特地去買多些。
糕點款式超多, 應有上廿款之多, 簡直眼花撩亂; $4 一件, $10 有三件, 件頭不小呢。胃納有限, 只買了 6 件。買的時候也得到其他食家遭到的待遇, 大家請注意跟店員落柯打的速度, 雖然我也很佩服他們的短期記憶力。

六件糕由上至下, 左至右排列:
雪耳紅棗糕 - 紅棗只有很少, 雪耳沒什麼味道, 取其爽爽的口感
鮮奶南瓜糕 - 那時時近萬聖節, 應下節都好, 黃黃的很 creamy 的一件糕, 入有少量南瓜肉, 我覺得幾好吃
桂花糕 - 是它裡面有點點桂花碎才把它認出來, 但其實桂花味是非常的淡
桂花桂圓糕 - 沒有吃, 但家人認為杏仁糕最好吃
杏仁糕 - 雪白的糕內有杏仁片, 個人認為本身的杏味卻不濃
薑汁蕃薯糕 - 也給家人吃了, 也是認為不及杏仁糕好吃

另外買了一樽桂花茶 ($8), 哎, 很難喝啊, 一來顏色不討好, 二來沒有桂花味, 只是一味的甜!

睇完電視覺得好似幾好味咁...就同媽咪爹地黎試下啦...我覺得d粉食落都幾得意...好好味~而我媽咪就比較鍾意佢地既糕點喇....點知食飽出去諗住買d糕點番去試下既時候就真係體會到各位網友講到佢地既服務態度真係差到冇人有呀

出面賣糕點果位人兄會首先會問你買幾多件...但係你唔可以講得太快...但係太慢佢又會唔like bor...咁我都明白既...有咁多人可能真係未必兼顧到既...但係我地買完一盒之後再排過去買多兩盒...咁我地見佢話唔好講咁快...咪講完呢盒先話下一盒要d咩lor...點知佢係度大叫"咁你究竟係買幾多盒嫁...要買幾多一次過講曬啦...唔好一d一d咁講出黎!!!"我聽完真係火到黎....人地講得快你又叫人地唔好講咁快...慢你話慢...d態度真係好難頂呀...我地只不過係黎食野者...唔係要受你氣嫁...同埋打開門做生意...顧客係好緊要嫁...d態度咁惡劣...如果大家真係想試既真係要諗清楚呀!!

我以前每個月都會幫襯攦粉同糕點,但現在我覺得呢間舖一開始比我地D網友讚得多就質數下降,攦粉加價我覺得唔緊要,好似現在去食墨魚卷攦粉唔會比佢以前會比既甜辣醤比你,鯪魚球攦粉會問下你要唔要蜆芥醤,糕點最過份,每款糕都收人$4元一件,每年縮水三份一,每次都買$10三件,我覺得呢間舖好慳,keep唔到水準唔會再幫襯

一間食店好與壞，食物質素及服務態度都好重要，大記係一個例子，首先講食物我個人覺得佢地個'墨魚卷'比較好味上枱時重熱，果個' 攦粉'就好普通囉。再講返服務態度就非常差，我同肥老公一去到見到張四人枱好自然就打對面坐，但'D'店員不停咁叫我同肥老公要平排坐（當時店內不很full），不過我睬佢都傻無理佢。

終於有機會去試下啦~~
間野門面好似普通茶餐廳咁, 細細間, 唔太多位, 唔講唔知佢有咩咁出名。
我地點左一個好多人讚既墨魚卷"麗"粉$25, 墨魚卷好食, 應該係即炸既, 熱騰騰, 同埋要等得比較耐先有得食~ 墨魚卷個樣似腐皮卷, 入面有D 墨魚肉+蝦肉~
另外點左個豬頸肉"麗"粉 $18, D 豬頸肉好食, 一D 都唔肥~
呢到最出名既"麗"粉, 其實好似粗身既米線, 都幾滑。
一個粉當中會有D 炒什菜, D 湯底又好味~~
呢到D 野食都唔貴呀, 一碗粉平均由$15-$25, 都幾大碗呀! 抵食~
叫一碗粉, 野飲仲半價~
呢到另外出名既係D 糕點, 不過可能我地係夜晚黎食, 個樣好似擺左好耐咁, 一D 都唔吸引~
唯有下次有機會再買~